პრეზიდენტი ტაიფუნ „ჰაგიბისის“ შედეგად გარდაცვლილთა ოჯახებს უსამძიმრებს

საქართველოს პრეზიდენტი სალომე ზურაბიშვილი იაპონელ ხალხს ტაიფუნ „ჰაგიბისის“ შედეგად დაღუპულთა გამო უსამძიმრებს. როგორც პრეზიდენტი Twitter-ზე წერს, „საქართველო იაპონელი ხალხის გვერდით დგას“.

პრეზიდენტი იმედოვნებს, რომ სტიქიის შემდეგ იაპონია სწრაფად შეძლებს განახლებას. 

ტაიფუნ „ჰაგიბისმა“ ძლიერი წვიმა და ქარი გამოიწვია, რომლის სიჩქარეც საათში 225 კილომეტრი იყო. სტიქიას ბოლო მონაცემებით 66 ადამიანი ემსხვერპლა. ქვეყნის მასშტაბით 92 ათასი სახლი ელექტროენერგიის გარეშე დარჩა, 120 ათასი ადამიანი კი სუფთა წყლის დეფიციტს განიცდის. 7 მილიონზე მეტი ადამიანი იძულებული გახდა სტიქიის გამო საცხოვრებელი სახლები დაეტოვებინა, მაგრამ მათგან მხოლოდ 50 ათასამდე რჩება თავშესაფრებში. 

I offer my condolences to the families of the victims of Typhoon #Hagibis. Georgia stands with the people of #Japan in this difficult time and hopes for a speedy recovery from this tragedy.

— Salome Zourabichvili (@Zourabichvili_S) October 15, 2019