imedi /  25 ნოემბერი 2019, 11:37 / სანდო წყარო

კალაძე: თემა დახურულია, 2020 წლის არჩევნები შერეული საარჩევნო სისტემით ჩატარდება

ქართული ოცნება

2020 წლის არჩევნებზე შერეული საარჩევნო სისტემა შენარჩუნდება. ამის შესახებ პარტიის ცენტრალურ ოფისში გამართული საპარლამენტო უმრავლესობის სხდომის შემდეგ პარტიის გენერალურმა მდივანმა კახა კალაძემ განაცხადა.

„გასული დღეების განმავლობაში, ჩვენი პარტიის სახელით, საზოგადოებას არაერთგზის მკაფიოდ გავაცანით საკუთარი დამოკიდებულება იმ პოლიტიკური პროცესების შესახებ, რომლებიც საარჩევნო სისტემის საკითხის გარშემო განვითარდა. თუმცა, ვინაიდან ამ თემის გარშემო კვლავაც არ წყდება პოლიტიკური სპეკულაციები, გვსურს, საზოგადოებას ჩვენი პოზიცია რამდენიმე გზავნილით კიდევ ერთხელ გავუზიაროთ:
 
პირველი: პროპორციულ საარჩევნო სისტემაზე 2020 წლიდან გადასვლა „ქართული ოცნების“ ცალმხრივი პოლიტიკური ინიციატივა იყო. მიუხედავად გუნდის ხელმძღვანელობის ძალისხმევისა, სამწუხაროდ, კანონპროექტმა პარლამენტის წევრთა შესაბამისი მხარდაჭერა ვერ მიიღო. ეს შედეგი მაჟორიტარი დეპუტატების ბუნებრივ წინააღმდეგობასთან ერთად დესტრუქციული ოპოზიციის უპასუხისმგებლო მოქმედებებმაც განაპირობა.
 
მეორე: ყველასათვის ნათელია, რომ საპარლამენტო უმრავლესობაში არსებული განწყობების გათვალისწინებით, რაიმე ახალი საკონსტიტუციო ცვლილების გარშემო, 113 ხმის მობილიზების რესურსი არ არსებობს. შესაბამისად, ეს თემა დახურულია, 2020 წლისთვის შენარჩუნდება შერეული საარჩევნო სისტემა, რომელიც დემოკრატიულ პრინციპებს სრულად შეესაბამება. აქედან გამომდინარე, პოლიტიკურმა სპექტრმა მთელი თავისი ძალისხმევა არჩევნებისთვის მზადებისა და არჩევნების მაღალი დემოკრატიული სტანდარტით ჩატარებისკენ უნდა მიმართოს.
 
მესამე: „ნაციონალური მოძრაობა“ და მისი დანამატები ფიზიკური დესტრუქციისთვის იურიდიული საბაბის შექმნას ცდილობენ და გვთავაზობენ ე.წ. გერმანულ მოდელს, რომელიც, მათი მტკიცებით, თითქოს, არ ეწინააღმდეგება მოქმედ კონსტიტუციას. აქ ნათლად იკითხება „ნაციონალური მოძრაობის“ ჩვეული ხელწერა, რომელიც სიცრუის ტირაჟირებით ცდილობს საზოგადოების შეცდომაში შეყვანას. ეს არის შეგნებული სიცრუე, რაც უმარტივესი სამართლებრივი, ლოგიკური და არითმეტიკული ანალიზითაც კი დასტურდება. შესაბამის არგუმენტებს აქტიურად ვუზიარებთ საზოგადოებას და მზად ვართ, ეს არგუმენტები ყველა დაინტერესებულ პირს სხვადასხვა საჯარო პლატფორმის მეშვეობით წარვუდგინოთ.
 
მეოთხე: ჯერ კიდევ 2017 წელს, „ქართული ოცნების“ პოლიტიკური გუნდის ცალმხრივი ინიციატივითა და ძალისხმევით, კონსტიტუციაში აისახა 2024 წლიდან პროპორციულ სისტემაზე გადასვლის გადაწყვეტილება. შეგახსენებთ, რომ ამ პროცესს „ნაციონალურმა მოძრაობამ“ და მისმა განშტოებებმა ბოიკოტი გამოუცხადეს.
დღესაც სწორედ ეს ადამიანები, ზუსტად იგივე შემადგენლობით, დგანან ქუჩაში და კანონსაწინააღმდეგო დესტრუქციული ნაბიჯებით ცდილობენ, პრობლემა შეუქმნან ქვეყნის მშვიდობიან და დემოკრატიულ განვითარებას. ეს ის გუნდია, რომელმაც 2008 წლის მარტში ხალხის გადაწყვეტილების, ანუ რეფერენდუმის შედეგების რევიზია, საპარლამენტო კენჭისყრის გზით, საკუთარი ვიწროპარტიული და საარჩევნო მიზნებიდან გამომდინარე განახორციელა და მაჟორიტარული კომპონენტი გააძლიერა, კერძოდ - 50 მაჟორიტარული მანდატი 75-მდე გაზარდა, ხოლო პროპორციული წესით ასარჩევი 100 დეპუტატის რიცხოვნობა 75-მდე შეამცირა. ეს ის გუნდია, რომელმაც 2010 წლის საკონსტიტუციო რეფორმის განხორციელებისას, საარჩევნო სისტემის ცვლილება განხილვის საგნადაც კი არ აქცია.

მოგვიანებით, ამავე გუნდმა და მისმა ლიდერმა, სააკაშვილმა სრულად პროპორციულ საარჩევნო სისტემაზე გადასვლის შესახებ დისკუსია ტაბუდადებულ თემადაც კი გამოაცხადა. შეგახსენებთ, რომ 2010 წლის ანტიდემოკრატიული საკონსტიტუციო ცვლილებები იმ პარტიების, არასამთავრობო ორგანიზაციებისა და ე.წ. ექსპერტების თანამონაწილეობით განხორციელდა, რომლებიც დღესაც ნაციონალური მოძრაობის ინტერესებს ემსახურებიან და მის გვერდით დგანან. ამ პოლიტიკურ სუბიექტებს არა აქვთ არავითარი მორალური უფლება, პროპორციულ სისტემაზე დასანანი ვერგადასვლის გამო, „ქართულ ოცნებას“ რაიმე პოლიტიკური ბრალდება წაუყენონ. მათ კიდევ ერთხელ მოვუწოდებთ, თავი შეიკავონ დესტრუქციული მოქმედებებისგან, დაიცვან კანონი და საკუთარი ძალისხმევა დემოკრატიულ არჩევნებში მონაწილეობისკენ მიმართონ;
 
მეხუთე: როგორც მოგეხსენებათ, საპარლამენტო უმრავლესობაში არის მაჟორიტარ დეპუტატთა ჯგუფი, რომელიც სრულად მაჟორიტარულ სისტემაზე გადასვლის ინიციატივით გამოდის. გუშინ და დღეს გუნდში გამართული კონსულტაციების შედეგად, ჩვენ ისინი დავარწმუნეთ, რომ გუნდი 2020 წლის არჩევნებისთვის ვერცერთ ახალ ინიციატივას ვერ განიხილავს. თუმცა, ჩვენ გაგებით ვეკიდებით მათ ზოგად ინიციატივას და შევთანხმდით, რომ ისინი გააგრძელებენ ამ მიმართულებით საქმიანობას, ოღონდ იმ პირობით, რომ საარჩევნო რეფორმის საკითხი საერთო-სახალხო კენჭისყრაზე 2020 წლის საპარლამენტო ან 2021 წლის ადგილობრივი თვითმმართველობის არჩევნების დღეს დადგება.
 
ბოლოს: მივიღეთ გადაწყვეტილება, არ დავაყენოთ ჩვენი კანდიდატები იმ მაჟორიტარულ საარჩევნო ოლქებში, სადაც, „ნაციონალური მოძრაობის“ ორი ძირითადი ფრთისა და მისი დანამატების გარდა, დანარჩენი ოპოზიციის ნებისმიერ წარმომადგენელს ან დამოუკიდებელ კანდიდატს ექნება გამარჯვების რეალური შანსი.
შედეგად, უზრუნველვყოფთ მომავალი პარლამენტის მაქსიმალურ პოლიტიკურ მრავალფეროვნებას.
გზას გავუხსნით ორგანიზაციულად სუსტ, მაგრამ ავტორიტეტის მქონე პოლიტიკურ ჯგუფებს და აქტიურ ადამიანებს, რათა მათ უშუალო და ქმედითი მონაწილეობა მიიღონ ხელისუფლების განხორციელების პროცესში, რაც იყო კიდეც ჩვენს მიერ ივნისში წარდგენილი საარჩევნო შეთავაზების მთავარი იდეა“, - განაცხადა კალაძემ.

პროპორციულ საარჩევნო სისტემაზე გადასვლის საკითხზე რეფერენდუმის ან პლებისციტის ჩატარების ინიციატივით ჯანმრთელობის დაცვისა და სოციალურ საკითხთა კომიტეტის თავმჯდომარე აკაკი ზოიძე გამოვიდა. მანამდე კი დიმიტრი ხუნდაძემ ქვეყანას სრულ მაჟორიტარულ სისტემაზე გადასვლა შესთავაზა

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. ამ გადაწყვეტილების გამო უმრავლესობა რამდენიმე წევრმა დატოვა. 

ყველა სიახლე

ირაკლი ბენდელიანი

15 ივნისი 2024, 23:58

საზოგადოება

ირაკლი ბენდელიანი: მომდევნო კვირიდან უნივერსიტეტის ქუჩისა და ქავთარაძის ქუჩის შორის დამაკავშირებელი საავტომობილო გვირაბის მშენებლობასა ვიწყებთ - ეს ერთ-ერთი გამორჩეული პროექტია

„ამ გვირაბის სამუშაოების დასრულების შემდეგ, 2-3 წუთში, შესაძლებელი იქნება ქავთარაძის ქუჩაზე და შემდგომ ვაჟა-ფშაველაზე გადაადგილება. ეს იქნება დაახლოებით 8-თვიანი პროექტი. იანვრის თვეში გვირაბის სამუშაოები დასრულებული გვექნება“, - აღნიშნა ირაკლი ბენდელიანმა.

15 ივნისი 2024, 22:49

პოლიტიკა

ირაკლი კირცხალია ოპოზიციაზე: საზოგადოება მათ საბოლოო განაჩენს გამოუტანს და ბიულეტენთან გააკეთებს თავის შეფასებას - მოემზადონ 26 ოქტომბრისთვის

ოპოზიციამ ქარტიაზე ხელის მოწერით ოფიციალურად დაადასტურა, რომ კოლექტიური „ნაცმოძრაობაა“. ამის შემდეგ საერთო სიას გააკეთებენ, ერთი ცენტრი იქნება, ორი თუ სამი, ამაზე პასუხია - შესაკრებთა განადაცვლებით ჯამი არ იცვლება, ისინი მაინც კოლექტიური „ნაცმოძრაობა“ არიან, - მის შესახებ საპარლამენტო უმრავლესობის წევრმა, ირაკლი კირცხალიამ „ქრონიკაში“ ოპოზიციის საერთო სიებზე საუბრისას განაცხადა.

ირაკლი ბენდელიანი

15 ივნისი 2024, 22:40

საზოგადოება

ირაკლი ბენდელიანი: ნებისმიერ ინფრასტრუქტურულ პროექტზე კომპანიებს ვუწევთ 24 საათიან მონიტორინგს

ნებისმიერ ინფრასტრუქტურულ პროექტზე კომპანიებს ვუწევთ 24 საათიან მონიტორინგს, - განაცხადა „ქრონიკაში“ თბილისის მერის მოადგილემ ირაკლი ბენდელიანმა.

კახა ჭუმბურიძე

15 ივნისი 2024, 22:14

სპორტი

კახა ჭუმბურიძე: ყველანაირი პირობაა შექმნილი, რომ გუნდი მოემზადოს, ბიჭებიც კარგ განწყობაზე არიან - ველოდებით გულშემატკივარს

გერმანელებს დიდი გამოცდილება აქვთ მსგავსი ტურნირების მოწყობის, არაჩვეულებრივი მასპინძლები არიან, როგორც კი ჩამოვედით, ეს იმ წუთშივე იგრძნობოდა, - ამის შესახებ საქართველოს ფეხბურთის ფედერაციის პირველმა ვიცე-პრეზიდენტმა კახა ჭუმბურიძემ განაცხადა.

ირაკლი ბენდელიანი

15 ივნისი 2024, 22:07

საზოგადოება

ირაკლი ბენდელიანი: 9 აპრილის ქუჩასა და წყნეთის გზატკეცილზე სამუშაოები 24 საათიან რეჟიმში იწარმოებს

თბილისის მერის მოადგილემ ირაკლი ბენდელიანმა „ქრონიკაში“ 9 აპრილის ქუჩისა და წყნეთის გზატკეცილის რეაბილიტაციის პროექტებზე ისაუბრა. მისი განცხადებით, ორივე პროექტზე სამუშოები 24 საათიან რეჟიმში იწარმოებს.

დიმიტრი ხუნდაძე

15 ივნისი 2024, 21:47

პოლიტიკა

დიმიტრი ხუნდაძე: რადიკალებმა ვერ შექმნეს ვერანაირი წინაპირობა იმისა, რომ არჩევნებში მათთვის სასურველი შედეგი დააყენონ. ამიტომ, რა თქმა უნდა, ისინი ირჩევენ დესტრუქციას

ოპოზიციის მხრიდან წარმოებული დესტრუქციული კამპანიის უკან, რაც საპირისპირო აზრის მქონე ადამიანების ბულინგში გამოიხატება, დასავლელი პარტნიორების მხარდაჭერასა და წახალისებას ხედავს „ხალხის ძალის“ გენერალური მდივანი დიმიტრი ხუნდაძე. როგორც მან ჟურნალისტებთან საუბრისას განაცხადა, ოპოზიციას სხვა რესურსი, გარდა დესტრუქციის, არ აქვს.

ირაკლი კირცხალია

15 ივნისი 2024, 21:19

პოლიტიკა

ირაკლი კირცხალია: ჩინეთი სტრატეგიული სავაჭრო პარტნიორია თითქმის ყველასთან და ვისთანაც არ არის, ყველა ცდილობს მასთან დაარეგულიროს და ააწყოს სტრატეგიული სავაჭრო ურთიერთობები - ჩვენ ეს გავაკეთეთ

ჩინეთი სტრატეგიული სავაჭრო პარტნიორია თითქმის ყველასთან და ვისთანაც არ არის, ყველა ცდილობს მასთან დაარეგულიროს და ააწყოს სტრატეგიული სავაჭრო ურთიერთობები და ჩვენ ეს გავაკეთეთ, - მის შესახებ საპარლამენტო უმრავლესობის წევრმა, ირაკლი კირცხალიამ „ქრონიკაში“ განაცხადა.

ირაკლი კირცხალია

15 ივნისი 2024, 20:57

პოლიტიკა

ირაკლი კირცხალია: ვხედავთ, რა ხდება ევროპის შუაგულში, ახლო აღმოსავლეთში, რა ხდებოდა ჩვენს სამეზობლოში ერთი წლის, ამ ყველაფერთან ერთად ჩვენი ქვეყანა მაქსიმალურად ინარჩუნებს მშვიდობას

ვხედავთ, რა ხდება ევროპის შუაგულში, ახლო აღმოსავლეთში, რა ხდებოდა ჩვენს სამეზობლოში ერთი წლის, ამ ყველაფერთან ერთად ჩვენი ქვეყანა მაქსიმალურად ინარჩუნებს მშვიდობას, - განაცხადა „ქრონიკაში“ საპარლამენტო უმრავლესობის წევრმა ირაკლი კირცხალიამ.

დიმიტრი ხუნდაძე

15 ივნისი 2024, 20:53

პოლიტიკა

დიმიტრი ხუნდაძე: პრეზიდენტმა სცადა, რომ ფეხბურთელების დაჯილდოების საკითხი შიდა პოლიტიკური ბრძოლის იარაღად ექცია და პოლარიზაციის ინსტრუმენტად გამოეყენებინა იმიტომ, რომ დღეს ფეხბურთი აქტუალური თემაა

„მორიგი უღირსი საქციელი“ უწოდა „ხალხის ძალის“ გენერალურმა მდივანმა დიმიტრი ხუნდაძემ საქართველოს პრეზიდენტის სალომე ზურაბიშვილის გადაწყვეტილებას, სახელმწიფო ჯილდოზე წარდგენილი საქართველოს საფეხბურთო ნაკრებისა და ფეხბურთის ფედერაციის რამდენიმე წარმომადგენლისთვის ღირსების ორდენები არ მიეკუთვნებინა.

ირაკლი კირცხალია

15 ივნისი 2024, 20:37

პოლიტიკა

ირაკლი კირცხალია: როგორ შეიძლება გამჭვირვალობა იყოს არაევროპული და გამჭვირვალობის შესახებ კანონი ჩაითვალოს ევროპული კურსიდან გადახვევად

„გასაოცარია, როგორ შეიძლება გამჭვირვალობის კანონი იყოს რაიმე პოლიტიკური გადაწყვეტილების მიღების საფუძველი. კანონი, რომელიც მათ ქვეყნებში მოქმედებს, რომელიც მათთან სუვერენიტეტის გამყარებას და ქვეყნის უსაფრთხოებას აძლიერებს როგორ შეიძლება იგივე, ბევრად რბილი კანონი ჩვენთან დემოკრატიას ძირს უთხრიდეს?!“

ირაკლი კირცხალია

15 ივნისი 2024, 20:30

პოლიტიკა

ირაკლი კირცხალია სალომე ზურაბიშვილის გადაწყვეტილებაზე: წარდგენილი სია სრულად უნდა დაეკმაყოფილებინა, ასეთ სასიხარულო, აპოლიტიკურ, ეროვნულ თემაზე რომ ასეთ დაყოფას შემოიტან, ეს პოლიტიკური ინტერესია

წარდგენილი სია სრულად უნდა დაეკმაყოფილებინა, ასეთ სასიხარულო, აპოლიტიკურ, ეროვნულ თემაზე რომ ასეთ დაყოფას შემოიტან, ეს პოლიტიკური ინტერესია, - განაცხადა „ქრონიკაში“ საპარლამენტო უმრავლესობის წევრმა ირაკლი კირცხალიამ სალომე ზურაბიშვილის გადაწყვეტილებზე, რომელმაც ღირსების ორდენით დაჯილდოებისთვის პრემიერ-მინისტრის და პარლამენტის თავმჯდომარის მიერ წარდგენილი სია დააკორექტირა და ღირსების ორდენი ფეხბურთის ფედერაციის წარმომადგენელთა ნაწილს არ გადასცა.

მიშო ჯავახიშვილი

15 ივნისი 2024, 19:28

კულტურა

მიშო ჯავახიშვილი: ხვალ ღონისძიება გაიმართება ტოკიოს ერთ-ერთ ულამაზეს ბაღში, მონაწილეობენ აქ მცხოვრები ქართველები, ასევე იაპონელები, რომლებიც ასრულებენ ქართულ ხალხურ სიმღერას და ცეკვას

ხვალ ღონისძიება გაიმართება ტოკიოს ერთ-ერთ ულამაზეს ბაღში, მონაწილეობენ აქ მცხოვრები ქართველები, ასევე იაპონელები, რომლებიც ასრულებენ ქართულ ხალხურ სიმღერას და ცეკვას, - განაცხადა „დღის ქრონიკაში“ ანსამბლ „მართვეს“ სამხატვრო ხელმძღვანელმა მიშო ჯავახიშვილმა იაპონიაში მიმდინარე საქართველოს დღეებთან დაკავშირებით.

15 ივნისი 2024, 19:00

კულტურა

მიშო ჯავახიშვილი: იაპონიაში კარგად იცნობენ საქართველოს, ქართულ კულტურას, ქართულ სიმღერას - განსაკუთრებით მნიშვნელოვანია, როდესაც ასეთი ტიპის ფესტივალები ტარდება

იაპონიაში კარგად იცნობენ საქართველოს, ქართულ კულტურას, ქართულ სიმღერას. განსაკუთრებით მნიშვნელოვანია, როდესაც ასეთი ტიპის ფესტივალები ტარდება, - ანსამბლ „მართვეს“ სამხატვრო ხელმძღვანელმა მიშო ჯავახიშვილმა „დღის ქრონიკაში“ ჩართვისას განაცხადა.

რევაზ სოხაძე

15 ივნისი 2024, 18:58

საზოგადოება

რევაზ სოხაძე: ხშირად, ჩვენი ოპონენტებისგან მაღლივი ნაგებობების დემონიზირება ხდება - დილეტანტურად ჟღერს, როდესაც ცათამბჯენს სალანძღავ სიტყვად იყენებენ

„მთელ მსოფლიოში მაღლივი კორპუსი მიიჩნევა, რომ არის მიწის რესურსის ეფექტური გამოყენების საშუალება. იქ, სადაც ამის შესაძლებლობა არის, მაღლივი კორპუსები პირიქით, უფრო მისასალმებელია, უფრო კარგია მათ შორის ქალაქისთვის და ამაში ცუდი არაფერია. რატომ ახდენენ ჩვენი ოპონენტები ამ თვალსაზრისით აპელირებას, ჩემთვის გაუგებარია“.

დიმიტრი ხუნდაძე

15 ივნისი 2024, 18:30

პოლიტიკა

დიმიტრი ხუნდაძე: ევროკავშირში გაწევრიანება ინსტრუმენტადაა გამოყენებული, რათა ხელისუფლებაზე, რომელიც ქვეყნისა და საზოგადოების ინტერესებს პრინციპულად იცავს და გარე დაკვეთებს ერთმნიშვნელოვნად არ ემორჩილება, გავლენა მოახდინონ

ევროკავშირში გაწევრიანება ინსტრუმენტადაა გამოყენებული, რათა ხელისუფლებაზე, რომელიც ქვეყნისა და საზოგადოების ინტერესებს პრინციპულად იცავს და გარე დაკვეთებს ერთმნიშვნელოვნად არ ემორჩილება, გავლენა მოახდინონ, - ამის შესახებ „ხალხის ძალის“ გენერალურმა მდივანმა, დეპუტატმა დიმიტრი ხუნდაძემ „დღის ქრონიკაში“ ჩართვისას განაცხადა.

რევაზ სოხაძე

15 ივნისი 2024, 18:29

საზოგადოება

რევაზ სოხაძე: ცენტრალური პარკი შენდება. სამუშაოებს ფონდი „ქართუ“ ახორციელებს და უკვე მოწყობილი ტერიტორია საჩუქრად გადაეცემა თბილისს - ათეულობით წელია ასეთი პროექტი არ განხორციელებულა

თბილისის საკრებულოს ურბანული დაგეგმარებისა და საქალაქო მეურნეობის კომისიის თავმჯდომარემ, „დღის ქრონიკაში“ საუბრისას აღნიშნა, რომ იპოდრომზე, დაახლოებით 40 ჰექტარ ტერიტორიაზე, ცენტრალური პარკი გაშენდება, რომლის სამუშაოებიც უკვე მიმდინარეობს.

დიმიტრი ხუნდაძე

15 ივნისი 2024, 17:57

პოლიტიკა

დიმიტრი ხუნდაძე: სანქციებით, მმართველ გუნდზე სხვადასხვა ინსტრუმენტის გამოყენებით ცდილობენ სული ჩაუბერონ გონებამიხდილ ოპოზიციას, რომ როგორმე მათი რეანიმაცია მოახდინონ და არჩევნებზე რაღაც მაჩვენებელი დაადებინონ

„ნაციონალური მოძრაობა“ დაყოფილი თუ გაერთიანებული, ერთი და იგივეა. ესენი არიან ძველი, საზოგადოებისთვის კარგად ნაცნობი სახეები, რომელთა მძიმე წარსული საზოგადოებას ახსოვს. ამიტომ, ფერისცვალებით ახლებურად ვერ წარდგებიან საზოგადოების წინაშე, - ამის შესახებ პარლამენტში განათლების, მეცნიერების და ახალგაზრდობის მინისტრის ანგარიშის მოსმენისას „ხალხის ძალის“ გენერალურმა მდივანმა, დეპუტატმა დიმიტრი ხუნდაძემ „დღის ქრონიკაში“ განაცხადა.

დიმიტრი ხუნდაძე

15 ივნისი 2024, 17:55

პოლიტიკა

დიმიტრი ხუნდაძე: რაიმე პოლიტიკური მდგენელის შემოტანა უბრალოდ მიუღებელია და ეს არის პრეზიდენტის მხრიდან უმსგავსობა. მწვრთნელი არც „ქოცია“ და არც „ნაცი“, თორემ ალბათ, იმასაც იკისრებდა, ნაკრები თავად დაეკომპლექტებინა

პრეზიდენტის მხრიდან ეს არის პოლარიზაციის ინსტრუმენტად გამოყენების მცდელობა. ერთობა ასეთ შემთხვევაში კიდევ უფრო მაღალ მნიშვნელობას იძენს, - ამის შესახებ „ხალხის ძალის“ გენერალურმა მდივანმა, დეპუტატმა დიმიტრი ხუნდაძემ „დღის ქრონიკაში“ ჩართვისას განაცხადა. მან სალომე ზურაბიშვილის გადაწყვეტილებაზე ისაუბრა, რომელმაც ფეხბურთის ფედერაციის წარმომადგენელთა ნაწილს სახელმწიფო ჯილდო არ გადასცა.

15 ივნისი 2024, 17:23

საზოგადოება

თბილისში პერსონალურ მონაცემთა დაცვის ოფიცერთა ასოციაციის ყრილობა გაიმართა

შეხვედრაზე განიხილეს და დაამტკიცეს ოფიცერთა ეთიკის კოდექსი და ასოციაციის კომისიების, სამუშაო ჯგუფების დებულებები.

15 ივნისი 2024, 15:55

რეგიონი

სენაკის ცენტრალური სტადიონის ტერიტორიაზე ხელოვნურსაფარიანი, სათადარიგო მინი სპორტული მოედანი მოეწყო

სენაკის მუნიციპალიტეტში, სპორტული ინფრასტრუქტურის მოწყობა-რეაბილიტაციის პროექტების ფარგლებში, ქალაქის ცენტრალური სტადიონის ტერიტორიაზე, ხელოვნურსაფარიანი სათადარიგო მინი სპორტული მოედნის მშენებლობა დასრულებულია.