imedi /  06 იანვარი 2020, 23:51 / სანდო წყარო

პატრიარქის საშობაო ეპისტოლე

ილია II

ილია II

შობის დღესასწაულთან დაკავშირებით ილია მეორის ტრადიციული საშობაო ეპისტოლე გავრცელდა, რომელსაც imedinews-ი უცვლელად გთავაზობთ.

„ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამულენო, მოგმართავთ, ქართველნო, აფხაზნო, ოსნო, ბერძენნო, უკრაინელნო, რუსნო, სომეხნო, ებრაელნო, აზერბაიჯანელნო, უდინნო, იეზიდნო, ქურთნო, ინგუშნო, ჩერქეზნო, ჩეჩენნო, ლეკნო და ყოველნო ერნო!

აჰა, დადგა ჟამი ღვთის განკაცების უდიდესი საიდუმლოსი. დღეს იშვა დამბადებელი, ,,რომლის მიერაც შეიქმნა ყოველი: მიწიერიც და ზეციერიც; ხილული თუ უხილავი, საყდარნი თუ უფლებანი, მთავრობანი, თუ ხელმწიფებანი“, დღეს იშვა ის, „ვის მიმართ და ვის მიერაც ყოველივე დაიბადა“ (კოლას.1,16).
ამიტომაც ახლა მორწმუნენი გონებით მივისწრაფვით ბეთლემისაკენ, რათა განვიცადოთ 2000 წელზე მეტი ხნის წინ დამდგარი უდიდებულესი ჟამი, როდესაც ამსოფლიური პატივისაგან მოკლებულ, აღთქმული მიწის ერთ ცივ და ბნელ გამოქვაბულში აღესრულა სასწაული, რომლის სადარი სამყაროში არაფერი მომხდარა და არც არასოდეს მოხდება.

მიუწვდომელი, გარეშემოუწერელი, მიუახლებელი ღმერთი განკაცდა, რათა კაცი განღმრთობილიყო; ჭეშმარიტი უფლის მადიდებელი ერის წიაღში, წმინდა დავით მეფის მოდგმაში, იშვა ძე ღვთისა და თვალშეუდგამმა ნათელმა ჩვენთან მარადიულად ყოფნა ინება; უკვდავმა მოკვდაობა, უხრწნელმა ხრწნადობა მიიღო, რათა ჩვენ მოკვდავნი და ხრწნადნი სიკვდილის საკვრელთაგან დავეხსენით.
დღეს ყოველნი მართლმორწმუნენი ქრისტეშობის მახარებელნი ვართ, რადგან ჩვეთან არს ღმერთი! დღეიდან მისი მომძიებელნი ვეზიარებით და უხვად მივიღებთ აქამდე მიუწვდომელ მადლთა სისავსეს – კეთილმსახურებათა ნიჭსა და უნარს და ხილულ და უხილავ სამყაროს შევღაღადებთ:

იხარებდით და აკურთხებდით შემოქმედს ცანი და ქვეყანა, რამეთუ ჩვენთან არს ღმერთი!

იხარებდით და აკურთხებდით უფალსა უფლებათასა ანგელოზნი და ყოველი სულდგმულნი, რამეთუ ჩვენთან არს ღმერთი!

იხარებდით და აკურთხებდით ახალ ადამს მეფენი და მამათმთავარნი, ერნი და ტომნი; აკურთხებდით უფლის ყოველ საქმეს, უგალობდით და განადიდებდით მას უკუნისამდე, რამეთუ ჩვენთან არს ღმერთი!

რომ არა შენი საკვირველი შობა, კაცობრიობას არ ეყოლებოდა მაგალითი უაღმატებულესი სიყვარულისა და მშვიდობისმყოფელისა, ჭეშმარიტი მეფისა, მოძღვრისა და მასწავლებლისა, სახე უზენაესი სიმდაბლისა და თავდადებისა, ერთგულებისა და მეგობრობისა; ხატი ზეციური მამა-ძეობისა.

ჩვენ, ამპარტავნებითა და განდიდების სურვილით შეპყრობილნი, საკუთარ თავს ვერასოდეს ვიპოვიდით, ეგოისტური „მეს“ მბრძანებლობას ვერ გავექცეოდით და არც დავთმობდით.
შენ გვასწავლე, იესო, რომ სიყვარულშია ხსნა, რომ სიმდაბლეშია – სიმაღლე, სიმარტივესა და უბრალოებაში – სიდიადე; მოყვასის მსახურებაში – სიხარული; გაცემაში – შეძენა და დათმენაში – გამარჯვება; რომ მტრის სიყვარულშია სიყვარულის სისრულე და სხვისთვის თავგანწირვაშია საკუთარი სულის პოვნა…

შენი განხორციელებისათვის, მხსნელო, დედამიწაც განემზადა და გიძღვნა ქალწულთა მშვენება, დედათა სიქადული – წმინდა მარიამი.

გიხაროდენ, ურჩეულესო ჭურჭელო, ყოველთა ნათესავთა შორის სანატრელო (ლუკ. 1.48);

გიხაროდენ, დედაო ღვთისა, ევას ცრემლთა აღმხოცო; ცხოვრების ხეო, სიცოცხლის ნაყოფის მომცემო;

გიხაროდენ, ცოცხალო ტაძარო ღვთისაო, ჩვენს ლოცვათა უფლისადმი აღმწევნელო.

უფლის განგებამ ინება, რომ შენი მზრუნველობით ჩვენც ღვთის ერი გავმხდარიყავით საუკუნეთა განმავლობაში მრავალფერ განსაცდელთაგან ვნებულმა მცირე სამწყსომ შენი მფარველობით გაუძლო ათას ქარტეხილს და დარჩა ქრისტეს ერთგული. დღესაც შენ გსასოებს ჩვენი დამაშვრალი ერი, მრავალთაგან მრავალჯერ ნაღალატები და ჯვარცმული, მაგრამ მაინც გაუტეხელი და ღვთის მოიმედე.

ჩვენც, მონანი და მხევალნი შენნი, მოგმართავთ ცისა და ქვეყნის დედოფალს: კვლავაც შეეწიე უძლურებათა ჩვენთა, შეგვავედრე ძესა შენსა და ღმერთსა ჩვენსა, რათა ყოველნი მკვიდრნი იბერიისანი, შეცდომილნი ძენი და ასულნი ჩვენნი, გზასა ჭეშმარიტებისასა შეუდგნენ; ბოროტმზრახველთა, მოშურნეთა და მაჭირვებელთა გულნი ლმობიერ-ჰყავ და დაამშვიდე; დამნაშავეთ სინანული მიეც, საპყრობილეთა შინა მყოფთ – თავისუფლების სიხარული, უსამართლოთ – სამართალი, მშიერთ – პური, შიშველთ – სამოსელი, უპავართ – სარჩო-საბადებელი, კეთილად მუშაკთ – ღირსი სასყიდელი…

ურვათა მრავალთა დამტევნელო, ყოვლადუბიწოო ღვთისმშობელო, ნუგეში-ეც მტირალთ, ყოველივე სასიკეთოდ წარუმართე მადლიერებით ჭირთა დამთმენილთ, ჭაბუკთა და ყრმათა სიმხნე მიჰმადლე და სულიერად განსწავლე, სნეულნი განკურნე, მხცოვანნი შთამომავალთა კეთილდღეობით გაახარე, უცხოეთში მყოფნი თანამემამულენი სამშობლოში მშვიდობით დააბრუნე, იქ დარჩენილნი კი უფლის სადიდებლად და სამშობლოს საკეთილდღეოდ აღვაწე.

განგვიმტკიცე სიყვარული, სასოება და შიში უფლისა, ერთგული მსახურება ეკლესიისა, მამულისა და მოყვასისა. მოგვმადლე გული წმინდა და სული წრფელი, გონება ნათელი და შემეცნების სიღრმე, სხეული ჯანსაღი და უვნებელი. გვაშორე მუცლადღებულ ყრმათა კვლა და თვითმკვლელობები.

აღადგინე, დალოცე და განამტკიცე საზღვარნი საქართველოისანი, და მას შინა მკვიდრნი დაიცევ „შიმშილისაგან, სრვისა, ძრვისა, ცეცხლისა, მახვილისა, ზედა მოსვლისაგან მტერთასა“, სტიქიონთა ვნებისაგან და ყოველი ბოროტი ძალის მანქანებისაგან; დალოცე და განამტკიცე ოჯახები ჩვენი და აკურთხე იგინი შვილთა სიმრავლითა და ნაყოფთა სიუხვითა.

გევედრებით, მეოხ-ეყავ მართლმადიდებლობით აღსრულებულთა ჩვენთა წინაპართა – მეფე-დედოფალთა, კათოლიკოს-პატრიარქთა, სამშობლოს ერთგულთა და თავდადებულთა მონათა და მხევალთა შენთა, მომხსენიებელთა გარეშე დარჩენილთა ყოველთა; გევედრები შორებელთა და მახლობელთათვის, რომელნი შეწევნასა ჩვენსა შემოვედრებულ არიან, რათა ყოველნი შემოქმედმან სავანესა მართალთათვის გამზადებულსა დააწესოს.

არ განგვეშორო, დედაო, არცა ჟამსა მას მეორედ მოსვლისა ძისა შენისასა და ჩვენ მსასოებელთა შენთა, მეოხ გვეყავ წინაშე მისა, რათა მართალთა თანა ვიხარებდეთ და ვადიდებდეთ დამბადებელსა ჩვენსა, ყოველთა შემწყნარებელსა და სიყვარულსა დაუსრულებელსა, მამასა და ძესა და წმინდასა სულსა აწ და მარადის და უკუნითი უკუნისამდე, ამინ.

ბეთლემს შობილო ქრისტე ღმერთო, ამ დიდებულ ღამეს, სულითა და გონებით შენსკენ მოლტოლვილნი, კანდლად გინთებთ ჩვენს ლოცვა-ვედრებასა და ქება-დიდებას; ოქროს, გუნდრუკისა და მურის ნაცვლად ძღვნად მოგართმევთ ჩვენს გულებს, სიყვარულსა და ერთგულებას, კრძალვითა და თაყვანისცემით მოგეგებებით და ვხმობთ:

დიდება შენს მობრძანებას, ყრმაო, მშვიდობის მთავარო! (ეს.9,5)

დიდება შენს გარდამოსვლას, უფალო საბაოთ! (ეს. 37,16)

დიდება შენს მოვლინებას, ადონაი უფალო! (ეზ. 37.3)

გაკურთხებთ და აღგამაღლებთ შენ საუკუნითგან უკუნისამდე და ვაკურთხებთ მშობელსა შენსა, დედათა შორის კურთხეულს (ლუკა 1.42).

და კიდევ ერთხელ შეგთხოვთ, მოჰფინე შენი მშვიდობა, შენი წყალობა, ურწმუნოებით დამძიმებულ მშფოთვარე მსოფლიოს; ავის და კარგის გარჩევის უნარი და სიბრძნე მოგვეც და შენი სასუფევლის მკვიდრნი გაგვხადე.

„ქრისტე იშვების, – ადიდებდეთ! ქრისტე ზეცით, – მიეგებვოდეთ! ქრისტე ქვეყანასა ზედა, – ამაღლდით… კვალად ბნელი დაიხსნების, კვალად ნათელი მოიქცევის… ძველნი წარხდეს, აჰა, იქმნა ყოველივე ახალ“ (გრ. ღვთისმეტყევლი),
გიხაროდეთ, რამეთუ ჩვენთან არს ღმერთი!

სიყვარულით თქვენთვის მლოცველი
ილია II

სრულიად საქართველოს
კათოლიკოს-პატრიარქი"

ყველა სიახლე

პაატა იმნაძე

06 აპრილი 2020, 13:45

COVID19

პაატა იმნაძე: უცხოელ კოლეგებს ყველაფრს ვუზიარებთ, მაგრამ ხიბლში ნუ ჩავვარდებით - წიწილებს შემოდგომაზე ითვლიან

„ამ ქსელის მეშვეობით კავშირები გვაქვს ჩვენს მეზობელ ქვეყნებთან, ასევე ცენტრალური აზიის ქვეყნებთან, ჩვენს უკრაინელ კოლეგებთან. რა თქმა უნდა ყველაფრის გაზიარება ხდება მუდმივად, მაგრამ ხიბლში ნუ ჩავვარდებით. ჯერ, ძირითადი ბრძოლა წინ გვაქვს. ასე, რომ ჩვენ ყველა ერთმანეთს ვუზიარებთ გამოცდილებას და „წიწილებს კიდევ, შემოდგომაზე ითვლიან“ , - განაცხადა პაატა იმნაძე.

ეკატერინე ტიკარაძე

06 აპრილი 2020, 13:36

COVID19

ჯანდაცვის მინისტრი: საჩხერის საავადმყოფოში პირადი უსაფრთხოების აღჭურვილობის დეფიციტი არ აღინიშნება

საჩხერის საავადმყოფოში პირადი უსაფრთხოების აღჭურვილობის დეფიციტი არ აღინიშნება, - ამის შესახებ მთავრობის ადმინისტრაციაში გამართულ ბრიფინგზე ჯანდაცვის მინისტრმა, ეკატერინე ტიკარაძემ განაცხადა. მისივე განცხადებით, საავადმყოფოს დირექტორმა და მედპერსონალმა მყისიერად გამოიყენეს სამინისტროს და დაავადებათა კონტროლის ცენტრის მიერ გაცემული გაიდლაინები, რამაც მედპერსონალსა და მოსახლეობაში ვირუსის გავრცელება აგვაცილა თავიდან.

პაატა იმნაძე

06 აპრილი 2020, 13:29

COVID19

პაატა იმნაძე: ნუ მიხვალთ ეკლესიაში, დავიცვათ ჩვენი ეკლესია

ნუ მიხვალთ ეკლესიაში სალოცავად, ილოცეთ სახლში - ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, უწყებათაშორისი საკოორდინაციო საბჭოს სხდომის დასრულების შემდეგ განაცხადა. პაატა იმნაძემ მოსახლეობას სახლში დარჩენისკენ კიდევ ერთხელ მოუწოდა და განმარტა, რომ ყველა გაცემული რეკომენდაცია დროს უსწრებს და მათი ეფექტი დროთა განმავლობაში გამოჩნდება.

06 აპრილი 2020, 13:27

COVID19

როგორ უნდა გამოვიყენოთ ფარი და ნიღაბი სწორად

ძალიან ვთხოვ ყველას, ფარები სწორად იხმარონ. ჯერ ერთი მარტო ფარი ვერ გვიცავს, ფარი უნდა ვიხმაროთ ნიღაბთან ერთად- - ამის შესახებ დაავადებათა კონტროლის ცენტრის დირექტორის მოადგილემ საკოორდინაციო საბჭოს დასრულების შემდეგ გამართულ ბრიფინგზე განაცხადა. პაატა იმნაძის თქმით, ფარი უნდა იყოს სახეზე ჩამოფარებული და ის აწეული არ უნდა იყოს. „ამიტომ ჰქვია მას ფარი და ფარი არ არის ქუდი ანუ არ უნდა იყოს აწეული“- აღნიძნა იმნაძემ.

პაატა იმნაძე

06 აპრილი 2020, 13:25

COVID19

პაატა იმნაძე კორონავირუსით მედპერსონალის დაინფიცირებაზე: სამწუხაროდ, ამის თავიდან აცილება შეუძლებელია

რაც შეეხება მედპერსონალის დაინფიცირებას, ძალიან ბევრ ქვეყანაში ასეა და ეს გასაგებიცაა, რომ მედპერსონალია პირველი რისკის ქვეშ, ამიტომაც, ჩვენთანაც არის მედიკოსების დაავადებების შემთხვევები,- ამის შესახებ დაავადებათა კონტროლის ცენტრის დირექტორის მოადგილემ საკოორდინაციო საბჭოს დასრულების შემდეგ გამართულ ბრიფინგზე განაცხადა.

ეკატერინე ტიკარაძე

06 აპრილი 2020, 13:22

COVID19

ეკატერინე ტიკარაძე: აგრესიული ტესტირება პრიორიტეტია, მაგრამ ის კონკრეტულ დროსა და სივრცეში უნდა განხორციელდეს

აგრესიული ტესტირება ჩვენთვის პრიორიტეტია, მაგრამ მასაც აქვს კონკრეტული დრო და სივრცე, სად და როდის უნდა განხორციელდეს, - ამის შესახებ მთავრობის ადმინისტრაციაში გამართულ ბრიფინგზე ჯანდაცვის მინისტრმა, ეკატერინე ტიკარაძემ განაცხადა. მისივე თქმით, პანდემიასთან ბრძოლას აქვს გარკვეული გრადაცია, რასაც სახელმწიფო ყურადღებით აკვირდება და ამის მიხედვით იცვლება პრიორიტეტები და ალგორითმები.

პაატა იმნაძე

06 აპრილი 2020, 13:12

COVID19

პაატა იმნაძე: პრაქტიკულად ყველა ახალი შემთხვევა უკვე ცნობილ კლასტერებთანაა დაკავშირებული

პრაქტიკულად ყველა ახალი შემთხვევა დაკავშირებულია უკვე ცნობილ კლასტერებთან და შეიძლება 2 კლასტერი ერთმანეთთან გადაიკვეთოს-ამის შესახებ დაავადებათა კონტროლის ცენტრის დირექტორის მოადგილემ საკოორდინაციო საბჭოს დასრულების შემდეგ გამართულ ბრიფინგზე განაცხადა. პაატა იმნაძის თქმით, ახალი შემთხვევებიდან განსაკუთრებით ორია საყურადღებო, რომლის გაღრმავებული კვლევა მიმდინარეობს.

ეკატერინე ტიკარაძე

06 აპრილი 2020, 13:10

COVID19

ეკატერინე ტიკარაძე: კორონავირუსის მკურნალობას ამ ეტაპზე მთლიანად სახელმწიფო ფარავს

ამ ეტაპზე კორონავირუსის მკურნალობას მთლიანად სახელმწიფო ფარავს, - ამის შესახებ მთავრობის ადმინისტრაციაში გამართულ ბრიფინგზე ჯანდაცვის მინისტრმა, ეკატერინე ტიკარაძემ განაცხადა.

ნათია თურნავა

06 აპრილი 2020, 13:05

ეკონომიკა

ნათია თურნავა: დღეიდან ვიწყებთ საწარმოების შემოწმებას, როგორ სრულდება სამედიცინო სექტორის რეკომენდაციები

პარასკევს ჩვენ მოვათავსეთ სხვდასხვა ბიზნესსექტორზე მორგებული აპლიკაციები ეკონომიკის სამინისტროს საიტზე. ძალიან აქტიურობს ბიზნესი უნდათ რომ დროულად დაუბრუნდნენ მუშაობის ჩვეულ რიტმს. მერწმუნეთ ჩვენც იგივე გვინდა - ამის შესახებ ეკონომიკისა და მდგრადი განვითარების მინისტრმა, ნათია თურნავამ უწყებათაშორისი საკოორდინაციო საბჭოს შეხვედრის შემდეგ, მთავრობის ადმინისტრაციაში გამართულ ბრიფინგზე განაცხადა. „ასობით აპლიკაციაა უკვე შემოსული. დღეიდან ჩვენ, ჯანდაცვის სისტემაში არსებული შრომის ინსპექცია, ეკონომიკის სამინისტროში არსებული ტექზედამხედველობა, ასევე მუნიციპალური ინსპექციები გაერთიანებული ძალებით ვიწყებთ შემოწმების პროცესს. ვამოწმებთ როგორ სრულდება ან შესრულდება სამედიცინო სექტორის რეკომენდაციები, რაც შეეხება დასაქმებულების უსაფრთხოებას. პირველ რიგში შემოწმებას ვიწყებთ იმ სისტემური საწარმოებიდან,

რატი სამყურაშვილი

06 აპრილი 2020, 13:02

პოლიტიკა

ყოფილი დეპუტატი რატი სამყურაშვილი გარდაიცვალა

საქართველოს პარლამენტის ყოფილი დეპუტატი რატი სამყურაშვილი გარდაიცვალა. ის მძიმე სენით იყო დაავადებული. რატი სამყურაშვილი „ერთიანი ნაციონალური მოძრაობის“ წევრი და პარლამენტის ორი მოწვევის დეპუტატი იყო.

ეკატერინე ტიკარაძე

06 აპრილი 2020, 13:00

COVID19

ეკატერინე ტიკარაძე: 188 ინფიცირებული პაციენტიდან სუნთქვითი მხარდაჭერა მხოლოდ 8-ს დასჭირდა

188 ინფიცირებული პაციენტიდან სუნთქვითი მხარდაჭერა მხოლოდ 8-ს დასჭირდა, - ამის შესახებ მთავრობის ადმინისტრაციაში გამართულ ბრიფინგზე ჯანდაცვის მინისტრმა, თეა წულუკიანმა განაცხადა. მისივე თქმით, ამ დროისთვის კლინიკებში მხოლოდ 6 ასეთი პაციენტი რჩება.

06 აპრილი 2020, 12:59

COVID19

ეკატერინე ტიკარაძე: სახლში მკურნალობის პრაქტიკა უკვე არაერთმა ქვეყანამ გამოიყენა და ის საკმაოდ ეფექტიანია

სახლში მკურნალობის პრაქტიკა უკვე არაერთმა ქვეყანამ გამოიყენა და ეს არის საკმაოდ ეფექტური პრაქტიკაა. ჩვენ სატესტო რეჟიმში საკმაოდ დადებითი დინამიკა გვაქვს ამის იმასთან დაკავშირებით, რომ 112-ზე შემავალი ზარების სრული მონიტორინგი უკვე ხორციელდება ოჯახის ექიმების მიერ და ხდება საკმაოდ კვალიფიციური დიაგნოსტიკა და კონსულტაციის გაწევა- ამის შესახებ საკოორდინაციო საბჭოს სხდომის დასრულების შემდეგ მთავრობის ადმინისტრაციაში გამართულ ბრიფინგზე ჯანდაცვის მინისტრმა განაცხადა.

„გორმედის“ ცხელების ცენტრები

06 აპრილი 2020, 12:59

COVID19

შიდა ქართლში „გორმედის“ ცხელების ცენტრებს ათმა პაციენტმა მიმართა

შიდა ქართლში „გორმედის“ ქსელის ცხელების ცენტრებს ათმა პაციენტმა მიმართა. ერთი პაციენტია მოთავსებული გორის ცხელების ცენტრში, ხოლო ორი პაციენტი კი ხაშურშია. სამივე პაციენტი ბოქსირებულ პალატებში იმყოფება. 3 ნიმუში დღეს გაიგზავნება ლუგარის ლაბორატორიაში და პასუხს დღის მეორე ნახევარში ელოდებიან.

იუსტიციის სახლი

06 აპრილი 2020, 12:48

საზოგადოება

თბილისში, ზუგდიდში, ქუთაისსა და ბათუმში სანოტარო მომსახურება განახლდა

თბილისში სამ ლოკაციაზე სანოტარო მომსახურება განახლდა, - ამის შესახებ მთავრობის ადმინისტრაციაში გამართულ ბრიფინგზე იუსტიციის მინისტრმა, თეა წულუკიანმა განაცხადა. მისივე თქმით, სანოტარო მომსახურების მიღება ზუგდიდში, ქუთაისსა და ბათუმში თითო ლოკაციაზეც შეიძლება.

მიხეილ ჩხენკელი

06 აპრილი 2020, 12:41

საზოგადოება

მიხეილ ჩხენკელი სკოლებზე: ეს სემესტრი აუცილებლად შედგება და არც ერთ შემთხვევაში არ ჩავარდება

ეს სემესტრი აუცილებლად შედგება და არც ერთ შემთხვევაში არ ჩავარდება ამის შესახებ მთავრობის ადმინისტრაციაში გამართულ ბრიფინგზე განათლების მინისტრმა სკოლებზე საუბრისას განაცხადა. მიხეილ ჩხენკელმა პროექ „ტელესკოლაზე“ გაამახვილა ყურადღება, რომელსაც განათლების სამინისტრო საზოგადოებრივ მაუწყებელთა ერთად ახორციელებს.

თეა წულუკიანი

06 აპრილი 2020, 12:40

საზოგადოება

აღსრულების ეროვნულმა ბიურომ მუშაობა ელექტრონული წესით განაახლა

აღსრულების ეროვნულმა ბიურომ მუშაობა ელექტრონული, დისტანციური წესით განაახლა, - ამის შესახებ მთავრობის ადმინისტრაციაში გამართულ ბრიფინგზე იუსტიციის მინისტრმა, თეა წულუკიანმა განაცხადა.

თეა წულუკიანი

06 აპრილი 2020, 12:40

პოლიტიკა

თეა წულუკიანი: პირველი მაისიდან პოლიტიკოსებისა თუ მაღალჩინოსნებისთვის ცალკე დაწესებულება აღარ იარსებებს

პოლიტიკოსებისა თუ მაღალჩინოსნებისთვის ცალკე დაწესებულება 1 მაისიდან უკვე აღარ იარსებებს, ყველა ყოფილი საჯარო მოხელე განთავსდება N12 დაწესებულებაში, რომელის ნაწილიც ყოფილი მატროსოვის ციხე გახდება პირველი, - ამის შესახებ მთავრობის ადმინისტრაციაში გამართულ ბრიფინგზე იუსტიციის მინისტრმა, თეა წულუკიანმა განაცხადა.

საჩხერის სამედიცინო ცენტრი

06 აპრილი 2020, 12:40

COVID19

საჩხერის სამედიცინო ცენტრის თანამშრომლების ნაწილი კარანტინშია

საჩხერის სამედიცინო ცენტრის ექიმს, რომელიც მერის ცოლია, განმეორებით ტესტზე კორონავირუსი დაუდასტურდა. კორონავირუსზე ტესტირების პასუხი კლინიკაში გუშინ მიიღეს. კლინიკაში ასევე მიიღეს ათი თანამშრომლის ტესტირების პასუხები და ყველა მათგანი უარყოფითია. საჩხერის სამედიცინო ცენტრის დირექტორის მიხეილ ქამუშაძის ინფორმაციით, თანამშრომლების ნაწილი კარანტინშია გადაყვანილი, ნაწილს ანალიზებს დღეს გაუკეთებენ. საჩხერის სამედიცინო ცენტრთან სპეციალური ზონა მოეწყო და ყველა შემსვლელს თერმოსკრინინგი უტარდება.

მიხეილ ჩხენკელი

06 აპრილი 2020, 12:31

საზოგადოება

მიხეილ ჩხენკელი: ამ ეტაპზე ეროვნული გამოცდების ფორმატის ან თარიღების ცვლილების საკითხი არ განიხილება

ამ ეტაპზე ეროვნული გამოცდების ფორმატის ან თარიღების ცვლილების საკითხი არ განიხილება- ამის შესახებ მთავრობის ადმინისტრაციაში გამართულ ბრიფინგზე განათლების მინისტრმა განაცხადა. მიხეილ ჩხენკელის თქმით, პროექტ „ტელესკოლის“ ფარგლებში განსაკუთრებული როლი ენიჭება აბიტურიენტის საათს, სადაც აბიტურიენტები ეროვნულ გამოცდებთან დაკავშირებით კონსულტაციებს წამყვანი სპეციალისტებისგან იღებენ.

კორონავირუსი

06 აპრილი 2020, 12:11

COVID19

რუსეთში დღე-ღამეში კორონავირუსის 954 ახალი შემთხვევა დაფიქსირდა

რუსეთში დღე-ღამეში კორონავირუსის 954 ახალი შემთხვევა დაფიქსირდა, საერთო რაოდენობამ კი 6 343 შეადგინა. ინფორმაციას ამის შესახებ კორონავირუსთან ბრძოლის ოპერატიულ შტაბზე დაყრდნობით ადგილობრივი მედია ავრცელებს. ბოლო მონაცემებით, დღემდე ქვეყანაში კორონავირუსით ინფიცირებული 406 ადამიანი გამოჯანმრთელდა, 47 კი გარდაიცვალა. ინფიცირების შემთხვევები რუსეთის 80 რეგიონშია დაფიქსირებული.