სტეფ ბლოკი: ველით, რომ საქართველოში თავისუფალი და სამართლიანი საპარლამენტო არჩევნები ჩატარდება

ნიდერლანდების საგარეო საქმეთა მინისტრ სტეფ ბლოკის განცხადებით, საქართველო უსაფრთხოების კუთხნით მნიშვნელოვანი ქვეყანაა და სტაბილურობის ფაქტორია არამდგრად რეგიონში ისეთი მიმართულებებით, როგორიც არის კანონის უზენაესობა, ადამიანის უფლებები და დემოკრატიულობა.  

„რაც შეეხება რეფორმებს, საქართველო გახდა მაგალითი და რა თქმა უნდა, მაღალ მოლოდინებს გვიქმნის სტანდარტების. ჩვენ ველოდებით თავისუფალ და სამართლიან საპარლამენტო არჩევნებს. მინდა ხაზი გავუსვა, რომ მნიშვნელოვანია მხარეებმა შეინარჩუნონ ინკლუზიური პოლიტიკური დიალოგი. ეს იქნება იმის გარანტი, რომ საქართველო გაძლიერდება, როგორც დემოკრატია და როგორც ერი. ნიდერლანდები საქართველოს მოკავშირე იქნება, როგორც რეფორმების განხორციელების პროცესში, ასევე პროექტების მიმართულებით, რომლებიც ხორციელდება“, - განაცხადა სტეფ ბლოკმა. 

სტეფ ბლოკი საქართველოში ოფიციალური ვიზიტით არის ჩამოსული. ის უკვე შეხვდა საქართველოს საგარეო საქმეთა მინისტრ დავით ზალკალიანს, შეხვედრის შემდეგ კი ერთობლივი ბრიფინგი გაიმართა.