ოპოზიციამ 4 აპრილს დაგეგმილი აქცია შესაძლოა გადადოს

პასუხისმგებლიანმა ოპოზიციამ უნდა განიხილოს აქციის გადადება კორონავირუსის საფრთხის გამო, - ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ „ტვ პირველი-ს“ ეთერში განაცხადა.

„რა თქმა უნდა, ვხედავთ როგორი სერიოზული გამოწვევაა ეს. როგორც ერთმა მოქალაქემ, მინდა საზოგადოებას მოვუწოდო სიმშვიდისკენ, როგორი საფრთხეც არ უნდა იყოს, პანიკა არაფერს შველის. მაგრამ, პირველ რიგში, მინდა მოვუწოდო მთავრობას, რომ ამ ვითარებაში სრულად კონცენტრირდნენ ამ პრობლემაზე. აღარ გავიმეორებ იმ ლეგიტიმურ კრიტიკას, ამის მერე მაინც გააკეთონ საქმე. თუ არ დასტაბილურდა მდგომარეობა, ან გაუარესდა, რა თქმა უნდა, განვიხილავთ გადადებას ნებისმიერი მასობრივი თავყრილობის“, - განცხადა ბოკერიამ.

„ლეიბორისტული პარტიის“ ოფისში გამართულ შეხვედრაზე ოპოზიციური პარტიები 4 აპრილს 16:00 საათზე რუსთაველის გამზირზე მასშტაბური აქციის გამართვაზე შეთანხმდნენ.