ლაშა ნაცვლიშვილი: მთავრობის წევრები კაპუეტებივით შეესივნენ საფინანსო ინსტიტუტებს

„ქართული ოცნების“ კონსულტანტმა საზოგადოებასთან ურთიერთობის საკითხებში, ლაშა ნაცვლიშვილმა „იმედის“ გადაცემა „ღია ეთერში“ იმის შესახებ ისაუბრა თუ რა განსხვავებაა „ნაციონალური მოძრაობის“ და „ქართული ოცნების“ დროს საერთაშორისო ფონდების მიერ გამოყოფილ ფინანსურ დახმარებას შორის.

„2008 წლის ეკონომიკური კრიზისი დაიწყო ნოემბერში. შესაბამისად, როდესაც 4 მილიარდი გამოუყვეს სააკაშვილის დროს, რომელიც მრავალწლიანი იყო და მხოლოდ 2008-ში კი არა, 2009-ში, 10-ში, 11-ში და 12-ში ითვისებდა ქვეყანა ამ ვალს. ხოლო ამ „უნიათო“ ხელისუფლებამ, ისე რომ ჩქამი არ გაგვიგია მათგან რას აკეთებენ დღე და ღამე, მოსმენილი მაქვს, რომ სიძულვილის ენაც დაუშვეს, პოლიტკორექტული ზღვარიდანაც გადავიდნენ და ყველაფრიდან ამ ფულის გამოთხოვაში. კაპუეტებივით შეესივნენ ყველა საფინანსო ინსტიტუტს. 3 მილიარდი დოლარი დადეს 1-წლიანი“, - განაცხადა ნაცვლიშვილმა.