imedi /  15 მაისი 2020, 21:18 / სანდო წყარო

ირაკლი კობახიძე: არ ვფიქრობთ, რომ ორი კრიმინალის ციხეში ყოფნა საგარეო პოლიტიკას პრობლემას შეუქმნიდა

ირაკლი კობახიძე

ირაკლი კობახიძე

ჩვენ ვფიქრობთ, რომ ქართული პოლიტიკის პოლარიზაციას განაპირობებს არა კრიმინალების ციხეში ყოფნა, არამედ მათი ყოფნა პოლიტიკაში. არც იმას ვფიქრობთ, რომ ორი პოლიტკრიმინალის ციხეში ყოფნა ქვეყანას საგარეო კუთხით რაიმე პრობლემას შეუქმნიდა, - ამის შესახებ პარტია „ქართული ოცნება - დემოკრატიული საქართველოს“ ოფისში გამართულ ბრიფინგზე პარტიის აღმასრულებელმა მდივანმა, ირაკლი კობახიძემ განაცხადა.

„ჩვენ მოვისმინეთ პრეზიდენტის განცხადება ორი კრიმინალის, ირაკლი ოქრუაშვილისა და გიგი უგულავას შეწყალების თაობაზე. გვესმის, რომ კრიმინალების შეწყალება პრეზიდენტის უფლებამოსილებაა. ისიც გვესმის, რომ ამ ორი კრიმინალის შეწყალებისას, სალომე ზურაბიშვილს, სავარაუდოდ, კეთილშობილური მიზანი ამოძრავებდა. შესაძლოა, მას რეალურად მიაჩნია, რომ ბიუჯეტის ქურდისა და პარლამენტის შენობაში შეჭრის მოსურნე რუსული სპეცსამსახურის აგენტის გათავისუფლება ამ ეტაპზე ხელს შეუწყობს პოლიტიკური და საარჩევნო გარემოს დეპოლარიზაციას.

თუმცა, ჩვენ ვფიქრობთ, რომ ქართული პოლიტიკის პოლარიზაციას განაპირობებს არა კრიმინალების ციხეში ყოფნა, არამედ მათი ყოფნა პოლიტიკაში. არც იმას ვფიქრობთ, რომ 2 პოლიტკრიმინალის ციხეში ყოფნა ქვეყანას საგარეო კუთხით რამე პრობლემას შეუქმნიდა. ჩვენ ცალკეული პოლიტიკოსებისგან უცხოეთიდან არაერთგზის მიგვიღია პოლიტ-კრიმინალების დასაცავი წერილები, თუმცა ამას ხელი არ შეუშლია იმისათვის, რომ კრიმინალური რეჟიმის ლიდერების ერთი ნაწილი ციხეში ზის, ხოლო მეორე ნაწილი კი მსჯავრდებულია და ქვეყნიდან არის გაქცეული.


სამწუხაროა, რომ დროებით იძულებულნი ვართ, საზოგადოების ყურადღება სამედიცინო ვირუსიდან პოლიტიკური ვირუსისკენ მივაპყროთ.

დღეს საზოგადოების მთავარი ინტერესი, სამედიცინო ვირუსის საბოლოოდ დამარცხება და მასთან დაკავშირებული ეკონომიკური და სოციალური გამოწვევების დაძლევაა. ხელისუფლება განაგრძობს ამ მიმართულებით აქტიურ მუშაობას, რათა ჩვენს მოქალაქეებს პანდემიასთან დაკავშირებული სამედიცინო, ეკონომიკური და სოციალური ზიანი მაქსიმალურად აარიდოს და ჩვენი ქვეყნის შემდგომ განვითარებაზე იზრუნოს. სამედიცინო ვირუსის დამარცხების შემდეგ კი, შემოდგომაზე პოლიტიკურ ვირუსსაც ასეთივე წარმატებით დავამარცხებთ. ბიუჯეტის ქურდები, რუსული სპეცსამსახურების აგენტები, მოძალადეები, მკვლელები და სხვა კრიმინალები საბოლოოდ უნდა ჩამოშორდნენ ქართულ პოლიტიკას. ეს არის ერთადერთი სწორი გზა საქართველოში პოლიტიკის საბოლოო დეპოლარიზაციისკენ და ევროპული ტიპის, ჯანსაღი პოლიტიკური სისტემის ჩამოყალიბებისკენ“, - განაცხადა ირაკლი კობახიძემ.

15 მაისს სალომე ზურაბიშვილმა გიგი უგულავასა და ირაკლი ოქრუაშვილის შეწყალების გადაწყვეტილება მიიღო.

ყველა სიახლე

27 მაისი 2020, 15:25

ეკონომიკა

ბიზნეს ასოციაცია ეკონომიკის გახსნის მორიგ ეტაპს მიესალმება

საქართველოს ბიზნეს ასოციაცია (BAG) ეკონომიკის გახსნასთან დაკავშირებით განცხადებას ავრცელებს. ბიზნეს ასოციაცია მიესალმება ეკონომიკის გახსნის მორიგ ეტაპს, რომლის მიზანია, აღდგეს ეკონომიკური აქტივობა და ბიზნესი დაუბრუნდეს ცხოვრების ჩვეულ რიტმს.

რომან კაკულია

27 მაისი 2020, 15:23

COVID19

რომან კაკულია პრემიერს: არსებობს თუ არა კონკრეტული სტრატეგია სუბსიდირებული პროდუქტების მიმართ?

პანდემიის განმეორების შემთხვევაში, არსებობს თუ არა რაიმე კონკრეტული სტრატეგია იმ პროდუქტების მიმართ, რომელთაც ჩვენ ამ ეტაპზე, სუბსიდიით მივუდექით? - ამ კითხვით მიმართა დარგობრივი ეკონომიკისა და ეკონომკური პოლიტიკის კომიტეტის თავმჯდომარემ, რომან კაკულიამ ქვეყნის პრემიერმინისტრს, გიორგი გახარიას დღეს პარლამენტის პლენარულ სხდომაზე.

თენგიზ ცერცვაძე

27 მაისი 2020, 15:23

COVID19

თენგიზ ცერცვაძემ დააზუსტა, რომ თბილისში ჩატარებული კვლევის შედეგად COVID-19-ის ანტისხეულები ათასიდან 6 ადამიანს აღმოაჩნდა

„მე გუშინ „კავკასიის“ ეთერში ვთქვი, რომ ჩვენ ვატარებთ მცირე კვლევას ჯანმრთელ მოსახლეობაში ათას კაცზე. ვთქვი ისიც, რომ ჯერ არ დამთავრებულა ეს კვლევა და შედეგი საბოლოოდ ჯერ არ არის შეჯამებული. მაგრამ დავუშვი ერთი უნებლიე ტექნიკური შეცდომა - ვთქვი, რომ წინასწარი მონაცემებით გვყავს 6-10% მე უნდა მეთქვა 6-10 ადამიანი პოზიტიური და არა პროცენტი. ეს გაითვალისწინოს სუყველამ, რომ ჩვენ ამ კვლევაში ჩართული 1000 კაციდან გვყავს 6-10 ადამიანი, თუ დავაზუსტებთ, დაზუსტებული ადამიანებით 6 ადამიანი. 6-10 ვახსენე იმიტომ, რომ დანარჩენი ოთხის შედეგები ზუსტდებოდა“, - განაცხადა ცერცვაძემ.

27 მაისი 2020, 15:21

პოლიტიკა

ალექსანდრე ქანთარია: პრემიერ-მინისტრის დღევანდელი მოხსენება იმის თვალნათელი მაგალითია, რომ პროცესი ამ ჟამიანობის დროს მიდიოდა სწორად, გონივრულად, სწრაფად

განათლების, მეცნიერებისა და კულტურის კომიტეტის თავმჯდომარის პირველი მოადგილე ალექსანდრე ქანთარია, პარლამენტის პლენარულ სხდომაზე კოვიდ-19-თან დაკავშირებით პრემიერ-მინისტრ გიორგი გახარიას მოხსენების შემდეგ, დაინტერესდა მთავრობის გეგმებით იმ ადამიანებთან დაკავშირებით, რომლებიც კულტურის სფეროში კოლექტიურად ქმნიან პროდუქტს.

მიხეილ ყაველაშვილი

27 მაისი 2020, 15:14

პოლიტიკა

მიხეილ ყაველაშვილი: ჩვენ მზად ვართ, არჩევნები ჩატარდეს უმაღლეს დონეზე

„ოქტომბრის ბოლოს გვაქვს ძალიან მნიშნელოვანი არჩევნები საქართველოში. ჩვენს საერთაშორისო და სტრატეგიულ პარტნიორებს ჩვენი დესტრუქციული ძალისგან, ჩენი ოპოზიციისგან მიეწოდება დეზინფორმაცია და მნიშნელოვანია, რომ საკმაოდ წარმომადგენლობითი, სადამკვირვებლო ფართო მისიები იყვნენ ჩვენს ქვეყანაში ჩამოსული ამ არჩევნებთან დაკავშირებით“.

თამარ ჩუგოშვილი

27 მაისი 2020, 15:05

პოლიტიკა

თამარ ჩუგოშვილი: ხელისუფლება კრიზისს საკმაოდ ეფექტურად გაუმკლავდა

„დღეს თავს ყველა უფრო მეტად დაცულად ვგრძნობთ, ვიდრე ცოტა ხნის წინ და შესაბამისად, ეს როგორც ხელისუფლების მუშაობის, ასევე ჩვენი მოქალაქეების მაღალი თვითშეგნების დამსახურებაა და ამისთვის ყველას მადლობა ეკუთვნის“, - აღნიშნა თამარ ჩუგოშვილმა.

27 მაისი 2020, 14:59

პოლიტიკა

საგარეო საქმეთა სამინისტრო: წლების განმავლობაში, რუსეთი სისტემატურად არღვევს ღია ცის ხელშეკრულების დებულებებს და ახდენს მის პოლიტიზებას

რუსეთი სისტემატურად არღვევს ღია ცის ხელშეკრულების დებულებებს, ახდენს მის პოლიტიზებას და აგრძელებს უშედეგო მცდელობებს, რომ ეს ხელშეკრულება გამოიყენოს, როგორც საქართველოს ოკუპირებული რეგიონების უკანონო აღიარების ლეგიტიმაციის ერთგვარი ინსტრუმენტი, - ამის შესახებ ნათქვამია საქართველოს საგარეო საქმეთა სამინისტროს მიერ გავრცელებულ კომენტარში.

ეკა ბესელია

27 მაისი 2020, 14:57

პოლიტიკა

ეკა ბესელია პანდემიასთან ბრძოლის წინა ხაზზე მყოფების ანაზღაურების საკითხთან დაკავშირებით მთავრობის გეგმით დაინტერესდა

„ერთი ეხება სწორედ ​იმ ადამიანების სამართლიან სოციალურ გარანტიებს, რომელთა მიმართ არაერთხელ, სხვადასხვა ფორმატში ყველამ გამოვხატეთ. ესენი არიან ექიმები, სამედიცინო პერსონალი, ყველა ის ადამიანი, არა მხოლოდ სამედიცინო სპექტრი, არამედ მათ შორის ისინი, ვინც იდგნენ ამ გამოწვევის დრო წინა ხაზზე და ვისზეც გადავიდა ყველაზე მეტი ტვირთი. მათი სოციალური ანაზღაურების საკითხები, რომელიც არის ერთ-ერთი პრობლემა, ამაზე სად არის ნაფიქრი და რას აპირებთ, იმიტომ რომ ეს იყო პრობლემური საკითხი იქამდე, სანამ პანდემიად გამოცხადდებოდა გამოწვევა“, - კითხულობს ბესელია.

სერგი კაპანაძე

27 მაისი 2020, 14:56

პოლიტიკა

სერგი კაპანაძე: შერჩევითი სამართლის ნათელი მაგალითი იყო ის, რაც საგანგებო მდგომარეობისას რელიგიური დღესასწაულების დროს ხდებოდა

„შერჩევითობის ნათელი მაგალითი იყო ის, რაც რელიგიური დღესასწაულების დროს ხდებოდა. თქვენ დააწესეთ ძალიან მძიმე ჯარიმები კომენდანტის საათის დარღვევაზე, საგანგებო მდგომარეობით შემოღებული შეზღუდვების დარღვევაზე და ძალიან ბევრი ადამიანი, რომელიც ამას ღიად არ დაემორჩილა, არ დაჯარიმდა", - განაცხადა სერგი კაპანაძემ.

ნინო წილოსანი

27 მაისი 2020, 14:49

პოლიტიკა

ნინო წილოსანი: ჩვენ უსაფრთხო კუნძულივით ვართ იმ გეოგრაფიულ მოცემულობაში, სადაც ირგვლივ მყოფი ქვეყნები ეპიდემიის საკმაოდ მაღალი გავრცელების ხარისხში არიან

„ ვიცი თქვენი სწორი რეაგირება და ხედვა ტურიზმის დაზიანების ხარისხთან დაკავშირებით. თქვენი მეთაურობით შემუშავებული ყველა პროგრამა მეტ-ნაკლებად კარგად პასუხობდა ამ სექტორის პრობლემებს თუმცა, არ შემიძლია არ გავაჟღერო გიდების, მძღოლების, ტურისტული კომპანიების თხოვნა, რომლითაც ისინი მე დამიკავშირდნენ. საქმე ეხება ერთ შემთხვევაში ტურისტული ორგანიზაციების და კომპანიების მხრიდან ოფიციალურად დასაქმებული ადამიანებისთვის 1200 ლარიანი დახმარების მიღების შემთხვევებს. ტურიზმის სექტორი მეტ-ნაკლებად სეზონურია და პერიოდული, ამიტომ ა. წ. პირველ კვარტალში, მათ არ ჰქონდათ ფინანსური მოძრაობა და შესაბამისად, საშემოსავლო გადასახადი გადახდილი არ აქვთ თუმცა, წინა წლის საკმაოდ დიდ პერიოდში ისინი საშემოსავლო გადასახადს იხდიდნენ. ტურიზმის სპეციფიკიდან გამომდინარე თხოვნა არის - იქნებ გათვალისწინებული იყოს წინა წლის შემოსავლები“, - აღნიშნული თხოვნით, გარემოს დაცვისა და ბუნებრივი რესურსების კომიტეტის თავმჯდომარემ ნინო წილოსანმა გიორგი გახარიას პლენარულ სხდომაზე მიმართა, სადაც პრემიერმინისტრი კორონავირუსის (COVID-19) მასობრივი გავრცელების პრევენციის მიზნით გამოცხადებული საგანგებო მდგომარეობის დროს საქართველოს მთავრობის მიერ განხორციელებულ საქმიანობის შესახებ ანგარიშს წარადგენდა.

რომან გოცირიძე

27 მაისი 2020, 14:43

პოლიტიკა

რომან გოცირიძემ პრემიერ-მინისტრს კოვიდფონდიდან ფულის დახარჯვისკენ მოუწოდა

წერილი მოგწერეთ თქვენ და მაინტერესებდა კოვიდფონდის ხარჯვის შესახებ. რატომ არის ეს ფონდი გაუმჭვირვალე, რაში ხარჯავთ? 133 მილიონი ლარი არის ამ ფონდში აკუმულირებული და ჯერ პასუხი არ მიგვიღია, - ამის შესახებ საპარლამენტო ფრაქცია „ნაციონალური მოძრაობის“ თავმჯდომარე რომან გოცირიძემ საქართელოს პრემიერ-მინისტრს პარალამენტში მოხსენების დასრულების შემდეგ ჰკითხა.

თინა ბოკუჩავა

27 მაისი 2020, 14:31

პოლიტიკა

თინა ბოკუჩავამ მთავრობის ანტიკრიზისული გეგმა გააკრიტიკა

„კორონავირუსის პირველი შემთხვევიდან გავიდა ზუსტად 3 თვე, დღემდე საქართველოს არც ერთ მოქალაქეს ერთი თეთრის დახმარებაც არ მიუღია. ჩემი აზრით, ეს არის ის ფუნდამენტური კითხვა, რომელსც თქვენ უნდა უპასუხოთ. იცით, რომ ეპიდემიას მოსახლეობის მხოლოდ 5% შეხვდა დანაზოგით? რომ 10-დან 7 ეპიდგამოწვევას საბანკო ვალით შეხვდა? რატომ გათვალეთ თქვენი ე.წ. ანტიკრიზისული გეგმა მოსახლეობის დაახლოებით 10%-ზე, მაშინ, როდესაც 90%-ის უდიდესი ნაწილი ასევე სიღარიბეშია?“, - კითხულობს ბოკუჩავა.

ირაკლი მეზურნიშვილი

27 მაისი 2020, 14:29

საზოგადოება

ირაკლი მეზურნიშვილი: ის ტაქტიკა, რომელიც აირჩია საკოორდინაციო საბჭომ პანდემიის წინააღმდეგ ბრძოლაში, წარმატებული აღმოჩნდა

პარლამენტის პლენარულ სხდომაზე, პარლამენტის წევრმა, ირაკლი მეზურნიშვილმა პანდემიის წინააღმდეგ გატარებული ღონისძიებებისთვის პრემიერ-მინისტრს და საკოორდინაციო საბჭოს წევრებს მადლობა გადაუხადა. „პირველ რიგში, მინდა მადლობა გადაგიხადოთ თქვენ, პრემიერ-მინისტრო, საკოორდინაციო საბჭოს და ყველა იმ ადამიანს, ვინც ჩართული იყო ამ ურთულეს პროცესში ბოლო თვეების განმავლობაში. დიდი მადლობა იმისთვის, რომ თქვენ ერთად შეძელით ის, რომ დღეს გლობალური პანდემიის პირობებში საქართველო მსოფლიოს მასშტაბით არის ერთ-ერთი ყველაზე უსაფრთხო ქვეყანა.

მიხეილ ყაველაშვილი

27 მაისი 2020, 14:27

პოლიტიკა

მიხეილ ყაველაშვილი: ჩვენს დესტრუქციულ ოპოზიციას მადლიერება ერთხელაც არ გამოუხატავს - ეს სამწუხაროა

„იმ ქვეყნებს შორის, რომლებიც ამ პანდემიას გაუმკლავდნენ, ერთ-ერთი წარმატებული ქვეყანა საქართველოა და ეს აუცილებლად აღსანიშნავია და ამას გვერდს ვერ ავუვლიდი, განსხვავებით ჩვენი დესტრუქციული ოპოზიციისა, რომელმაც ვერა და ვერ გამოხატა მადლიერება. ერთადერთი ელენე ხოშტარია იყო წინა სხდომაზე ვინც გაბედა და მთავრობას მადლობა გადაუხადა. ჩვენგან წასული დეპუტატებისგან არ გამიგია მთავრობის მიმართ მადლობის გადახდა - ეს სამწუხაროა“, - აღნიშნა ყაველაშვილმა.

27 მაისი 2020, 14:23

საზოგადოება

Georgian Airways-ი ამსტერდამისა და თელ-ავივის მიმართულებით ჩარტერულ რეისებს შეასრულებს

საქართველოს ეკონომიკისა და მდგრადი განვითარების სამინისტროს სამოქალაქო ავიაციის სააგენტოში ამ დროისათვის წარდგენილი განაცხადის მიხედვით, ავიაკომპანია ამსტერდამის მიმართულებით ჩარტერული ფრენების განხორციელებას გეგმავს.

27 მაისი 2020, 14:20

ეკონომიკა

კვლევის თანახმად, საქართველოს მოქალაქეები გონივრულ მინიმალურ ხელფასად საშუალოდ 854.1 ლარს ასახელებენ

საქართველოს მოქალაქეები გონივრულ მინიმალურ ხელფასად საშუალოდ 854.1 ლარს ასახელებენ, რაც ოთხჯერ აღემატება დღევანდელ საარსებო მინიმუმს და ასევე მხარს უჭერენ მინიმალური ხელფასის იდეას, - ამის შესახებ ინფორმაციას fes-caucasus ავრცელებს. ეს შედეგი აჩვენა კავკასიის კვლევითი რესურსების ცენტრის (CRRC Georgia) და ფრიდრიხ ებერტის ფონდის (Friedrich-Ebert-Stiftung) მიერ განხორციელებულმა საზოგადოებრივი აზრის კვლევამ, რომლის პრეზენტაციაც დღეს თბილისში იმართება. რესპონდენტებს ჰკითხეს აგრეთვე, თუ რა რაოდენობის ხელფასს ელიან ისინი შესაბამისი დასაქმების სფეროებში. „ქართველები საშუალოდ 1200-დან 1400 ლარამდე დაურიცხავ ხელფასს სამართლიანად მიიჩნევენ“, - აღნიშნა ფელიქს ჰეტმა, ფრიდრიხ ებერტის ფონდის სამხრეთ კავკასიის ოფისის დირექტორმა.

გიგა ბოკერია

27 მაისი 2020, 14:16

პოლიტიკა

გიგა ბოკერია მიიჩნევს, რომ მალხაზ მაჩალიკაშვილს პოლიტიკაში მოსვლის უფლება აქვს

„საქართველოს ყველა მოქალაქეს აქვს უფლება, რომ იყოს საზოგადოებრივ ცხოვრებაში ან მოვიდეს პოლიტიკაში. ბატონი მაჩალიკაშვილი, ნაცვლად იმისა, რომ ხელისუფლებას მისთვის პასუხები სწრაფად გაეცა და არ დაეწყო სამარცხვინო პროპაგანდა, კიდევ უფრო მეტ მსხვერპლად აქცია. მას, რა თქმა უნდა, უფლება აქვს პოლიტიკაში მოსვლის“, - განაცხადა ბოკერიამ.

27 მაისი 2020, 14:13

პოლიტიკა

დევნილთა ბინებით უზრუნველყოფისთვის დამატებით 150 მილიონი ლარი გამოიყოფა

გამოყოფა დამატებით 150 მილიონი ლარი, რათა უახლოეს პერიოდში სწრაფად მოხდეს ლტოლვილთა ბინებით უზრუნველყოფა, – ამის შესახებ საქართველოს პრემიერ-მინისტრმა, გიორგი გახარიამ პარლამენტში განაცხადა.

გიგა ბოკერია

27 მაისი 2020, 14:10

პოლიტიკა

გიგა ბოკერია პრემიერს: ჩვენ ვთვლით, რომ პოლიტპატიმრები იყვნენ და ერთი ისევ ციხეშია, რატომ არ გაქვთ ინტერესი, რომ ეს ფურცელი დაიხუროს?

„თქვენ იცით, რომ პანდემიის გარდა ერთ-ერთი დიდი პრობლემაა პოლიტიკური კრიზისი, რომელიც ჩვენ შორის არის. ჩვენ ვთვლით, რომ პოლიტპატიმრები იყვნენ, რომ ერთი პოლიტპატიმარი ისევ ციხეშია. თქვენ მათ პოლიტპატიმრებად არ აფასებთ, იძახით, რომ შეთანხმება არ ყოფილა. მე უბრალოდ მინდა, რომ თქვენ გითხრათ: რატომ არ გაქვთ ინტერესი, რომ ეს ფურცელი დაიხუროს?“, - განაცხადა ბოკერიამ.

ჯეიმს აპატურაი

27 მაისი 2020, 14:10

პოლიტიკა

ჯეიმს აპატურაი „ღია ცის“ ხელშეკრულებაზე მოსკოვის პოზიციის შესახებ: ისე ჩანს, თითქოს რუსეთმა საქართველოსთან მიმართებით წინ გადადგა ნაბიჯი, თუმცა სამწუხაროდ ეს ასე არაა

„ჩანს, თითქოს რუსეთმა [საქართველოსთან მიმართებით] წინ გადადგა ნაბიჯი, თუმცა, სამწუხაროდ, ეს ასე არაა, - ასე გამოეხმაურა კავკასიასა და ცენტრალურ აზიაში ნატოს გენერალური მდივნის სპეციალური წარმომადგენელი, ჯეიმს აპატურაირუსეთის საგარეო საქმეთა სამინისტროს განცხადებას, დაუშვას ღია ცის ხელშეკრულებასთან დაკავშირებული სადამკვირვებლო ფრენები 10 - კილომეტრიან ზონებში.