რომან გოცირიძე: „ნაციონალური მოძრაობა“ ყოვლისშემძლეა და სწორადაც ეშინიათ

„ამერიკელი კონგერსმენების განცხადება ნიშნავს, რომ დასრულდა საქართველოში რუსეთის ხელისუფლება და მას ექნება არჩევნებზე ზემოქმედების ეფექტი“, - ამის შესახებ „ნაციონალური მოძრაობის“ წევრმა, რომან გოცირიძემ განაცხადა.

„მორიგი სისულელე თქვეს, თურმე, „ნაციონალურმა მოძრაობამ“ კონგრესმენებს განცხადებაში რაღაც ერთი სიტყვა ჩააწერინა.

„ნაციონალური მოძრაობა“ ყოვლისშემძლეა და სწორადაც ეშინიათ. „ნაციონალური მოძრაობა“ და გაერთიანებული ოპოზიცია შეცვლიან „ქართულ ოცნებას“ და ოქტომბერში იქნება ახალი კოალიციური ხელისუფლება.

ეშინიათ და ზუსტად ამიტომ არის. ამერიკელი კონგერსმენების განცხადება ნიშნავს, რომ დასრულდა საქართველოში რუსეთის ხელისუფლება და მას ექნება არჩევნებზე ზემოქმედების ეფექტი. საფრანგეთში თუ რაიმე ხდებოდა, ასეთი გამოთქმა იყო - ეს ვოლტერის ბრალია, ეს კი რუსოსი.

ტალახში რომ ჩავარდეს ვინმე, ეს ან ვოლტერის ბრალია, ან რუსოსი. რა განცხადებაც არ უნდა გააკეთონ, „ქართული ოცნება“ იტყვის, რომ ეს "ნაციონალური მოძრაობის" ბრალია, რადგან მათ აქვთ ყველგან კავშირები. კონგრესში, სენატში, ევროკავშირსა და ამერიკის მთავრობაში. თურმე, ჩვენ ვართ ძლევამოსული პარტია და გეშინოდეთ, სწორია. ეს განცახდება არის გაკეთებული რუსული ოლოგარქიული ხელისუფლების გათავისუფლებისთვის“, - განაცხადა რომან გოცირიძემ.

აშშ-ის რესპუბლიკელთა კვლევითმა კომიტეტმა ეროვნული უსაფრთხოების სტრატეგია​ გამოაქვეყნა, რომელშიც საქართველოზეც არის საუბარი.

საპარლამენტო უმრავლესობის წვრის, ირაკლი კობახიძის განცხადებით, ფრაზა დოკუმენტში, სადაც საუბარია „ქართული ოცნებასა“ და რუსეთის სახელმწიფოს შორის არსებულ ალიანსზე, წინააღმდეგობაში მოდის დოკუმენტის მთლიან სულისკვეთებასთან. ირაკლი კობახიძე მსგავს განცხადებებს „ნაციონალური მოძრაობის“ ლობისტებს მიაწერს და ამბობს, რომ ქართულ-ამერიკული ურთიერთობა ისეთ მაღალ დონეზე, როგორც დღეს არის, არასოდეს ყოფილა.