IMEDI /  30 ივნისი 2020, 10:10 / სანდო წყარო

ევროპარლამენტარები მარინა კალიურანდი და სვენ მიკსერი საკონსტიტუციო ცვლილებებს ისტორიულ ნაბიჯს უწოდებენ

„მივესალმებით ისტორიულ ნაბიჯს, რომელიც საქართველოს პარლამენტმა გადადგა, როდესაც დაამტკიცა საარჩევნო სისტემასთან დაკავშირებული საკონსტიტუციო ცვლილებები, რომლებიც ოქტომბრის არჩევნებზე ამოქმედდება“, - ნათქვამია განცხადებაში, რომლითაც საქართველოს პარლამენტის მიერ საკონსტიტუციო ცვლილებების მიღებას ევროპარლამენტის ევროკავშირ-საქართველოს ასოცირების კომიტეტის თავმჯდომარე მარინა კალიურანდი და საქართველოს საკითხებზე თანამომხსენებელი სვენ მიკსერი ერთობლივად გამოეხმაურნენ.

„ცვლილებებს მესამე და ბოლო მოსმენაზე 150-დან 117 დეპუტატმა მისცა ხმა. ეს საქართველოს დემოკრატიული ცხოვრების განვითარების მნიშვნელოვანი ეტაპია. ჩვენ იმედი გვაქვს, რომ ეს პოზიტიური იმპულსი შენარჩუნდება და გაგრძელდება პირველ და 2 ივლისს საარჩევნო რეფორმის კენჭისყრის დროსაც, რომელიც მიმართულია ეუთო-სა და დემოკრატიული ინსტიტუტებისა და ადამიანის უფლებათა ოფისის (ოდირის) წარსული რეკომენდაციების შესრულებაზე.

ჩვენ მოვუწოდებთ ყველა მთავარ პოლიტიკურ პარტიას, მიიღოს მონაწილება კენჭისყრაში 8 მარტს შეთანხმების სულისკვეთებით და ხელი შეუწყოს საქართველოში პოლიტიკური გარემოს დეპოლარიზაციას. ჩვენ ასევე ვსარგებლობთ შემთხვევით და ვულოცავთ ჩვენს ქართველ მეგობრებს ევროკავშირსა და საქართველოს შორის ასოცირების შეთანხმების ექვსი წლის საიუბილეო თარიღს. საქართველოს მრავალწახნაგოვან, შთამბეჭდავ რეფორმაზე დაყრდნობით, ჩვენ ველოდებით კანონის უზენაესობისა და კარგი მმართველობის განმტკიცებას ჩვენს მნიშვნელოვან პარტნიორ ქვეყანაში და თავისუფალ და სამართლიან არჩევნებს“, – ნათქვამია განცხადებაში.

პარლამენტმა საკონსტიტუციო ცვლილებებს კენჭი მესამე მოსმენით დაამტკიცა. კანონპროექტს მხარი დაუჭირა 117-მა დეპუტატმა, 3-მა კი წინააღმდეგ მისცა ხმა. რეგისტრაცია გაიარა 120-მა დეპუტატმა. კენჭისყრაში „ნაციონალური მოძრაობა“ და ევროპული საქართველო“ არ მონაწილეობდა.

ყველა სიახლე

არჩილ თალაკვაძე

04 ივლისი 2020, 11:40

პოლიტიკა

არჩილ თალაკვაძე: გვეამაყება, რომ ქართველი და ამერიკელი ერები ერთმანეთის მხარდაჭერით იღწვიან თავისუფლების, მშვიდობისა და უსაფრთხოების დასაცავად

პარლამენტის თავმჯდომარე არჩილ თალაკვაძე აშშ-ს დამოუკიდებლობის დღეს ულოცავს. „ჩვენს ამერიკელ მეგობრებს ვულოცავ დამოუკიდებლობის დღეს! გვეამაყება, რომ ჩვენი ერები ერთმანეთის მტკიცე მხარდაჭერით იღწვიან თავისუფლების, მშვიდობისა და უსაფრთხოების დასაცავად. ჩვენი მეგობრობა ძლიერია!“ - წერს თალაკვაძე Facebook-ზე.

სომხეთი კორონავირუსი

04 ივლისი 2020, 11:38

COVID19

სომხეთში კორონავირუსით კიდევ 580 ადამიანი დაინფიცირდა

ბოლო 24 საათის განმავლობაში ქვეყანაში 9 კოვიდინფიცირებული გარდაიცვალა, მათ შორის ერთის გარდაცვალების მიზეზად „სხვა დაავადება“ სახელდება. სულ კი COVID-19-ს ქვეყანაში 447 ადამიანი ემსხვერპლა. ვირუსი 11 331 პაციენტმა დაამარცხა.

დავით ზირაქაშვილი

04 ივლისი 2020, 11:34

სპორტი

დავით ზირაქაშვილი საფრანგეთის ტოპ 14-ის გუნდის, „ლა როშელის“ შერკინების კონსულტანტად იმუშავებს

ლეგენდარული ქართველი მორაგბე დავით ზირაქაშვილი საფრანგეთის ტოპ 14-ის გუნდის, „ლა როშელის“ შერკინების კონსულტანტად იმუშავებს, - ამის შესახებ ინფორმაციას La Montagne ავრცელებს. გავრცელებული ინფორმაცია კლუბის სარაგბო დირექტორმა ჯონ გიბსმა დაადასტურა. ამავე გუნდის სამწვრთნელო შტაბში კიდევ ერთი ქართველი აქვსენტი გიორგაძე მუშაობდა, თუმცა პოსტი კონტრაქტის ამოწურვამდე ორი წლით ადრე დატოვა.

დავით ზალკალიანი

04 ივლისი 2020, 11:27

პოლიტიკა

დავით ზალკალიანმა ამერიკის შეერთებულ შტატებს დამოუკიდებლობის დღე მიულოცა

საგარეო საქმეთა მინისტრმა დავით ზალკალიანმა ამერიკის შეერთებულ შტატებს დამოუკიდებლობის დღე მიულოცა, - ამის შესახებ ინფორმაციას საქართველოს საგარეო საქმეთა სამინისტრო ავრცელებს. ზალკალიანის თქმით, საქართველო-ამერიკის ურთიერთობები თავისი შინაარსითა და ხასიათით გამორჩეულია. როგორც მან აღნიშნა, ის მოხარულია, რომ სტრატეგიული პარტნიორობა საქართველოსა და ამერიკას შორის უმაღლეს ნიშნულზეა.

დინამო თბილისი

04 ივლისი 2020, 11:27

სპორტი

„დინამო თბილისმა“ „საბურთალოს“ დამარცხების შემდეგ „ლოკომოტივსაც“ დიდი ანგარიშით მოუგო

„კრისტალბეთ ეროვნული ლიგის“ მოქმედმა ჩემპიონმა, „დინამო თბილისმა“ „საბურთალოს“ დამარცხების შემდეგ „ლოკომოტივსაც“ დიდი ანგარიშით მოუგო. მეოთხე ტურის შეხვედრაში, კახაბერ ჩხეტიანის გუნდმა მეტოქე 4:0 დაამარცხა. „დინამოელები“ მთელი მატჩის განმავლობაში ფლობდნენ უპირატესობას, თუმცა ანგარიშის გახსნა მხოლოდ 62-ე წუთზე მოახერხეს.

04 ივლისი 2020, 11:24

მსოფლიო

ალაბამაში სროლას 8 წლის ბავშვი ემსხვერპლა

ალაბამაში სროლის ხმა ისმოდა. თავდასხმა ქალაქ ჰუვერის სავაჭრო ცენტრში განხორციელდა. ადგილობრივი პოლიციის ინფორმაციით, სროლას 8 წლის ბავშვი ემსხვერპლა, 3 ადამიანი კი დაშავდა. თავდასხმის მოტივი ამ დრომდე უცნობია.

04 ივლისი 2020, 11:23

COVID19

საქართველოში კოვიდინფიცირებულთა 87% გამოჯანმრთელდა

ბოლო 24 საათის განმავლობაში ახალი კორონავირუსის დამარცხება კიდევ 4-მა პაციენტმა შეძლო, რითაც გამოჯანმრთელებულთა საერთო რაოდენობა 825-ს გაუტოლდა, მათი პროცენტული წილი კი 87.2%-ია.

ჭაკუა ექსტრადირება

04 ივლისი 2020, 11:22

სამართალი

„ქრონიკამ“ დავით ჭაკუას ექსტრადირებისას გადაღებული ექსკლუზიური კადრები მოიპოვა

„ქრონიკამ“ სასჯელაღსრულების დეპარტამენტის ყოფილი უფროსის, დავით ჭაკუას ექსტრადირებისას გადაღებული ექსკლუზიური კადრები მოიპოვა, რომელიც ბერლინი-ბათუმის სპეცრეისის ბორტზეა გადაღებული. კადრები „ქრონიკას“ ბორტზე მყოფმა ერთ-ერთმა მგზავრმა მიაწოდა.

04 ივლისი 2020, 11:21

საზოგადოება

აზერბაიჯანის ტერიტორიაზე მცხოვრებ ჩვენს თანამემამულე აბიტურიენტთა სწავლას სახელმწიფო დააფინანსებს

განათლების, მეცნიერების, კულტურისა და სპორტის სამინისტროს გადაწყვეტილებით, აზერბაიჯანის ტერიტორიაზე მცხოვრები ჩვენი თანამემამულე აბიტურიენტები, რომლებიც დარეგისტრირდნენ 2020 წლის ერთიან ეროვნულ გამოცდებზე და შექმნილი ვითარების გამო ვერ ახერხებენ საქართველოში შემოსვლას, გამოცდების ჩაბარების მიზნით, დაფინანსდებიან სახელმწიფოს მიერ.

სალომე ზურაბიშვილი

04 ივლისი 2020, 11:20

პოლიტიკა

სალომე ზურაბიშვილმა აშშ-ს დამოუკიდებლობის დღე მიულოცა

„მინდა, კიდევ ერთხელ, მოგილოცოთ დღევანდელი დღე და მინდა, ასევე, მივულოცო დღევანდელი დღე ქართველებს, ვინც ამერიკაში ცხოვრობენ და ვისაც ამერიკა თავის მეორე სამშობლოდ მიაჩნია“, - განაცხადა პრეზიდენტმა.

ბერლინი სპეცრეისი

04 ივლისი 2020, 11:20

საზოგადოება

საქართველოში მორიგი ჩარტერული რეისი ბერლინიდან შესრულდა

თბილისის საერთაშორისო აეროპორტიდან მორიგი ჩარტერული რეისი განხორციელდა. თბილისი-ბერლინი-ბათუმის რეისს 175 მგზავრი, მათ შორის 5 არასრულწლოვანი გაყვა, საქართველოში კი ავიარეისით 180 მგზავრი ჩამოვიდა.

04 ივლისი 2020, 11:17

COVID19

დონალდ ტრამპის ვაჟის შეყვარებული კორონავირუსით დაინფიცირდა

დონალდ ტრამპის საარჩევნო შტაბის წევრი კიმბერლი გილფოილი კორონავირუსით დაინფიცირდა. აღსანიშნავია, რომ ის ამავდროულად დონალდ ტრამპის უფროსი ვაჟის შეყვარებულია, - ამის შესახებ გამოცემა The New York Times იტყობინება. გავრცელებული ინფორმაციით, გილფოილმა ტესტი სამხრეთ დაკოტაში გამგზავრებამდე ჩააბარა, სადაც ამერიკის დამოუკიდებლობისადმი მიძღვნილი ღონისძიება ჩატარდა. ტესტის პასუხი დადებითი აღმოჩნდა.

მარინა ეზუგბაია

04 ივლისი 2020, 11:11

COVID19

კოვიდინფიცირების სამივე ახალი შემთხვევა იმპორტირებულია

კოვიდინფიცირების სამივე ახალი შემთხვევა შემოტანილია და სამივე სატვირთო ავტომანქანის მძღოლია, - ამის შესახებ ინფექციური საავადმყოფოს სამედიცინო დირექტორმა, მარინა ეზუგბაიამ ჟურნალისტებს განუცხადა. მისივე ინფორმაციით, დღეისთვის კოვიდცენტრებში 106 ინფიცირებული მკურნალობს.

04 ივლისი 2020, 11:08

საზოგადოება

მიხეილ ჩხენკელმა განათლების საერთაშორისო ცენტრის კურსდამთავრებულთა ასოციაციის მრჩეველთა საბჭოს შეხვედრაში მიიღო მონაწილეობა

მთავრობის ადმინისტრაციაში განათლების საერთაშორისო ცენტრის კურსდამთავრებულთა ასოციაციის მრჩეველთა საბჭოს სამუშაო შეხვედრა შედგა, რომლის მთავარი მიზანი იყო გასულ წლებში ასოციაციის მიერ განხორციელებული საქმიანობის ერთგვარი შეჯამება/ანალიზი და სამომავლო გეგმების განსაზღვრა.

04 ივლისი 2020, 11:00

რეგიონი

რუისთან საპროტესტო აქცია მიმდინარეობს

რუისთან საპროტესტო აქცია მიმდინარეობს. ადგილობრივებმა სარწყავი წყლის მოთხოვნით ცენტრალური მაგისტრალი რამდენიმე წუთით გადაკეტეს. ადგილზე მობილიზებულები არიან სამართალდამცველები. აქციის მონაწილეები ტაშისკრის არხზე, სარწყავი წყლის აღდგენას ითხოვენ, რომელიც 2 კვირაა არ მოედინება, რაც მოსახლეობას მოსავლის განადგურების საფრთხე უქმნის. ადგილზე იმყოფებიან მელიორაციის სამსახურისა და ქარელის საკრებულოს წარმომადგენლები.

მამუკა ბახტაძე

04 ივლისი 2020, 10:55

პოლიტიკა

მამუკა ბახტაძემ აშშ-ს დამოუკიდებლობის დღე მიულოცა

დღეს ამერიკის შეერთებული შტატები დამოუკიდებლობის დღეს აღნიშნავს. მამუკა ბახტაძემ სოციალური ქსელის მეშვეობით, აშშ-ს დღევანდელი დღე მიულოცა. „ვულოცავ 4 ივლისს ჩვენს ამერიკელ მეგობრებს! ჩვენი სტრატეგიული პარტნიორობა ბრძოლაშია გამოცდილი და ორმხრივია. გილოცავთ დამოუკიდებლობის დღეს!“, - ამის შესახებ საქართველოს ყოფილი პრემიერ-მინისტრი, მამუკა ბახტაძე Twitter-ზე წერს.

უკრაინა კორონავირუსი

04 ივლისი 2020, 10:55

COVID19

უკრაინაში კორონავირუსის 914 ახალი შემთხვევა გამოვლინდა

გასული დღე-ღამის განმავლობაში ქვეყანაში COVID-19-ს 15 პაციენტი გარდაიცვალა, დაღუპულთა საერთო რაოდენობა კი 1 227-მდე გაიზარდა. გამოჯანმრთელდა 21 155 პაციენტი.

04 ივლისი 2020, 10:50

COVID19

კოვიდინფიცირების შემთხვევებით მექსიკამ იტალიას გადაუსწრო

ბოლო 24 საათის განმავლობაში, მექსიკაში ახალი კორონავირუსით ინფიცირების 6 740 შემთხვევა აღწერეს. ამით, ქვეყანაში ინცირების მაჩვენებელი უკვე 245 251-ს გაუტოლდა. შედეგად, მექსიკამ იტალიის ჯამურ მაჩვენებელს (241 184 შემთხვევა) გადაასწრო.

კორონავირუსი ინდოეთი

04 ივლისი 2020, 10:49

COVID19

ინდოეთში დღის განმავლობაში ინფიცირებულთა მატების ანტირეკორდი დაფიქსირდა

ინდოეთში დღის განმავლობაში ინფიცირებულთა მატების მორიგი ანტირეკორდი დაფიქსირდა. გასული 24 საათის განმავლობაში კორონავირუსი 22 771 ადამიანს დაუდასტურდა. ინფორმაციას ამის შესახებ ტელეკომპანია CNN-ი ავრცელებს.

ვახტანგ გომელაური

04 ივლისი 2020, 10:40

პოლიტიკა

ვახტანგ გომელაურმა აშშ-ს დამოუკიდებლობის დღე მიულოცა

დღეს, 4 ივლისს ამერიკის შეერთებული შტატები დამოუკიდებლობის დღეს აღნიშნავს. საქართველოს შინაგან საქმეთა მინისტრმა, სრულიად აშშ-ს დღევანდელი დღე მიულოცა და მშვიდობა, სიძლიერე და წარმატება უსურვა. „ჩვენს ამერიკელ კოლეგებს, სტრატეგიულ პარტნიორებს და ამერიკელ ხალხს ვულოცავ დამოუკიდებლობის დღეს! ვუსურვებ მშვიდობას, სიძლიერესა და წარმატებას“, - ამის შესახებ განცხადება ვახტანგ გომელაურმა გააკეთა.