imedi /  31 ივლისი 2020, 16:21 / სანდო წყარო

გია აბაშიძე: საკანონმდებლო და აღმასრულებელი ხელისუფლება ვერც სასამართლოს ვერდიქტს მისცემს შეფასებას და ვერც პრეზიდენტის უფლებამოსილებაში ჩაერევა

გია აბაშიძე

გია აბაშიძე

პოლარიზაციას კრიმინალთა, ზოგადად, ჟორიკების ციხეში ყოფნა კი არ იწვევს, არამედ იწვევს მათი ყოფნა პოლიტიკაში და მათი ე.წ. ლიდერებად გამოცხადება, - ამის შესახებ ანალიტიკოსი გია აბაშიძე სოციალურ ქსელში წერს და სენატორ რიშს ეხმიანება, რომელმაც განაცხადა, რომ საქართველოს პრეზიდენტმა გიორგი რურუა უნდა შეიწყალოს.

აბაშიძის თქმით, საკანონმდებლო და აღმასრულებელი ხელისუფლება ვერც სასამართლოს ვერდიქტს მისცემს შეფასებას და ვერც პრეზიდენტის უფლებამოსილებაში ჩაერევა, თუნდაც რეკომენდაციის მიცემის გზით.

როგორც ანალიტიკოსი მიიჩნევს, პოლარიზაციას კრიმინალების, ჟორიკების ციხეში ყოფნა კი არ იწვევს, არამედ იწვევს მათი ყოფნა პოლიტიკაში და მათი ე.წ. ლიდერებად გამოცხადება.

,,ამერიკელი სენატორი რიში: სალომე ზურაბიშვილმა რურუა უნდა შეიწყალოს” პოლიტიკის მცოდნეებმა და ზოგადად, საზოგადოებამ ვიცით, რომ ხელისუფლების დანაწილების საყოველთაოდ აღიარებული, დემოკრატიული პრინციპიდან გამომდინარე, საკანონმდებლო და აღმასრულებელი ხელისუფლება, ვერც სასამართლოს ვერდიქტს მისცემს შეფასებას და ვერც პრეზიდენტის უფლებამოსილებაში ჩაერევა, თუნდაც რეკომენდაციის მიცემის გზით. საქართველოს ყველა ხელისუფლება ყოველთვის პატივისცემით ეკიდება სტრატეგიული პარტნიორი ქვეყნის, აშშ-ის სენატორთა პოზიციას. გიორგი (ჟორიკა) რურუას მიმართ განაჩენი ხელისუფლების დამოუკიდებელმა შტომ, სასამართლომ გამოიტანა, ხოლო მსჯავრდებულის შეწყალების საკითხი, ასევე დამოუკიდებელი ინსტიტუციის - საქართველოს პრეზიდენტის ექსკლუზიურ უფლებამოსილებას განეკუთვნება! ისევე, როგორც არაერთ სუვერენულ ქვეყანაში. სენატორმა რიშმა ასევე თქვა - ,,მე ძალიან მახარებს ის, რომ საქართველოს საარჩევნო სისტემაში საჭირო ცვლილებები შეტანილ იქნა და მოველი, რომ ოქტომბერში თავისუფალ და სამართლიან არჩევნებს ვიხილავ. თუმცა არჩევნები თავისუფალი და სამართლიანი მხოლოდ იმ შემთხვეევაში იქნება, თუ პოლიტიკურ პარტიებს ექნებათ საშუალება, თავისუფლად იმოქმედონ, პოლიტიკური დევნის შიშის გარეშე”. მმართველმა პარტიამ არაერთხელ გამოთქვა მზადყოფნა და ახლაც ამბობს, რომ სრულ გარანტიას იძლევა, რომ 2020 წლის საპარლამენტო არჩევნები უმაღლესი დემოკრატიული სტანდარტებით ჩატარდება. ისევე, როგორც ამ 8 წლის განმავლობაში. მთავარია უცხოელი დამკვირვებლების ობიექტური დასკვნები და არა ნაცმო-ს სატელიტი "ენჯეოების" "ფეიკი" სისულელეები. პოლარიზაციას კრიმინალთა, ზოგადად, ჟორიკების ციხეში ყოფნა კი არ იწვევს, არამედ იწვევს მათი ყოფნა პოლიტიკაში და მათი ე.წ. ლიდერებად გამოცხადება. პამდემიის ფონზე, ეს საპარლამენტო არჩევნებიც გამართულად ჩატარდება იმის მიუხედავად, თუ რას შეთხზავენ და იწიკვინებენ ნაცვასალი "ენჯეოები" და ფულის მონა ნაცარხები”,- წერს გია აბაშიძე.

ტელეკომპანია „მთავარის“ თანადამფუძნებლის, გიორგი რურუასთვის ოთხწლიანი პატიმრობის მისჯას, შეერთებული შტატების სენატის საგარეო საქმეთა კომიტეტის თავმჯდომარე, ჯიმ რიში ეხმიანება.

20 ოპოზიციური პოლიტიკური პარტია გიორგი რურუასადმი გამამტყუნებელი განაჩენის გამოტანასთან დაკავშირებით ერთობლივ განცხადებას ავრცელებს. განცხადების ავტორების თქმით, გიორგი რურუას გათავისუფლება და პოლიტიკურად მოტივირებული საქმეების დაუშვებლობა, 8 მარტის შეთანხმების საკვანძო ნაწილია.

სასმართლომ გიორგი რურუას 4-წლიანი პატიმრობა მიუსაჯა და იარაღის შეძენა-შენახვა-ტარების ნაწილში დამნაშავედ ცნო. რურუას ადვოკატები საქმის გასაჩივრებას აპირებენ.

გიორგი რურუა 2019 წლის 18 ნოემბერს დააკავეს. გამოძიება მას სსკ-ის 236-ე მუხლის მესამე და მეოთხე ნაწილებით გათვალისწინებულ დანაშაულს ედავება, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

ყველა სიახლე

მაიკლ ოჯო

07 აგვისტო 2020, 19:18

სპორტი

სერბეთის „ცრვენა ზვეზდას“ 27 წლის კალათბურთელი მაიკლ ოჯო გულის შეტევით გარდაიცვალა

სერბეთის „ცრვენა ზვეზდას“ 27 წლის კალათბურთელი მაიკლ ოჯო გულის შეტევით გარდაიცვალა. ნიგერიელმა სპორტსმენმა თავი შეუძლოდ ვარჯიშის დროს იგრძნო, რის შემდეგაც ის საავადმყოფოში გადაიყვანეს, თუმცა სამწუხაროდ, მისი გადარჩენა ვერ მოხერხდა. ოჯოს მთელი თავისი კარიერა სერბეთის ჩემპიონატში აქვს გატარებული და „ცრვენა ზვეზდაში“ გადასვლამდე FMP-ს ღირსებას იცავდა. კლუბის ხელმძღვანელები აცხადებენ, რომ კალათბურთელს გულთან დაკავშირებული პრობლემები არ აწუხებდა და მათთვისაც მისი სიკვდილი შოკისმომგვრელი აღმოჩნდა.

07 აგვისტო 2020, 19:11

პოლიტიკა

ეუთოში აშშ-ის მისია: კიდევ ერთხელ მოვუწოდებთ რუსეთს, შეწყვიტოს საქართველოს ოკუპაცია

ეუთოში აშშ-ის მისია რუსეთ-საქართველოს ომის 12 წლისთავთან დაკავშირებით განცხადებას ავრცელებს.

კრიშტიანუ რონალდო

07 აგვისტო 2020, 19:11

სპორტი

კრიშტიანუ რონალდო 2020 წლის ზამთარში „პარი სენ-ჟერმენში“ გადასვლას აპირებდა

კრიშტიანუ რონალდო 2020 წლის ზამთარში „პარი სენ-ჟერმენში“ გადასვლას აპირებდა. ცნობილი გამოცემა „ფრანს ფუტბოლის“ ინფორმაციით, პორტუგალიელი ფეხბურთელი თავის აგენტთან ჟორჟე მენდეშთან ერთად იანვარში „იუვენტუსის“ ხელმძღვანელებს შეხვდა და განუცხადა, რომ მისი ოცნება ნეიმართან და კილიან მბაპესთან ერთ გუნდში თამაში და პარიზში, ანუ იმ ქალაქში ცხოვრებაა, სადაც 2016 წელს პორტუგალიის ნაკრების შემადგენლობაში ევროპის ჩემპიონი გახდა. ტურინული და პარიზული კლუბები მოლაპარაკებების დაწყებას აპირებდნენ, თუმცა კორონავირუსის პანდემიის შემდეგ პსჟ-მ რონალდუს სანაცვლოდ დიდი თანხის გადახდაზე უარი თქვა და თავად პორტუგალიელმაც საფრანგეთში ცხოვრება, სადაც მძიმე ეპიდვითარება იყო, გადაიფიქრა. შეგახსენებთ, რომ გასულ სეზონში კრიშტიანუმ იტალიის სერია A-ში 31 გოლი გაიტანა და „იუვესთან“ ერთად სკუდეტო მოიგო.

კიანუ რივზი

07 აგვისტო 2020, 19:02

კულტურა

კიანუ რივზს „ჯონ ვიკის“ მეოთხე და მეხუთე ნაწილებში გადაიღებენ

კიანუ რივზი ფილმ „ჯონ ვიკის“ მეხუთე ნაწილში გამოჩნდება. ახალ ფილმზე მუშაობის დაწყების შესახებ ინფორმაციას სტუდია Lionsgate-ზე დაყრდნობით, screenrant ავრცელებს. დაქირავებულ მკვლელზე გადაღებულ კინოსურათს, რამდენიმე ნაწილი დაემატება. ფილმის გადაღება 2022 წელს დასრულდება. სტუდია გეგმავს, რომ „ჯონ ვიკის“ მეოთხე და მეხუთე ნაწილები ერთად გადაიღოს.

ვიოლა ფონ კრამონი

07 აგვისტო 2020, 19:00

პოლიტიკა

ვიოლა ფონ კრამონი: რუსეთს 2008 წლის ცეცხლის შეწყვეტის შეთანხმება ჯერ კიდევ არ შეუსრულებია, რისთვისაც პასუხი უნდა აგოს

ევროპარლამენტის წევრი, ვიოლა ფონ კრამონი რუსეთ-საქართველოს ომის 12 წლისთავთან დაკავშირებით განცხადებას ავრცელებს.

ადამ კიზინგერი

07 აგვისტო 2020, 18:53

პოლიტიკა

ადამ კინზინგერი: აშშ-ის კონგრესი, სენატი და პრეზიდენტი მხარს უჭერენ საქართველოს, საქართველოსთვის დადგა დრო, გახდეს ნატო-ს სრულუფლებიანი წევრი

„საქართველოსთვის დადგა დრო, რომ ნატო-ს სრულუფლებიანი წევრი გახდეს. მინდა გითხრათ, რომ ათვლის წერტილი არის 12 წელი. საქართველოსთვის დადგა დრო, გახდეს ნატო-ს სრულუფლებიანი წევრი. ვფიქრობ, ჩემი მეგობრები დაეთანხმებიან, რომ ის ფაქტი, რომ საქართველო ოკუპირებულია, ვფიქრობ, არ უნდა გახდეს მიზეზი, რათა საქართველო არ გახდეს ნატო-ს წევრი“.

07 აგვისტო 2020, 18:52

პოლიტიკა

რუმინეთი საქართველოს სუვერენიტეტისა და ტერიტორიული მთლიანობის მხარდაჭერას კიდევ ერთხელ ადასტურებს

„რუსეთის ფედერაციასა და საქართველოს შორის სამხედრო კონფლიქტის დაწყებიდან 12 წელი გავიდა. რუმინეთი კიდევ ერთხელ ადასტურებს საქართველოს სუვერენიტეტისა და ტერიტორიული მთლიანობის მხარდაჭერას“, - აღნიშნულია უწყების მიერ Twitter-ის ოფიციალურ გვერდზე გამოქვეყნებულ განცხადებაში.

07 აგვისტო 2020, 18:39

პოლიტიკა

უკრაინის საგარეო უწყება: საერთაშორისო თანამეგობრობამ რუსეთის წინააღმდეგ სანქციები უნდა გააძლიეროს, რათა აიძულოს იგი, შეაჩეროს აგრესია საქართველოსა და უკრაინის წინააღმდეგ

უკრაინის საგარეო საქმეთა სამინისტრო რუსეთ-საქართველოს ომის 12 წლისთავთან დაკავშირებით განცხადებას ავრცელებს.

07 აგვისტო 2020, 18:28

პოლიტიკა

საკანონმდებლო და აღმასრულებელი ხელისუფლების წარმომადგენლებმა, UNDP-ის ხელმძღვანელთან ერთად, კლიმატის ცვლილების შესახებ იმსჯელეს

შეხვედრას გარემოს დაცვისა და სოფლის მეურნეობის მინისტრის მოადგილე ნინო თანდილაშვილი, საქართველოს პარლამენტის გარემოს დაცვისა და ბუნებრივი რესურსების კომიტეტის თავმჯდომარე ნინო წილოსანი და UNDP-ის ხელმძღვანელი, ლუიზა ვინტონი ესწრებოდნენ.

07 აგვისტო 2020, 18:20

საზოგადოება

ვლადიმერ იმნაძე წეროვანში ვეტერანებს შეხვდა

2008 წლის რუსეთ-საქართველოს აგვისტოს ომის მე-12 წლისთავთან დაკავშირებით, ვეტერანების საქმეთა სახელმწიფო სამსახურის დირექტორი, ვლადიმერ იმნაძე წეროვანში ჩავიდა და 9 აპრილის სახელობის სკვერში სამაჩაბლოდან და ახალგორიდან დევნილ ვეტერანებს შეხვდა.

07 აგვისტო 2020, 18:18

COVID19

აზერბაიჯანში კორონავირუსის 129 ახალი შემთხვევა დადასტურდა, 4 პაციენტი გარდაიცვალა

ბოლო 24 საათის განმავლობაში აზერბაიჯანში ახალი კორონავირუსით ინფიცირების კიდევ 129 შემთხვევა გამოვლინდა, 4 პაციენტი კი ვირუსს ემსხვერპლა, - ინფორმაციას ადგილობრივი მედია ქვეყნის მინისტრრთა კაბინეტის ოპერატიულ შტაბზე დაყრდნობით ავრცელებს.

07 აგვისტო 2020, 18:16

მსოფლიო

ივლისში აშშ-ში 1.8 მილიონი სამუშაო ადგილი შეიქმნა

ივლისში აშშ-ში 1.8 მილიონი სამუშაო ადგილი შეიქმნა. ინფორმაციას ამის შესახებ აშშ-ის შრომის დეპარტამენტი ავრცელებს.

07 აგვისტო 2020, 18:10

მსოფლიო

ბეირუთში აფეთქების შედეგად გარდაცვლილთა რაოდენობამ 150-ს გადააჭარბა

ლიბანში 4 აგვისტოს მომხდარი აფეთქების შედეგად დაღუპულთა რიცხვი 154-მდე გაიზარდა. უწყების პირველი პირის, ჰამად ჰასანის განცხადებით, დაშავებულია 5 000-მდე ადამიანი. მათ 20%-ს საავადმყოფოში გადაყვანა დასჭირდა.

ლევან იზორია

07 აგვისტო 2020, 17:59

პოლიტიკა

ლევან იზორია: რუსეთ-საქართველოს ომის 12 წლისთავთან დაკავშირებით Bild-ის სტატია მნიშვნელოვანი და მისასალმებელია

დიპლომატის შეფასებით სტატია, სადაც რუსეთის მიერ საქართველოს წინააღმდეგ წარმოებულ აგრესიულ პოლიტიკაზეა საუბარი და რომელიც რუსეთ-საქართველოს ომის 12 წლის თავზე გამოქვეყნდა მისასალმებელია. საქართველოს ამოცანა კი ისაა, რომ ისეთ სტრატეგიულად მნიშვნელოვან ქალაქში, როგორიც ბერლინია, ყოველთვის პრინციპულად ხდებოდეს იმ უსამართლობის დაფიქსირება, რაც რუსეთის მხრიდან ხორციელდება და ასევე პრინციპულად უნდა დაფიქსირდეს ის სახელმწიფო პოლიტიკაც, რომელიც საქართველოს ევროინტეგრაციის გზაზე აქვს არჩეული. ამის შესახებ გერმანიაში საქართველოს ელჩი „ქრონიკასთან“ საუბრობს.

07 აგვისტო 2020, 17:54

მსოფლიო

მდინარე იორდანეს დასავლეთ ნაპირზე დაპირისპირებას პალესტინელი ქალი ემსხვერპლა

მდინარე იორდანეს დასავლეთი ნაპირზე ერთმანეთს ებრაელი სამხედროები და ადგილობრივი პალესტინელები დაუპირისპირდნენ. შემთხვევისას, ებრაელმა ჯარისკაცებმა პალესტინელი ქალები დაჭრეს. მათ შორის იყო 23 წლის ქალიც, რომელიც შემთხვევას ემსხვერპლა.

07 აგვისტო 2020, 17:50

სპორტი

ინგლისის პრემიერლიგაში ხუთის ნაცვლად გუნდებს ისევ სამი შეცვლის უფლება ექნებათ

2020/2021 წლების სეზონიდან ინგლისის პრემიერლიგაში ხუთის ნაცვლად გუნდებს ისევ სამი შეცვლის უფლება ექნებათ. აღნიშნული გადაწყვეტილება ქვეყნის საფეხბურთო ასოციაციამ კლუბებთან შეთანხმების შემდეგ მიიღო. ცვლილელების რაოდენობა კორონავირუსის პანდემიის შედეგად გამოწვეული პაუზის გამო, ფეხბურთელებისთვის დატვირთების შესამსუბუქებლად დააწესეს და განახლებულ ჩემპიონატებში ყველგან ეს წესი მოქმედებდა.

მიხეილ რამიშვილი

07 აგვისტო 2020, 17:36

სამართალი

ადვოკატი: თამარ ბაჩალიაშვილის ოჯახმა შსს-ს სთხოვა, არ გაასაჯაროოს იმგვარი ინფორმაცია, რომელიც თვითმკვლელობის ეჭვებს იწვევს

გარდაცვლილი თამარ ბაჩალიაშვილის ოჯახმა შინაგან საქმეთა სამინისტროს თხოვნით მიმართა, უწყების ვებგვერდზე არ განთავსდეს იმგვარი ინფორმაცია, რომელიც თამარ ბაჩალიაშვილის თვითმკვლელობის ეჭვებს იწვევს, - ამის შესახებ ჟურნალისტებს შსს-ში შეხვედრის დასრულების შემდეგ ოჯახის ადვოკატმა მიხეილ რამიშვილმა განუცხადა.

07 აგვისტო 2020, 17:34

საზოგადოება

ევროპელი ექსპერტების ჩართულობით განათლებისა და მეცნიერების სტრატეგიის შემუშავების პროცესის დასაგეგმად სემინარი გაიმართა

საქართველოს განათლების, მეცნიერების, კულტურისა და სპორტის სამინისტროს ორგანიზებითა და ევროკავშირის მიერ დაფინანსებული პროექტის „საჯარო მმართველობის რეფორმის მხარდაჭერა საქართველოში (PAR)“ ხელშეწყობით განათლებისა და მეცნიერების განვითარების 2022-2030 წლების სტრატეგიის შემუშავების პროცესის ეფექტურად დაგეგმვის მიზნით ორდღიანი სემინარი გაიმართა.

ივანე მაჭავარიან;ი ჰუბერტ ქნირში

07 აგვისტო 2020, 17:28

ეკონომიკა

ივანე მაჭავარიანი: ერთ სულ მოსახლეზე საქართველო გერმანიის ფინანსური მხარდაჭერის ერთ-ერთი ყველაზე დიდი მიმღები ქვეყანაა

ერთ სულ მოსახლეზე დღეს, საქართველო გერმანიის ფინანსური მხარდაჭერის ერთ-ერთი ყველაზე დიდი მიმღები ქვეყანაა. ეს ადასტურებს რამდენად მნიშვნელოვანია ჩვენი ურთიერთობა", - განაცხადა ფინანსთა მინისტრმა, ივანე მაჭავარიანმა გერმანიის ფედერაციულ რესპუბლიკასთან სასესხო ხელშეკრულებებზე ხელმოწერის ცერემონიალზე.

თეა წულუკიანი

07 აგვისტო 2020, 17:23

საზოგადოება

თეა წულუკიანი: აგვისტოს ომი არის ის ტრაგიკული მოვლენა, რომლის შედეგებსაც ჩვენი ქვეყანა კვლავ იმკის

„ჩვენი მიზანია ქვეყნის მშვიდობიანი დეოკუპაცია. ჩვენი გუნდი ვაგრძელებთ სამართლებრივ ბრძოლას იმისთვის, რომ საქართველოს შევძინოთ არა მხოლოდ ის პოლიტიკური დოკუმენტები რომლებიც მრავლად არსებობს არაღიარების თემაზე, არამედ საქართველოს, მომავალ თაობას შევძინოთ სამართლებრივი დოკუმენტი სტრასბურგის სასამართლოს დავის ფარგლებში, რომელიც დაადგენს იმ რეალობას, რაც ჩვენი ცხოვრების ნაწილია - ოკუპაცია, მიმდინარე ოკუპაცია“, - განაცხადა თეა წულუკიანმა.