არჩილ თალაკვაძე ნინო ლაცაბიძეზე: განათლებული, პროგრესული და წარმატებული ქალი, პოლიტიკოსი - დარწმუნებული ვარ, ის რუსთავის საუკეთესო არჩევანი იქნება

ნინო ლაცაბიძე - განათლებული, პროგრესული და წარმატებული ქალი, პოლიტიკოსი რომელსაც ამ წლების განმავლობაში უშუალო კომუნიკაცია და შეხვედრები ჰქონდა მოქალაქეებთან. მას შეუძლია თქვენთან ერთად, რუსთავისთვის მნიშვნელოვან პროექტებზე მუშაობა და თქვენი საჭიროებების მიტანა ხელისუფლებასთან,- ამის შესახებ საქართველოს პარლამენტის თავმჯდომარემ, არჩილ თალაკვაძემ რუსთავში განაცხადა, სადაც „ქართულმა ოცნებამ“ მოსახლეობას რუსთავის მაჟორიტარი დეპუტატობის კანდიდატი, ნინო ლაცაბიძე წარუდგინა.

„განათლებით, სამუშაო გამოცდილებით, მოქალაქეებთან პოზიტიური ურთიერთობით და თანაგრძნობის უნარით, კონტაქტებით, ლიდერის თვისებებით, რომელიც ნინოს აქვს - დარწმუნებული ვარ, ის თქვენი საუკეთესო არჩევანი იქნება“,- განაცხადა სიტყვით გამოსვლისას პარლამენტის თავმჯდომარემ.

„ქართულმა ოცნებამ“ რუსთავის მაჟორიტარი დეპუტატობის კანდიდატი ნინო ლაცაბიძე წარადგინა.