ნინო ლაცაბიძე: გპირდებით, ვიქნები თქვენი ღირსეული ხმა საქართველოს პარლამენტში

გპირდებით, ვიქნები თქვენი ღირსეული ხმა საქართველოს პარლამენტში, ხმა, რომელიც იქნება ყოველთვის გულწრფელი და შედეგის მომტანი, – ამის შესახებ რუსთავის მაჟორიტარობის კანდიდატმა, ნინო ლაცაბიძემ რუსთავში გამართულ შეხვედრაზე განაცხადა, სადაც ის მოსახლეობას „ქართული ოცნების“ ლიდერებმა წარუდგინეს.

„ჩემთვის დიდი პატივია, ვიდგე აქ, ჩემს ქალაქში, სადაც დავიბადე და გავიზარდე, სადაც ცხოვრობს ჩემი ოჯახი, მეგობრებისა და ახლობლების უდიდესი ნაწილი. ქალაქი, სადაც ჩემი ცხოვრების საუკეთესო პერიოდი გავატარე. ალბათ ამიტომაც არის, რომ პატივთან ერთად, ეს არის დიდი პასუხისმგებლობის გრძნობა, როგორც გუნდის, ასევე თქვენს წინაშე. როგორც რიგითი რუსთაველი, მე კარგად ვიცნობ იმ პრობლემებს, რომლებიც არის დღეს რუსთავში და დარწმუნებული ვარ, სწორედ თქვენთან ერთად ყველაფერს გავაკეთებთ, რათა რუსთავის განვითარება გახდეს შეუქცევადი პროცესი“, – აღნიშნა ნინო ლაცაბიძემ.

„ქართულმა ოცნებამ“ რუსთავის მაჟორიტარი დეპუტატობის კანდიდატი ნინო ლაცაბიძე წარადგინა.