imedi /  29 სექტემბერი 2020, 16:44 / სანდო წყარო

ამირან სალუქვაძე: გიორგი გახარიას და იენს სტოლტენბერგის შეხვედრა მკაფიოდ ადასტურებს საქართველოს საგარეო კურსს, ასევე, პირდაპირი გზავნილია მმართველი პარტიის ოპონენტებისადმი

ამირან სალუქვაძე

ამირან სალუქვაძე

რეგიონში მიმდინარე დაძაბული პროცესების ფონზე, საკმაოდ მნიშვნელოვანი შეხვედრა გამართა პრემიერმა გახარიამ ნატოს გენერალურ მდივან სტოლტენბერგთან. ეს შეხვედრა ასევე მნიშვნელოვანია შიდა პოლიტიკისთვის, პირდაპირი გზავნილია მმართველი პარტიის ოპონენტებისადმი, მკაფიოდ ადასტურებს საქართველოს საგარეო კურსს და ნატო-საქართველოს ურთიერთობების მაღალ ნიშნულზე არსებობას,- წერს სოციალურ ქსელში ანალიტიკოსი ამირან სალუქვაძე.

მისი თქმით, სამწუხაროა, რომ ე.წ. პროდასავლური ძალები არ ეხმიანებიან ამ ვიზიტს და ევროინტეგრაციის საკითხში მხარდაჭერის და ერთიანი ძალისხმევის ნაცვლად, წლების მანძილზე ხელის შემშლელ ქმედებებს მიმართავენ.

„სტოლტენბერგის მხრიდან არ მოგვისმენია რაიმე სერიოზული პრეტენზიები საქართველოს გაწევრიანებისთვის მზადყოფნასთან დაკავშირებით. ჩემთვის ყურადსაღები იყო ნატო-საქართველოს შორის საჰაერო ვითარების შესახებ ინფორმაციის გაცვლასთან დაკავშირებით. ეს ინიციატივა, მოკრძალებულად რომ ვთქვა, ჩემი სარდლობის დროს დაიწყო და ვიცი რამდენად მნიშვნელოვანია საქართველოს უსაფრთხოების ერთიანი სისტემისთვის. იმედია ის განახლებული მიდგომებით და სრულყოფილად განხორციელდება. ამისათვის საქართველომ დამატებითი რადარები უნდა შეიძინოს და სხვა საჭირო ზომები გაატაროს. არჩევნებთან დაკავშირებითაც მკაფიო განცხადებები გაკეთდა. რაც მთავარია, ნატო, მთელი ცივილიზებული სამყარო აგრძელებს საქართველოს ტერიტორიული მთლიანობის მხარდაჭერას”,- წერს სალუქვაძე.

საქართველოს პრემიერ-მინისტრი გიორგი გახარია ოფიციალური ვიზიტით ბრიუსელში იმყოფება. ის ნატოს გენერალურ მდივან იენს სტოლტენბერგსა და სამეზობლო პოლიტიკისა და გაფართოების საკითხებში ევროკომისრ, ოლივერ ვარჰელს შეხვდა.

ყველა სიახლე

გურამ ნიკოლაშვილი

29 ოქტომბერი 2020, 17:46

პოლიტიკა

გურამ ნიკოლაშვილი: წინა არჩევნებზე გაკეთებულ კვლევებზე 22%-იან ცდომილებაზე პასუხისმგებლობა ვინ აიღო?

წინა საპარლამენტო არჩევნებზე გაკეთებულ კვლევებზე პასუხისმგებლობა ვინ აიღო 22%-იან ცდომილებაზე? - საჯარო პოლიტიკის სპეციალისტი გურამ ნიკოლაშვილი 2016 წლის საპარლამენტო არჩევნებისთვის ჩატარებულ კვლევებს იხსენებს. „წინა საპარლამენტო არჩევნებზე გაკეთებულ კვლევებზე პასუხისმგებლობა ვინ აიღო 22%_იან ცდომილებაზე? გრუ-ს ინსტრუქციაში რა წერია, არ შეიმჩნიოთ და უტიფრად განაგრძეთ სახეში ფქვილის ყრაო? 55%_ზე რომ ხარხარებენ, აი ის ხელისგულზე სატარებელი ოქრო ხალხი” - წერს გურამ ნიკოლაშვილი ფეისბუქის საკუთარ გვერდზე.

გიორგი გახარია

29 ოქტომბერი 2020, 17:46

პოლიტიკა

გიორგი გახარია: ყოველთვის ვიზრუნებთ დევნილებზე, მაგრამ ჩვენი საბოლოო მიზანი ქვეყნის გამთლიანებაა

„ოკუპაცია არის ჩვენი ყველაზე დიდი გამოწვევა. ჩვენ ყოველთვის ვიზრუნებთ ჩვენს დევნილებზე, მათ საცხოვრებელ პირობებზე, მაგრამ საბოლოო მიზანია ქვეყნის გამთლიანება, გამთლიანება მშვიდობით და გონივრულად. როდესაც ჩვენ ვსაუბრობთ ოკუპაციაზე, ჩვენ არ ვსაუბრობთ ჩვენი მიწის მხოლოდ 20%-ზე. ჩვენ ვსაუბრობთ ჩვენი ქვეყნის განვითარების შეზღუდულობაზე“,- განაცხადა გიორგი გახარიამ.

ბელგია

29 ოქტომბერი 2020, 17:45

COVID19

პანდემიის დაწყებიდან დღემდე, ბელგიაში კორონავირუსის ყველაზე მეტი შემთხვევა გამოვლინდა

დღეს ბელგიაში კორონავირუსით ინფიცირების 21 048 შემთხვევა დაფიქსირდა. ეს არის ყველაზე მაღალი ყოველდღიური მაჩვენებელი პანდემიის დაწყებიდან დღემდე. ბოლო 24 საათში ბელგიაში კორონავირუსით გარდაიცვალა 132 ადამიანი და ჯამში 11 170-ს მიაღწია. 29 ოქტომბრის მონაცემებით, საავადმყოფოში იმყოფება 5 924 პაციენტი. 993 პაციენტი - ინტენსიურ განყოფილებაში. ბელგიაში ძალაში რჩება სტრატეგია, რომლის თანახმადაც უსიმპტომო პაციენტებს COVID-19-ზე ტესტს არ უტარებენ.

ბექა ოდიშარია

29 ოქტომბერი 2020, 17:45

პოლიტიკა

ბექა ოდიშარია დიასპორის წარმომადგენლებს: სადაც თქვენ ხართ, ყველგან საქართველოა

„მივესალმები ჩემს დიასპორელებს, რომელბმაც მართლაც გმირობა გამოიჩინეს პანდემიის ჟამს, ახლა ჩემი ძვირფასებო იცოდეთ, რომ სადაც თქვენ ხართ იქ ყველგან საქართველოა, ამიტომ ძალიან მნიშვნელოვანია, რომ ყველა თქვენს ადგილსამყოფელს ქვეყანაში ისევ გამოიჩინოთ გმირობა და 31 ოქტომბერს დააფიქსიროთ „ქართული ოცნების“ გამარჯვება“, - განაცხადა ბექა ოდიშარიამ.

29 ოქტომბერი 2020, 17:42

რეგიონი

ნათია თურნავამ და რეგიონული განვითარებისა და ინფრასტრუქტურის მინისტრის მოადგილემ გურჯაანში თანამედროვე სტანდარტებით აღჭურვილი ტექნოპარკის შენობა გახსნეს

გურჯაანში, თანამედროვე სტანდარტებით აღჭურვილი ტექნოპარკის შენობა ეკონომიკისა და მდგრადი განვითარების მინისტრმა, ნათია თურნავამ და რეგიონული განვითარებისა და ინფრასტრუქტურის მინისტრის მოადგილემ, ილია ბეგიაშვილმა გახსნეს. ტექნოპარკი არის სივრცე, სადაც თავმოყრილია ტექნოლოგიური, საგანმანათლებლო და პროფესიონალური რესურსები და წარმოადგენს ერთგვარ პლატფორმას ინოვაციებსა და ტექნოლოგიებზე დაფუძნებული ბიზნესების განვითარებისთვის.

ბექა ოდიშარია

29 ოქტომბერი 2020, 17:34

პოლიტიკა

ბექა ოდიშარია: ჩემთვის დიდი პატივია ვიყო გუნდის წევრი, რომელთან ერთადაც ჩვენ შევქმენით საქართველოს ახალი, ნამდვილი ევროპული კონსტიტუცია

ჩემთვის დიდი პატივია ვიყო იმ გუნდის წევრი, რომელიც არის მშვიდობისმყოფელი და ამ 8-წლიანი მშვიდობის პერიოდში აშენებს მაგისტრალებს, გვირაბებს, ხიდებს, ზრუნავს სოფელზე ათბობს და ანათებს ამას, ღირსეულად ეპყრობა ყველა პროფესიის ადამიანს, ადამიანის უფლებებს, პედაგოგებს, მედიცინის მუშაკებს, ჯარისკაცებს თუ პოლიციელებს, სცემს პატივს დედაეკლესიას და ყველა სხვა კონფესიას საქართველოში, - ამის შესახებ მთაწმინდა-კრწანისის მაჟორიტარულ ოლქში „ქართული ოცნების“ კანდიდატმა, ბექა ოდიშარიამ წარდგენაზე განაცხადა.

სალომე ზურაბიშვილი

29 ოქტომბერი 2020, 17:33

პოლიტიკა

სალომე ზურაბიშვილმა ნიცაში მომხდარი ტერაქტი დაგმო

საქართველოს პრეზიდენტმა სალომე ზურაბიშვილმა საფრანგეთის ქალაქ ნიცაში მომხდარი ტერაქტი დაგმო.

29 ოქტომბერი 2020, 17:32

მსოფლიო

ლიონში პოლიციამ ცივი იარაღით შეიარაღებული პირი დააკავა

საფრანგეთში, ქალაქ ლიონში პოლიციამ ცივი იარაღით შეიარაღებული პირი დააკავა. ინფორმაციას ამის შესახებ ფრანგული მედია ავრცელებს.

29 ოქტომბერი 2020, 17:28

COVID19

მედიცინის ფაკულტეტის მაღალკურსელებს COVID-19-ის ეფექტიანად მართვის მიზნით გადამზადების სწრაფი კურსები უტარდებათ

პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს გადაწყვეტილებით, კორონავირუსის ეფექტიანად მართვის მიზნით, მედიცინის საგანმანათლებლო პროგრამების მაღალკურსელების გადამზადების პროცესი დაწყებულია, - ამის შესახებ ინფორმაციას საქართველოს განათლების სამინისტრო ავრცელებს.

გიორგი გახარია

29 ოქტომბერი 2020, 17:23

პოლიტიკა

გიორგი გახარია: ჩვენ აუცილებლად გავიმარჯვებთ ისე, როგორც ბევრმა განვითარებულმა ქვეყანამ ვერ შეძლო და ამის ყველაზე დიდი საფუძველი ერთიანობაა

„ეს არის ის პასუხისმგებლობა, რომელიც ჩვენ ყოველთვის გვქონდა და რომლითაც უნდა გავაგრძელოთ ცხოვრება და შრომა. ყველას კარგად უნდა გვავხსოვდეს, რომ შემდეგი 4 წელი იქნება გამოწვევებით სავსე და ჩევნ ყველანი ვხედავთ, რომ უაღრესად არაორდინალურ სიტუაციაში გვიწევს კამპანიის ჩატარება“, - განაცხადა გიორგი გახარიამ.

კახა კალაძე

29 ოქტომბერი 2020, 17:21

პოლიტიკა

კახა კალაძე: ჩვენ ვართ ის გუნდი, რომელიც მზადაა, 24-საათიან რეჟიმში ემსახუროს ხალხს

„გვახსოვს, როგორც ებრძოდნენ განსხვავებულ აზრს, შეხედულებებს და ეს ყველაფერი ჩვენ ჩავაბარეთ წარსულ“, - ამის შესახებ „ქართული ოცნების“ გენერალურმა მდივანმა კახა კალაძემ მაჟორიტარი დეპუტატობის კანდიდატის ბექა ოდიშარიას წარდგენისას განაცხადა.

29 ოქტომბერი 2020, 17:18

მსოფლიო

საფრანგეთში ანტიტერორისტული ზომების დონე მაქსიმალურამდე გაიზარდა

ნიცაში მომხდარი ტერაქტის გამო, საფრანგეთში ტერორიზმთან ბრძოლის გეგმა „Vigipirate“-ი მაქსიმალურ დონემდე გაიზარდა. ამის შესახებ საფრანგეთის პრემიერ-მინისტრმა, ჟან კასტექსმა განაცხადა.

29 ოქტომბერი 2020, 17:08

რეგიონი

რაჭასა და ლეჩხუმში 2 357 ტონა ყურძენი გადამუშავდა

რაჭასა და ლეჩხუმში რთველი დასრულდა. რაჭაში სულ გადამუშავდა 2 357 ტონა ალექსანდროული და მუჯურეთული, აქედან სახელმწიფო კომპანიამ 1 161 ტონა ყურძენი მიიღო, ხოლო 1 196 ტონა კერძო კომპანიებმა ჩაიბარეს, - ამის შესახებ რაჭა-ლეჩხუმისა და ქვემო სვანეთის სახელმწიფო რწმუნებულის ადმინისტრაცია ავრცელებს.

ანგელა მერკელი

29 ოქტომბერი 2020, 16:56

COVID19

ანგელა მერკელი: პოპულისტები, რომლებიც ამბობენ, რომ კორონავირუსი უვნებელია, საშიში და უპასუხისმგებლო ხალხია

გერმანიის კანცლერის, ანგელა მერკელის განცხადებით, პოპულისტები, რომლებიც ამბობენ, რომ კორონავირუსი უვნებელია, საშიში და უპასუხისმგებლო ხალხია.

მამუკა მდინარაძე

29 ოქტომბერი 2020, 16:54

პოლიტიკა

მამუკა მდინარაძე: ბათუმში გამართული აქციის შემდეგ ვირუსის გავრცელების მაჩვენებელი გაორმაგდა

ბათუმში გამართული აქციის შემდეგ, როდესაც უკვე 200-ს ქვემოთ იყო ჩამოსული ვირუსის გავრცელების მაჩვენებელი, დაახლოებით 6-7 დღის შემდეგ ამ აქციიდან, ეს მაჩვენებელი უკვე გაორმაგდა მაშინ, როცა უკვე იყო დასტაბილურებული,- ამის შესახებ პარლამენტის თავმჯდომარის მოადგილემ, მამუკა მდინარაძემ განაცხადა.

მამუკა მდინარაძე

29 ოქტომბერი 2020, 16:47

პოლიტიკა

მამუკა მდინარაძე: ეს არის ერთი დიდი ჯაჭვი, რომლის მეშვეობითაც „ნაციონალური მოძრაობა“ ცდილობს დესტაბილიზაციის მოწყობას, რაც არ გამოუვათ, ამის გარანტიას ვაძლევთ

„ნაციონალური მოძრაობის“ ბოტები მუშაობენ და ჩაშლილია ახალი დავალებები, მათ შორის, ახალი ტყუილი, საოცრება იმის შესახებ, თითქოს ნიკა მელია გლდანში არჩევნებს პირველივე ტურში 61%-ით იგებს. ეს არის დასაცინი ამბავი. ამაზე მოკლეფეხებიანი ტყუილი არ არსებობს“, - ამის შესახებ ჟურნალისტებს ვიცე-სპიკერმა, მამუკა მდინარაძემ ჟურნალისტებს განუცხადა. მისი თქმით, გაშიფრულია მთლიანად ფეისბუქის სისტემა, რომელიც ყალბი ამბების გავრცელებით არის დაკავებული.

29 ოქტომბერი 2020, 16:41

COVID19

ინდონეზიაში კორონავირუსის 3,565 შემთხვევა გამოვლინდა

გასული 24 საათის განმავლობაში ინდონეზიაში კორონავირუსის 3,565 ახალი შემთხვევა გამოვლინდა, 89 ინფიცირებული კი გარდაიცვალა. ინდონეზიაში ინფიცირებულთა საერთო რიცხვმა 404,048 შეადგინა. ქვეყანაში კორონავირუსი 329,778-მა ადამიანმა დაამარცხა, დაავადებას კი 13,701 ადამიანი ემსხვერპლა.

მამუკა მდინარაძე

29 ოქტომბერი 2020, 16:40

პოლიტიკა

მამუკა მდინარაძე: უკვე მესამე დღეა აშკარავდება „ნაციონალური მოძრაობის“ მავნებლური გეგმები

„თუ აღმოჩნდება, რომ რომელიმე სადამკვირვებლო მისია, რომელიც ცდილობს, რომ ობიექტურად დააკვირდეს ბრჭყალებში თუ მის გარეშე არჩევნებს - ეკუთვნის „ქართულ ოცნებასთან“ პირდაპირ დაკავშირებულ პირს, მე გაძლევთ იმის გარანტიას, რომ ასეთი ორგანიზაცია არჩევნებს აღარ დააკვირდება. თქვენ ახსენეთ გვარი, როგორც ვიცი მოდებაძე, რომელიც პირველი ინფორმაციით რაც გავიგე, არის ერთ-ერთი არასამთავრობო ორგანიზაციის გამგეობის წევრი.

ივანე მაჭავარიანი

29 ოქტომბერი 2020, 16:37

ეკონომიკა

საქართველომ საბიუჯეტო მხარდაჭერის სახით აზიის განვითარების ბანკიდან დამატებით 170.8 მლნ ევრო მიიღო

დღეს, საქართველოსა და აზიის განვითარების ბანკს (ADB) შორის გაფორმდა შეთანხმება „ფისკალური მდგრადობის და სოციალური დაცვის პროგრამის“ თაობაზე. დოკუმენტს ხელი მოაწერეს საქართველოს ფინანსთა მინისტრმა ივანე მაჭავარიანმა და აზიის განვითარების ბანკის რეგიონული წარმომადგენლობის ხელმძღვანელმა შეინ როზენტალმა. ფინანსთა სამინისტროს ინფორმაციით, პროგრამის ფარგლებში, აზიის განვითარების ბანკი საქართველოს გამოუყოფს 170.8 მლნ ევროს ოდენობის ფინანსურ რესურსს, რომელიც მიიმართება ბიუჯეტში.

მამუკა მდინარაძე

29 ოქტომბერი 2020, 16:34

პოლიტიკა

მამუკა მდინარაძე: ყველა პროვოკაციულ შემთხვევასთან დაკავშირებით არის სამართლებრივი რეაგირება

„სხვათა შორის, ერთ-ერთი შემთხვევა მედიამ მთლიანად გაატარა რატომღაც. ერთ-ერთი უმძიმესი ფაქტი, რომელიც მოხდა მარნეული გზაზე და იქაც ყველა ადამიანი დაკავებულია, წინასწარ პატიმრობაში არიან და ბრალდებულებად არიან მიჩნეული გამოძიების მიერ. ეს ფაქტი რომ მოხდა იყო დიდი აჟიოტაჟი და როგორც კი ეს ადამიანები დააკავეს, საერთოდ კითხვაც არავის დაუსვამს. იმიტომ აუარეთ ამას გვერდი, რომ სამართლებრივი რეაგირება დანაშაულს რომ მოჰყვა და ეს დანაშაული გაუხსნელი რომ არ არის და მესამე დღესვე რამდენიმე პირი რომ არის დაკავებული ამასთან დაკავშირებით, ეს არ გაწყობდათ და არ თქვით“,-განაცხადა მამუკა მდინარაძემ.