გია აბაშიძე: ნატოს გენერალური მდივანი კვლავ ხაზგასმით ამბობს, რომ საქართველო ნატოს ერთ-ერთი ყველაზე მნიშვნელოვანი პარტნიორია

საკმაოდ მნიშვნელოვანი და ნაყოფიერი შეხვედრა გამართეს საქართველოს პრემიერმა გიორგი გახარიამ და ნატო-ს გენერალურმა მდივანმა იენს სტოლტენბერგმა. ჩრდილოატლანტიკურ ალიანსთან, ჩვენ ერთ-ერთ მთავარ სტრატეგიულ პარტნიორთან თანამშრომლობა არასდროს ყოფილა ისეთ მაღალ ნიშნულზე, როგორც დღესაა. სასიამოვნოა და იმედისმომცემია, როცა ნატოს გენმდივანი კვლავ ხაზგასმით ამბობს, რომ საქართველო ნატო-ს ერთ-ერთი ყველაზე მნიშვნელოვანი პარტნიორია. ასევე, უმნიშვნელოვანესი იყო, რომ გენერალურმა მდივანმა გიორგი გახარიას ალიანსის მიმართ პირადი ერთგულებისთვის მადლობა გადაუხადა”,- ამის შესახებ ანალიტიკოსი გია აბაშიძე სოციალურ ქსელში წერს და ნატო-ს გენერალური მდივნის, იენს სტოლტენბერგის და საქართველოს პრემიერ-მინისტრის, გიორგი გახარიას შეხვედრას ეხმიანება.

ანალიტიკოსის თქმით, განსაკუთრებულად მნიშნელოვანი იყო პრემიერ გახარიას ინიციატივა, რომ საქართველოს ფუნქცია ახლებურად იქნას პოზიციონირებული შავი ზღვის რეგიონის ფართო განზომილებაში და ამ კონტექსტში იქნას განხილული ალიანსის შესაძლო სამომავლო ინციატივები რეგიონში.

,,სტოლტენბერგი მიესალმება იმ წინსვლას, რომელიც საქართველოს აქვს მიღწეული დემოკრატიული რეფორმების გატარების კუთხით. მან აღნიშნა, რომ საქართველომ უკვე მიაღწია წარმატებას და კიდევ უფრო აძლიერებს ქვეყნის დემოკრატიულობას. გენერალური მდივანი ძალიან პოზიტიურად აფასებს საქართველოს მიერ ბოლო პერიოდში გატარებულ რეფორმებს და აცხადებს, რომ მოუთმენლად ელის საქართველოს სრულ ინტეგრაციას ნატო-ში. განსაკუთრებულად მნიშნელოვანი იყო პრემიერ გახარიას ინიციატივა, რომ საქართველოს ფუნქცია ახლებურად იქნას პოზიციონირებული შავი ზღვის რეგიონის ფართო განზომილებაში და ამ კონტექსტში იქნას განხილული ალიანსის შესაძლო სამომავლო ინციატივები რეგიონში. სწორედ ეს უნდა გახდეს აჩვენი შესაძლებლობების ფანჯარა ნატო-სთან შემდგომი ინტეგრაციის პროცესში. საქართველოს პრემიერ-მინისტრმა შეხვედრაზე ისეთ მნიშვნელოვან საკითხებს მიაპყრო ყურადღება, როგორიცაა ნატო-საქართველოს კომისიის შეხვედრები და ნატო-საქართველოს არსებითი პაკეტი, რომლებიც ინტეგრაციის პროცესის გაღრმავების ძირითადი ინსტრუმენტებია. ასევე, ყურადღება მიეპყრო საქართველოს ოკუპირებულ ტერიტორიებზე არსებულ მდგომარეობასა და ნატო-ს მიერ საქართველოს ტერიტორიული მთლიანობისადმი მხარდაჭერის მნიშვნელობას. ჩვენმა პრემიერ-მინისტრმა კიდევ ერთხელ აღნიშნა, რომ საქართველო ყველაფერს გააკეთებს თავისუფალი და სამართლიანი არჩევნების ჩასატარებლად და განაგრძობს ევრო-ატლანტიკური ინტეგრაციის გზაზე დემოკრატიული რეფორმების განხორციელებას. ესაა მთავარი გზავნილები, რაც ბრიუსელიდან გავიგეთ. ნუ დაუჯერებთ მავნებელი ნაცოპოზიციის პოლიტიკოსებს, ე. წ. ჟურნალისტებს, პოლიტიკანებსა და ფსევდო-ექსპერტებს”,- წერს გია აბაშიძე.