ლადო ბოჟაძე: „ქართული ოცნების“ მთავარი მიღწევა არის თავისუფლება

ადამიანმა, რომელმაც მოიტანა 1-ლი ოქტომბრის გამარჯვება, რომელმაც წარსულში დატოვა „ნაციონალური მოძრაობა“ და შესაბამისად ისეთი ტიპის ხელისუფება ჩააბარა ისტორიას, რომელიც ჩვენს ქვეყანაში აღარასოდეს აღარ განმეორდება, ასეთ ადამიანს აქვს წარსულზე საუბრის უფლება, - ასე აფასებს ანალიტიკოსი, ლადო ბოჟაძე, „ქართული ოცნება - დემოკრატიული საქართველოს“ თავმჯდომარის, ბიძინა ივანიშვილის, 2020 წლის საარჩევნო პროგრამის პრეზენტაციაზე სიტყვით გამოსვლა.

„წარსულზე საუბარი არის ყველაზე მძიმე მომენტი „ნაციონალური მოძრაობისთვის“. ეს არის ის პოლიტიკური ძალა, რომელმაც ასეთი მძიმე მემკვიდრეობა დაუტოვა „ქართულ ოცნებას“. უნდა გვახსოვდეს რას ვადარებთ ამ 8 წელს. „ქართული ოცნების“ მთავარი მიღწევაა თავისუფლება, თავისუფლება ყველა მიმართულებით. დღეს ყველამ იცის რომ ყველა ადამიანის აზრის გამოხატვის თავისუფლება უზრუნველყოფილია. ნახეთ საერთაშორისო ორგანიზაციის კვლევები და შეადარეთ მარტივად, წლების მიხედვით სად ვიყავით, სად ვართ და რას გვპირდება მომავალი 4 წლის განმავლობაში „ქართული ოცნება“, - განაცხადა ანალიტიკოსმა.

„ქართული ოცნების“ ხელისუფლებაში მოსვლიდან 8 წელი გავიდა.