http://imedi.ge/ /  04 ოქტომბერი 2020, 13:20 / სანდო წყარო

კახა კალაძე: „ქართული ოცნება“ გახლავთ ის ძალა, რომელსაც რეალურად შეუძლია, მოაგვაროს ყველა პრობლემა და მოსახლეობის წინაშე არსებულ ყველა გამოწვევას ღირსეულად უპასუხოს

კახა კალაძე

კახა კალაძე

„ქართული ოცნება - დემოკრატიული საქართველო“ გახლავთ ის ძალა, რომელსაც რეალურად შეუძლია, მოაგვაროს ყველა პრობლემა და ღირსეულად უპასუხოს ყველა იმ გამოწვევას, რომელიც დღეს ჩვენი ქვეყნის მოსახლეობის წინაშე დგას“, განაცხადა „ქართული ოცნება-დემოკრატიული საქართველოს“ გენერალურმა მდივანმა კახა კალაძემ სიღნაღში, გურჯაანის, საგარეჯოს, სიღნაღის და დედოფლისწყაროს მაჟორიტარი დეპუტატობის კანდიდატის დავით სონღულაშვილის წარდგენაზე სიტყვით გამოსვლისას. ინფორმაციას პარტიის პრესსამსახური ავრცელებს.

„სიღნაღი საქართველოს ერთ-ერთი ულამაზესი ქალაქია. აქედან ალაზნის ველი და კავკასიონის ქედები მთელი თავისი მშვენიერებით ძალიან ლამაზად გამოიყურება. ეს მხარე საქართველოს ისტორიისთვისაც უმნიშვნელოვანესია.

სწორედ ამ მხარეში აღესრულა და დაკრძალულია წმინდა ნინო, საქართველოში ქრისტიანობის გამავრცელებელი და ჩვენი კულტურის განუყოფელი ნაწილი. როდესაც წმინდა ნინომ საქართველოში ქრისტიანობა შემოიტანა, მას მისი თმით შეკრული ვაზის ჯვარი ჰქონდა. სიმბოლურია, რომ წმინდა ნინომ ამ ჟესტით უძველესი ქართული კულტურის სიმბოლო, ვაზი და დღეს უკვე დასავლური ცივილიზაციის განუყოფელი ნაწილი, ქრისტიანობა ერთმანეთს დაუკავშირა.

ჩვენი ხელისუფლების მიზანი ევროპულ ოჯახში ღირსეული ადგილის დამკვიდრება, ევროპა კი ქრისტიანულ ღირებულებებზე დაფუძნებული, ძლიერი ეკონომიკის მქონე ერთობაა, რომელიც მისი წევრი სახელმწიფოების თითოეულ მოქალაქეზე ზრუნავს.

ჩვენი მიზანიც სწორედ ეს არის, განვავითაროთ ჩვენი სახელმწიფო, ჩვენი ეკონომიკა და სრულფასოვნად დავუბრუნდეთ იმ სივრცეს, რომელშიც საქართველო ბუნებრივად იმყოფება.

ძლიერი სახელმწიფოს ფუნდამენტი ძლიერი ეკონომიკაა. წელს ერთ-ერთი საუკეთესო რთველი და უხვი მოსავალია, რაც ძალიან სასიხარულოა, ეს კიდევ ერთხელ გვარწმუნებს, რომ მევენახეობისა და მეღვინეობის მხარდამჭერის პოლიტიკა სახელმწიფოს მხრიდან წარმატებით ხორციელდება.

ამასთან, სიღნაღში უფრო და უფრო ვითარდება საოჯახო ტიპის სასტუმროები, ტურისტული მიზიდულობის წერტილები და კახური სუფრაც უცხოელი სტუმრებისთვის კიდევ უფრო ნაცნობი და ახლობელი ხდება.

სამწუხაროდ, პანდემიამ ეს პროცესი შეაფერხა და როგორც მთელი მსოფლიო, ჩვენც ვებრძვით ამ უხილავ ვირუსს. დარწმუნებული ვარ, აქაც ერთიანი ძალისხმევით, თავდაუზოგავი შრომით შევძლებთ გამარჯვებას. მნიშვნელოვანია, რომ მაქსიმალურად გავითვალისწინოთ ყველა ის მოთხოვნა, რასაც დარგის სპეციალისტები გვეუბნებიან.

ბოლო წლების განმავლობაში ძალიან მნიშვნელოვანი ნაბიჯები გადავდგით, შეიძლება ითქვას, ყველა მიმართულებით - განათლება, ჯანდაცვა, სოფლის მეურნეობა, ეკონომიკა, მცირე და საშუალო ბიზნესის ხელშეწყობა. არ დარჩენილა დარგი, სადაც წინგადადგმული ნაბიჯები არ გვაქვს. თუმცა, ყველა ვთანხმდებით იმაზე, რომ ჯერ კიდევ არსებობს პრობლემები, გამოწვევები და ამ ყველაფერს ძალიან დიდი შრომა სჭირდება.

რამდენიმე დღის წინ ჩვენ გვქონდა პროგრამის პრეზენტაცია, სადაც აღინიშნა თუ რა გაკეთდა ამ რვა წლის განმავლობაში, რაზე იყო ძირითადი აქცენტები, რა გამოწვევები გვაქვს დღეს და რა მიმართულებით მოგვიწევს მომდევნო 4 წლის განმავლობაში მუშაობა.

პირდაპირ შემიძლია ვთქვა, რომ პარტია „ქართული ოცნება - დემოკრატიული საქართველო“ გახლავთ ის ძალა, რომელსაც რეალურად შეუძლია მოაგვაროს ყველა პრობლემა და ღირსეულად უპასუხოს ყველა იმ გამოწვევას, რომელიც დღეს ჩვენი ქვეყნის მოსახლეობის წინაშე დგას. დარწმუნებული ვარ, ჩვენ ერთიანი ძალისხმევით შევძლებთ, რომ შევქმნათ წარმატებული საქართველო“, - განაცხადა კახა კალაძემ.

ყველა სიახლე

30 ოქტომბერი 2020, 20:16

მსოფლიო

მიწისძვრის შედეგად, საბერძნეთის კუნძულ სამოსზე ორი არასრულწლოვანი დაიღუპა

მიწისძვრის შედეგად, საბერძნეთის კუნძულ სამოსზე ორი არასრულწლოვანი დაიღუპა. ინფორმაციას ამის შესახებ ადგილობრივი მედია ავრცელებს.

30 ოქტომბერი 2020, 20:13

პოლიტიკა

კახა კალაძე: დღეს, ისე როგორც არასდროს სიტყვის და გამოხატვის თავისუფლება ქვეყანაში აყვანილია უმაღლეს დონეზე

დღეს ქვეყანაში, განსხვავებული აზრის ადამიანები არ იდევნებიან, მათ არ ყრიან სამსახურიდან როგორც ეს ხდებოდა წინა წლებში, - ამის შესახებ გლდანის მაჟორიტარობის კანდიდატ ლევან კობიაშვილის ამომრჩევლისთვის წარდგენის ღონისძიებაზე „ქართული ოცნების“ გენერალურმა მდივანმა კახა კალაძემ განაცხადა.

30 ოქტომბერი 2020, 20:02

მსოფლიო

პარიზში სამართალდამცველებმა ცივი იარაღით შეიარაღებული პირი დააკავეს

პარიზში სამართალდამცველებმა ცივი იარაღით შეიარაღებული პირი დააკავეს, რომელიც პოლიციელებს ემუქრებოდა. ინფორმაციას ამის შესახებ საინფორმაციო სააგენტო Reuters-ი ავრცელებს.

30 ოქტომბერი 2020, 19:55

სამართალი

გრიგოლ ლილუაშვილმა სახელმწიფო უსაფრთხოების სამსახურის სასწავლო ცენტრი დაათვალიერა

სახელმწიფო უსაფრთხოების სამსახურის უფროსმა, გრიგოლ ლილუაშვილმა სასწავლო ცენტრის ახალი შენობა დაათვალიერა. ცენტრის სარემონტო სამუშაოები მიმდინარე კვირას დასრულდა. შენობაში მოეწყო ბიბლიოთეკა, ვირტუალური ტირი, საკონფერენციო დარბაზი, სივრცეები როგორც თეორიული ასევე პრაქტიკული მეცადინეობისთვის.

მირანდა მესხი

30 ოქტომბერი 2020, 19:42

პოლიტიკა

მირანდა მესხი: ზუგდიდის საარჩევნო ოლქში თვითიზოლაციასა და კარანტინში მყოფ ამომრჩეველს გადასატანი ყუთით მოვემსახურებით

ზუგდიდის საოლქო კომისიის თავმჯდომარე მირანდა მესხის ინფორმაციით, ზუგდიდის საარჩევნო ოლქში არის 107 საარჩევნო უბანი, ამას ემატება 2 სპეცუბანი, 109 და 110, ე.წ.„კოვიდუბნები“, ხოლო ამომრჩეველთა რაოდენობა შეადგენს 120 213-ს.„კოვიდუბნებზე“ 280 ამომრჩეველია რეგისტრირებული.

მალხაზ ჯალაღონია

30 ოქტომბერი 2020, 19:31

პოლიტიკა

მალხაზ ჯალაღონია: გამარჯვების იმედს იმ ადამიანების რაოდენობაც მაძლევს, რომლებიც გუშინ თავისუფლების მოედანზე შეიკრიბნენ

ობიექტური კვლევების მიხედვით ოპოზიცია იმარჯვებს, - ამის შესახებ ზუგდიდში „ნაციონალური მოძრაობის“ მაჟორიტარი დეპუტატობის კანდიდატმა მალხაზ ჯალაღონიამ განაცხადა.

30 ოქტომბერი 2020, 19:29

მსოფლიო

თურქეთში მომხდარი მიწისძვრის შედეგად დაღუპულთა და დაშავებულთა რიცხვი გაიზარდა

თურქეთში, იზმირის პროვინციაში მომხდარი მიწისძვრის შედეგად დაღუპულთა და დაშავებულთა რიცხვი გაიზარდა.

ალექსანდრე ახვლედიანი

30 ოქტომბერი 2020, 19:21

პოლიტიკა

ალექსანდრე ახვლედიანი: მაქვს გამარჯვების იმედი, ზუგდიდში ალბათ მეორე ტური იქნება

ალბათ იქნება მეორე ტური და ჩემს თავს მეორე ტურში ვხედავ,-ამის შესახებ პოლიტიკური პარტია „ლელოს“ ზუგდიდის მაჟორიტარობის კანდიდატმა ალექსანდრე ახვლედიანმა მედიასთან განაცხადა.

ნათია მეზვრიშვილი

30 ოქტომბერი 2020, 19:14

პოლიტიკა

ნათია მეზვრიშვილი: მიღებულია შესაბამისი ზომები არჩევნების უსაფრთხო და თავისუფალ გარემოში ჩასატარებლად

საქართველოში არსებული წინასაარჩევნო გარემო, 31 ოქტომბრის საპარლამენტო არჩევნები და პანდემიის პირობებში მიღებული უსაფრთხოების ზომები იყო მთავარი თემა საქართველოს მთავრობის ადმინისტრაციის უფროს ნათია მეზვრიშვილის, ეროვნული უსაფრთხოების საბჭოს აპარატის უფროსის კახაბერ ქემოკლიძის და საერთაშორისო სადამკვირვებლო მისიის შეხვედრაზე, რომლის შემადგენლობაში ფრანგი სენატორები იმყოფებიან.

30 ოქტომბერი 2020, 19:08

მსოფლიო

აშშ-ში საპრეზიდენტო არჩევნებში წინასწარი ხმის მიცემის უფლებით 80 მილიონზე მეტმა ადამიანმა ისარგებლა

აშშ-ში საპრეზიდენტო არჩევნებში წინასწარი ხმის მიცემის უფლებით 80 მილიონზე მეტმა ადამიანმა ისარგებლა. ინფორმაციას ამის შესახებ საინფორმაციო სააგენტო Reuters-ი ავრცელებს.

გიგი უგულავა

30 ოქტომბერი 2020, 19:07

პოლიტიკა

გიგი უგულავა: ზუგდიდელები ხვალ მხარს დაუჭერენ ცვლილებებს

ზუგდიდელები ხვალ გააკეთებენ არჩევანს, ისინი მხარს დაუჭერენ ცვლილებებს, - ამის შესახებ „ევროპული საქართველოს“ ზუგდიდის მაჟორიტარობის კანდიდატმა გიგი უგულავამ, მედიასთან განაცხადა.

30 ოქტომბერი 2020, 19:00

საზოგადოება

საქართველოს საგარეო საქმეთა სამინისტროსა და ააიპ ფონდ „ათინათს“ შორის ურთიერთთანამშრომლობის შესახებ მემორანდუმს მოეწერა ხელი

2020 წლის 30 ოქტომბერს, საქართველოს საგარეო საქმეთა სამინისტროსა და ააიპ ფონდ „ათინათს“ შორის გაფორმდა ურთიერთთანამშრომლობის მემორანდუმი, რომელსაც, საგარეო საქმეთა სამინისტროს მხრიდან, მინისტრის მოადგილემ, ვლადიმერ კონსტანტინიდიმ, ხოლო ფონდის მხრიდან, მისმა დირექტორმა, ანა ალავერდაშვილმა მოაწერეს ხელი.

30 ოქტომბერი 2020, 18:54

COVID19

ირანში კორონავირუსის შემთხვევებმა 600,000-ს გადააჭარბა

ბოლო 24 საათის განმავლობაში, ირანში კორონავირუსის 8,011 ახალი შემთხვევა გამოვლინდა და დადასტურებული შემთხვევების რაოდენობა 604,952-მდე გაიზარდა. ამის შესახებ ინფორმაციას Reuters-ი, ქვეყნის ჯანდაცვის სამინისტროზე დაყრდნობით ავრცელებს. გასული დღე-ღამის განმავლობაში ქვეყანაში COVID-19-ს 365 ადამიანი ემსხვერპლა და გარდაცვლილთა საერთო რიცხვი 34,478-მდე გაიზარდა.

ალექსანდრე ლუკაშენკო

30 ოქტომბერი 2020, 18:52

მსოფლიო

ალექსანდრე ლუკაშენკო: ქვეყნიდან გაქცევას არ ვაპირებ

ბელარუსის პრეზიდენტმა, ალექსანდრე ლუკაშენკომ განაცხადა, რომ ოპოზიციისა და საპროტესტო აქციების წნეხის ქვეშ ქვეყნიდან გაქცევას არ აპირებს.

30 ოქტომბერი 2020, 18:52

საზოგადოება

თბილისში ახალაშენებულ კორპუსებში ბინა კიდევ 249 დევნილ ოჯახს გადაეცემა

დევნილთა, ეკომიგრანტთა და საარსებო წყაროებით უზრუნველყოფის სააგენტო თბილისში, ახალაშენებულ კორპუსებში ოროთახიან ბინას 249 იძულებით გადაადგილებულ ოჯახს გადასცემს. დევნილთა სააგენტოს დირექტორის ბესარიონ სიმონიშვილის განცხადებით, მონიტორინგს დაექვემდებარება 1191 დევნილი ოჯახი, რომლებსაც მინიჭებული აქვთ 4,5 და მეტი ქულა.

30 ოქტომბერი 2020, 18:38

პოლიტიკა

სამოქალაქო ავიაციის სააგენტოში აცხადებენ, რომ სიცრუა, თითქოს საქართველოში უკრაინელ დამკვირველებლთა დელეგაციას არ უშვებენ

სამოქალქო ავიაციის სააგენტო გამოეხმაურა გარკვეული მედიასაშუალებებით გავრცელებულ ინფორმაციას, იმის თაობაზე, რომ უკრაინული „რადას" ჟურნალისტებისა და დეპუტატების დელეგაციის ჩარტერული რეისი ქართული მხარის უარის გამო გაუქმდა.

30 ოქტომბერი 2020, 18:37

COVID19

ჯანდაცვის სამინისტროში „ცენტრალური ონლაინკლინიკა“ ამოქმედდა

COVID-19 დიაგნოზის მქონე პაციენტების და ასევე, მათთან კონტაქტში/თვითიზოლაციაში მყოფი პირების ბინაზე მეთვალყურეობის მიზნით, მართვის ცენტრალიზებული მექანიზმი, ე.წ. „ცენტრალური ონლაინკლინიკა“ ამოქმედდა.

ჟერალდ დარმანენი

30 ოქტომბერი 2020, 18:24

მსოფლიო

საფრანგეთის შს მინისტრი: უფრო მეტი თავდასხმებია მოსალოდნელი, ვინაიდან საფრანგეთი ისლამისტური იდეოლოგიის წინააღმდეგ ომშია ჩართული

საფრანგეთის შინაგან საქმეთა მინისტრის, ჟერალდ დარმანენის განცხადებით, ქვეყანაში უფრო მეტი თავდასხმებია მოსალოდნელი, ვინაიდან საფრანგეთი ისლამისტური იდეოლოგიის წინააღმდეგ ომშია ჩართული.

30 ოქტომბერი 2020, 18:16

პოლიტიკა

ბოლნისში „ნაციონალური მოძრაობის“ რიგები 21-მა აგიტატორმა დატოვა და „ქართულ ოცნებას“ შეუერთდა

არჩევნებამდე 1 დღით ადრე ბოლნისში ნაციონალური მოძრაობის რიგები 21-მა აგიტატორმა დატოვა და ქართულ ოცნებას შეუერთდა. მათი თქმით, ნაციონალურო მოძრაობა დესტაბილიცაზიას გეგმავს, რასაც თავად ემიჯნევიან. ისინი მხარს ქართული ოცნების კანდიდატს გოგი მეშველიანს დაუჭერენ

მამუკა მდინარაძე

30 ოქტომბერი 2020, 18:03

პოლიტიკა

მამუკა მდინარაძე: კონკრეტულ მტკიცებულებებზე დაყრდნობით, ოპოზიციის მხილება, ბოლო დღეების განმავლობაში არა ერთხელ მოხდა

ხვალ, ჩვენ ქვეყანას აქვს კიდევ ერთი ტესტი ჩასაბარებელი, რომელსაც ჩვენ ჩავაბარებთ წარმატებით, იქიდან გამომდინარე, რომ იქნება ერთ-ერთი სამაგალითო, გამჭვირვალე, დემოკრატიული არჩევნები, სადაც „ქართული ოცნება“ გაიმარჯვებს დამაჯერებლად და ჩვენი პროგნოზით, „ქართული ოცნების“ შედეგი 60%-თან იქნება მიახლოებული. ეს არის ჩვენი პროგნოზი, დანარჩენს ხვალ, დემოკრატიული არჩევნების შედეგები გვიჩვენებს და ყველას, არა მხოლოდ „ქართული ოცნებას“, ჩვენ ქვეყანას, ვუსურვებ გამარჯვებას, რაშიც დარწმუნებულები ვართ, იმიტომ, რომ ეს გამარჯვება იქნება ხვალინდელი ძალიან პოზიტიური დღის წესრიგის მომასწავებელი, - ამის შესახებ პარლამენტის თავმჯდომარის მოადგილემ, მამუკა მდინარაძემ მედიის წარმომადგენლებთან განაცხადა.