ჯონდი ბაღათურია ოპოზიციაზე: ესენი არჩევნებში ვერ გაიმარჯვებენ და შესაძლოა, დესტაბილიზაციაც ავიცდინოთ, მაგრამ სანამ უნდა იყოს დესტაბილიზაციის საფრთხე?!

თუ ამათ ისევ მთავარი ოპოზიციური პარტიის სტატუსი შეინარჩუნეს და არჩევნებში მეორე ადგილზე გავიდნენ, იქნება არნახული ზეწოლა დასავლეთისგან და ესენი დავით გარეჯის საქმეს ჩაფარცხავენ. რუკას ისევ გადამალავენ, - ამის შესახებ „იმედის“ გადაცემაში „არენა“ ჯონდი ბაღათურიამ „ნაციონალურ მოძრაობაზე“ განაცხადა.

„ქართული დასის“ ლიდერს ზუგდიდის სპეცოპერაციასთან დაკავშირებით განვითარებულ მოვლენებზე ჰკითხეს, ამომრჩევლის მხარდაჭერის მოსაპოვებლად, გადავიდა თუ არა წესებს ოპოზიცია.

„მოდით წარმოვიდგინოთ, რომ ეს ხდებოდა მაშინ, როდესაც უგულავა, მაგალითად, უშიშროების მინისტრის მოადგილე იყო და ესენი იყვნენ ხელისუფლებაში. სრული დარწმუნებით შემიძლია გითხრათ, რომ ესენი ხალხს, მძევლებს დახოცავდნენ და დააბრალებდნენ, რომ იქ კიდევ რამდენიმე ადამიანი იყო. დანერგავდნენ ველურ შიშს ხალხში. ამაზე თუ კი რომელიმე მედიასაშუალება ხმას ამოიღებდა, რაც ტელეკომპანია „იმედს“ დაემართა, იმას გააკეთებდნენ, პირდაპირ შემოვიდოდნენ, გადაუვლიდნენ, მაპატიეთ, რუსულ სლენგს გამოვიყენებ „რუბილნიკს“ გამოთიშავდნენ; ჟურნალისტებს ხელჯოხებით გალახვდნენ და ასე დაამთავრებდნენ. ჩვენ ვისთან გვაქვს საქმე?! რაიმე პოლიტიკურ პარტიასთან გვაქვს საქმე, თუ საქმე გვაქვს კრიმინალურ ბანდასთან, რომელსც მომავალი არ აქვს. მათი ერთადერთი გადარჩენაა, რომ ქვეყანაში როგორღაც რყევა გამოიწვიონ“, - განაცხადა ჯონდი ბაღათურიამ.

მან „ნაციონალური მოძრაობა“ კრიმინალურ ბანდად მოიხსენია და ხელისუფლება ამ კუთხით უმოქმედობაში დაადანაშაულა.

„8 წელია ხელისუფლებაში ხართ, ბატონებო, გამიჩნდა კითხვა. შეიძლება, ამ ბანდას სახელმწიფო ყავდეს მუდმივად დაძაბულობაში და მუდმივად ცდილობდნენ სახელმწიფო გადატრიალების მოწყობას?! ჩვენ ხომ უნდა განვითარდეთ! რა თქმა უნდა, ესენი ვერ გაიმარჯვებენ არჩევნებში და შესაძლოა, დესტაბილიზაციაც ავიცდინოთ, მაგრამ სანამ უნდა იყოს მუდმივად დესტაბილიზაციის საფრთხე?! შიძლება ეს კითხვა დაისვას? თუ ამათ ისევ მთავარი ოპოზიციური პარტიის სტატუსი შეინარჩუნეს და მეორე ადგილზე გავიდნენ, იქნება არნახული ზეწოლა დასავლეთისგან და ესენი დავით გარეჯის საქმეს ჩაფარცხავენ. ამ რუკას ისევ გადამალავენ. მე ნანახი მაქვს ეს რუკა და ეს საქმე ჩაიფარცხება. უგულავას არ დაუმტკიცეს 50 მლნ? დაუმტკიცეს და ერთ თვეში უკან გამოუშვეს. ჩვენ ხომ ვიცით, რომ არნახული ზეწოლის ქვეშ მოხდა, მისი განთავისუფლება. ამიტომ თქვენ უნდა გადაწყვიტოთ, ამომრჩეველო“, - მიმართა ბაღათურიამ ამომრჩევლებს.

მისივე თქმით, ზუგდიდში სპეცოპერაცია უმაღლეს დონეზე ჩატარდა. მსხვერპლი არ არის და დამნაშავე იმ დღესვე იქნა იდენტიფიცირებული.

შსს-ს ინფორმაციით, ზუგდიდში, „საქართველოს ბანკზე“ ყაჩაღური თავდასხმა ბადრი ესებუამ განახორციელა.

ზუგდიდის ცენტრში, გამსახურდიას ქუჩაზე მდებარე „საქართველოს ბანკში“ შეიარაღებულმა პირმა მძევლები 21 ოქტომბერს აიყვანა. თავდამსხმელი შენობიდან 3 მძევალთან ერთად გამოვიდა. როგორც კადრებში გამოჩნდა, მას შენობის დატოვების დროს ერთი ხელი აწეული ჰქონდა და სავარაუდოდ ხელში ხელყუმბარა ეკავა.

22 ოქტომბერს, გამთენიისას შსს-მ გაავრცელა განცხადება, რომლის თანახმად, ავთანდილ გალდავას უშუალო ძალისხმევით შეიარაღებული დამნაშავისგან ყველა მძევალი გათავისუფლდა და მათ სიცოცხლეს და ჯანმრთელობას საფრთხე არ ემუქრება. ხოლო დამნაშავის დაკავების მიზნით სამართალდამცველები ინტენსიურ რეჟიმში აგრძელებენ ოპერატიულ-საგამოძიებო და სამძებრო ღონისძიებებს.