დავით ზალკალიანი: კონგრესში უპრეცენდენტო საკანონმდებლო აქტი იქნა მიღებული, რომლის მსგავსი დამოუკიდებელი საქართველოს ისტორიაში ჩვენს ქვეყანას არ ჰქონია

უპრეცენდენტო დახმარება მიიღო საქართველომ 132 მილიონი დოლარი, რომელიც გამოიყო და იქნება კონსოლიდირებულ ასიგნებათა აქტში, - ამის შესახებ საქართველოს საგარეო საქმეთა მინისტრმა, დავით ზალკალიანმა „ღია ეთერში“ განაცხადა.

მისი თქმით, ამ ოთხი წლის განმავლობაში საქართველოსთვის უპრეცენდენტო საკანონმდებლო აქტი იქნა მიღებული კონგრესში.

„როდესაც ჩვენ თავდაცვისა და უსაფრთხოების სფეროში თანამშრომლობაზე ვსაუბრობთ, რა თქმა უნდა, მხედველობაშია ის მემორანდუმი, რომელიც გაფორმდა, ასევე ახალი ჩარჩო შეთანხმება. ამ ჩარჩო შეთანხმების შესრულებასა და განმტკიცებაზე გვექნება საუბარი სამომავლო პერსპექტივაში სწორედ ეკონომიკის მიმართულებით, თავისუფალი ვაჭრობის მიმართულებით შესაძლებლობების გაჩენაზე იქნება საუბარი, ჩვენ გვინდა რაც შეიძლება მერი ამერიკული ინვესტიცია საქართველოში. მეტი ამერიკული კომპანიის ხილვა საქართველოში. მეტი თანამშრომლობა სხვადასხვა ინფრასტრუქტურული პროექტი მიმართულებით. სწორედ ამას გულისხმობს თვისობრივად ახალ დონეზე გადასვლა ამ თანამშრომლობისა და კიდევ უფრო გაღრმავება. იგივე დემოკრატიული ინსტიტუტების განმტკიცების კუთხით, ასევე ორპარტიული მხარდაჭერა, რომელიც ჩვენ გვაქვს აშშ-ის კონგრესის მხრიდან. სწორედ ამ ოთხი წლის განმავლობაში საქართველოსთვის უპრეცენდენტო საკანონმდებლო აქტი იქნა მიღებული კონგრესში, საქართველოს მხარდაჭერის აქტი, რომლის მსგავსი დამოუკიდებელი საქართველოს ისტორიაში ჩვენს ქვეყანას არ ჰქონია. ეს არის ყოვლისმომცველი დოკუმენტი, რომელიც მოიცავს ამერიკა-საქართველოს შორის სტრატეგიულ პარტნიორობასა და სწორედ ამ დოკუმენტის შემდგომ განვითარებაზე გვქნება საუბარი, როდესაც თვისობრივად ახალ დონეზე გადაყვანას ვგულისხმობთ. ასევე ის რეზოლუციები, რომელიც მიიღო აშშ-ის კონგრესმა. დღეს ჩვენ ძალიან სასიხარულო ინფორმაცია მივიღეთ სენატისგან, სადაც მიღებული იქნა ის დოკუმენტი, რომლის განხილვაც მიმდინარეობდა და სამწუხაროდ, ამას მოჰყვა მრავალი მანიპულაცია, ათასგვარი ტყუილი ჩვენი ოპონეტების მხრიდან, საზოგადოების შეცდომაში შეყვანა, არასახელმწიფოებრივი საქციელი, რომ მთავარი სტრატეგიული პარტნიორი შემოეყვანათ საკუთარი პოლიტიკური ინტერესების წარმოსაჩენად აქ, ქვეყნის შიგნით და ეს ყველაფერი აღმოჩნდა აბსოლუტური ტყუილი, რასაც ვამბობდით ჩვენ ჯერ კიდევ მაშინ, როდესაც ამაზე სპეკულაციები დაიწყო და ჩვენ ვნახეთ, რომ უპრეცენდენტო დახმარება მიიღო საქართველომ 132 მილიონი დოლარი, რომელიც გამოიყო და იქნება კონსოლიდირებულ ასიგნებათა აქტში. 50 მილიონით არის ფინანსური მხარდაჭერა ბოლო 4 წელიწადში გაზრდილი აშშ-ისგან.

ჩვენ გვინდა კიდევ უფრო გავაღრმავოთ ურთიერთობა და ყველა ამ მიმართულებით ახალ სიმაღლეზე ავიდეს. სწორედ ეს ამბიციური გეგმა გვაქვს ჩვენ მთავარ სტრატეგიულ პარტნიორთან, სწორედ ამაზე ამაზე გვექნება საუბარი და რა თქმა უნდა, იმ უსაფრთხოების გარემოზე, რომელიც რეგიონშია შექმნილი. ის გამოწვევები, რომელიც ჩვენ გვაქვს რუსეთის ფედერაციის მხრიდან, ის ურთულესი ვითარება, რომელიც სამეზობლოში შეიქმნა“, - განაცხადა დავით ზალკალიანმა.