ნინო ბურჯანაძე: ნამდვილად ნანახი ფილმია ის, რაც ახლა ხდება საქართველოში

ნამდვილად ნანახი ფილმია ის, რაც ახლა ხდება საქართველოში,მაგრამ სამწუხაროდ ვერც ერთმა ხელიფულებამ ჭკუა წინა ხელისუფლების შეცდომებზე ვერ ისწავლა, თორემ ნანახი გვაქვს ეს უკვე 2003 წელს, მაგრამ ხელისუფლებამ დღეს გააკეთა ის, რაც წარმოუდგენელი იყო 2020 წელს: მასიური გაყალბება, ქურდობა და ახლა ხელისუფლება ჩვენ გვთავაზობს რომ, ამ ქურდობიდან მიღებული მანდატები გადაანაწილოს, რაღაცა მანდატები გადმოადგოს და ესე ვთქვათ ნაქურდალის განაწილებას გვთავაზობს, - ამის შესახებ „ერთიანი საქართველოს“ ლიდერმა, ნინო ბურჯანაძემ განაცხადა.

მისი თქმით, ამაში არავინ არ აპირებს მონაწილეობის მიღებას.

„ძალიან მნიშვნელოვანი იყო დღევანდელი ოპოზიციური სპექტრის შეხვედრა სახელმწიფო მდივნის მოადგილესთან, იმიტომ რომ ოპოზიციურმა სპექტრმა, ძალიან სერიოზული დამატებითი არგუმენტები მიაწოდა ჩვენს სტუმარს და ერთმნიშვნელოვნად უთხრა, რომ რა თქმა უნდა ჩვენც გვირჩევნია პარლამენტში ყოფნა. ჩვენც გვირჩევნია პარლამენტში იყოს დებატები და ქუჩაში არ ვიყოთ, მაგრამ ეს იყო ხელისუფლების და ბიძინა ივანიშვილის არჩევანი და არა ჩვენი, ჩვენც ძალიან კარგად ვიცით,რომ საპარლამენტო გზით ჯობს ყველა პრობლემის მოგვარება, მაგრამ ეს ვერ მოხდება გაყალბებულ და არალეგიტიმურ პარლამენტში. ასე რომ მოწოდებები ჩვენი მეგობრების მხრიდან, გამოსავალის ძებნა, ეს ნორმალურია, მაგრამ ეს არ არის და ვერც იქნება მათი მხრიდან იმპერატიული მოთხოვნა, გაგრძელდება მათთან კონსულტაციები და მე ვფიქრობ გამოსავალს ვიპოვით“, - განაცხადა ნინო ბურჯანაძემ.

ბარიერგადალახული ოპოზიციური პარტიების პირველი პირები სასტუმრო „შერატონ მეტეხი პალასში“ აშშ-ის სახელმწიფო მდივნის თანაშემწე ფილიპ რიკერს შეხვდნენ. მანამდე აშშ-ის სახელმწიფო დეპარტამენტის ოფიციალურმა პირებმა პოლიტიკურ პარტიებს მოუწოდეს, ცვლილებებისთვის პარლამენტიდან იბრძოლონ და საარჩევნო დარღვევები კანონიერი გზებით გააპროტესტონ.