imedi /  28 ნოემბერი 2020, 15:41 / სანდო წყარო

ზურაბ აბაშიძე: რუსეთის მხარემ ახსენა საავიაციო მიმოსვლის აღდგენის თემა და აღნიშნა, რომ საჭიროა, შეწყდეს რუსოფობიული გამოხტომები

ზურაბ აბაშიძე

ზურაბ აბაშიძე

პრაღის ფორმატი, სადაც მიმდინარეობს არაფორმალური დიალოგი რუსეთის მხარესთან, შექმნილია უმთავრესად პრაქტიკული საკითხების - სავაჭრო-ეკონომიკური ურთიერთობების, სატრანსპორტო კავშირების, გარკვეული ჰუმანიტარული თემების განსახილველად; ამჯერადაც დღის წესრიგით ჩვენ ამ საკითხების განხილვა გვქონდა დაგეგმილი, მაგრამ ხშირად, ვიდრე ჩვენი დღის წესრიგის განხილვაზე გადავალთ, ჩემი ინიციატივით განსახილველად ვაყენებ იმ თემებს, რაც ყველაზე მწვავეა და საქართველოში ყველაზე უფრო გვაწუხებს და ეს რა თქმა უნდა, დაკავშირებულია ოკუპირებულ ტერიტორიებთან, - ამის შესახებ რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ რუსეთის ფედერალური სათათბიროს ფედერალური საბჭოს წევრ გრიგორი კარასინთან გუშინ გამართული ონლაინ-შეხვედრის კომენტირებისას განაცხადა.

ზურაბ აბაშიძის განმარტებით, ამჯერადაც შეხვედრის დასაწყისში მან აფხაზეთსა და ცხინვალის რეგიონში შექმნილ რთულ ვითარებაზე ისაუბრა.

„ვისაუბრე იმაზე, რომ იქ, მიუხედავად პანდემიისა, გრძელდება მასშტაბური სამხედრო წვრთნების ჩატარება, საოკუპაციო ხაზის გასწვრივ მიმდინარეობს ე.წ ბორდერიზაცია, ადამიანებს ნორმალური გადაადგილების საშუალება არ აქვთ, უხეშად ირღვევა ადამიანის უფლებები და ა.შ. განსაკუთრებით ხაზი გავუსვი რუსეთსა და აფხაზეთს სორის ერთიანი სოციალური და ეკონომიკური სივრცის ფორმირების შესახებ პროგრამის დამტკიცებას და აღვნიშნე, რომ ეს ქართულმა მხარემ შეაფასა, როგორც დე-ფაქტო ანექსიისაკენ გადადგმული მორიგი უკანონო ნაბიჯი. გამოვთქვი იმედი, რომ ამ საკითხების უფრო დეტალური და საგნობრივი განხილვა გაიმართება ჟენევის საერთაშორისო მოლაპარაკებების ფორმატში, რომელიც იმედია, ახლო მომავალში ჩატარდება“, - განაცხადა ზურაბ აბაშიძემ.

პრემიერ-მინისტრის სპეციალური წარმომადგენლის ინფორმაციით, დღის წესრიგით გათვალისწინებული საკითხებიდან საუბარი შეეხო მიმდინარე წლის 10 თვის განმავლობაში იანვარ-სექტემბერში სავაჭრო ურთიერთობების დინამიკას.

„აღინიშნა, რომ პანდემიის გამო სავაჭრო ბრუნვა გარკვეულწილად შემცირდა. განვიხილეთ სატრანსპორტო კავშირები და აქცენტი გავაკეთეთ ჩვენი კომპანიების ინტერესების დაცვაზე ამ რთულ ვითარებაში, რამდენადაც სატრანსპორტო და სავაჭრო კავშირებში უამრავი ქართული კომპანიაა ჩართული. ამ კონტექსტში რუსეთის მხარემ ახსენა საავიაციო მიმოსვლის აღდგენის თემა. აღნიშნეს, რომ მას შემდეგ, რაც ეპიდემიოლოგიური ვითარება საშუალებას მოგვცემს, შესაძლებელია მოხდეს ამ საკითხის განხილვა, მაგრამ ამისათვის საჭიროა, იყოს გარანტიები რუსი ტურისტებისა და ვიზიტორებისთვის საქართველოში ჩამოსასვლელად და შეწყდეს რუსოფობიული გამოხტომები. გამოითქვა იმედი, რომ წინასაარჩევნო პერიოდი დასრულდა და რუსოფობიული გამოხტომებიც შეწყდება. ჩვენი პასუხი ასეთი იყო - ფრენები შეწყდა რუსეთის მხარის ინიციატივით, თუკი ეპიდემიოლოგიური ვითარება საშუალებას მოგვცემს, რა თქმა უნდა, შეიძლება ამ საკითხის განხილვა, მაგრამ არანაირი რუსოფობიული გამოხტომები რუსი ტურისტების მიმართ წლების განმავლობაში არ ყოფილა; მილიონობით ტურისტი ჩამოსულა საქართველოში და ერთ შემთხვევას ვერ დაგვისახელებთ ამის დასტურად, რას გულისხმობთ, რა სახის გარანტიებზეა საუბარი, როდესაც ასეთ შემთხვევას საერთოდ ადგილი არ ჰქონია რუსი ტურისტების მიმართ“, - განაცხადა ზურაბ აბაშიძემ.

პრემიერ-მინისტრის სპეციალური წარმომადგენლის თქმით, საუბრისას ასევე განიხილეს 2011 წელს ხელმოწერილი შეთანხმება საბაჟო მონიტორინგის შესახებ და აღინიშნა, რომ ამ პერიოდის განმავლობაში ამ მხრივ მცირე პროგრესია და გამოითქვა მზაობა, ხელი შეეწყოს შესაბამისი საექსპერტო ჯგუფების მუშაობას.

„ასევე, რუსეთის მხარის დაინტერესებით, ლუგარის ლაბორატორიასთან დაკავშირებით ჩვენ გავიმეორეთ ის, რაც ადრეც გვითქვამს, რომ ის მუშაობს აბსოლუტურად ტრანსფარენტულ რეჟიმში, მისი კარი ყოველთვის ღია იყო უცხოელი ექსპერტებისთვის. იქ ადრე რუსი ექსპერტებიც არიან ნამყოფი. ეპიდემიის წინააღმდეგ ბრძოლაში ეს არის ერთ-ერთი წამყვანი უწყება საქართველოში, მისი ავტორიტეტი ძალიან დიდია, ამიტომ სრულიად მიუღებელია ის პროპაგანდისტული აჟიოტაჟი, რაც მის წინააღმდეგ არის ატეხილი რუსეთში და ეს აზიანებს საქართველოს იმიჯს, მაგრამ კიდევ უფრო მეტად - რუსეთის იმიჯს. ასე, რომ მომავალში, როდესაც ეპიდემიოლოგიური ვითარება დაწყნარდება, ლუგარის ლაბორატორია მზად იქნება, მიიღოს უცხოელი ექსპერტები, მათ შორის რუსი ექსპერტები, მაგრამ სხვა ქვეყნების ექსპერტებთან ერთად, ასეთ ჯგუფში. ჩვენ ეს ადრეც გვაქვს ნათქვამი. მათგან მოვისმინეთ ინფორმაცია იმის თაობაზე, რომ 2021 წლიდან იწყებენ ყაზბეგი-ლარსის გამშვებ პუნქტზე რუსეთის ტერიტორიაზე ინფრასტრუქტურულ პროექტს - რეკონსტრუქციას, რათა, როგორც მათ აღნიშნეს, ხელი შეუწყონ ტვირთების მიმოსვლას“, - აღნიშნა ზურაბ აბაშიძემ.

პრემიერ-მინისტრის სპეციალურმა წარმომადგენელმა აღნიშნა, რომ ონლაინ-ფორმატის შეხვედრას, ისევე, როგორც წინა სხვა შეხვედრებს, ესწრებოდნენ საქართველოს საგარეო საქმეთა და ეკონომიკის სამინისტროების წარმომადგენლები.

27 ნოემბერს, ქართულ-რუსული არაფორმალური დიალოგის ფარგლებში, ზურაბ აბაშიძისა და გრიგორი კარასინის შეხვედრა ონლაინ ფორმატში გაიმართა.

ყველა სიახლე

ვოლოდიმირ ზელენსკი

14 აგვისტო 2022, 16:42

მსოფლიო

ვოლოდიმირ ზელენსკი: ყველა რუს ჯარისკაცს, რომელიც ზაპოროჟიეს ქარხანას ესვრის ან სროლის დროს საფარად იყენებს, უნდა ესმოდეს, რომ ჩვენი დაზვერვის აგენტების, სპეცსამსახურების, ჩვენი არმიის განსაკუთრებული სამიზნე ხდება

„უკრაინის სამიზნეები არიან რუსი ჯარისკაცები, რომლებიც ესვრიან ევროპის უმსხვილეს ატომურ ელექტროსადგურს ან იყენებენ მას, როგორც ბაზას“, - წერს Al Jazeera უკრაინის პრეზიდენტის განცხადებაზე დაყრდნობით.

14 აგვისტო 2022, 16:32

საზოგადოება

ოთარ შამუგიამ სახელმწიფო თანადაფინანსებით შექმნილი სასათბურე მეურნეობა დაათვალიერა

გარემოს დაცვისა და სოფლის მეურნეობის მინისტრმა, ოთარ შამუგიამ, იმერეთის მხარეში სახელმწიფო რწმუნებულმა, ზვიად შალამბერიძემ და საქართველოს პარლამენტის მაჟორიტარმა დეპუტატმა, ბეჟან წაქაძემ სოფელ ფარცხანაყანევში, სახელმწიფო თანადაფინანსებით შექმნილი სასათბურე მეურნეობა დაათვალიერეს.

14 აგვისტო 2022, 16:15

მსოფლიო

მარიუპოლის მუნიციპალური საბჭო: მაღალი ხელფასების დაპირებით, რუსეთიდან მუშები ჩამოიყვანეს, თუმცა ანაზღაურებას არ აძლევენ

„რუსეთიდან მაღალი ხელფასის დაპირებით ჩამოყვანილ მუშებს ხელფასი არ მიუღიათ“, - წერს უკრაინული მედია მარიუპოლის მუნიციპალურ საბჭოზე დაყრდნობით.

14 აგვისტო 2022, 15:58

თავდაცვა

მე-4 ქვეითი ბრიგადის სამხედროებმა კომბინირებული წვრთნები ჩაატარეს

ვაზიანში, საქართველოს თავდაცვის ძალების აღმოსავლეთის სარდლობის მე-4 ქვეითი ბრიგადის სამხედრო მოსამსახურეებმა საბრძოლო სროლებით კომბინირებული წვრთნები ჩაატარეს. საველე სწავლებაში მე-4 ქვეითი ბრიგადის 41-ე ბატალიონის ასეულები მონაწილეობდნენ, რომელსაც მხარს 44-ე საარტილერიო ბატალიონი, საინჟინრო და სადაზვერვო ჯგუფები უჭერდნენ.

14 აგვისტო 2022, 15:44

მსოფლიო

ერევანში მომხდარი ძლიერი აფეთქების შემდეგ, სომხური მედია მსხვერპლის შესახებ პირველად ინფორმაციას ავრცელებს

სომხეთის დედაქალაქში, სავაჭრო ცენტრ „სურმალუში“ მომხდარ ძლიერ აფეთქებას, წინასწარი მონაცემებით, ერთი ადამიანი ემსხვერპლა, 20 კი მძიმედ დაშავდა.

14 აგვისტო 2022, 15:29

სამართალი

თბილისის ზღვაზე ახალგაზრდა კაცი გარდაიცვალა

მაშველებმა თბილისის ზღვიდან ახალგაზრდა კაცი უგონო მდგომარეობაში ამოიყვანეს. „იმედინიუსის“ ინფორმაციით, კაცს გულის პრობლემა ჰქონდა.

14 აგვისტო 2022, 15:27

რეგიონი

აჭარაში მყოფ უკრაინელ ბავშვებთან გამოსამშვიდობებელი შეხვედრა გაიმართება

აჭარაში მყოფ უკრაინელ ბავშვებთან გამოსამშვიდობებელი შეხვედრა გაიმართება. მათ საგარეო საქმეთა მინისტრი ილია დარჩიაშვილი და აჭარის მთავრობის თავმჯდომარე თორნიკე რიჟვაძე შეხვდნენ.

14 აგვისტო 2022, 15:10

მსოფლიო

ეგვიპტის ერთ-ერთ ტაძარში გაჩენილი ხანძრის გამო, 40-ზე მეტი ადამიანი დაიღუპა

ეგვიპტის კოპტური ეკლესია, ჯანდაცვის სამინისტროზე დაყრდნობით, იტყობინება, რომ იმბაბაში, აბუ სიფინის ტაძარში გაჩენილი ხანძრის შედეგად, 41 ადამიანი დაიღუპა და 55 დაშავდა.

14 აგვისტო 2022, 14:46

მსოფლიო

ერევანში ძლიერი აფეთქება მოხდა. ვიდეო

სომხეთის დედაქალაქში, სავაჭრო ცენტრ „სურმალუში“ აფეთქება მოხდა. საგანგებო სიტუაციების სამინისტროს ინფორმაციით, შემთხვევის ადგილზე გაგზავნილია ექვსი სამხედრო ეკიპაჟი, სახანძრო-სამაშველო ჯგუფი და კრიზისების მართვის ეროვნული ცენტრის ფსიქოლოგი.

14 აგვისტო 2022, 14:45

მსოფლიო

„თალიბანმა“ ქაბულში ქალების საპროტესტო აქცია დაარბია

„თალიბანის“ მებრძოლებმა ქაბულში ქალების საპროტესტო აქცია დაარბიეს. ქალთა უფლებების დასაცავად გამოსულ აქტივისტებს ისინი ფიზიკურად გაუსწორდნენ. აქციის რამდენიმე მონაწილეს მობილური ტელეფონები წაართვეს. ისმოდა სროლის ხმაც.

გრიგოლ გიორგაძე

14 აგვისტო 2022, 14:30

პოლიტიკა

გრიგოლ გიორგაძე: ჩვენი ვალია, თანმიმდევრული, მშვიდობიანი პოლიტიკის საფუძველზე, ჩვენს აფხაზ, ოს დებთან და ძმებთან ერთად შევძლოთ ერთიანი, ძლიერი, დემოკრატიული საქართველოს მშენებლობა

30 წელი გავიდა იმ საშინელი ტრაგედიიდან რამაც ათასობით ჩვენი მოქალაქის სიცოცხლე შეიწირა. ასი ათასობით ადამიანი იძულებული გახდა თავის სამშობლოში დევნილი გამხდარიყო, - ამის შესახებ თავდაცვის მინისტრის მოადგილე გრიგოლ გიორგაძემ განაცხადა, რომელმაც საქართველოს ერთიანობისთვის ბრძოლაში დაღუპულთა ხსოვნას პატივი მიაგო და გმირთა მემორიალი გვირგვინით შეამკო.

ბექა დავითულიანი

14 აგვისტო 2022, 14:15

პოლიტიკა

ბექა დავითულიანი ევროკავშირის ანგარიშზე: ევროკავშირის ზოგადი შეფასებაა, რომ საქართველო, აღმოსავლეთ პარტნიორობის ნაწილში, რეფორმების თვალსაზრისით, მოწინავე ქვეყანა იყო - ჩვენ მზად ვართ, რომ 12 პუნქტი აღვასრულოთ

„ევროკავშირის ზოგადი შეფასებაა, რომ საქართველო, აღმოსავლეთ პარტნიორობის ნაწილში, რეფორმების თვალსაზრისით, მოწინავე ქვეყანა იყო და ჯერჯერობით, რჩება, მიუხედავად იმისა, რომ მათ აქვთ კრიტიკული მოსაზრებები მთელი რიგი მიმართულებებით“, - ასე აფასებს ბექა დავითულიანი ევროკავშირის მიერ გამოქვეყნებულ ანგარიშს.

14 აგვისტო 2022, 13:57

რეგიონი

ლაგოდეხში ლეგენდარული მფრინავის, ჯიმი მაისურაძის სახელობის სკვერი საზეიმოდ გაიხსნა

ქალაქ ლაგოდეხში ლეგენდარული მფრინავის, ჯიმი მაისურაძის სახელობის სკვერი საზეიმოდ გაიხსნა.

14 აგვისტო 2022, 13:31

მსოფლიო

მონტენეგრომ რუსი დიპლომატი პერსონა ნონ გრატად გამოაცხადა

მონტენეგრომ რუსეთის ელჩი პერსონა ნონ გრატად გამოაცხადა. ვლადისლავ მასლენიკოვს ქვეყნის დასატოვებლად 7 დღე მისცეს. წინააღმდეგ შემთხვევაში მის უფლებალოსილებას ოფიციალური პოდგორიცა არ ცნობს.

14 აგვისტო 2022, 13:29

მსოფლიო

Al Jazeera: აშშ-ის მიერ რუსეთის ტერორიზმის დამფინანსებელ სახელმწიფოდ აღიარების შემთხვევაში, მოსკოვი დიპლომატიური ურთიერთობების გაწყვეტით იმუქრება

რუსი მაღალჩინოსნის განცხადებით, თუ აშშ-ის სენატი „რუსეთის ტერორიზმის დამფინანსებელ სახელმწიფოდ აღიარების შესახებ კანონს მიიღებს, ორ ქვეყანას შორის დიპლომატიური კავშირები ძლიერ დაზიანდება და შესაძლოა, შეწყდეს კიდეც.

ლევან ნიკოლეიშვილი

14 აგვისტო 2022, 13:10

პოლიტიკა

ლევან ნიკოლეიშვილი: ღალატის და ომის პარტიის ტელევიზიები პირდაპირ არიან ჩართულნი საქართველოს წინააღმდეგ. მარტივი ფორმულაა - ერთმა, რეზიდენტმა ილვესმა თქვა გარედან, ხოლო ქვეყანაში დაბუდებულმა მოღალატეებმა მხარი აუბეს

ღალატის და ომის პარტიის ტელევიზიებს ამბავი აქვთ ატეხილი - აქაოდა საქართველოს ხელისუფლება ესტონეთის ყოფილი პრეზიდენტის, რეალურად კი მთელი თავისი არსით რეზიდენტი ილვესის კრიტიკას არ პასუხობსო. ჯერ ერთი, ვინ არის და რა სტატუსი აქვს ამ აგენტს, რომ საქართველოს ხელისუფლებამ უპასუხოს, - ამის შესახებ ექსპერტი ლევან ნიკოლეიშვილი სოციალურ ქსელში წერს.

14 აგვისტო 2022, 12:55

მსოფლიო

Fitch-მა და S&P-მა უკრაინის რეიტინგი შეზღუდულ დეფოლტამდე შეამცირეს

საერთაშორისო სარეიტინგო სააგენტოებმა S&P Global Ratings-მა და Fitch-მა უკრაინის უცხოური ვალუტის საკრედიტო რეიტინგი შერჩევით და შეზღუდულ დეფოლტამდე შეამცირეს, რადგან ისინი მიიჩნევენ, რომ ქვეყნის ვალის რესტრუქტურიზაცია პრობლემატურია. ამის შესახებ ინფორმაცია სააგენტოების ვებგვერდებზეა განთავსებული.

ნინო ფოჩხუა

14 აგვისტო 2022, 12:45

პოლიტიკა

ნინო ფოჩხუა: ომის დაწყებიდან 36-ე დღეს, 2022 წლის 30 მარტს, არახამიას მიერ ლობირებული კრიმინალური ავტორიტეტის, ბორის ბაუმის ორმა კომპანიამ - ტოტალიზატორმა და ონლაინკაზინომ უკრაინის ტერიტორიაზე ლიცენზია მიიღეს

„ომის დაწყებიდან 36-ე დღეს, 2022 წლის 30 მარტს არახამიას მიერ ლობირებული კრიმინალური ავტორიტეტის - ბორის ბაუმის ორმა კომპანიამ (ტოტალიზატორი და ონლაინკაზინო) ლიცენზია მიიღო უკრაინის ტერიტორიაზე. არ მოგესმათ, ომის დაწყებიდან 36-ე დღეს!!!“, - ამის შესახებ სოციალურ ქსელში ექსპერტი ნინო ფოჩხუა წერს.

14 აგვისტო 2022, 12:35

საზოგადოება

გარემოს ეროვნული სააგენტო მოსახლეობას მოსალოდნელი ამინდის შესახებ აფრთხილებს

გარემოს ეროვნული სააგენტო, მომდევნო დღეებში მოსალოდნელ ამინდთან დაკავშირებით, პროგნოზს აქვეყნებს.

14 აგვისტო 2022, 12:18

მსოფლიო

რა ვითარებაა უკრაინაში ამ დროისთვის. ომის 172-ე დღე

ომის 172-ე დღე. საოკუპაციო ძალა უკრაინის ქალაქებს ისევ ბომბავს. ოკუპანტთა სამიზნე კიდევ ერთხელ გახდა კრამატორსკი. სარაკეტო დარტყმებს 3 ადამიანი ემსხვერპლა, 10-ზე მეტი კი დაშავდა. ინტენსიურად იბომბება სუმის, ხარკოვის, მოკოლაევისა და დნეპროპეტროვსკის დასახლებული რაიონებიც.