შალვა პაპუაშვილი: არ ყოფილა არც ერთი წუთი, რომ ზოგიერთ პოლიტიკოსს 2012 წლის არჩევნებში დამარცხება ეღიარებინა და აქედან რაიმე დასკვნა გამოეტანა

იმედი მაქვს, რომ 150-ვე დეპუტატი, რომელმაც 31 ოქტომბრის არჩევნებით, მანდატი მიიღო, ამ მანდატსა და პასუხისმგებლობას აიღებს და პარლამენტში შემოვა. 1%-იანი ბარიერი, რომელიც იყო ამ არჩევნებზე იყო დაწესებული, „ქართული ოცნების“ ინიციატივაა. იცით, რომ ოპოზიციის ზოგიერთი წარმომადგენელი ამ ინიციატივის წინააღმდეგი იყო, - ამის შესახებ ტელეკომპანია „იმედის“ გადაცემაში „არენა“ „ქართული ოცნების“ საარჩევნო სიის წევრმა, შალვა პაპუაშვილმა განაცხადა.

„ის, რომ დღეს პარლამენტში 14 პარტია შედის, სწორედ „ქართული ოცნების“ ინიციატივის შედეგია. ეს აჩვენებს იმას, რომ მზად ვართ პარლამენტში საგნობრივი დისკუსიისთვის. ამისთვის საჭიროა, რომ ჩვენმა ოპონენტებმა სამი რამ გამოიჩინონ: ერთი - მათ საღი აზრი უნდა გამოავლინონ, მეორე - ამ ყველაფერს პასუხისმგებლობით მოეკიდონ და მიიღონ ის მანდატი, რომელიც მოქალაქეებმა მისცეს და მესამე - სითამამე. არსებობს პოლიტიკოსებისა თუ ორგანიზაციების რიგი, რომლებიც 2012 წლიდან, იმ მომენტიდან, როგორც კი არჩევნები წააგეს, დაიწყეს ქვეყნის ჯანჯღარი, იმისთვის, რომ როგორმე დაბრუნებულიყვნენ ხელისუფლებაში. არ ყოფილა არც ერთი წუთი, არც ერთი წამი, რომ ზოგიერთ პოლიტიკოსს, ამ ბოლო წლებში ეღიარებინა დამარცხება, გაეცნობიერებინა, რომ ქართველი ამომრჩევლის წინაშე დამარცხდნენ და აქედან რაიმე დასკვნა გამოეტანა“ - განაცხადა შალვა პაპუაშვილმა.

აშშ-ის ელჩის რეზიდენციაში მმართველ გუნდსა და ოპოზიციას შორის მოლაპარაკებების მეოთხე რაუნდი შეთანხმების გარეშე დასრულდა.