imedi /  09 დეკემბერი 2020, 15:21 / სანდო წყარო

ირაკლი კობახიძე: სახელმწიფო დაფინანსებას და სხვა შესაბამის პრივილეგიებს ვერ მიიღებენ პარტიები, რომლებიც პარლამენტში არ იქნებიან წარმოდგენილი

ირაკლი კობახიძე

ირაკლი კობახიძე

ფაქტია, რომ რადიკალური ოპოზიცია არად დაგიდევს ავტორიტეტული საერთაშორისო ორგანიზაციების შეფასებებს და მათთვის არჩევნების ერთადერთი ობიექტური შემფასებელი „მთავარი არხი“ და ნიკა გვარამია არიან, რომლებიც, მათ შორის პანდემიისას პოლიტიკური მოროდიორობის ხარჯზე, ეწევიან სისტემურ პროპაგანდას საზოგადოებაში ტოტალური ნიჰილიზმის დასათესად და ცდილობენ ქვეყანა მუდმივი პოლიტიკური კრიზისის საფრთხის ქვეშ დააყენონ, - ამის შესახებ ირაკლი კობახიძემ „ქართული ოცნების“ ოფისში გამართულ ბრიფინგზე განაცხადა.

მისი თქმით, „ქართულმა ოცნებამ“ მიიღო გადაწყვეტილება, რომ საპარლამენტო უმრავლესობა საპარლამენტო მანდატებს მათივე განცხადების საფუძველზე შეუწყვეტს ყველა იმ დეპუტატს, რომელიც არ ან ვერ შეეწინააღმდეგება ოპოზიციის რადიკალი ლიდერების ამბოხის სცენარს.

როგორც მან აღნიშნა, სახელმწიფო დაფინანსებას და სხვა შესაბამის პრივილეგიებს ვერ მიიღებენ პარტიები, რომლებიც პარლამენტში არ იქნებიან წარმოდგენილი.

„გვსურს, გაგიზიაროთ მოსაზრებები ოპოზიციასთან მიმდინარე მოლაპარაკებების პროცესის შესახებ.

როგორც მოგეხსენებათ, მოლაპარაკებების დაწყების საფუძველი გახდა რადიკალური ოპოზიციის შანტაჟი პარლამენტში არ შესვლასთან დაკავშირებით, რაც არჩევნების თითქოსდა სისტემური გაყალბების ბრალდებას ეფუძნებოდა.

მიუხედავად იმისა, რომ ყველა საერთაშორისო დამკვირვებელმა 31 ოქტომბრის არჩევნები ერთხმად შეაფასა როგორც კონკურენტული და თავისუფალი, რადიკალური ოპოზიცია არჩევნების მეორე დღესვე გამოვიდა ქუჩაში ჯერ კიდევ დაუსრულებელი საარჩევნო პროცესის გასაპროტესტებლად, რამაც ევროსაბჭოს საპარლამენტო ასამბლეის და სხვა საერთაშორისო დამკვირვებელი ორგანიზაციების სამართლიანი აღშფოთება გამოიწვია.

საარჩევნო პროცესი უამრავი საერთაშორისო და ადგილობრივი დამკვირვებლის მეთვალყურეობის ქვეშ წარიმართებოდა, რომელთა შორის რადიკალური ოპოზიციის ათეულობით ფიქტიური სადამკვირვებლო ორგანიზაციის ათასობით წარმომადგენელიც იყო. ასევე შეგახსენებთ, რომ საარჩევნო ადმინისტრაციის მიერ შედგენილ საარჩევნო ოქმებს ხელს აწერს ოპოზიციური პარტიების 11 ათასზე მეტი წარმომადგენელი, მათ შორის იმ ოქმებსაც, რომლებშიც დისბალანსი დაფიქსირდა. ამ ყველაფრის მიუხედავად, რადიკალურ ოპოზიციურ პარტიებს მაინც ჰყოფნით თავხედობა და ყოველგვარი მტკიცებულებების გარეშე, ეჭვქვეშ აყენებენ საერთაშორისო პარტნიორების მიერ აღიარებულ არჩევნების სამართლიანობას. ფაქტია, რომ რადიკალური ოპოზიცია არად დაგიდევს ავტორიტეტული საერთაშორისო ორგანიზაციების შეფასებებს და მათთვის არჩევნების ერთადერთი ობიექტური შემფასებელი „მთავარი არხი“ და ნიკა გვარამია არიან, რომლებიც, მათ შორის პანდემიისას პოლიტიკური მოროდიორობის ხარჯზე, ეწევიან სისტემურ პროპაგანდას საზოგადოებაში ტოტალური ნიჰილიზმის დასათესად და ცდილობენ ქვეყანა მუდმივი პოლიტიკური კრიზისის საფრთხის ქვეშ დააყენონ.

მიუხედავად ბრალდების აბსურდულობისა, მოლაპარაკებების დაწყებისთანავე, ჩვენ ოპოზიციურ პარტიებს შევთავაზეთ - პირველი, 1500-მდე საარჩევნო უბნის შედეგების გადათვლა, რათა დარწმუნებულიყვნენ იმაში, რომ საარჩევნო უბნებზე არავითარი სისტემური ხარვეზები არ არსებობდა; მეორე, საარჩევნო უბნებში დამონტაჟებული 3700-ზე მეტი ვიდეოკამერის ჩანაწერის გამოყენება, რათა დარწმუნებულიყვნენ, რომ ე.წ. საარჩევნო კარუსელს ადგილი არ ჰქონია; მესამე, სატელევიზიო დებატები, რათა საზოგადოებისთვის გვეჩვენებინა სიმართლე არჩევნებთან დაკავშირებით - სამწუხაროდ, სამივე ამ შეთავაზებაზე მივიღეთ კატეგორიული უარი მათი მხრიდან.

აღსანიშნავია, რომ ჩვენი შეთავაზების მიმართ დადებითი დამოკიდებულება გამოხატეს ცალკეული პარტიების წარმომადგენლებმა, რომლებსაც წელს ჰქონდათ საარჩევნო დებიუტი, არ ჰყავდათ წარმომადგენლები საარჩევნო კომისიებში, რის გამოც მათი გულწრფელი ეჭვები არჩევნების კორექტულობასთან დაკავშირებით და გადამოწმების ინტერესი სავსებით ლეგიტიმურად უნდა შეფასდეს.

ამასთან ერთად, ნიშანდობლივია, რომ ამ პარტიებისგან განსხვავებით, ზემოაღნიშნული შეთავაზებების მიმართ ყველაზე ხისტი პოზიცია დააფიქსირეს ნაციონალურმა მოძრაობამ და ევროპულმა საქართველომ, რომლის ლიდერები საქართველოში არჩევნების გაყალბების ისტორიის შემქმნელები არიან და ყველაზე კარგად უწყიან, რომ არჩევნების გადამოწმება სწორედ რომ არჩევნების სამართლიანად ჩატარებას დაადასტურებდა.

როგორც ჩანს, ჩვენი მხრიდან ამ პარტიებთან არჩევნების გადამოწმების საკითხზე ამდენი დროის დახარჯვა შეცდომა იყო.

გუშინდელ მოლაპარაკებებზე და მოლაპარაკებების შემდეგ გამოიკვეთა, რომ ცალკეული რადიკალური ოპოზიციური პარტიები, ჩვენი მეგობარი ელჩების ფასდაუდებელი ძალისხმევის მიუხედავად, რაც მხოლოდ და მხოლოდ პოლიტიკური პროცესის სწორი მიმართულებით წარმართვის ინტერესიდან მომდინარეობს, ყველა ღონეს ხმარობენ მოლაპარაკებების ჩასაშლელად და პოლიტიკური კრიზისის ხელოვნურად შესაქმნელად. ამ მიზანზე გუშინ მათი პარტიული ტელევიზიების ეთერებში ღიად და დაუფარავად საუბრობდნენ რადიკალური ოპოზიციის კონკრეტული წარმომადგენლები.

მოლაპარაკებების ჩაშლის მცდელობის კიდევ ერთი გამოხატულება იყო ის ფაქტი, რომ მიუხედავად გუშინწინ მიღწეული პრინციპული შეთანხმებისა საარჩევნო რეფორმის საკითხებთან დაკავშირებით, მათ გუშინ მოლაპარაკებებზე წარმოადგინეს რამდენიმე ახალი ულტიმატუმი, რომელიც პრინციპულ წინააღმდეგობაში მოდის დემოკრატიული სისტემის სტაბილური განვითარების ინტერესებთან.

აშკარაა, რომ რადიკალურ ოპოზიციას ამოძრავებს ერთადერთი ინტერესი - ეს არის ამბოხი დემოკრატიული კონსტიტუციური წესრიგის წინააღმდეგ, რომლის ერთ-ერთ ინსტრუმენტად ისინი საპარლამენტო საბოტაჟს განიხილავენ. სწორედ ამ მიზნით, ისინი ბოიკოტის რეჟიმში ამუშავებდნენ პარლამენტს გასული ერთი წლის განმავლობაში. შეგახსენებთ, რომ მიუხედავად ფუნდამენტური დემოკრატიული ცვლილებებისა, მათ მხარი არ დაუჭირეს არც 2017 წლის საკონსტიტუციო რეფორმას და არც ელჩების ფასილიტაციით შეთანხმებულ 2019 წლის საკონსტიტუციო ცვლილებებს, რომლის საფუძველზეც 2020 წლის საპარლამენტო არჩევნები არსებითად პროპორციული სისტემით ჩატარდა.

ყველა ზემოაღნიშნული ფაქტორის გათვალისწინებით, ჩვენს პარტიაში დღეს შედგა თათბირი პარტიის ლიდერების მონაწილეობით და მივიღეთ გადაწყვეტილება, რომ საპარლამენტო უმრავლესობა საპარლამენტო მანდატებს მათივე განცხადების საფუძველზე შეუწყვეტს ყველა იმ დეპუტატს, რომელიც არ ან ვერ შეეწინააღმდეგება ოპოზიციის რადიკალი ლიდერების ამბოხის სცენარს და პარლამენტს წარუდგენს შესაბამის განცხადებას. გარდა ამისა, სახელმწიფო დაფინანსებას და სხვა შესაბამის პრივილეგიებს ვერ მიიღებენ პარტიები, რომლებიც პარლამენტში არ იქნებიან წარმოდგენილი.

ამასთან, პირველი შეკრებისთანავე, საპარლამენტო უმრავლესობა დააინიცირებს 2020 წლის საპარლამენტო არჩევნების შემსწავლელი დროებითი საგამოძიებო კომისიის შექმნას. კომისიის მუშაობაში ჩასართავად მოვიწვევთ ყველა დაინტერესებულ სუბიექტს, მათ შორის დამოუკიდებელ ექსპერტებს, არასამთავრობო ორგანიზაციებს და საერთაშორისო პარტნიორებს. ბუნებრივია საპარლამენტო პარტიები თავისთავად იქნებიან ჩართულნი ამ კომისიის მუშაობაში. კომისია უზრუნველყოფს არჩევნების სრულფასოვან შეფასებას სხვადასხვა ინსტრუმენტის, მათ შორის უბნების მასშტაბური გადათვლის გამოყენებით.

თუ დაფიქსირდება თუნდაც ერთპროცენტიანი, ხაზს ვუსვამთ, ერთპროცენტიანი გადახრაც კი „ქართული ოცნების“ სასარგებლოდ (დარწმუნებული ვართ, რომ გადახრა 0,1 პროცენტიც კი არ იქნება), „ქართული ოცნება“ გამოაცხადებს რიგგარეშე არჩევნებს. გარდა ამისა, როგორც „ქართული ოცნების“ საარჩევნო შტაბის ხელმძღვანელი, სრული პასუხისმგებლობით ვაცხადებ, რომ ასეთ შემთხვევაში დავტოვებ ყველა პოლიტიკურ თანამდებობას და სრულად ჩამოვშორდები პოლიტიკურ საქმიანობას.

რადიკალური ოპოზიცია უკვე დიდი ხანია არ ცნობს არცერთ ქართულ დემოკრატიულ ინსტიტუტს და მათ ახლა უკვე ღიად გაილაშქრეს საერთაშორისო ინსტიტუტების წინააღმდეგაც. სულ უფრო ხშირდება მათი თავდასხმები ჩვენს დასავლელ მეგობრებზე - შეურაცხმყოფელ დამოკიდებულებას ავლენენ ეუთო/ოდირის საარჩევნო ანგარიშის მიმართ, რუსეთის აგენტად გამოაცხადეს ევროსაბჭოს საპარლამენტო ასამბლეის სადამკვირვებლო მისიის ხელმძღვანელი და ა.შ. დასავლურ ინსტიტუტებზე გახშირებული თავდასხმების კულმინაცია იყო გუშინდელი ანტიდასავლური - ანტიამერიკული და ანტიევროპული ეთერი, სადაც გაჟღერდა უმძიმესი ბრალდებები მოლაპარაკებების ფასილიტატორი ელჩების, აგრეთვე, ზოგადად, ამერიკის შეერთებული შტატებისა და ევროკავშირის მიმართ. გუშინდელი ეთერი, რომელშიც ანტიდასავლურ პროპაგანდას ერთმანეთის მხარდამხარ ეწეოდნენ გაერთიანებული რუსული ოპოზიციის წარმომადგენლები - ნიკა გვარამია, ნიკანორ მელია, გიგი უგულავა, ნატო ჩხეიძე, ირაკლი ოქრუაშვილი, გიორგი გუგავა, ეკა ბესელია, ნინო ბურჯანაძე, იყო ანტიდასავლური პროპაგანდისა და დასავლური ინსტიტუტების წინააღმდეგ ე.წ. რბილი ძალის გამოყენების კლასიკური ნიმუში.

დასავლურ ინსტიტუტებზე თავდასხმის კიდევ ერთი გამოვლინება იყო რადიკალური ოპოზიციის წარმომადგენლების მიერ ამერიკულ-ევროპული მხარდაჭერით მოქმედი არასამთავრობო ორგანიზაციის - „სამართლიანი არჩევნების“ ეგიდით ჩატარებული პარალელური ხმის დათვლის შედეგების უხეში მანიპულაცია, რაც მათი მხრიდან რევოლუციური სცენარის მთავარ საყრდენად იყო მოაზრებული. საპარლამენტო საგამოძიებო კომისია დაამტკიცებს, რომ პარალელური ხმის დათვლის შედეგები სინამდვილეში სრულ თანხვედრაშია საარჩევნო ადმინისტრაციის მონაცემებთან, რის დადგენასაც ზუსტად ერთი დღე ესაჭიროება. რადიკალურმა ოპოზიციამ, რევოლუციური ზრახვების განსახორციელებლად, ამერიკულ-ევროპული მხარდაჭერით მოქმედ ესოდენ მნიშვნელოვან ინსტიტუტში შეჭრაც კი გაბედა, რითაც მთლიანად ეს სექტორი მძიმე რეპუტაციული რისკის ქვეშ დააყენა. ეს დივერსიული აქტი მათ ანტიდასავლურ ბუნებაზე განსაკუთრებით ნათლად მეტყველებს. პარალელური ხმის დათვლის შედეგებთან დაკავშირებით დეტალურ ინფორმაციას საზოგადოებას მოგვიანებით წარვუდგენთ.

რადიკალური ოპოზიცია აზიანებს ყველაფერს, რასაც კი ეხება, რაც კიდევ ერთხელ ადასტურებს ჩვენს მოსაზრებას, რომ შესაბამისი პარტიები ქმნიან მნიშვნელოვან ბარიერს ქართული დემოკრატიის განვითარების გზაზე.

დასავლურ ინსტიტუტებზე თავდასხმაც არის გამოხატულება იმისა, რომ რადიკალური ოპოზიციის ერთადერთი მიზანი დესტაბილიზაცია და კონსტიტუციური წესრიგის წინააღმდეგ ამბოხია, რაშიც ისინი ერთ-ერთ მნიშვნელოვან დაბრკოლებად დასავლურ ინსტიტუტებსა და ჩვენი ქვეყნის მეგობრებს განიხილავენ.

„ქართული ოცნება“ არ დაუშვებს რადიკალური ოპოზიციის ამბოხს, რის რესურსიც მათ, ბუნებრივია, არა აქვთ.

ყველას კარგად ესმის, რომ საქართველოში პოლარიზაციის მთავარი წყარო მიხეილ სააკაშვილია, რომელიც ხალხისგან მოპარული ფულით და ამავე ფულით შექმნილი სამი ტელევიზიით, ჯერ კიდევ ახერხებს ჩვენი ქვეყნისთვის პრობლემების შექმნას. შეგახსენებთ, რომ მიხეილ სააკაშვილი არ აკმაყოფილებს ერთდროულად ორ კონსტიტუციურ საარჩევნო ცენზს - ის არ არის საქართველოს მოქალაქე და მას შეფარდებული აქვს თავისუფლების აღკვეთა, რაც აღსრულებას ექვემდებარება. მიუხედავად ამ გარემოებისა, სამწუხაროდ, ჩვენმა უკრაინელმა კოლეგებმა ვერ მოახერხეს საარჩევნო პროცესებში სააკაშვილის მონაწილეობის პრევენცია. თუმცა, ამისათვის უკრაინელ მეგობრებს, რომლებიც თავადაც უამრავი სირთულის წინაშე დგანან, ჩვენ ვერ გავაკრიტიკებთ.

საკითხის მოგვარება და კონსტიტუციის აღსრულების უზრუნველყოფა, პირველ რიგში, ჩვენი ვალია. ამისათვის, ახალი მოწვევის პარლამენტში ჩვენ დავაინიცირებთ კანონპროექტს, რომლის საფუძველზეც საარჩევნო რეგისტრაცია გაუუქმდება იმ პოლიტიკურ პარტიას, რომლის ლიდერიც კონსტიტუციურ საარჩევნო ცენზს არ აკმაყოფილებს. აღნიშნული ცვლილება უზრუნველყოფს არა მხოლოდ კონსტიტუციური მოთხოვნის სათანადო აღსრულებას, არამედ მნიშვნელოვან წვლილს შეიტანს ქართული დემოკრატიის შეუფერხებელ განვითარებაშიც.

როგორც მოგეხსენებათ, გრძელდება მოლაპარაკებების პროცესი ჩვენი მეგობარი ელჩების ფასილიტაციით და „ქართული ოცნება“ ყველაფერს გააკეთებს ამ მოლაპარაკებების წარმატებით დასრულების ხელშესაწყობად.

ამასთან, ხაზგასმით ვაცხადებთ, რომ რა შედეგებითაც არ უნდა დასრულდეს მოლაპარაკებები, „ქართული ოცნება“ იღებს პასუხისმგებლობას ფართომასშტაბიანი საარჩევნო რეფორმის გატარებაზე, რომლის საკვანძო ელემენტები ოპოზიციას მოლაპარაკებების ფარგლებში წარვუდგინეთ“, - განაცხადა კობახიძემ.

ყველა სიახლე

03 მარტი 2021, 00:15

COVID19

ბოლო 24 საათში მსოფლიოში კორონავირუსის 280 ათასზე მეტი ახალი შემთხვევა დადასტურდა

ჯანდაცვის მსოფლიო ორგანიზაციის მონაცემებით, მსოფლიოში გასული დღე-ღამის განმავლობაში, კორონავირუსის 280 653 ახალი შემთხვევა დადასტურდა, ხოლო 6 630 ადამიანი ვირუსს ემსხვერპლა.

ნიკოლოზ სამხარაძე

03 მარტი 2021, 00:12

პოლიტიკა

ნიკოლოზ სამხარაძე: იგეგმება ვიზიტები ვაშინგტონსა და ბრიუსელში, ჩვენი პარტნიორები სრულად ინფორმირებულები იქნებიან იმ მოვლენების შესახებ, რომელიც საქართველოში ვითარდება

„ჩვენ უკვე დაწყებული გვაქვს ეს კომუნიკაცია. მე პირადად სხვადასხვა ჩემს ევროპელ კოლეგას ვესაუბრები ყოველდღიურ რეჟიმში და ვაცნობ არა მხოლოდ საქართველოში, არამედ ზოგადად რეგიონში არსებულ ვითარებას. იმიტომ რომ რეგიონში არსებული ვითარება აისახება, რა თქმა უნდა, საქართველოს უსაფრთხოებაზე. ჩვენ ყველამ კარგად დავინახეთ, რომ უკანასკნელი მოვლენების შემდეგ რუსეთის პოზიციები რეგიონში აშკარად გაძლიერებულია, რაც თავისთავად საფრთხეს უქმნის საქართველს. ამასთან ერთად იგეგმება ვიზიტებიც, როგორც ვაშინგტონში, ასევე ბრიუსელში. შესაბამისად, ჩვენი პარტნიორები, როგორც ევროპაში, ასევე ამერიკაში, იქნებიან სრულად ინფორმირებულები იმ მოვლენების შესახებ, რომელიც საქართველოში ვითარდება“, - განაცხადა სამხარაძემ.

03 მარტი 2021, 00:09

COVID19

ბოლო 24 საათში საფრანგეთში კორონავირუსის 22 857 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 22 857 ახალი შემთხვევა დადასტურდა, ხოლო 301 ადამიანი ვირუსს ემსხვერპლა.

დავით ზალკალიანი

03 მარტი 2021, 00:07

პოლიტიკა

დავით ზალკალიანი: შარლ მიშელმა სოციალურ ქსელში პოსტი დადო, რომ მას საქართველოში ვიზიტის დროს ბევრ რამეზე თვალი აეხილა

ჩვენ ყველაფერზე უნდა ვიზრუნოთ. რომ ინფორმაცია მათთვის იყოს მიწოდებული ისე, როგორც საჭიროა. ისინი უნდა დავარწმუნოთ, სწორი, თანმიმდევრული ქმედებით ჩვენს სიმართლეში, - ამის შესახებ დავით ზალკალიანმა გადაცემაში „იმედის ფაქტორი“ განაცხადა, რომელმაც საერთაშორისო საზოგადოებისა და პარტნიორების საქართველოში მიმდინარე მოვლენების შესახებ ინფორმირების აუცილებლობაზე ისაუბრა.

ლევან ნიკოლეიშვილი

03 მარტი 2021, 00:06

პოლიტიკა

ლევან ნიკოლეიშვილი: სააკაშვილი პოლიტიკოსი აღარაა, მაგრამ მას, როგორც ავანტიურისტს, დიალოგი საფრთხეს უქმნის

მიხეილ სააკაშვილი პოლიტიკოსი აღარაა, მაგრამ მასაც, როგორც ავანტიურისტს, საფრთხე ემუქრება, იმიტომ რომ წარმატებული დიალოგის შემთხვევაში ის საინტერესო აღარ იქნება, - ამის შესახებ ტელეკომპანია „იმედის“ გადაცემაში „იმედის ფაქტორი“ ანალიტიკოსმა, ლევან ნიკოლეიშვილმა განაცხადა.

03 მარტი 2021, 00:01

COVID19

ბოლო 24 საათში ესპანეთში კორონავირუსის 2 662 ახალი შემთხვევა დადასტურდა

ესპანეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 2 662 ახალი შემთხვევა დადასტურდა, ხოლო 192 ადამიანი გარდაიცვალა.

ალექსანდრე მიშველაძე

03 მარტი 2021, 00:00

პოლიტიკა

ალექსანდრე მიშველაძე: სანქციებზე ლაპარაკი არის აბსურდი და ყოველგვარ რეალობას მოკლებული

„სანქციებზე ლაპარაკიც არის სრულიად აბსურდი და ყოველგვარ რეალობას მოკლებული. ალბათ გახსოვთ, ზაფხულში ზარ-ზეიმით გვაცნობეს, რომ ამერიკის სახელმწიფო და საგარეო ოპერაციების და მასთან დაკავშირებული პროგრამების კანონპროექტის მიხედვით, რომელიც წარმომადგენელთა პალატის ასიგნებათა კომიტეტმა მიიღო, ქვეყანას დახმარება უმცირდებოდა 15%-ით, იქ იყო სანქციები ჩადებული და უხაროდათ. საბოლოოდ რა მივიღეთ? პირიქით, 2017 წლიდან დღემდე ეს დახმარება გაიზარდა 50 მილიონით და შეადგინა 132 მილიონი“, - განმარტავს სპეციალისტი.

გია აბაშიძე

02 მარტი 2021, 23:58

პოლიტიკა

გია აბაშიძე: თანდათანობით, როდესაც „ნაცმოძრაობა“ უკიდურეს დესტრუქციაზე გადავა, მათ დაემართებათ ის, რაც გუშინ ნინო ბურჯანაძეს

თანდათანობით, როდესაც ეს პარტია უკიდურეს დესტრუქციაზე გადავა, მათ დაემართებათ ის, რაც გუშინ დაემართა ნინო ბურჯანაძეს, რომელიც არ მიიწვიეს შეხვედრაზე. ამით შარლ მიშელმა და ევროკავშირმა აღიარეს, რომ ნინო ბურჯანაძემ არჩევნებზე 1%-იც ვერ აიღო, - ამის შესახებ ტელეკომპანია „იმედის“ გადაცემაში „იმედის ფაქტორი“ ანალიტიკოსმა, გია აბაშიძემ განაცხადა.

02 მარტი 2021, 23:51

COVID19

ბოლო 24 საათში თურქეთში კორონავირუსის 11 837 ახალი შემთხვევა დადასტურდა

თურქეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 11 837 ახალი შემთხვევა დადასტურდა, ხოლო 68 ადამიანი ვირუსს ემსხვერპლა.

დავით ზალკალიანი

02 მარტი 2021, 23:42

პოლიტიკა

დავით ზალკალიანი ოპოზიციაზე: მათ არა ეს ქვეყანა, არამედ საკუთარი თავი უყვართ ამ ქვეყანაში

ოპოზიციას არა ეს ქვეყანა, არამედ საკუთარი თავი უყვართ ამ ქვეყანაში. მხოლოდ საკუთარი თავი წარმოუდგენიათ ხელისუფლებაში, - ამის შესახებ ტელეკომპანია „იმედის“ გადაცემაში „იმედის ფაქტორი“ საგარეო საქმეთა მინისტრმა, დავით ზალკალიანმა განაცხადა.

დავით ზალკალიანი

02 მარტი 2021, 23:41

პოლიტიკა

დავით ზალკალიანი: ოპოზიცია ცდილობს წარმოაჩინოს, რომ ევროკავშირის პრეზიდენტი საქართველოში სპეციალურად ბოლო პერიოდში შექმნილი პოლიტიკური პროცესების მოსაწესრიგებლად ჩამოვიდა

ეს არის ძალიან დიდი მნიშვნელობის ვიზიტი სწორედ ამ დიდ სურათში დანახული. ევროკავშირი სისხლხორცეულად არის დაინტერესებული ქვეყანაში სტაბილურობით. თუ არ იქნება ქვეყანაში სტაბილურობა, არ იქნება კეთილდღეობა, არ გვექნება ჩვენ საშუალება 2024 წელს ევროკავშირში განაცხადი გავაკეთოთ, - ამის შესახებ ტელეკომპანია „იმედის“ გადაცემაში „იმედის ფაქტორი“ საგარეო საქმეთა მინისტრმა, დავით ზალკალიანმა განაცხადა, რომელმაც ევკავსირის პრეზიდენტის საქართველოში ვიზიტი შეაფასა.

დავით ზალკალიანი

02 მარტი 2021, 23:38

პოლიტიკა

დავით ზალკალიანი ოპოზიციაზე: თუკი ქვეყანაზე ზრუნვა არის მათი მთავარი საგანი, ახლა როგორც არასდროს ისე გვჭირდება პროცესის პარლამენტში გადატანა

„ყველას მივმართავ, გაიხედეთ, ჩვენს გარშემო რა ხდება, როგორი რთული გეოპოლიტიკური პროცესები მიდის. როგორ შეიძლება ახლა ჩვენ ვიყოთ ასეთ ღრმა კრიზისში? მათი (საერთაშორისო პარტნიორების) სურვილია დროზე დავასრულოთ ეს. თუკი ქვეყანაზე ზრუნვა არის მათი (ოპოზიციის) მთავარი საგანი და თუკი ქვეყნისთვის მომავალი გვინდა, ჩვენ ახლა როგორც არასდროს ისე გვჭირდება ამ პროცესის რაც შეიძლება სწრაფად დასრულება, პროცესის პარლამენტში გადატანა. არ შეიძლება ის მოთხოვნები, რასაც აჟღერებენ, პარლამენტიდან გაჟღერდეს? ხომ არის პარლამენტის ტრიბუნა ყველაზე მაღალი ტრიბუნა და ნებისმიერ ცივილიზებულ ევროპულ ქვეყანაში დისკუსია, მათ შორის მწვავე დისკუსია, პარლამენტში მიმდინარეობს. პარლამენტიდან შეუძლია ოპოზიციას იმ მიზნების გაჟღერება კიდევ უფრო მწვავედ, მაგრამ ჩვენ ხომ ძალიან კარგად ვიცით საიდან მოდის ეს ყველაფერი. რამდენიმე რადიკალს და მათ ლიდერს გარედან ჰყავთ მძევლად აყვანილი ოპოზიციის მნიშვნელოვანი ნაწილი და მათ არ აქვთ გამბედაობა, რომ გამოვიდნენ და თქვან, რომ არ შეიძლება ასე“, - განაცხადა ზალკალიანმა.

ნიკოლა სარკოზი

02 მარტი 2021, 23:38

მსოფლიო

ნიკოლა სარკოზიმ დაუშვა, რომ ევროპის ადამიანის უფლებათა სასამართლოს მიმართავს

საფრანგეთის ყოფილმა პრეზიდენტმა, ნიკოლა სარკოზიმ დაუშვა, რომ ევროპის ადამიანის უფლებათა სასამართლოს მიმართავს.

დავით ზალკალიანი

02 მარტი 2021, 23:30

პოლიტიკა

დავით ზალკალიანი: წინაპირობით მოლაპარაკებაზე არ მიდიან და ამასაც ფალისიტატორები ძალიან კარგად ხედავენ

როდესაც პასუხისმგებლიანი მომლაპარაკებელი მხარე ხარ, დიალოგი უნდა დაიწყო იმ თემით, რომელზეც შეიძლება შეთანხმება მოხდეს.​ წინაპირობით მოლაპარაკებაზე არავინ მიდის და ამასაც ფალისიტატორები ძალიან კარგად ხედავენ და როდესაც იქნება შეფასებები, ყველაფერს თავისი სახელი დაერქმევა, - ამის შესახებ ტელეკომპანია „იმედის“ გადაცემაში „იმედის ფაქტორი“ საგარეო საქმეთა მინისტრმა, დავით ზალკალიანმა განაცხადა.

ლევან ნიკოლეიშვილი

02 მარტი 2021, 23:25

პოლიტიკა

ლევან ნიკოლეიშვილი: თუ გვინდა, რომ ოდესმე გავხდეთ ევროკავშირის წევრი, ერთ-ერთი მთავარი, რაც უნდა მოხდეს ამ ქვეყანაში, არის ცალკეული სახელისუფლებო შტოების გამიჯვნა

„ოპოზიცია ითხოვდა პოლიტიკური პარტიისგან პატიმრის გათავისუფლებას. ანუ, ისინი ფიქრობდნენ, რომ ჩვენ უნდა დავბრუნდეთ წარსულში, როდესაც „ნაციონალური მოძრაობის“ ერთმმართველობა წყვეტდა ვინ წავიდოდა ციხეში - არავითარი სასამართლო, არავითარი პროკურატურა. ეს იყო მთავარი, რასაც ისინი აკეთებდნენ და ამის დაბრუნებას ცდილობენ. მეტიც, პირდაპირ და ღიად გვებნებიან, რომ „ჩვენ თუ დავბრუნდებით, ეს ასე იქნება“, - აცხადებს ანალიტიკოსი“, - განაცხადა ნიკოლეიშვილმა.

ვიქტორ ყიფიანი

02 მარტი 2021, 23:14

პოლიტიკა

ვიქტორ ყიფიანი: პოლიტიკური პროცესის ყველა მონაწილე საზიარო არის უფლება-მოვალეობებებში, მომავალი ყველას ერთად განსჯის

ვიტოვებ იმედს, რომ ამ ორ კვირაში ყველა სწორ დასკვნამდე მივა. ხელისუფალს ევალება ღირსეულად იხელისუფლოს, ხოლო ოპოზიციას - ღირსეული ოპონირება გაუწიოს. პოლიტიკური პროცესის ყველა მონაწილე საზიარო არის უფლება-მოვალეობებებში, ამ შემთხვევაში მიჯნა ხელისუფლებასა და ოპოზიციას შორის იშლება. მომავალი ყველას ერთად განგვსჯის და არ იქნება ისეთი საზომი, თუ ვინ იყო უფრო მართალი ან უფრო მტყუანი, - ამის შესახებ ტელეკომპანია „იმედის“ გადაცემაში „იმედის ფაქტორი“ ანალიტიკოსმა, ვიქტორ ყიფიანმა განაცხადა.

02 მარტი 2021, 23:08

მსოფლიო

ჰუმანიტარული დახმარების გარდა, აშშ რუსეთისთვის დახმარების გაწევას წყვეტს

ჰუმანიტარული დახმარების გარდა, აშშ რუსეთისთვის დახმარების გაწევას წყვეტს. ამის შესახებ აშშ-ის სახელმწიფო დეპარტამენტის განცხადებაშია ნათქვამი.

02 მარტი 2021, 22:46

COVID19

GAVI: Pfizer/BioNTech-ის ვაქცინის შეზღუდული რაოდენობიდან გამომდინარე, საბოლოო მიწოდება მოლაპარაკებასა და დამატებითი შეთანხმებების შესრულებას ექვემდებარება

ვაქცინებისა და იმუნიზაციის გლობალური ალიანსი (GAVI) ვაქცინების განაწილების საკითხს განმარტავს.

პაატა იმნაძე

02 მარტი 2021, 22:41

COVID19

პაატა იმნაძე: ვაქცინაციის დაგვიანების მიზეზი ისაა, რომ მწარმოებლები სათანადო რაოდენობის ვაქცინას ვერ აწარმოებენ

ვაქცინაციის დაგვიანების მიზეზი არის ის, რომ მწარმოებლები სათანადო რაოდენობის ვაქცინას ვერ აწარმოებენ, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ „ფორმულას“ ეთერში განაცხადა.

თენგიზ ცერცვაძე

02 მარტი 2021, 22:21

COVID19

თენგიზ ცერცვაძე: შეზღუდვების მოხსნა შემთხვევების მატებას არ გამოიწვევს, თუ პირბადეებს ვატარებთ

„მე ყოველთვის ვემხრობოდი შეზღუდვების ეტაპობრივ მოხსნას და ვხედავთ, რომ ასეც ხდება. ასევე მუდმივად თავშეკავებისკენ მოვუწოდებდი, როდესაც საუბარი იყო ერთიანი მოხსნის მოთხოვნებზე, რამეთუ ამან შეიძლება უკან დაგვაბრუნოს. ხომ არ გამოიწვევს ახლა მოხსნა შემთხვევების მატებას? მაქვს ცალსახა პასუხი - არ გამოიწვევს თუ პირბადეებს ვატარებთ. ამ შემთხვევაში გვექნება შესაძლებლობა ჩვეული ცხოვრებით ვიცხოვროთ. მაქვს ინფორმაცია, რომ რეგიონებში 72%-დან 62%-ზე ჩამოვიდა პირბადეების ტარების მაჩვენებელი. მოსახლეობას მინდა შევახსენო, რომ პირბადეებზე გადის ჩვენი ეკონომიკა და ცხოვრება“, - განაცხადა ცერცვაძემ.