გუგული მაღრაძე: საქართველოს ყველა მეგობარი მოუწოდებს ოპოზიციას, შევიდეს პარლამენტში, არეულობა მხოლოდ რუსეთს სჭირდება

გული მწყდება იმაზე, რომ ოპოზიციურ პარტიებში, რომლებიც ჯერ არ აპირებენ შესვლას პარლამენტში, მე არ ვგულისხმობ „ნაცმოძრაობას“ და „ევროპულ საქართველოს“, მე ვიცნობ რამდენიმე ადამიანს, რომლის პარლამენტში ყოფნა იქნებოდა ძალიან სასარგებლო. „ნაცმოძრაობაშიც“ შეიძლება მოიძებნოს 1-2 ისეთი ადამიანი, რომლის პარლამენტში ყოფნა შეიძლება იყოს გაცილებით უფრო პროდუქტიული, ვიდრე ქუჩაში დგომა, - ამის შესახებ „ტვ პირველის“ ეთერში „ქართული ოცნების“ ყოფილმა დეპუტატმა, გუგული მაღრაძემ განაცხადა.

„პასუხისმგებლიანმა პოლიტიკურმა ძალამ უნდა უპასუხოს თავისი ამომრჩევლების მოთხოვნებს. ამომრჩევლებმა იმიტომ მისცეს ხმა ამა თუ იმ პარტიას, რათა მათ პარლამენტში იმუშაონ და ქვეყანა უკეთესი გახდეს. ამიტომ ყველა პარტიამ, რომელიც გრძნობს პასუხისმგებლობას თავისი ამომრჩევლების წინაშე, უნდა შეასრულოს თავისი მოვალეობა, ვინაიდან პანდემიის ფონზე ხალხი მივიდა უბნებზე და მისცა ხმა ამ ადამიანებს. გული მწყდება იმაზე, რომ ოპოზიციურ პარტიებში, რომლებიც ჯერ არ აპირებენ შესვლას პარლამენტში, მე არ ვგულისხმობ „ნაცმოძრაობას“ და „ევროპულ საქართველოს“, მე ვიცნობ რამდენიმე ადამიანს, რომლის პარლამენტში ყოფნა იქნებოდა ძალიან სასარგებლო. „ნაცმოძრაობაშიც“ შეიძლება მოიძებნოს 1-2 ისეთი ადამიანი, რომლის პარლამენტში ყოფნა შეიძლება იყოს გაცილებით უფრო პროდუქტიული, ვიდრე ქუჩაში დგომა. არჩევნების შედეგებში თითქმის არავის ეპარება ეჭვი, ამ დროს ქუჩაში არჩევნების შედეგების გაპროტესტება ნიშნავს იმას, რომ ეს პროტესტი წინასწარ იყო მომზადებული. ყველა მეგობარი მოუწოდებს მათ, შევიდნენ პარლამენტში, ვინაიდან საქართველოში სტაბილურობა ჩვენს პარტნიორებს სჭირდება, არეულობა კი მხოლოდ რუსეთს სჭირდება“, - განაცხადა გუგული მაღრაძემ.