გიორგი ვოლსკი: ელენე ხოშტარია თავისი იმიჯის გადარჩენას ცდილობს

ელენე ხოშტარია თავისი იმიჯის გადარჩენას ცდილობს, - ასე გამოეხმაურა საქართველოს პარლამენტის პირველი ვიცე-სპიკერი, გიორგი ვოლსკი ელენე ხოშტარიას მიერ „ევროპული საქართველოს“ დატოვებას.

„ელენე ხოშტარია ცდილობს, თავისი იმიჯი გადაირჩინოს და იმ ხალხს დაშორდეს, ვინც განსაკუთრებით ბოლო პერიოდში გამოირჩევა ფურ-ირემივით შეძახილებით, ღრიალით. მიუხედავად იმისა, რომ ამ გაერთიანებამ სახელი შეიცვალა, შორს არ ჩავარდნილა იმ ხედან, რომელიც „ნაციონალური მოძრაობის“ სახელით არის ცნობილი. ვფიქრობ, რომ ეს ამოძრავებს ელენე ხოშტარიას, მაგრამ თავის მისწრაფებაში რამდენად წარმატებული იქნება, ვერ გეტყვით“, – აღნიშნა გიორგი ვოლსკიმ.

ელენე ხოშტარიამ „ევროპული საქართველო“ დატოვა. მისი თქმით, ის არც ერთ სხვა პარტიაში არ გადადის და რჩება ოპოზიციურ ერთობაში. როგორც ხოშტარიამ განმარტა, პარლამენტში შესვლასთან დაკავშირებით მისი პოზიციები უცვლელია.