ვახუშტი მენაბდე: დღეს იმაზე ცუდი საარჩევნო სისტემა გვაქვს, ვიდრე ეს გვქონდა პარლამენტთან მიმართებაში და საჭიროა მისი პროპორციულად გარდაქმნა

საარჩევნოს სისტემის რეფორმასთან დაკავშირებულ სამუშაო ჯგუფში „საია“ სამ საკითხს დააყენებს, - ამის შესახებ „ახალგაზრდა იურისტთა ასოციაციის“ პროგრამის დირექტორმა, ვახუშტი მენაბდემ ისაუბრა.

„სამი საკითხია, რომელსაც „საია“ დააყენებს. პირველი ეხება საარჩევნო ადმინისტრაციის შემცირებას და პროფესიონალიზაციას ისე, რომ ისინი კონსენსუსით დაინიშნონ. მეორე ამომრჩევლის ზეწოლისგან გათავისუფლების ინსტრუმენტებს, ეს არის სიჩუმის დღე და რადიუსი. მესამე კი, ადგილიბრივ დონეზე საარჩევნო სისტემის არსებობას. დღეს იმაზე ცუდი საარჩევნო სისტემა გვაქვს, ვიდრე ეს გვქონდა პარლამენტთან მიმართებაში და საჭიროა, მისი პროპორციულად გარდაქმნა“, - განაცხადა ვახუშტი მენაბდემ.

საარჩევნო რეფორმასთან დაკავშირებული სამუშაო ჯგუფი პირველ შეხვედრას მართავს. ჯგუფი საარჩევნო რეფორმის მოსამზადებლად იმუშავებს.