imedi /  12 თებერვალი 2021, 15:25 / სანდო წყარო

ნიკა მელია: არ ვცდილობ ხელისუფლების პროვოცირებას, ვცდილობ, გავწყვიტო უკანონობის, დაშინების, მანიპულაციების, პოლიტიკური დევნის ჯაჭვი

ნიკა მელია

ნიკა მელია

მე არ ვცდილობ ხელისუფლების პროვოცირებას, ვცდილობ, გავწყვიტო უკანონობის, დაშინების, მანიპულაციების, პოლიტიკური დევნის ის ჯაჭვი, რომლითაც ქართული ხელისუფლება, პირველ რიგში, აზარალებს ქართულ სახელმწიფოს და რუსულ ორბიტაზე აბრუნებს, - ამის შესახებ „ნაციონალური მოძრაობის“ თავმჯდომარე, ნიკა მელია Facebook-ზე მასზე დაკისრებულ გირაოსთან დაკავშირებით წერს.

მისივე თქმით, თუ ბრალდების მხარეს ჰქონდა მტკიცებულებები, რომ აღკვეთის ღონისძიების მოთხოვნები დაარღვია, უკვე გადახდილი გირაოს ფონზე, კვლავ გირაოს გადახდა კი არ უნდა მოეთხოვათ, არამედ მისი დაპატიმრების მოთხოვნით შესაბამისი მტკიცებულებები უნდა წარედგინათ.

„მნიშვნელოვნად მიმაჩნია, სწორად იყოთ ინფორმირებული იმ პროცესების შესახებ, რაც ჩემი, როგორც ქვეყნის მთავარი ოპოზიციური პარტიის თავმჯდომარის ირგვლივ მიმდინარეობს და გაგიზიაროთ ის არგუმენტები, რაც ცხადად ადასტურებს, რომ მმართველი პოლიტიკური გუნდის მიერ ყველა სახელმწიფო ინსტიტუცია ინსტრუმენტად გამოიყენება ჩემი პოლიტიკური პროცესებისაგან ჩამოშორების მიზნით.

მოგეხსენებათ, რომ 2019 წლის 20 ივნისს, ოკუპანტი ქვეყნის გამორჩეულად აგრესიული წარმომადგენლის - სერგეი გავრილოვის საქართველოს პარლამენტში პატივით მიღებას, ქართველი ხალხის უზარმაზარი პროტესტი მოჰყვა, ხელისუფლებამ კი ნაცვლად იმისა, რომ შეესმინა შეურაცხყოფილი ქართველი ხალხის ხმა, პროვოკაცია მოაწყო და თავისივე მოქალაქეებზე სასტიკად იძალადა.

მისი დანაშაულებრივი ქმედებების გადაფარვის მიზნით კი, როგორც სხვა კრიზისების დროსაც სჩვევია, სახელმწიფო გადატრიალების მცდელობის მორიგი ილუზორული საქმე შეთხზა და მტკიცებულებების არ არსებობის მიუხედავად, ჯგუფური ძალადობის ორგანიზების მუხლით ჩემ მიმართ სისხლისამართლებრივი დევნა დაიწყო.

სამწუხაროდ, დღეს საქართველოში ყველა ინსტიტუცია პოლიტიკურ კონიუქტურას ექვემდებარება. შესაბამისად, ჩემ მიმართ წარმოებულ უკანონო პროცესში ორკესტრირებულად ჩაერთო საკანონმდებლო, აღმასრულებელი და სასამართლო ხელისუფლება.

ჩვენი ქვეყნის გულშემატკივარი პარტნიორების ძალისხმევით, „ქართული ოცნება“ ბოლო მომენტში იძულებული გახდა, უარი ეთქვა ჩემს დაპატიმრებაზე, თუმცა კანონისა და კონსტიტუციის სრული უგულვებელყოფა კვლავ გაგრძელდა და ჩემი პოლიტიკური პროცესებისაგან ჩამოსაშორებლად, აქამდე არარსებული სამართლებრივი პრეცედენტები შეიქმნა.

პირველად სწორედ ჩემს საქმეზე გამოიყენეს, გირაოს პარალელურად, აღკვეთის ღონისძიების ფარგლებში, დამატებითი შეზღუდვის სახით ელექტრონული მონიტორინგი. მაშინ, როდესაც ის საქართველოს კანონმდებლობით, მხოლოდ გამამტყუნებელი განაჩენის შემდეგ, სასჯელის სახით შინაპატიმრობის დროს გამოიყენება.

მე ვარ პირველი ბრალდებული, რომელსაც აღკვეთის ღონისძიების ფარგლებში შეეზღუდა საჯარო სივრცეში სიტყვით გამოსვლა. ამომრჩევლებთან შეხვედრა, თან მაშინ, როდესაც მე ხალხის მიერ არჩეული პარლამენტის მოქმედი წევრი ვიყავი.

ქართულ სასამართლო პრაქტიკის ისტორიაში პირველად, უკვე გადახდილი გირაოს შემდეგ, პროკურატურის მოთხოვნით, დამატებით კიდევ გირაოს გადახდა დამეკისრა.

მიუხედავად იმისა, რომ ჩემ მიმართ ე.წ „გავრილოვის “ საქმეზე შეფარდებული გირაო სრულიად უკანონოდ მიმაჩნდა, პატივი ვეცი სახელმწიფო ინსტიტუტებს და სასამართლოს მიერ დადგენილ ვადაში გირაო 30.000 ლარის ოდენობით ერთხელ უკვე გადავიხადე.

თუმცა, როდემდე შეიძლება გავყვე პოლიტიკური დღის წესრიგით ნაკარნახებ გადაწყვეტილებებს, რომლებიც მთლიანად გასულია სამართლებრივი ჩარჩოებიდან?

ამიტომ თავიდანვე განვაცხადე, რომ განმეორებით დაკისრებულ გირაოს აღარ გადავიხდიდი, რადგან არსად მივმალულვარ და ისედაც ვასრულებდი იმ მიზნებს, რა მიზნითაც ზოგადად გირაო გამოიყენება.

თუ ბრალდების მხარეს ჰქონდა მტკიცებულებები, რომ მე დავარღვიე აღკვეთის ღონისძიების მოთხოვნები, მოქმედი კანონმდებლობით, უკვე გადახდილი გირაოს ფონზე, კვლავ გირაოს გადახდა კი არ უნდა მოეთხოვათ, არამედ სასამართლოსათვის ჩემი დაპატიმრების მოთხოვნით შესაბამისი მტკიცებულებები უნდა წარედგინათ, რაც ცხადია, ბუნებაში არ არსებობდა, რადგან იცოდნენ, რომ სამაჯური, რომელიც პროტესტის ნიშნად საჯაროდ მოვიხსენი, უკანონოდ მქონდა შებმული და ეს არგუმენტი საერთაშორისო პარტნიორების თვალში ჩემი დაპატიმრების არგუმენტად ვერ გამოადგებოდათ.

სწორედ ამიტომ, ახლებურად განმარტეს კანონი და პირველი ადამიანი ვარ, ვისაც ერთსა და იმავე საქმეზე უკვე მეორედ მთხოვენ გირაოს გადახდას.

თავადაც კარგად იცოდნენ, რომ ხელმეორედ დაკისრებული გირაო უკანონო იყო, ამიტომ არც კანონით სავალდებულო გირაოს განმარტების წერილობითი ოქმი გაუფორმებიათ ჩემთან და იმის მიუხედავად, რომ მისი გადახდის ვადა ჯერ კიდევ 2020 წლის 23 დეკემბერს გავიდა, რეაგირება არ მოუხდენიათ.

თუმცა მას შემდეგ, რაც მე ამირჩიეს „ერთიანი ნაციონალური მოძრაობის“ პარტიის თავმჯდომარედ, დავიწყე ძირეული რეფორმების განხორციელება და წარვადგინე განახლებული „ნაციონალური მოძრაობის“ ახალგაზრდა, დასავლური ღირებულებების მქონე გუნდი, კვლავ დღის წესრიგში დადგა ჩემი პოლიტიკური აქტიურობის განეიტრალება და "ნაციონალური მოძრაობის" გაძლიერების პროცესის შეჩერება.

სწორედ ამიტომ, პროკურატურამ ისევ მიიღო პოლიტიკური დავალება და უკანონოდ დაკისრებული გირაოს გადაუხდელობის შემთხვევაში, დაპატიმრებით მემუქრება.

შეუძლებელია, მე არ ვიყო სახელმწიფო ინსტიტუტების პატივისმცემელი და ცხადია, მე ვაცნობიერებ ჩემს სტატუსს, პატივს ვცემ კანონს და მთელი ჩემი შეგნებული ცხოვრება განუხრელად ვიცავ მათ, მაგრამ ქვეყნისათვის ამ გადამწყვეტ ისტორიულ მომენტში მე არ მაქვს უფლება, სისუსტე გამოვიჩინო და დავემორჩილო უკანონობას, თუნდაც პატიმრობის მუქარის ფონზე, რადგან ვგრძნობ უდიდეს პასუხისმგებლობას ჩემი ქვეყნის, მომავალი თაობების, ჩემი პატარა შვილის წინაშე, რომელმაც მინდა, რომ სამართლიან, დემოკრატიულ, ევროპული ტიპის ქვეყანაში იცხოვროს.

ქვეყანაში, სადაც პატივს სცემენ კანონებს და მას განსხვავებული პოლიტიკური შეხედულებების მქონე ადამიანების წინააღმდეგ იარაღად არ იყენებენ, ქვეყანაში, რომლის ხელისუფლებისთვისაც მთავარი ღირებულება არის ადამიანი. ქვეყანაში, სადაც არსებობს სამართლიანი სასამართლო და სახელმწიფო ინსტიტუტები არ გამოიყენება ინსტრუმენტად პოლიტიკური ხელისუფლების ხელში.

ჩემი ცხოვრების მთავარ ამოცანად სწორედ ამ მიზნის მიღწევა მაქვს დასახული. ამიტომ, პატივს ვცემ კანონებს, მაგრამ უარს ვაცხადებ დავემორჩილო უკანონობას. თუნდაც ეს თავისუფლების დაკარგვის ფასად დამიჯდეს, რადგან მტკიცედ მჯერა, რომ ჩემი ბრძოლა არის ქვეყნის უკეთესი მომავლისთვის გაღებული მსხვერპლი.

იმისთვის, რომ არასოდეს, არცერთ ხელისუფლებას აღარ ჰქონდეს შესაძლებლობა ჩაგროს და დევნოს მისთვის მიუღებელი ადამიანები. რომ აღარასოდეს ამ ქვეყანაში ადამიანებს აღარ ართმევდნენ არჩევნებს. რომ სამართლიან ბრძოლაში დამარცხებულები ერთმანეთს გამარჯვებას ულოცავდნენ და ერთიანი ძალისხმევით აგრძელებდნენ ბრძოლას ქვეყნის უკეთესი მომავლისთვის.

მე არ ვცდილობ ხელისუფლების პროვოცირებას, მე ვცდილობ გავწყვიტო უკანონობის, დაშინების, მანიპულაციების, პოლიტიკური დევნის ის ჯაჭვი, რომლითაც ქართული ხელისუფლება პირველ რიგში აზარალებს ქართულ სახელმწიფოს, აბრუნებს რუსულ ორბიტაზე, აფერხებს ქვეყნის განვითარებას დაუკარგავს ევროპული ინტეგრაციის შანს, მაშინ როდესაც ევროკავშირში გაწევრიანება ქართველი ხალხის დეკლარირებული მიზანია.

სამწუხაროდ, საქართველოში დღეს არსებული ხელისუფლების თვალსაწიერიდან საქართველოს მოსახლეობა დაყოფილია მათ მომხრეებად და პოტენციურ ბრალდებულებად. მე ამ ბრალდებულათაგან მხოლოდ ერთ-ერთი ვარ, რომელთა გათავისუფლების სანაცვლოდაც „ქართული ოცნების“ ხელისუფლება ხშირად ვაჭრობს და ხელისუფლებაში ყოფნის ვადის გასახანგრძლივებლად იყენებს. ასე გაგრძელება შეუძლებელია.

ეს უკანონობა უნდა დასრულდეს, რადგან მთავრობის ეს რევანშისტური პოლიტიკა არღვევს ქართული სახელმწიფოს ფუნდამენტს და ქვეყანას უკარგავს რეალურ შანსს, თავი დააღწიოს საბჭოურ მენტალიტეტს და ცივილიზებული მსოფლიოს ღირსეული ნაწილი გახდეს“, - წერს ნიკა მელია.

„ნაციონალური მოძრაობის“ თავმჯდომარეს, ნიკა მელიას გირაოს დარჩენილი თანხის გადახდის ვადა დღეს ეწურება.

ფრაქცია „ქართული ოცნების“ თავმჯდომარემ, მამუკა მდინარაძემ განაცხადა: თუ ნიკა მელიას გირაოს გადახდა უნდა, დაექვემდებაროს კანონს და არა მიხეილ სააკაშვილის სურვილებს. მან ასევე აღნიშნა, რომ „სასაცილოა ნიკა მელიას და „ნაციონალური მოძრაობის“ ლიდერების სპექტაკლი, თითქოს გავრბივართ, რომ ვიღაც ადამიანი ვიპოვოთ, ვინც გირაოს თანხას შეიტანს“

„პოლიტიკურად მოტივირებული საქმის გირაოს გადახდას არ ვაპირებ“, - ამის შესახებ „ნაციონალური მოძრაობის“ თავმჯდომარემ, ნიკა მელიამ პარტიის ოფისში გამართულ ბრიფინგზე განაცხადა და ასევე აღნიშნა, რომ ვრცელდება ხმები, თითქოს თანხის გადახდას „მითიური მოქალაქე“ აპირებს.

5 თებერვალს, საქართველოს გენერალურმა პროკურატურამ განაცხადა, რომ თუ ნიკა მელია გირაოს არ გადაიხდის, პროკურატურა სასამართლოს მისთვის აღკვეთის ღონისძიების სახით პატიმრობის შეფარდების შუამდგომლობით მიმართავს.

ყველა სიახლე

ლევან ჯღარკავა

05 მარტი 2021, 16:59

საზოგადოება

დიდუბის გამგეობა რაიონში ასფალტის მოწესრიგებას განაგრძობს

ერთ-ერთი პროექტი დიღმის მასივის პირველი კვარტალის მე-13 და მე-14 კორპუსებთან მიმდინარეობს. კონტრაქტორი კომპანია 2 400 კვ.მ ფართობზე ასფალტის დაზიანებული ფენის დემონტაჟს ახორციელებს და ასფალტის დასაგებად მოსამზადებელ სამუშაოებს აწარმოებს. პროექტის ღირებულება 90 000 ლარს შეადგენს. მიმდინარე სამუშაოებს დიდუბის რაიონის გამგებელი ლევან ჯღარკავა მოადგილესთან ზურაბ უგულავასთან ერთად გაეცნო.

მიხეილ ჩხენკელი

05 მარტი 2021, 16:55

საზოგადოება

მიხეილ ჩხენკელმა მსოფლიო ბანკის ორგანიზებით გამართული მათემატიკის ონლაინ საერთაშორისო სემინარი გახსნა

საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა ონლაინ სემინარი „მათემატიკა საქართველოს საშუალო განათლების საფეხურის სასწავლო კურიკულუმში: საგანმანათლებლო გეგმა ხელოვნური ინტელექტის ეპოქაში“ გახსნა, სადაც ცნობილმა მათემატიკოსმა, მათემატიკური განათლების რეფორმის ავტორმა და ტექნოლოგიების სპეციალისტმა კონრად ვოლფრამმა წაიკითხა მოხსენება ახალი თამამი იდეის შესახებ მათემატიკის სწავლების მიმართულებით. ამის შესახებ განცხადებას განათლების სამინისტრო ავრცელებს.

მერაბ გაფრინდაშვილი

05 მარტი 2021, 16:54

ეკონომიკა

მერაბ გაფრინდაშვილი: საუბარი იმაზე, რომ „ნამახვანჰესის“ კაშხალი სუსტ გრუნტებში შენდება, სიცრუეა

ხეობაში გვყავს ყველა მიმართულების სპეციალისტი და ეცადეთ, ნაკლებად მოუსმინოთ არასწორ ინფორმაციას, - ამის შესახებ გარემოს ეროვნული სააგენტოს გეოლოგიის დეპარტამენტის უფროსმა მერაბ გაფრინდაშვილმა „ნამახვანჰესის“ კაშხალის მშენებლობასთან დაკავშირებით განაცხადა. მისი თქმით, ყველაზე დიდი მეწყერი, რომელიც ამ ზონაში წყალსაცავის არეალშია მოქცეული, ბერჩის მეწყერია, თუმცა მას 34 მეტრიანი ტალღის გამოწვევა არ შეუძლია.

05 მარტი 2021, 16:53

რეგიონი

ნათია თურნავა: მოვთხოვთ „ნამახვანი ჰესის“ ინვესტორ კომპანიას, უზრუნველყოს ადგილობრივი მოსახლეობის გადამზადება მაღალკვალიფიციურ, მაღალანაზღაურებად პოზიციებზე დასასაქმებლად

ცაგერში, ადგილობრივ მოსახლეობასთან „ნამახვანი ჰესთან“ გამართულ შეხვედრაზე, რომელშიც ნათია თურნავა და ლევან დავითაშვილი მონაწილეობდნენ, ერთ-ერთი საკითხი ადგილობრივი მოსახლეობის დასაქმების განხილვა იყო. ეკონომიკის მინისტრის თქმით, ძალიან მნიშვნელოვანია, რომ მოსახლეობა, მათ შორის ხეობის ადგილობრივი მოსახლეობა დასაქმდეს არა უბრალოდ რიგით კვალიფიკაციებზე და რიგით პროფესიებზე, არამედ მაღალანაზღაურებად და მაღალკვალიფიციურ პოზიციებზე.

პაატა იმნაძე

05 მარტი 2021, 16:46

COVID19

პაატა იმნაძე: როდესაც ქვეყანაში ვაქცინები შემოვა, ხელს სწორედ ის ადამიანები შეგვიშლიან, დღეს რომ ამბობენ ვაქცინა არ არისო

სერიოზულად მაწუხებს ერთი ამბავი, როდესაც ქვეყანაში საკმარისი ვაქცინები შემოვა და ეს დრო ძალიან მალე იქნება, ჩვენ ხელს შეგვიშლიან ის ადამიანები, ვინც დღეს ამბობენ ვაქცინა არ არისო. სწორედ მათ აქვთ დიდი გამოცდილება იმისა, თუ როგორ ჩააგდეს 2008 წლის იმუნიზაციის კამპანია, რომელზეც ერთი წელი ვემზადებოდით. ეს ფაქტია და მთელი საქართველოს ამბობს. დღეს კი, ისევ დაწყებულია ეს პროცესი, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ, პაატა იმნაძემ „რუსთავი 2“-ის ეთერში განაცხადა.

თეა წულუკიანი

05 მარტი 2021, 16:40

პოლიტიკა

თეა წულუკიანი: ნიკანორ მელიას ციხე, როგორც პიროვნებას ბენეფიტს არ მოუტანს, მისი დაკავება იყო ერთადერთი სამართლებრივი გზა

ნიკანორ მელიას დაკავების ღონისძიება ეს იყო ერთადერთი სწორი სამართლებრივი გზა, რომელიც პოლიციამ შესანიშნავი პროფესიონალიზმით, მშვიდობიანად ჩაატარა, - ამის შესახებ საპარლამენტო უმრავლესობის წევრმა, თეა წულუკიანმა განაცხადა.

05 მარტი 2021, 16:34

პოლიტიკა

ნათია თურნავა: მზად ვართ, „ზემო ნამახვანის“ პროექტირებასა და შესწავლაში ადგილობრივი მოსახლეობის მეტი ჩართულობა, მათთვის სანდო ექსპერტების დონეზე უზრუნველვყოთ

ეკონომიკისა და მდგრადი განვითარების მინისტრი „ნამახვანი ჰესის“ პროექტზე მუშაობის პროცესში ადგილობრივი მოსახლეობის მეტი ჩართულობის მნიშვნელობაზე საუბრობს. ნათია თურნავა და ლევან დავითაშვილი საქართველოს პრემიერ-მინისტრის დავალებით ცაგერში იმყოფებიან და ადგილობრივ მოსახლეობასთან „ნამახვანი ჰესის“ პროექტთან დაკავშირებით შეხვედრებს მართავენ.

ვახტან გომელაური

05 მარტი 2021, 16:33

სამართალი

ვახტანგ გომელაური: პირველ რიგში, მე მხარს დავუჭერდი, რომ უფრო მეტად და მეტად მკაცრი იყოს სასჯელი ზუსტად ნარკორეალიზატორებისთვის

შინაგან საქმეთა მინისტრმა პარლამენტში, "მინისტრის საათის" ფორმატში მოხსენებით წარდგენის შემდეგ, დეპუტატების დასმულ კითხვებს უპასუხა. როგორც ვახტანგ გომელაურმა აღნიშნა, შინაგან საქმეთა სამინისტრო საერთაშორისო პარტნიორებთან თანამშრომლობით აქტიურად არის ჩართული ნარკორეალიზატორებთან ბრძოლაში.

„ევროვიზია 2021“

05 მარტი 2021, 16:29

კულტურა

სომხეთი „ევროვიზიის“ კონკურსში მონაწილეობას არ მიიღებს

სომხეთი „ევროვიზია 2021“-ში მონაწილეობას არ მიიღებს. ამის შესახებ სააგენტო „არმენპრესი“ სომხეთის საზოგადოებრივი მაუწყებლის განცხადებაზე დაყრდნობით იტყობინება. „ქვეყანაში მიმდინარე მოვლენები, დროის უქონლობა და სხვა ობიექტური მიზეზები არ გვაძლევს კონკურსში მონაწილეობის მიღების საშუალებას“, - ნათქვამია განცხადებაში.

05 მარტი 2021, 16:22

კულტურა

ბერლინის საერთაშორისო კინოფესტივალზე ალექსანდრე კობერიძის ფილმს ფიპრესის ჯილდო გადაეცა

ბერლინის საერთაშორისო კინოფესტივალის გამარჯვებულების გამოვლენამდე რამდენიმე წუთით ადრე, კინოკრიტიკოსთა საერთაშრისო ასოციაციამ (ფიპრესი) მისი რჩეული ფილმები 4 სექციაში დაასახელა. მთავარ კონკურსში ფიპრესის ჯილდო გადაეცა ალექსანდრე კობერიძის ფილმს „რას ვხედავთ, როდესაც ცას ვუყურებთ“, - ამის შესახებ საქართველოს კინემატოგრაფიის ეროვნული ცენტრის მიერ გავრცელებულ განცხადებაშია ნათქვამი.

ბენი განცი

05 მარტი 2021, 16:12

მსოფლიო

ბენი განცი: ისრაელი ირანის ბირთვულ ობიექტებზე დარტყმის გეგმებს ანახლებს

ისრაელის თავდაცვის მინისტრმა, ბენი განცმა განაცხადა, რომ ისრაელი ირანის ბირთვულ ობიექტებზე დარტყმის გეგმებს ანახლებს და მზად არის, დამოუკიდებლად იმოქმედოს.

05 მარტი 2021, 15:57

რეგიონი

ნათია თურნავა და ლევან დავითაშვილი „რიონის ხეობის მცველებს“ შეხვდებიან

ცაგერში, ადგილობრივ მოსახლეობასთან გამართული შეხვედრა, მთლიანობაში, იყო ძალიან კარგი და საქმიანი. ჩვენ, ამ ფორმატში, რამდენიც შევძელით, პასუხები გავეცით კითხვებს, მაგრამ ამით, ცხადია, არ ვასრულებთ შეხვედრებს, - ეს განცხადება ნათია თურნავამ ცაგერში ადგილობრივ მოსახლეობასთან „ნამახვანი ჰესის“ პროექტთან დაკავშირებული შეხვედრის დასრულების შემდეგ განაცხადა, რომელიც ორი მინისტრის მონაწილეობით საქართველოს პრემიერ-მინისტრის დავალებით დღეს გაიმართა.

რომის პაპი ფრანცისკე

05 მარტი 2021, 15:54

მსოფლიო

რომის პაპი ისტორიული ვიზიტით ერაყში ჩავიდა

რომის პაპი ფრანცისკე ისტორიული ვიზიტით ერაყში პირველად ჩავიდა. როგორც BBC იუწყება, კორონავირუსული პანდემიის დაწყებიდან ეს პაპის პირველი საგარეო ვიზიტია. რომის პაპი ქრისტიანული საზოგადოების დამშვიდებას და რელიგიური დიალოგის ხელშეწყობას შეეცდება, ფრანცისკე ერაყელი შიიტების ლიდერს შეხვდება, ასევე პაპი ქალაქ ერბილის სტადიონზე წირვას ჩაატარებს.

დიმიტრი ხუნდაძე და ანა ნაცვლიშვილი

05 მარტი 2021, 15:53

პოლიტიკა

დიმიტრი ხუნდაძე ანა ნაცვლიშვილს პასუხობს

„საქართველოს პარლამენტის ჯანმრთელობის დაცვისა და სოციალურ საკითხთა კომიტეტი კოვიდინფექციის მართვის პროცესში არამხოლოდ საზედამხედველო საქმიანობას ეწევა, არამედ უშუალოდ მონაწილეობს ყველა პროცესში პანდემიის გამოცხადების დღიდან. რადგან კომიტეტის პირდაპირი ვალდებულებაა საკანონმდებლო საქმიანობა, ყველა მისი საკანონმდებლო ინიციატივა შუქდება და ის არ უნდა იყოს შეუმჩნეველი, მის მოსაძიებლად მხოლოდ სურვილია საჭირო“.

05 მარტი 2021, 15:40

პოლიტიკა

ოპოზიციის ნაწილი კონსტიტუციის შეცვლას ითხოვს

„ჩვენ გვჭირდება ფუნდამენტური საკონსტიტუციო ცვლილებები, ბევრი ადამიანის, საქართველოს მოქალაქეების ჩართულობით, რომ შევქმნათ ისეთი ინსტიტუციები, რომელსაც ნდობა ექნება ხალხის მხრიდან. გვჭირდება მეტი თვითმმართველობა, მეტი ძალაუფლება გადაეცეს მოქალაქეებს“.

თეა წულუკიანი

05 მარტი 2021, 15:37

კულტურა

თეა წულუკიანი: მრჩება შთაბეჭდილება, რომ 2008 წლიდან დღემდე გელათის სამონასტრო კომპლექსზე გარკვეული ექსპერიმენტი მიმდინარეობს

მრჩება შთაბეჭდილება, რომ 2008 წლიდან დღემდე გელათის სამონასტრო კომპლექსზე გარკვეული ექსპერიმენტი მიმდინარეობს, - ამის შესახებ განათლებისა და კულტურის კომიტეტის თავმჯდომარემ, თეა წულუკიანმა ჟურნალისტებთან საუბრისას განაცხადა. მისი თქმით, კულტურული მემკვიდრეობის დაცვის სააგენტოს გელათის მონასტერთან დაკავშირებით არსებულ კითხვებზე ადეკვატური და კომპეტენტური პასუხის გაცემა მოუწევს.

ლევან დავითაშვილი

05 მარტი 2021, 15:36

რეგიონი

ლევან დავითაშვილი ცაგერის მოსახლეობასთან შეხვედრაზე: ვფიქრობ, ხალხმა მიიღო ის ინფორმაცია, რაც მათ აინტერესებდათ

მათივე განმარტებით, ჰესი საფრთხის შემცველი არ არის და მისი ნგრევის შანსი არ არსებობს. ასევე ხაზგასმით აღნიშნეს, რომ ენწრგოდამოუკიდებლობა და მსგავსი პროექტების განხორციელება ქვეყნისთვის სასიცოცხლოდ მნიშვნელოვანია. მინისტრები რიონის ხეობის მცველებთან შესახვედრად სოფელ ნამოხვანში გაემგზავრნენ, სადაც 132 დღეა ჰესის მშენებლობის მოწინააღმდეგეები კარავში ღამეებს ათენებენ.

ელენე ხოშტარია

05 მარტი 2021, 15:34

პოლიტიკა

ელენე ხოშტარია: პლებისციტი ნამდვილად არის გზა რიგგარეშე არჩევნებამდე

„მოლაპარაკებებში არის თუ არა პლებისციტი კომპრომისი ოპოზიციის მხრიდან - არის. ამაზე ნამსჯელია, ყველა შეჯერდა ამაზე, როგორც კომპრომისზე. თავის დროზე მე ამის დიდი მომწონებელი არ ვიყავი, მაგრამ რადგან ერთიან პოზიციად ჩამოყალიბდა ეს ნამდვილად არის გზა რიგგარეშე არჩევნებამდე. დანარჩენზე საუბარი სპეკულაციაა“, - განაცხადა ელენე ხოშტარიამ.

იაგო ხვიჩია

05 მარტი 2021, 15:29

პოლიტიკა

იაგო ხვიჩია: სააკაშვილთანაც იყო შეთანხმებული პლებისციტის ამბავი, მე ვფიქრობ, რომ მისთვისაც თავის დროზე, გულის სიღრმეში პლებისციტი მისაღები იყო

მიხეილ სააკაშვილთანაც იყო შეთანხმებული პლებისციტის ამბავი, შესაბამისად მე ვფიქრობ, რომ სააკაშვილისთვისაც თავის დროზე, გულის სიღრმეში პლებისციტი მისაღები იყო. ეს იციან ჩვენმა კოლეგა ოპოზიციონერებმაც და შეიძლება ამიტომაც არიან უფრო თამამად, - ამის შესახებ „გირჩის“ წევრმა, იაგო ხვიჩიამ განაცხადა.

ნიკოლოზ მჭედლიშვილი

05 მარტი 2021, 15:27

ეკონომიკა

ნიკოლოზ მჭედლიშვილი: მსოფლიოს გავლენიანი ორგანიზაციების რეიტინგში საქართველოს მოწინავე ადგილი დადებითად მოქმედებს პოტენციურ ინვესტორებზე

ის, რომ მსოფლიოს გავლენიანი ორგანიზაციებს რეიტინგებში საქართველო მოწინავე ადგლებზეა, არის უმნიშვნელოვანესი და პოტენციურ ინვესტორებზე დადებითად მოქმედებს“ - ექსპერტი ეკონომიკის საკითხებში, ნიკოლოზ მჭედლიშვილი, „ჰერითიჯის ფონდის“ მიერ გამოქვეყნებულ ანგარიშს სოციალურ ქსელში გამოეხმაურა.