გურამ მაჭარაშვილი: პროპორციულად ადეკვატური რესურსი იქნება გამოყენებული იმისთვის, რომ შევინარჩუნოთ მართლმსაჯულების დამოუკიდებლობა

იქნება პროპორციულად ადეკვატური რესურსი გამოყენებული იმისთვის, რომ ამ 30 წლიანი დამოუკიდებლობის პერიოდში ჩვენ შევძლოთ და შევინარჩუნოთ, ამას უზრუნველვყოფდით აქამდეც და ამის მერეც ასე იქნება, სახელმწიფო ინსტიტუტები, დემოკრატიული ინსტიტუტები და რაც მთ ავარია, მართლმსაჯულების დამოუკიდებლობა, - ამის შესახებ საპარლამენტო უმრავლესობის წევრმა, გურამ მაჭარაშვილმა განაცხადა.

მისი თქმით, „ნაციონალურმა მოძრაობამ“ ტავად აღიარა, რომ რევოლუციურ სცენარებს ამზადებს თუმცა, მაჭარაშვილის თქმით, ეს მათ არასოდეს გამოუვათ.

„თქვენ იცით, რომ სამწუხაროდ „ნაციონალურმა მოძრაობამ“ თავად აღიარა, რომ მას მიზნად აქვს არეულობა. მიზნად აქვს ე.წ. რევოლუციური სცენარები, რაც რა თქმა უნდა, არასოდეს გამოსვლია და არც გამოუვა. შესაბამისი უწყებებისგან გამოყენებული იქნება ისეთი ძალა, რომელიც უზრუნველყოფს ქვეყანაში განვითარების გაგრძელებას, რომელიც დაწყებული აქვს საქართველოს აშშ-სა და ჩვენი პარტნიორი ქვეყნების ჩართულობით“,- განაცხადა გურამ მაჭარაშვილმა.

შინაგან საქმეთა სამინისტროს წარმომადგენლები „ნაციონალური მოძრაობის“ ოფისში მივიდნენ, თუმცა ნიკა მელიას მხარდამჭერებმა ისინი შენობაში არ შეუშვეს.

„ნაციონალური მოძრაობის“ თავმჯდომარეს, ნიკა მელიას თბილისის საქალაქო სასამართლომ აღკვეთის ღონისძიებად პატიმრობა შეუფარდა.