თამთა მეგრელიშვილი: სიბინძურე, დამონტაჟებული ფარული ჩანაწერები, ხალხის შანტაჟი, ადამიანების ჩაგვრა, წამება და მკვლელობა „ნაცრეჟიმისგან“ არ გვიკვირს

სიბინძურე, დამონტაჟებული ფარული ჩანაწერები, ხალხის შანტაჟი, ადამიანების ჩაგვრა, წამება და მკვლელობა რომ „ნაცრეჟიმისგან“ არ გვიკვირს, ეს არახალია, - ასე ეხმაურება გავრცელებულ აუდიოჩანაწერებს იურისტი თამთა მეგრელიშვილი.

„გუშინ, გვიან ღამით ნოდარცრუმ დააანონსა, რომ ხვალ საღამოს დანაშაულს ჩავიდენ, შეთითხნილ სიბინძურეს გამოვაგდებ და ხალხსაც მოვატყუებო. ისედაც ხომ ყველამ კარგად ვიცოდით საიდან მოდიოდა ეს შეურაცხყოფის, ზღვარგადასული სიბინძურის და დანაშაულის ნიაღვარი, მაგრამ ქურდმა კუდი ვერ დამალა.

„შავი არქივის“ კამპანიის ავტორმა თავად გვამცნო , რომ ნოდარცრუც და მთელი მისი არხიც გაქცეული კრიმინალის მონურ მორჩილებაში არიან.

ცხადია, ამ სიბინძურეს არავინ დაიჯერებს, მაგრამ საინტერესოა, „ნაციონალური მოძრაობის“ დამცველად ქცეული სახალხო დამცველი თუ მოახდენს რეაგირებას გამოცხადებული დანაშაულის ქრონიკაზე და რა პასუხს გასცემს მის ხელმძღვანელებს ეკა გიგაური, რომელიც „უფლებადამცველის“ მანტიაში გახვეული, საკუთარი ფეისბუქიდან უკეთებს ამ წარმოუდგენელ ცილისწამებას ტირაჟირებას“, - წერს მეგრელიშვილი.