გია აბაშიძე: კრიმინალი მიხეილ სააკაშვილის საქართველოში დაბრუნება, თუ უკრაინელ სამართალდამცველებს გამოასწრო, მოხდება მხოლოდ ერთადერთი მოცემულობით - პასუხი აგოს კანონის წინაშე

კრიმინალი სააკაშვილის „ნაციონალური მოძრაობა“, მისი ტელემეხოტბე „გლავკანალის“ გვარამია, სექტის განშტოებები და ბრმა მიმდევრები გვთავაზობენ ძველ, გაცრეცილ, მაგრამ ხელახლა ვითომდა აღმოცენებულ გზავნილს - შერიგებაზე, წარსულის დავიწყებაზე, ძებნილი ექს-პრეზიდენტისათვის და მისი ამფსონებისათვის დანაშაულებათა პატიებაზე და ა.შ. - ამის შესახებ ანალიტიკოსი, გია აბაშიძემ სოციალურ ქსელში წერს.

„ნიკა გვარამიას გუშინდელი უნიჭო ტელესპექტაკლი მართლაც სექტის მორყეულ, დამახინჯებულ არსზე მკაფიოდ მიგვითითებს - ილაპარაკა შერიგება-მიტევებაზე და იმავდროულად შეუტია საპატრიარქოს. პარალელურად, საუბრობენ წარსულის დავიწყებაზე და კვლავაც ეწევიან პროპაგანდისტულ მედია-ტერორს, საჯარო მუქარას, უბინძურეს ცილისწამებას. უმანკო კრავის როლებში უნდათ შესვლა და სოცქსელებში ოპონენტებს ემუქრებიან განადგურებით, ადგენენ ე.წ. დასახვრეტთა და დასაჭერთა სიებს. საზოგადოების უდიდეს ნაწილს ახსოვს თუ რა იყო სააკაშვილის სისხლიანი რეჟიმი, ნაცების ჩინოსნების მიერ შექმნილი სადამსჯელო ზონდერები, ღირსებაშელახული უკანონო პატიმრები, ღამის ნოტარიუსები, პოლიტიკური ნიშნით წახალისება-სასჯელები საზოგადოებრივი ცხოვრების ყველა სფეროში, ხაზინის უაპელაციო ძარცვა, ოკუპანტი კრემლისათვის მიწა-წყლის და სტრატეგიული ობიექტების ჩაბარება, უცხოელი პარტნიორებისათვის PR- ხრიკებით თვალში ნაცრის შეყრა და მრავალი სხვა უმსგავსოება. „ნაციონალურმა მოძრაობამ„ „ქართულ ოცნებას“ კი არა დაუშავა, არამედ საქართველოს დაუშავა. კრიმინალი მიხეილ სააკაშვილის საქართველოში დაბრუნება [თუ უკრაინელ სამართალდამცველებს გამოასწრო] მოხდება მხოლოდ ერთადერთი მოცემულობით - პასუხი აგოს კანონის წინაშე. სხვა ვარიაციები ე.წ. შერიგებაზე, დავიწყებაზე, მიტევებაზე, მის პოლიტიკურ პროცესში ჩართვაზე გახლავთ ამ მავნებელი სექტის მორიგი ბინძური შულერობა. საქართველო არ დაუშვებს სააკაშვილის პოლიტიკურ და საზოგადოებრივ რეინკარნაციას, ეს 1000%-ით გამორიცხულია! ეს მორიგი ხრიკი არ გაუვათ არც სააკაშვილს, არც გვარამიას და კრიმინალი ბელადის არც სხვა სუბიექტებს“, - განაცხადა გია აბაშიძემ.

ევროპარლამენტარმა, ანდრიუს კუბილიუსმა განაცხადა, რომ ეფექტიანი იქნება, თუ პოლიტიკურ დიალოგში მონაწილეობას ბიძინა ივანიშვილი და მიხეილ სააკაშვილი მიიღებენ.