„გირჩი“ სავარაუდოდ ამ კვირაში „ქართულ ოცნებას“ შეხვდება

ამ კვირის განმავლობაში აუცილებლად იქნება შეხვედრა, საჩქარო არაფერია ამ შეხვედრაში, კვირის ბოლომდე თქვენც გეცოდინებათ, - ამის შესახებ „გირჩის“ წევრმა, ვახტანგ მეგრელიშვილმა მმართველ პარტიასა და „გირჩს“ შორის შესაძლო შეხვედრაზე საუბრისას განაცხადა.

„გაჩნდა ინფორმაცია, რომ მელიას სასამართლო დაინიშნა, მე ამას ვუყურებ როგორც შესაძლებლობას, რომ ხელისუფლებამ გადადგას ნაბიჯი სწორი მიმართულებით. შემდეგ ოპოზიციის ჯერი იქნება. ზუსტად ასე იყო კონსტრუირებული შეხვედრა დანიელსონთან, შეიძლება იმ მაგიდასთან ვერ მოვილაპარაკეთ, მაგრამ იგივე ნაბიჯები გვაქვს გადასადგმელი რეალურ ცხოვრებაშიც, რაც იმ მაგდასთან ვერ გადავდგით“, - განაცხადა ვახტანგ მეგრელიშვილმა.

კრისტიან დანიელსონის მედიაციით, მმართველ გუნდსა და ოპოზიციის შორის მოლაპარაკებების მეორე რაუნდი 30 მარტს გაიმართა.