19 აპრილი 2021, 17:07 / სანდო წყარო

არჩილ თალაკვაძე: ევროკავშირის მიერ შემოთავაზებული დოკუმენტის ხელმოწერაზე პრინციპული მზადყოფნა გვაქვს

არჩილ თალაკვაძე

არჩილ თალაკვაძე

„ევროკავშირის მიერ შემოთავაზებული დოკუმენტის ხელმოწერაზე პრინციპული მზადყოფნა გვაქვს იმ მოცემულობით, რომ ჩვენი პარტნიორები კიდევ ერთხელ, მკაფიოდ დააფიქსირებენ, რომ 2020 წლის საპარლამენტო არჩევნები სამართლიანი და დემოკრატიული პრინციპების დაცვით ჩატარდა, როგორც ეს ასახულია ეუთო/ოდირის საერთაშორისო დასკვნაში“, - ამის შესახებ საქართველოს პარლამენტის თავმჯდომარემ საგანგებო ბრიფინგზე განაცხადა.

არჩილ თალაკვაძის თქმით, მიღებული გადაწყვეტილებით, მმართველმა გუნდმა კიდევ ერთხელ დაამტკიცა, რომ არის პასუხისმგებლიანი პოლიტიკური ძალა, რომელმაც დემოკრატიულ არჩევნებში ყველაზე მაღალი მხარდაჭერა მოიპოვა.

„გუნდში ვიმსჯელეთ და ევროკავშირის მიერ შემოთავაზებული დოკუმენტის ხელმოწერაზე პრინციპული მზადყოფნა გვაქვს იმ მოცემულობით, რომ ჩვენი პარტნიორები კიდევ ერთხელ, მკაფიოდ დააფიქსირებენ, რომ 2020 წლის საპარლამენტო არჩევნები სამართლიანი და დემოკრატიული პრინციპების დაცვით ჩატარდა, როგორც ეს ასახულია ეუთო/ოდირის საერთაშორისო დასკვნაში და რისთვისაც ევროსტრუქტურების წარმომადგენლებს უწევთ, ჩაერთონ 2020 წლის საპარლამენტო არჩევნების შეფასების პროცესში პარლამენტში იმ აუცილებელი პირობით, რომ მომავალში გამოირიცხება ოპოზიციის მხრიდან რომელიმე სისხლის სამართლებრივი საქმის გადასაწყვეტად პოლიტიკური ჩარევა და ნებისმიერ სადავო საქმეს მიეცემა მხოლოდ სამართლებრივი შეფასებები, რისთვისაც ვიწვევთ საერთაშორისო სამართლებრივ ექსპერტებს“, - განაცხადა არჩილ თალაკვაძემ.

პარლამენტის თავმჯდომარის თქმით, მმართველ გუნდში მიაჩნიათ, რომ მართლმსაჯულების სისტემაზე, სადაც მნიშვნელოვანი რეფორმები განხორციელდა და ვითარება თვისობრივად გაუმჯობესდა, ოპოზიციის და მასთან დაკავშირებული ზოგიერთი მედიასაშუალების მხრიდან ხდებოდა არაობიექტური და მოტივირებული შეტევა.

„ქართული სასამართლო და მართლმსაჯულების სისტემაში დამოუკიდებლობის და სამართლიანობის გაუმჯობესების მიზნით, მნიშვნელოვანი რეფორმები გატარდა ამ წლების განმავლობაში, რასაც მსოფლიო ბანკის და „ჰერითიჯ ფაუნდეიშენის“ საერთაშორისო რეიტინგებიც ადასტურებს, რომელშიც საქართველოს სასამართლო სისტემა ევროპის საუკეთესო ოცეულში შედის და ევროკავშირის წევრ რამდენიმე ქვეყანაზე უკეთეს შედეგსაც აჩვენებს, ხოლო საერთაშორისო კვლევითი ორგანიზაციის - „იფსოს ფრანსის“ კვლევით საქართველოს მოსახლეობაში, სასამართლოს მიმართ ნდობა 50%-ზე მაღალია, რაც ევროკავშირის განვითარებული ქვეყნების მაჩვენებლებთან ახლოს დგას“, - განმარტა არჩილ თალაკვაძემ.

მისივე შეფასებით, შეთანხმების დოკუმენტში მოცემული 2/3-ის პრინციპი უნდა დაზუსტდეს და ევროპული პრაქტიკის შესაბამისად ისე უნდა გაიწეროს, რომ არ მოხდეს პროცესში ჩარევა ან მისი ბლოკირება. პარლამენტის თავმჯდომარემ ხაზგასმით აღნიშნა, რომ განახლებული დოკუმენტის ხელმოწერის შემდეგ, „ქართული ოცნების“ მხრიდან პირობების კორექტირება აღარ მოხდება.

„განახლებული დოკუმენტის ხელმოწერის შემდეგ, ჩვენი მხრიდან, პირობების მეტი კორექტირება აღარ მოხდება და ჩვენ არ დავეთანხმებით რაიმე შინაარსობრივ დამატებას, ჩვენი მხრიდან პირობებზე მოლაპარაკება ამით დასრულებულია და მოვუწოდებთ ოპოზიციას პასუხისმგებლიანი ნაბიჯებისკენ“, - განაცხადა არჩილ თალაკვაძემ.

მისივე თქმით, მმართველი გუნდს არ ექნება კრიტიკული შეფასება, თუ პრეზიდენტი გიორგი რურუას შეიწყალებს.

„მიუხედავად იმისა, რომ მთელი საზოგადოებისთვის ცნობილია, თუ რას წარმოადგენს გიორგი რურუას სისხლის სამართლებრივი საქმე და ცნობილია, რომ ის არ არის პოლიტიკოსი, არც რომელიმე პოლიტიკური პარტიის ლიდერი, რომელსაც შეუძლია, გავლენა მოახდინოს საარჩევნო ან პოლიტიკურ პროცესზე, მიუხედავად ამისა, ასევე გამოვხატეთ პოზიცია, რომ არ გვექნება კრიტიკული შეფასება, თუ პრეზიდენტი მას შეიწყალებს. ასევე, ცნობილია ის შემოთავაზება, რომელიც გააკეთა მედიატორმა ევროკავშირმა, პრეზიდენტ შარლ მიშელის მიერ, ნიკა მელიასთან დაკავშირებითაც არსებობს კონკრეტული შემოთავაზება, რომელიც საზოგადოებისთვის ცნობილია“, - განაცხადა არჩილ თალაკვაძემ.

პარლამენტის თავმჯდომარემ კიდევ ერთხელ აღნიშნა ხაზგასმით, რომ მმართველი გუნდი ევროპის საბჭოს პრეზიდენტის ეგიდით წარდგენილ დოკუმენტზე ხელმოსაწერად პრინციპულ მზადყოფნას გამოხატავს. არჩილ თალაკვაძემ განაცხადა ისიც, რომ „ქართული ოცნება“ მზად არის, შეთანხმებას ხელი მოაწეროს დოკუმენტში ასახული არჩევნებში ნდობის 40%-იანი ზღვრის 43%-მდე გაზრდის მაჩვენებლის პირობებშიც.

„თვითმმართველობის არჩევნებში ჩვენ კვლავ ერთად და დამაჯერებლად გავიმარჯვებთ, ვინაიდან, „ქართულმა ოცნებამ“ აჩვენა, რომ მისთვის უმთავრესია თანამოქალაქეების და სახელმწიფოს ინტერესები, აჩვენა, რომ ქვეყანაში არის ყველაზე პასუხისმგებლიანი, მთავარი გადაწყვეტილების მიმღები პოლიტიკური ძალა და რასაკვირველია, ჩვენ 40%-იან და 43%-იან ბარიერსაც დამაჯერებლად გადავლახავთ ეფექტური საარჩევნო კამპანიით და იმ კანდიდატებით, რომლებსაც ჩვენ თვითმმართველობის არჩევნებში წარვადგენთ“, - განაცხადა არჩილ თალაკვაძემ საგანგებო ბრიფინგზე.

პარლამენტის თავმჯდომარემ ხაზგასმით აღნიშნა ისიც, რომ ახლა ის მომენტია, როდესაც მოხდა ლუსტრაცია, თუ ვინ ემსახურება მტრების ინტერესებს და ვინ ცემს პატივს საქართველოს სუვერენულ ინტერესებსა და საზოგადოებას.

ყველა სიახლე

ბექა დავითულიანი

19 მაისი 2021, 01:28

პოლიტიკა

ბექა დავითულიანი ავტობუსების შესყიდვის შესახებ გავრცელებულ დეზინფორმაციაზე: კონკრეტული არხებისა და მათი მეპატრონეების პოლიტიკაა, რომ სადაც ყველაზე სწორი მიმართულებით ვითარდები, რაღაც შავი ჩააწვეთონ

საპარლამენტო უმრავლესობის წევრი, ბექა დავითულიანი, გადაცემა „იმედის ფაქტორში“ სტუმრობისას, გამოეხმაურა ერთ-ერთი ტელევიზიის მიერ გავრცელებულ ინფორმაციას, თითქოს, ერთ-ერთი ტენდერის დროს, ავტობუსების შეძენისას, დედაქალაქის მერიამ „60 მილიონი ლარი გაფლანგა“.

19 მაისი 2021, 00:57

პოლიტიკა

მარინა კალიურანდი: მოხარული ვარ, კიდევ ერთხელ გამოვუცხადო სრული მხარდაჭერა საქართველოს ევროპულ და ტრანსატლანტიკურ მისწრაფებებს

ევროპარლამენტარი მარინა კალიურანდი საქართველოს პარლამენტის სპიკერთან კახა კუჭავასთან შეხვედრას ეხმაურება.

კურტ კობეინი

19 მაისი 2021, 00:50

ტაბლოიდი

კურტ კობეინის თმის 6 ღერი აუქციონზე გაიყიდა

აუქციონის სახლ Iconic Auctions-ის ინფორმაციით, ყველაზე გრძელი ღერის სიგრძე 6.35 სანტიმეტრია. თმა მუსიკოსს 1989 წლის 29 ოქტომბერს სტილისტმა ტესა ოსბორნმა შეაჭრა. ეს ჯგუფის პირველი ალბომის გამოსვლის შემდეგ მოხდა. ოსბორნმა იწინასწარმეტყველა, რომ ჯგუფი დიდ წარმატებას მიაღწევს, ამიტომ კობეინის თმის ღერები შეინახა.

19 მაისი 2021, 00:16

COVID19

საუდის არაბეთში 1-ლი აგვისტოდან ვაქცინაცია სავალდებულო გახდება

საუდის არაბეთში 1-ლი აგვისტოდან სახელმწიფო დაწესებულებებში შესვლას, ასევე რიგ ეკონომიკურ, საზოგადოებრივ, კულტურულ და სხვა ღონისძიებებზე დასწრებას მხოლოდ ვაქცინირებული ადამიანები შეძლებენ. ამის შესახებ Twitter-ზე სამეფოს შინაგან საქმეთა სამინისტრო წერს.

ბექა დავითულიან

19 მაისი 2021, 00:14

საზოგადოება

ბექა დავითულიანმა განმარტა, რას ითვალისწინებს სამშენებლო ამნისტიის კანონპროექტი

სამშენებლო ამნისტიის კანონპროექტზე პარლამენტის დეპუტატმა და დედაქალაქის საკრებულოს ყოფილმა წევრმა, ბექა დავითულიანმა „იმედის ფაქტორში“ ისაუბრა. „სამშენებლო ამნისტიის კანონპროექტის ერთ-ერთი ინიციატორი მეც ვარ. ქალაქს აქვს გარკვეული ვალდებულებები და აქვს ამ ვალდებულებების გასტუმრების შეზღუდული შესაძლებლობა, არსებული რეალობის მიღების გარეშე. სადღაც დგას შენობები, რომლებიც ჩვენ ექსპლუატაციაში მიღებული არ გვაქვს იმიტომ, რომ არ შეესაბამება სამშენებლო სტანდარტებს. შემდეგ ეს მშენებლები საერთოდ გადიან ამ საქმიდან, აძლევენ მოქალაქეს

ნაომი კემპბელი

19 მაისი 2021, 00:11

ტაბლოიდი

50 წლის ნაომი კემპბელი დედა გახდა

„ვამაყობ, რომ ჩემს ცხოვრებაში ეს მშვენიერი სული გაჩნდა. მსოფლიოში ამაზე დიდი სიყვარული არ არსებობს“, - დაწერა მოდელმა.

19 მაისი 2021, 00:10

მსოფლიო

ისრაელის არმია „ჰამასის“ ობიექტებზე ინტენსიური იერიშისთვის ემზადება

ისრაელის თავდაცვითი ძალების ოფიციალურმა წარმომადგენელმა, გენერალმა ჰიდაი ზილბერმანმა განაცხადა, რომ ისრაელის არმია „ჰამასის“ ობიექტებზე ინტენსიური იერიშისთვის ემზადება.

ბექა დავითულიანი

18 მაისი 2021, 23:57

საზოგადოება

ბექა დავითულიანმა განმარტა როდის დაასახელებს „ქართული ოცნება“ თბილისის მერობის კანდიდატს

„კახა კალაძე არის საუკეთესო მერი დამოუკიდებლობის განმავლობაში და არჩევნებამდე 2-3 თვით ადრე, როგორც ტრადიციულად ვაცხადებთ, გამოვაცხადებთ ვინ იქნება მერობის კანდიდატი“, - განაცხადა დავითულიანმა.

მამუკა სალუქვაძე

18 მაისი 2021, 23:54

საზოგადოება

მამუკა სალუქვაძე: ძალიან სკრუპულოზური კვლევები ჩატარდა იმასთან დაკავშირებით, რა რესურსის მატარებელია თბილისი

ძალიან სკრუპულოზური კვლევები ჩატარდა იმასთან დაკავშირებით, რა რესურსის მატარებელია თბილისი, - ამის შესახებ ტელეკომპანია „იმედის“ გადაცემაში „იმედის ფაქტორი“ თბილისის მიწათსარგებლობის გენერალური გეგმის ავტორმა და ურბანისტმა, მამუკა სალუქვაძემ განაცხადა.

გიორგი ტყემალაძე

18 მაისი 2021, 23:53

პოლიტიკა

გიორგი ტყემალაძე: თბილისს ისტორიული ლანდშაფტის დაცვის ზონა წლების განმავლობაში არ ჰქონდა, ასეთი რუკა არ არსებობდა

„ისტორიულ ნაწილს რაც შეეხება, აღდგა ისტორიული ლანდშაფტის დაცვის ზონა. ეს ნიშნავს იმას, რომ ქალაქს წლების განმავლობაში არ ჰქონდა, ისტორიული ლანდშაფტის დაცვის ზონა. გამქრალი იყო. ასეთი რუკა არ არსებობდა. რა თქმა უნდა, ახალი გენგეგმის მიღების ეტაპზე უკვე გენგეგმაშია ასახული და შეგვიძლია ვთქვათ, რომ ასეთი რუკა გვაქვს. იგი გულისხმობს, რომ ქალაქის ისტორიული ნაწილის ზონაში ყველანაირი სახის მშენებლობა აკრძალულია. რა თქმა უნდა, ჩვენ გვაქვს კიდევ ისტორიული სხვა არეალები, რომლებიც ასეთი მკაცრი არ არის“, - განაცხადა გიორგი ტყემალაძემ.

ბექა დავითულიანი

18 მაისი 2021, 23:46

საზოგადოება

ბექა დავითულიანი: სატრანსპორტო პოლიტიკა არის ერთ-ერთი ყველაზე საამაყო და სწორი მიმართულება, რაც გავაკეთეთ ამ წლების მანძილზე

„არის 8 და არის 12-მეტრიანი ავტობუსები. ჩვენ ვიყიდეთ 12-მეტრიანი ავტობუსი, რომელიც, ცხადია, 8-მეტრიანზე ძვირია. ამას დაემატება ის, რომ ჩვენ არ გვიყიდია დაბალი კომპლექტაციის ავტობუსები, იმიტომ რომ თბილისში ავტობუსების სტანდარტი საკმაოდ მაღალია, რაც ჩვენი პოლიტიკის ნაწილია, რომ რამენაირად საზოგადოებრივი ტრანსპორტი გავხადოთ პოპულარული. გამონაბოლქვი რომ იდგა თბილისის გზებზე ამ ყვითელი ავტობუსების გამო, დღეს ისეთი მაღალი სტანდარტის ავტობუსები გვყავს, როგორიც აღმოსავლეთი ევროპის ბევრ ქალაქს არ ჰყავს“, - განაცხადა დავითულიანმა.

მამუკა სალუქვაძე

18 მაისი 2021, 23:44

საზოგადოება

მამუკა სალუქვაძე: დღეს მერიას აქვს სამოქმედო გეგმა და ქალაქს გააჩნია იდეოლოგია

დღეს მერიას აქვს სამოქმედო გეგმა და ქალაქს გააჩნია იდეოლოგია, - ამის შესახებ თბილისის მიწათსარგებლობის გენერალური გეგმის ავტორმა და ურბანისტმა, მამუკა სალუქვაძემ გადაცემა „იმედის ფაქტორში“ ისაუბრა.

ბექა დავითულიანი

18 მაისი 2021, 23:35

პოლიტიკა

ბექა დავითულიანი: გაცხადებული პოლიტიკა იყო, რომ მთავარია, თანხა შევიდეს ბიუჯეტში, და არ აქვს მნიშვნელობა, ეს როგორ მოხდება

განაშენიანების ნებართვების გაცემა იყო მიდგომისა და იდეოლოგიის ნაწილი. ყველაფრის დერეგულაციასთან ერთად განაშენიანების ნორმების დერეგულაციაც მოხდა. მთავარია, რომ თანხა შევიდეს ბიუჯეტში, და არ აქვს მნიშვნელობა იმას, ეს როგორ მოხდება. ეს იყო გაცხადებული პოლიტიკა, - ამის შესახებ ტელეკომპანია „იმედის“ გადაცემაში „იმედის ფაქტორი“ საპარლამენტო უმრავლესობის წევრმა, ბექა დავითულიანმა განაცხადა.

გიორგი სულაბერიძე

18 მაისი 2021, 23:33

საზოგადოება

გიორგი სულაბერიძე: განსაკუთრებით პანდემიამ გამოაჩინა, როგორი დიდი მნიშვნელობა აქვს ქალაქში საზოგადოებრივი სივრცეების არსებობას

„მუნიციპალიტეტის მხრიდან ნამდვილად მისასალმებელია ის, რასაც ვხედავთ. რამდენი სკვერი და საზოგადოებრივი სივრცე შეიქმნა. არ არის აუცილებელი, მაინცდამაინც გამწვანება იყოს. ქალაქისთვის ძალიან მნიშვნელოვანია საზოგადოებრივი სივრცეები. განსაკუთრებით პანდემიამ გამოაჩინა, როგორი დიდი მნიშვნელობა აქვს ქალაქში საზოგადოებრივი სივრცეების არსებობას, სადაც შესაძლებელია თავშეყრა, რაღაც სოციალური ურთიერთობები და ასე შემდეგ“, - განაცხადა სულაბერიძემ.

ბექა დავითულიანი

18 მაისი 2021, 23:29

საზოგადოება

ბექა დავითულიანი: ჩვენ გვაქვს წარმოდგენა როგორ შეიძლება განვითარდეს ეს ქალაქი და კოლაფსი არ მოგვივა

„ჩვენ დიდწილად ქაოსი გვქონდა, ქალაქს რა მოუვიდოდა წლების მერე ზუსტად არ ვიცოდით. ამიტომ დავსხედით გენგეგმის ჯგუფთან ერთად მათ შორის და წარმოვიდგინეთ, ქალაქს რა უნდა მოუვიდეს, მივიღეთ ეს დოკუმენტად და როგორ განვითარდება და როგორი იქნება ეს ქალაქი წლების მერე, ამის ჩარჩო შევადგინეთ“, - განაცხადა დავითულიანმა.

გიორგი ტყემალაძე

18 მაისი 2021, 23:18

პოლიტიკა

გიორგი ტყემალაძე: უზარმაზარი შრომა ჩაიდო, რათა გენგეგმა იმ ხარისხით მიგვეღო, რა ხარისხსაც ჩვენი მოსახლეობა დიდი ხნის განმავლობაში ელოდა

წინა საარჩევნო კამპანიის დროს ურბანული პოლიტიკა იყო ერთ-ერთი მთავარი პრიორიტეტი. ვფიქრობ, რომ ამ 4 წლის განმავლობაში დედაქალაქის მერმა და ჩვენმა გუნდმა დაამტკიცა, რომ ამ პრიორიტეტის რეალობად ქცევა შესაძლებელი იყო, - ამის შესახებ ტელეკომპანია „იმედის“ გადაცემაში „იმედის ფაქტორი“ თბილისის საკრებულოს თავმჯდომარემ, გიორგი ტყემალაძემ განაცხადა.

ირაკლი კობახიძე

18 მაისი 2021, 23:01

პოლიტიკა

ირაკლი კობახიძის თქმით, პოლიტიკოსებს შორის რეიტინგში პირველ ადგილზე კახა კალაძეა

„ჩვენ გვაქვს ბოლო დროს ჩატარებული სოციოლოგიური გამოკითხვები. რა თქმა უნდა, კვლევაში არ იყო დასახელებული ბიძინა ივანიშვილი, იქიდან გამომდინარე, რომ მან დატოვა პოლიტიკა. დანარჩენი ყველა, ვინც არის აქტუალური და დღეს ჩართული პოლიტიკაში, ყველას სახელი და გვარი ვიკითხეთ. შემიძლია ერთი საიდუმლო გაგანდოთ, რომ დღეს კახი კალაძე არის პირველ ადგილზე რეიტინგით. ეს არის არსებული მოცემულობა. ის არის გამორჩეულად მაღალრეიტინგული ფიგურა ქართულ პოლიტიკაში და, შესაბამისად, მას განსაკუთრებული ადგილი უჭირავს „ქართული ოცნების“ გუნდში“,- განაცხადა კობახიძემ.

ირაკლი კობახიძე

18 მაისი 2021, 22:58

პოლიტიკა

ირაკლი კობახიძე: ე.წ. გუნდი დადის და ამბობს, რომ არის „ოცნება 2“ - ტყუილია

„ქართული ოცნების“ თავმჯდომარის ირაკლი კობახიძის თქმით, საჯარო მოხელე, რომელიც თანამდებობაზე პოლიტიკური ნიშნით არის გამწესებული, თუ ის შეიცვლის პოლიტიკურ შეხედულებას, კანონის მიხედვით ტოვებს თანამდებობას. ირაკლი კობახიძემ „რუსთავი 2“-ის ეთერში გიორგი გახარიას გუნდზე ისაუბრა და განაცხადა, რომ ისინი „ქართული ოცნების“ პროექტი არ წარმოადგენენ.

18 მაისი 2021, 22:50

მსოფლიო

Axios: ბაიდენის ადმინისტრაცია „ჩრდილოეთის ნაკადი-2“-ის ოპერატორსა და მის აღმასრულებელ დირექტორს სანქციებს არ დაუწესებს

ჯო ბაიდენის ადმინისტრაცია „ჩრდილოეთის ნაკადი-2“-ის ოპერატორს, Nord Stream 2 AG-სა და მის აღმასრულებელ დირექტორს, მატიას ვარნიგს სანქციებს არ დაუწესებს. ინფორმაციას ამის შესახებ საინფორმაციო პორტალი Axios-ი წყაროებზე დაყრდნობით ავრცელებს.

18 მაისი 2021, 22:24

საზოგადოება

თბილისის ნაწილს 19 მაისს სხვადასხვა ტიპის სამუშაოების გამო ელექტრომომარაგება დროებით შეეზღუდება

თბილისის ნაწილს 19 მაისს სხვადასხვა ტიპის სამუშაოების გამო ელექტრომომარაგება დროებით შეეზღუდება. ინფორმაციას ამის შესახებ კომპანია „თელასი“ ავრცელებს.