imedi /  23 ივნისი 2021, 21:02 / სანდო წყარო

დავით ქართველიშვილი: შემთხვევითი არ არის, რომ გახარიაც და სააკაშვილიც ვაშინგტონის ერთი სასტუმროს ჭერქვეშ მოხვდნენ, შესაძლოა, საქმე გვქონდეს „საქმეთა გადაბარების“ პროცედურის დაწყებასთან

დავით ქართველიშვილი

დავით ქართველიშვილი

ექსპერტი დავით ქართველიშვილი გავრცელებულ ინფორმაციას ეხმიანება, რომლის თანახმად, საქართველოს ყოფილი პრემიერი, გიორგი გახარია და მიხეილ სააკაშვილი ვაშინგტონის ერთ სასტუმროში ერთდროულად იმყოფებოდნენ.

როგორც ექსპერტი სოციალურ ქსელში წერს, შესაძლოა, საქმე გვქონდეს ,,საქმეთა გადაბარების” პროცედურების დაწყებასთან, ან გახარიას პარტიისთვის ფინანსური საკითხების მოგვარებასა და თავად სააკაშვილის „საპენსიო“ მომავლის განსაზღვრასთან დაკავშირებით.

„არაერთხელ გავაჟღერე ტელესივრცეში ჩემი ვარაუდი, რომ გიორგი გახარია აქტიურად შეუდგა თავის პარტიულ ელექტორალურ „რთველს“, რომ ამომრჩეველთა ეს მნიშვნელოვანი სეგმენტი „ნაცმოძრაობის“ მხარდამჭერები არიან. ძირითადად საჯარო სამსახურებში დასაქმებული თანამშრომლები, რომლებიც წლებია „ქართული ოცნების“ ხელისუფლების ჭერქვეშ მუშაობენ, მაგრამ არჩევნებიდან არჩევნებამდე თავის ხმას „ნაციონალურ მოძრაობას“ აძლევენ. დასავლეთში როგორც იქნა მიხვდნენ, რომ სააკაშვილის ხელში ნაცმოძრაობა სრულდება, რომ თავად ბელადი, გაკოტრებული და პოლიტიკურად შეურაცხადია. მაგრამ დასავლეთს აღელვებს მისი ამომრჩევლის იმ ნახევარმილიონიანი არმიის შემდგომი ბედი, რომელიც რეიტინგ დაკარგული პარტიისა და გაკოტრებული ბელადის პირობებში ამჟამად გარკვეულ გაუგებრობაში იმყოფება. ალბათ, ამიტომაც არაა შემთხვევითი, რომ გიორგი გახარია ამჟამად თავის დასავლურ ტურნეს მართავს, ჯერ ბრიუსელში, ახლა კი ვაშინგტონში. „ნაცსექტანტებს“ ახალი პოლიტიკური „ლოკომოტივი“ სჭირდებათ - სააკაშვილთან შედარებით: შერაცხადი, ადეკვატური, სისხლიანი წარსულის, ხოლო მორალური თვალსაზრისით - სექსუალური და ნარკოტიკული დამოკიდებულების გარეშე. აი, რატომ გიორგი გახარია.
არც ის არის შემთხვევითი, რომ გახარიაც და სააკაშვილიც ვაშინგტონის ერთი სასტუმროს ჭერქვეშ მოხვდნენ, The Mayflower Hotel-ში და ისიც ერთდროულად. არ არის გამორიცხული, რომ მათი შეხვედრა ან შეხვედრები (როგორც ამაზე მედია და სოცქსელები იუწყებიან) მართლაც შედგა. ამ შემთხვევაში, შესაძლოა, საქმე გვქონდეს „საქმეთა გადაბარების“ პროცედურის დაწყებასთან, გახარიას პარტიის ფინანსური უზრუნველყოფის საკითხის მოგვარებასა და თავად სააკაშვილის „საპენსიო“ მომავლის განსაზღვრასთან ამ ახალ კონფიგურაციაში. პირადად ჩემთვის ამ თეორიის გამყარების შემდეგი დასტური იქნება გიორგი გახარიას „საკურაციო ზონაში“ საქართველოში მოქმედი არასამთავრობო სექტორის იმ ნაწილის გადაბარგება, რომელსაც დღემდე სააკაშვილის „ნაცმოძრაობა“ კურირებდა. არაა გამორიცხული, რომ ეს საკითხები ვთქვათ, პარტია „საქართველოსთვის“ პოლიტსაბჭოს წევრმა ნათია მეზვრიშვილმა ჩაიბაროს. ხოლო ფინანსური საკითხები დავით კეზერაშვილის გუნდის ყოფილმა წევრებმა, ძმებმა ხოჯევანიშვილებმა.
პოლიტიკური მარკეტინგისა და მენეჯმენტის თვალსაზრისით, თუ კი ეს მოსაზრება ახლოსაა რეალობასთან, საკმაოდ გაბედული და გამართლებული სვლაა. სააკაშვილის „ტიტანიკი“ იძირება, მისი ამომრჩეველი იხრჩობა და წმინდა პოლიტიკური ჰუმანიზმი და საკუთარი პრაგმატული პოლიტიკური გათვლები კარნახობენ მათ, თუნდაც ნაწილის - გადარჩენას და საკუთარ სამაშველო გემზე გადაყვანას. ამავდროულად - ვინც გადასარჩენი არაა, რა თქმა უნდა ჩაძირვას ექვემდებარება.” - წერს ქართველიშვილი facebook გვერდზე.

ყველა სიახლე

სუჰაილ შაჰინი

22 სექტემბერი 2021, 01:40

მსოფლიო

„თალიბანი“ გაეროს გენერალურ ასამბლეაზე სიტყვით გამოსვლის თხოვნით მიმართავს

რადიკალური მოძრაობა „თალიბანი“ გაეროს გენერალურ ასამბლეაზე სიტყვით გამოსვლის თხოვნით მიმართავს. ინფორმაციას ამის შესახებ სააგენტო Reuters-ი ავრცელებს.

კათოლიკოს-პატრიარქი ილია მეორე

22 სექტემბერი 2021, 01:15

საზოგადოება

პატრიარქი ილია მეორე ღვთისმშობლის შობის დღესასწაულთან დაკავშირებით საპატრიარქოში წირვას დაესწრო. ვიდეო

„ყოვლადწმინდა ღვთისმშობლის შობის დღესასწაულთან დაკავშირებით წუხელ საქართველოს საპატრიარქოში წირვა აღევლინა. მსახურების დასასრულს უწმინდესმა და უნეტარესმა, სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა ილია II-მ დალოცა და დღესასწაული მიულოცა სრულიად საქართველოს. შეგვეწიოს ყოვლადწმინდა ღვთისმშობლის ლოცვა და მეოხება!“, - ნათქვამია ინფორმაციაში.

სი ძინპინი

22 სექტემბერი 2021, 01:09

მსოფლიო

ჩინეთი მიმდინარე წლის ბოლომდე სხვა ქვეყნებისთვის ვაქცინების 2 მილიარდი დოზის მიწოდებას გეგმავს

ჩინეთი მიმდინარე წლის ბოლომდე სხვა ქვეყნებისთვის ვაქცინების 2 მილიარდი დოზის მიწოდებას გეგმავს. ამის შესახებ ჩინეთის ლიდერმა, სი ძინპინმა გაეროს გენერალური ასამბლეის სესიაზე სიტყვით გამოსვლისას განაცხადა.

22 სექტემბერი 2021, 00:51

ტაბლოიდი

უკრაინაში საფეხბურთო მატჩი ჯერ ორმა ძაღლმა, შემდეგ კი ცხენმა შეაჩერა🐕🐕🐴ვიდეო

შეხვედრა სოფელ ნიჟნიე მლინიში გაიმართა. პირველ ტაიმში, 41-ე წუთზე მოედანზე ორი ძაღლი შევარდა. ფეხბურთელებმა მათი მინდვრიდან გაყვანა მოახერხეს. თუმცა მეორე ტაიმზე, 59-ე წუთზე ძაღლების ნაცვლად ფეხბურთელებს ცხენი შეუერთდა, რომელსაც ასევე მოუწია მოედნის დატოვება.

ვლადიმერ ჩაჩიბაია

22 სექტემბერი 2021, 00:25

პოლიტიკა

ვლადიმერ ჩაჩიბაია: მეგის ქარდავას თავად მისი გუნდის წევრები უარყოფენ, მე რაც მასზე მესმოდა, ეს იყო ყველაფერი ცუდი

„მე რა უნდა გითხრათ?! თავად მისი გუნდის წევრები უარყოფენ მის ყოფნას! მე რაც მესმოდა, ეს იყო ყველაფერი ცუდი. მესმის, ისიც ადამიანია, მაგრამ თავდაცვის სამინისტროში მას ძალიან ბევრი ცოდვები აქვს ჩადენილი. როდესაც პოლიციის შენობაში შევედი, ლამის, ისეთი შეგრძნება მქონდა, თითქოს, კორიდორებში მოსიარულე სულები გეგებებოდნენ. იქ იყო გარკვეული კამერები - სამხედრო პოლიციის ტერიტორიაზე იყო დროებითი დაკავების საკნები, სადაც სადამსჯელო ღონისძიებები ტარდებოდა. ეს იყო ძალიან რთული სანახავი, როდესაც 2012 წელს იქ მივედი. შემდეგ, ეს ისტორიები, რასაც ჰყვებოდნენ, ეს არის საშინელება. სასამართლოს აქვს უკვე თავისი გადაწყვეტილება მიღებული. რა ვიცი, რა გითხრათ! არაფერი კარგი არ გამიგია“, - განაცხადა ჩაჩიბაიამ.

ვლადიმერ ჩაჩიბაია

22 სექტემბერი 2021, 00:18

პოლიტიკა

ვლადიმერ ჩაჩიბაია: ვერცერთი ჯარისკაცი ვერ იტყვის, რომ მათ ვინმე მმართველი პარტიისთვის ხმის მიცემას აიძულებს

არჩევნების დღეს ჯარისკაცებს მაქსიმალურად ვუშვებთ სახლში, რათა ყველა ჯარისკაცმა საკუთარი. კონსტიტუციით მინიჭებული უფლება გამოიყენოს. მე თავად ვიყავი თავდაცვის ძალების მეთაური და კარგად ვიცი, როგორ მიდიოდა ეს პროცესი, - ამის შესახებ ტელეკომპანია „იმედის“ გადაცემაში „არჩევნები 2021“ საპარლამენტო უმრავლესობის წევრმა, გენერალური შტაბის ყოფილმა უფროსმა, ვლადიმერ ჩაჩიბაიამ განაცხადა.

მუნ ჩჟე ინი

22 სექტემბერი 2021, 00:16

მსოფლიო

სამხრეთ კორეის პრეზიდენტი იმედს გამოთქვამს, რომ უახლოეს მომავალში ფხენიანს, სეულსა და ვაშინგტონს შორის დიალოგი აღდგება

სამხრეთ კორეის პრეზიდენტი, მუნ ჩჟე ინი იმედს გამოთქვამს, რომ უახლოეს მომავალში ფხენიანს, სეულსა და ვაშინგტონს შორის დიალოგი აღდგება. ამის შესახებ სამხრეთ კორეის ლიდერმა გაეროს გენერალური ასამბლეის 76-ე სესიაზე სიტყვით გამოსვლისას განაცხადა.

ვლადიმერ ჩაჩიბაია

22 სექტემბერი 2021, 00:08

პოლიტიკა

ვლადიმერ ჩაჩიბაია: ავღანეთში „ქართულმა ოცნებამ“ არაერთხელ წააგო არჩევნები, მაგრამ ვერავინ მეტყვის, რომ რომელიმე მეთაური ან ჯარისკაცი დაისაჯა ამის გამო

როდესაც არჩევნებთან დაკავშირებით კომენტარი გავაკეთე, ამას არაერთგვაროვანი შეფასებები მოჰყვა. ინფორმაცია, რომელიც მე გავავრცელე, არის 0,001% იმისა, რაც ზოგადად ვიცი. რომ არ გამოსულიყო ყოფილი პრეზიდენტი და არ მიემართა ჯარისკაცებისთვის, მე ამაზე არ ვისაუბრებდი, - ამის შესახებ ტელეკომპანია „იმედის“ გადაცემაში „არჩევნები 2021“ საპარლამენტო უმრავლესობის წევრმა, გენერალური შტაბის ყოფილმა უფროსმა, ვლადიმერ ჩაჩიბაიამ განაცხადა.

კახა კუჭავა

21 სექტემბერი 2021, 23:59

პოლიტიკა

კახა კუჭავა: ქუთაისის ტორპედოზე ნიუსი დაწერეს, კუჭავა საარჩევნოდ ჩემპიონთა ლიგის მოგებას დაჰპირდაო

დღეს არცერთ ქართულ გუნდს არ აქვს შანსი, ლიგის ეტაპზეც კი გავიდეს. ესაა რეალობა. ეს იყო ხუმრობით ნათქვამი „ქუთაისის „ტორპედოზე“, - ამის შესახებ პარლამენტის თავმჯდომარემ, კახა კუჭავამ „არჩევნები 2021“ განაცხადა. გადაცემის წამყვანმა კუჭავას რეგიონებში კანდიდატების წარდგენის დროს გაკეთებული განცხადებები შეახსენა, რომელთა გამოც ზოგიერთ შემთხვევაში იგი გააკრიტიკეს. კერძოდ, ასპინძის ტურისტული პოტენციალისა და ტორპედოს ჩემპიონთა ლიგაში პერსპექტივის გამო.

ებრაჰიმ რაისი

21 სექტემბერი 2021, 23:55

მსოფლიო

ირანის პრეზიდენტი: ბირთვულ იარაღს ირანის თავდაცვის დოქტრინაში ადგილი არ აქვს

ირანის პრეზიდენტმა, ებრაჰიმ რაისმა გაეროს გენერალურ ასამბლეაზე სიტყვით გამოსვლისას განაცხადა, რომ ბირთვულ იარაღს ირანის თავდაცვის დოქტრინაში ადგილი არ აქვს.

ვახტანგ მეგრელიშვილი

21 სექტემბერი 2021, 23:54

პოლიტიკა

ვახტანგ მეგრელიშვილი: ჩემთვის ეს არჩევნების რეფერენდუმია, ხომ შეიძლება აღმოვაჩინოთ, რომ არავის წარმოვადგენთ?

„მაგალითად, „ქართული ოცნება“ და გახარია. წარმოიდგინეთ, რომ „ქართულმა ოცნებამ“ მიიღო 40% და გახარიამ მიიღო 8%. სიტყვაზე ვიძახი. რა თქმა უნდა, აქ შეიძლება მექანიკურად დაინახო, რომ შარლ მიშელის ის 43%-იან ზღვარს ქვემოთ არის „ქართული ოცნება“, მაგრამ შენთვის ხომ გასაგები არის, რომ ამ ორი პარტიის ჯამი 48%-ს გაძლევს, რა შედეგსაც წინა არჩევნებზე შენ აპროტესტებდი გაყალბების გამო. აქედან გამომდინარე, არ გრჩება იმის არგუმენტი, რომ „ქართულმა ოცნებამ“ წინა არჩევნები გააყალბა“, - განაცხადა მეგრელიშვილმა.

ვახტანგ მეგრელიშვილი

21 სექტემბერი 2021, 23:47

პოლიტიკა

ვახტანგ მეგრელიშვილი: ფარული მოსმენების პრობლემა არის ჩვენი მემკვიდრეობა, რომელიც საბჭოთა კავშირისგან გადმოგვეცა

ჩემი და „გირჩის“ დამოკიდებულება არის ასეთი, რომ ფარული მოსმენების პრობლემა დღევანდელი არაა, არც წინა ხელისუფლების დროინდელია. ფაქტობრივად, ეს ჩვენი ერთსაუკუნოვანი ისტორიაა, მემკვიდრეობა, რომელიც საბჭოთა კავშირისგან გადმოგვეცა, - ამის შესახებ ტელეკომპანია „იმედის“ გადაცემაში „არჩევნები 2021“ „გირჩის“ ერთ-ერთმა ლიდერმა, დეპუტატმა ვახტანგ მეგრელიშვილმა განაცხადა.

კახა კუჭავა

21 სექტემბერი 2021, 23:39

პოლიტიკა

კახა კუჭავა: 43%-იანი ბარიერი პრობლემა არ იქნება, ამას მოწმობს ის განწყობები, რომელსაც რეგიონებში ვხედავთ

„ძალიან მარტივია გამოხვიდე და აკრიტიკო, როდესაც ეს წინასაარჩევნოდ გაწყობს. ძალიან ბევრი ტყუილიც მოვისმინეთ, სამწუხაროდ, ჩემთან მიმართებაშიც. ატრიალებდნენ რაღაცას, თითქოს მე ვთქვი. ამას ხომ მოსახლეობა ხედავს. ეს არის ის რეალობა, რომელიც საბოლოოდ ჩვენს სასარგებლოდ მუშაობს. სანამ იმას არ მიხვდებიან, რომ მეორე დღეზე კი არ უნდა იფიქრონ, არამედ იმაზე, როგორ ჩაატარონ არჩევნები წარმატებულად, ვერ მოიგებენ“, - განაცხადა კახა კუჭავამ.

კახა კუჭავა

21 სექტემბერი 2021, 23:37

პოლიტიკა

კახა კუჭავა: თუ ოპოზიცია ისევ გამოაცხადებს ბოიკოტს, თვითონვე წააგებს

„ისევ თვითონ წააგებენ ამით. გავიხსენებ ისტორიას, თუ ისევ გამოაცხადეს ბოიკოტი, განმეორდება ისევ ის, რაც მანამდე იყო. ყველა მოუწოდებდა: „ქუჩიდან საქმეს ვერ გააკეთებთ. დამთავრდა ქუჩის დრო. შედით პარლამენტში, გამოიყენეთ თქვენ მიერ მოპოვებული მანდატები და შესაბამისად იმოქმედეთ საპარლამენტო მანდატს გამოყენებით“. იგივეს იტყვიან ხვალაც“, - განაცხადა კუჭავამ.

კახა კუჭავა

21 სექტემბერი 2021, 23:33

პოლიტიკა

კახა კუჭავა: 43%-იანი დათქმა აღარ არსებობს, ეს საკითხი უკვე გადაიფურცლა, ქართველი ხალხი აირჩევს მერს და საკრებულოს წევრებს

„ვინმე სერიოზულად იღებს იმას, რომ არჩევნები, სადაც უნდა აირჩეს ადგილობრივი თვითმმართველობა, მაგალითად ბაღდადში, შეიძლება ეს იყოს რეფერენდუმი? დასრულდა, 43%-იანი დათქმა აღარ არსებობს მარტივი მიზეზის გამო - ისინი 100 დღე არ შეუერთდნენ შეთანხმებას. 100 დღე ელოდა საზოგადოება და არა მხოლოდ „ქართული ოცნება“. ისინი არა მხოლოდ ხელს არ აწერდნენ, სპეკულირებდნენ - თქვენ რატომ არ ასრულებთ იმ შეთანხმების პირობებს, რომელსაც ჩვენ ხელი არ მოვაწერეთო. ეს საკითხი უკვე გადაიფურცლა. ქართველი ხალხი გააკეთებს არჩევანს, რომელიც დაკავშირებული იქნება მერისა და საკრებულოს წევრების არჩევასთან“, - განაცხადა კახა კუჭავამ.

კახა კუჭავა

21 სექტემბერი 2021, 23:32

პოლიტიკა

კახა კუჭავა: ამ 4-5 თვის განმავლობაში არ ყოფილა შემთხვევა, როდესაც პარლამენტში ვინმეს უპირატესობა მივანიჭე ან ვინმე დაიჩაგრა

სხდომის წაყვანისას უნდა ვიყო დაბალანსებული, რათა არცერთ უფრაქციო დეპუტატს თუ რომელიმე ფრაქციის წევრს არ მიენიჭოს უპირატესობა გარკვეული პოლიტიკური ნიშნის გამო. მე მგონია, რომ ამ 4-5 თვის განმავლობაში არ ყოფილა არცერთი შემთხვევა, როდესაც ვინმემ შეიძლება თქვას, რომ მე ვინმეს უპირატესობა მივანიჭე ან ვინმე დაიჩაგრა, - ამის შესახებ ტელეკომპანია „იმედის“ გადაცემაში „არჩევნები 2021“ პარლამენტის თავმჯდომარემ, კახა კუჭავამ განაცხადა.

კახა კუჭავა

21 სექტემბერი 2021, 23:29

პოლიტიკა

კახა კუჭავა: სამწუხაროა, რომ დღეს ქალაქში მსგავსი ბანერებია გაკრული, თუმცა არის გარკვეული შემკვეთი, რომელმაც გამოიყენა ეს უფლება

სამწუხაროა, რომ დღეს ქალაქში მსგავსი ბანერებია გაკრული, თუმცა არის გარკვეული შემკვეთი, რომელმაც გამოიყენა ეს უფლება და მსგავსი პლაკატები გააკრა, - ამის შესახებ პარლამენტის თავმჯდომარემ, კახა კუჭავამ გადაცემაში „არჩევნები 2021“, ე.წ. სისხლიან ბანერებზე საუბრისას განაცხადა. მისი თქმით, ბანერები ქალაქში იმის გამო რჩება, რომ ყველას აქვს გამოხატვის თავისუფლება.

კახა კუჭავა

21 სექტემბერი 2021, 23:25

პოლიტიკა

კახა კუჭავა სავარაუდო ჩანაწერებზე: ყველა კითხვას პასუხი უნდა გაეცეს

„ბევრი კითხვა არსებობს. ფაქტი ერთია - ეს ის საკითხია, რომლის ასე დატოვება, ჩემი აზრით, შეუძლებელია. თუნდაც ქვეყნის უსაფრთხოებიდან გამომდინარე. კითხვებს პასუხები უნდა გაეცეს. პასუხები თუ არ გაეცა კითხვებს, რომლებიც საზოგადოებისთვის დარჩება ღიად, რა თქმა უნდა, პარლამენტი არის ის ადგილი, სადაც დეპუტატთა გარკვეულ რაოდენობას შეუძლია მოითხოვოს არა მხოლოდ რიგგარეშე სხდომა, შეუძლიათ საგამოძიებო კომისია შექმნან და ბევრი სხვა ქმედება ჩაატარონ, რომლითაც შეეცდებიან დაადგინონ სიმართლე“, - განაცხადა კუჭავამ.

კახა კალაძე

21 სექტემბერი 2021, 23:19

პოლიტიკა

კახა კალაძე ნიკა მელიას, რომელმაც დებატები დატოვა: მიკროფონი დაგვიტოვე და ისე გადი

მიკროფონი დაგვიტოვე და ისე გადი, – ასე მიმართა „ქართული ოცნების“ მერობის კანდიდატმა, კახა კალაძემ „ნაციონალური მოძრაობის“ მერობის კანდიდატ ნიკა მელიას, რომელმაც საზოგადოებრივი მაუწყებლის ეთერში მერობის 16 კანდიდატს შორის მიმდინარე დებატები დატოვა.

კახა კუჭავა

21 სექტემბერი 2021, 23:13

პოლიტიკა

კახა კუჭავა დმანისის ინციდენტზე: არ აქვს მნიშვნელობა, რომელი პარტიის აქტივისტია, რეაგირება უნდა იყოს შესაბამისი

ერთია დაპირისპირება, მეორე კი დანაშაული და ადამიანის ჯანმრთელობის ხელყოფა. მე არ ვიცი, მიზეზი რა იყო, მაგრამ დამდგარი შედეგია ორი დაჭრილი ადამიანი. ამას არ შეიძლება ჰქონდეს გამართლება. დარწმუნებული ვარ, რომ გამოძიება დაადგენს ბოროტმოქმედების ვინაობას და შესაბამისი რეაგირება იქნება, - ამის შესახებ ტელეკომპანია „იმედის“ გადაცემაში „არჩევნები 2021“ პარლამენტის თავმჯდომარემ, კახა კუჭავამ განაცხადა, რითაც დმანისის მუნიციპალიტეტის სოფელ განთიადში მომხდარ ინციდენტს გამოეხმაურა.