ლევან ნიკოლეიშვილი: ცდილობენ მცირე ლოკაციაზე გადაინაცვლონ, იქნებ ბევრი გამოჩდნენ

„არ გამოდის გვარამია-სანია-გრიგოლიას დაძახილ-შეძახილზე ხალხი! არც გამოვა! ესენი ხომ ცნობილი ფეიკმეიკერები და სიცრუის მანქანის წარმომადგენლები არიან, უკვე არა მედია, არამედ ჩვეულებრივი პარტია, „ნაციონალური მოძრაობა“! ამათ ხომ გარდაცვლილი კაცზე და ოჯახის ტრაგედიაზე (უკვე მერამდენედ!) ხელის მოთბობა გადაწყვიტეს“ - წერს სოციალურ ქსელში ექსპერტი ლევან ნიკოლეიშვილი.

როგორც ნიკოლეიშვილი აღნიშნავს, ისინი მიხეილ სააკაშვილის დავალებას ასრულებენ.

„რევოლუცია, არეულობა, რუსული სცენარი აი მათი ნარატივი! აი დავალება რაც მიხეილ სააკაშვილიდან მიიღეს ! ამის დასტურია დღეს პარლამენტში მოწყობილი, რა ვუწოდო არც ვიცი: კლოუნადა? არა!...კლოუნდა, როგორ უწოდო, კლოუნები საცირკო ხელოვნების ძალიან ღირსეული წარმომადგენლები ბავშვების საყვარელი არტისტები არიან ! ახლა ცდილობენ მცირე ლოკაციაზე გადაინაცვლონ იქნებ ბევრი გამოჩდნენ“ - წერს ლევან ნიკოლეიშვილი ფეისბუქში.

პარლამენტიდან საპროტესტო აქციამ „ქართული ოცნების“ ოფისთან გადაინაცვლა.

დღის განმავლობაში, ვითარება რამდენჯერმე დაიძაბა ჯერ პარლამენტის უკანა შესასვლელთან, შემდეგ კი - უშუალოდ შენობაში. ჟურნალისტების ნაწილი შენობაში შესვლას ცდილობდა და აცხადებდა, რომ საშვის მიუხედავად, მათ საკანონმდებლო ორგანოში არ უშვებდნენ. მას შემდეგ, რაც მთავრობისთვის მიცემული ულტიმატუმის ვადა 12:00 საათზე ამოიწურა, მედიისა და სამოქალაქო ორგანიზაციების წარმომადგენლები, „ნაციონალურ მოძრაობასთან“ ერთად, საკანონმდებლო ორგანოში შეიჭრნენ და პარლამენტის თავმჯდომარის ტრიბუნა დაიკავეს. ისინი აცხადებდნენ, რომ ტრიბუნას იქამდე არ გაათავისუფლებდნენ, ვიდრე პრემიერი არ გადადგებოდა.

ერთმანეთს დაუპირისპირდნენ დეპუტატებიც. სიტუაციის განმუხტვას მანდატურის სამსახური ცდილობდა.

მოგვიანებით, ოპოზიციის წარმომადგენლებს პარლამენტის თავმჯდომარისთვის განკუთვნილი ტრიბუნა გაათავისუფლებინეს და რიგგარეშე სხდომა დაიწყო. თუმცა, არც ამის შემდეგ წარმართულა სხდომა მშვიდ გარემოში: ფრაქცია „ლელო - პარტნიორობა საქართველოსთვის“ წევრებმა პარლამენტის სხდომათა დარბაზი, დემონსტრაციულად, მას შემდეგ დატოვეს, რაც საკანონმდებლო ორგანოს თავმჯდომარემ მიუთითა, რომ კითხვები მხოლოდ პროცედურულ საკითხებზე დაესვათ და არ გამოეყენებინათ კითხვისთვის განკუთვნილი დრო პოლიტიკური განცხადებებისთვის.