ირაკლი ქადაგიშვილი: ვენეციის კომისიის რეკომენდაციები სიტყვა-სიტყვით შევასრულეთ, სანქციების დაწესების საშიშროება არ არსებობს

ყველა რეკომენდაცია, რომელიც ვენეციის კომისიის მიერ იყო გაცემული, ჩვენ მიერ დროშია შესრულებული, – ამის შესახებ პარლამენტის საპროცედურო საკითხთა კომიტეტის თავმჯდომარე ირაკლი ქადაგიშვილმა განაცხადა.

მისივე თქმით, სანქციების დაწესების რეალური საშიშროება არ არსებობს.

„შარლ მიშელის დოკუმენტში არსებული ჩანაწერი, რომ დროებით შეჩერებულიყო უზენაესი სასამართლოს მოსამართლეთა დანიშვნა, გულისხმობდა, რომ კანდიდატებს დამატებით მისცემოდათ საშუალება, მათი ნომინირება ყოფილიყო. ეს პირობა შევასრულეთ, შევაჩერეთ პროცედურა და საშუალება მივეცით, ნომინირების საშუალება სხვებაც ჰქონოდათ. ზოგადი ნათქვამის გარდა, გვაინტერესებს, კონკრეტულად რომელ კანონში რა ცვლილება უნდა იყოს ისეთი, რომელიც ამ პროცესის სანდოობას გაზრდის, რადგან ვენეციის კომისიის რეკომენდაციები სიტყვა-სიტყვით შევასრულეთ და ეს რეფორმა მომავალ წელს, საგაზაფხულო სესიაზე უნდა დასრულდეს. საუბარია ფინანსურ ნაწილში შესაძლო 75 მილიონ ტრანშზე, სესხზე. ამ პროცესში ვთანამშრომლობთ, ახსნა-განმარტების რეჟიმი გვაქვს პარტნიორებთან და მოვლენებს წინ ნუ გავასწრებთ. არანაირი რეალური საშიშროება სანქციების არ არსებობს. მესმის, რომ გარკვეული ოპოზიციური პარტიებიდან რეპორტები მიდის, მაგრამ არსებობს ჩვენი ოფიციალური პოზიციები, რის შემდეგაც საბოლოო ჯამში ხდება გადაწყვეტილებების მიღება“, – განაცხადა ირაკლი ქადაგიშვილმა.

აშშ-ის სახელმწიფო დეპარტამენტის პრესსპიკერმა ყოველდღიურ ბრიფინგზე საქართველოში განვითარებულ მოვლენებზე ისაუბრა. ნედ პრაისის თქმით, საქართველოში ყველა პოლიტიკურმა ძალამ მკაცრად უნდა დაგმოს ძალადობა და 5-6 ივლისს მომხდარი ძალადობრივი ფაქტები ზედმიწევნით უნდა იყოს გამოძიებული.