ბექა დავითულიანი: თუ ეს აუდიო ჩანაწერები რეალურია, რა თქმა უნდა, პასუხი უნდა აგოს ყველამ, ვინც ამაში მონაწილეობს

ეს არ არის ფარული აუდიო ჩანაწერები, გამავარცელებლების თქმით, ეს არის ტექსტური მასალა აუდიო ჩანაწერების შესახებ. რაღაც ოქმებს წარმოადგენენ. აქედან რა არის მართალი და რა ტყუილი ღმერთმა უწყის და მბობენ, რომ ეს არის ფარულად მიყურადების მასალები, - ამის შესახებ საპარლამენტო უმრავლესობის წევრმა ბექა დავითულიანმა „ქრონიკაში“ განაცხადა.

„თავად აუდიო მასალა არვის უნახავს. გვეუბნებიან, რომ, ეს მასალა გამოხატავს იკ შინაარსს, რაც აუდიო საუბრებშია. უნდა დადგინდეს ხდებოდა თუ არა რეალურად უკანონო აუდიო ჩაწერა და მიყურადება. უნდა დადგინდეს სწორია და რეალურია თუ არა ის მასალები, რომელიც ვრცელდება ოპოზიციური მედიების მხრიდან. თუ ეს აუდიო ჩანაწერები რეალურია, რა თქმა უნდა, პასუხი უნდა აგოს ყველამ, ვინც ამაში მონაწილეობს, მაგრამ პასუხისმგებლობა ეკისრებათ იმათაც, ვინც რატომღაც ადამიანების სახელსა და გვარს არ ფარავენ და ავრცელებენ პირადი ცხოვრების დეტალებს“, - განაცხადა ბექა დავითულიანმა.