მაკა ბოჭორიშვილი: მოსაზრებები და შეფასებები ევროპარლამენტიდან არის ცალსახად პოზიტიური, რომ საქართველომ შეძლო კარგად ადმინისტრირებული არჩევნების ჩატარება

ევროპარლამენტარები ცალსახად პოზიტიურად აფასებენ საქართველოში ჩატარებულ ადგილობრივ არჩევნებს, ისინი მზად არიან ჩამოვიდნენ ჩვენს ქვეყანაში მეორე ტურზეც და დააკვირდნენ პროცესს, -ამის შესახებ ევროპასთან ინტეგრაციის კომიტეტის თავმჯდომარე, მაკა ბოჭორიშვილმა განაცხადა, რომელიც ბრიუსელში შეხვედრებს განაგრძობს.

მისივე თქმით, მმართველი პარტია ელის, რომ ევროპარლამენტის დელეგაცია იმავე შემადგენლობით ჩამოვა საქართველოში და არჩევნების მეორე ტურს დააკვირდება.

„მოსაზრებები და შეფასებები ევროპარლამენტიდან არის ცალსახად პოზიტიური, რომ საქართველომ შეძლო კარგად ადმინისტრირებული არჩევნების ჩატარება. არსებობს პოლარიზაციასთან დაკავშირებული მათი წუხილები, თუმცა ყველა ვთანხმდებით, რომ პოლარიზაციას ჰქონდა ის მიზეზები, რომელსაც არ იყო სასურველი ქვეყანაში ადგილი ჰქონოდა“, - განაცხადა ბოჭორიშვილმა.