პაატა მანჯგალაძე: მმართველ პარტიას აქციის ჩატარების უფლება ჰქონდა, მაგრამ ჩნდება გარკვეული კითხვებიც

მმართველ პარტიას გუშინდელი აქციის ჩატარების უფლება, რა თქმა უნდა, ჰქონდა, მაგრამ ამასთან დაკავშირებით ჩნდება გარკვეული კითხვებიც, - ამის შესახებ პარტია „სტრატეგია აღმაშენებლის“ გენერალურმა მდივანმა პაატა მანჯგალაძემ განაცხადა.

„პირველი კითხვა არის დაკავშირებული პანდემიასთან. როდესაც ოპოზიცია მართავს შეხვედრებს, მაშინ ვრცელდება პანდემია და თურმე თუ ხელისუფლება აორგანიზებს, მაშინ პანდემიის პრობლემა არ გვაქვს. მეორე საკითხი არის ის, რომ „ქართულ ოცნებას“ რეალურად 70 000-მდე აგიტატორი და კოორდინატორი ჰყავს და ამ ხალხის მობილიზება, თუ ამისი რესურსი გაქვს, არანაირი პრობლემა არ არის. და მესამე, თუ ქვეყანაში ჩატარდებოდა სამართლიანი არჩევნები, სწორედ იმ შეკრებილ ადამიანებშიც კი წააგებდა „ქართული ოცნება არჩევნებს“, - აღნიშნა პაატა მანჯგალაძემ.

27 ოქტომბერს თბილისში, თავისუფლების მოედანზე „ქართული ოცნების“ მრავალათასიანი შემაჯამებელი შეკრება გაიმართა.