დაჩი ცაგურია: სააკაშვილის ადგილი ციხეშია, ერთ ადამიანთან მაინც მივიდა ბოდიშის მოსახდელად? ხმას როგორ იღებთ

აქ ერთად გადაგვიარეს, მაგრამ ღირსება ვერ წაგვართვეს, ვერც ვერასოდეს წაგვართმევენ. ესენი არიან ნაძირლები, ესენი არ არიან ადამიანები. ახლა დგანან და გვეუბნებიან, რომ რაღაცაზე მაღლა უნდა დავდგეთ თურმე და უნდა დავივიწყოთ. მაღლა დგომა რას ნიშნავს იცით, ვინც ამას ამბობთ? აი, იმ გვამებზე დგომას ნიშნავს. სანდროს გვამზე დგომას ნიშნავს მაღლა დგომა, რომ ვითომ რაღაცა უნდა დაივიწყოთ, ბუტას გვამზე დგომას ნიშნავს. ვის რა უნდა ვაპატიოთ? მეტი როგორ უნდა ვაპატიოთ? მეტი პატიება რაღა არის, გამაგებინეთ? ქუჩაში რომ არ დაგდევთ, პანჩურებს რომ არ გირტყამთ და თავისუფლად რომ დადიხართ, მეტი რაღა გინდათ, გაგვაგებინეთ, - ამის შესახებ პარლამენტის წინ, აქციაზე „არ აგარევინებთ“ სიტყვით გამოსვლისას დაჩი ცაგურიამ განაცხადა. მან აღნიშნა, რომ მიხეილ სააკაშვილის ადგილი ციხეშია.

„ეს არაკაცი ბედავს და ამ ქვეყანაში ჩამოდის კიდევ. დიახ, ციხეშია მაგისი ადგილი. ეგ ნაძირალა, ეგ გაიძვერა ეგ, ერთ ადამიანთან მაინც მივიდა ბოდიშის მოსახდელად? ია მეტრეველთან იყო მისული ვინმე ბოდიშის მოსახდელად? ვაზაგაშვილების ოჯახში მივიდა ვინმე ბოდიში რომ მოეხადათ? ვინმე გირგვლიანის ოჯახში მივიდა? ათასი კაცი გყავთ ქუჩაში მოკლული ან ციხეში წამებით მოკლული, ათასივე მოსაკლავი იყო, თქვე არაკაცებო? ერთთან არ გაქვთ ბოდიში მოსახდელი? კიდე როგორ ლაპარაკობთ, თქვე არაადამიანებო, ხმას როგორ იღებთ, თქვე მკვლელებო, თქვე ადამიანების სისხლში მოცურავეებო. ხმა გაიკმინდეთ, თორემ ჩვენს მოთმინებასაც აქვს საზღვარი, ჩვენი ფიალაც აივსება და მერე ვეღარ გიშველით ვერავინ. წადით და სანთელი დაუნთეთ ბიძინა ივანიშვილს ქუჩაში რომ თავისუფლად დადიხართ მაგიტომ. თქვენ კი არ უნდა ებრძოდეთ, მადლობას უნდა ეუბნებოდეთ ყოველ დილას, თქვე არაადამიანებო, თქვე მკვლელებო და არაკაცებო, თქვე ადამიანების სიცოცხლეზე, გვამებზე მოსიარულეებო.

ბოდიშს გიხდით ჩემი ემოციებისთვის, მაგრამ არ შემიძლია, ვუყურებდე ტელევიზორში, რომ გვიმტკიცებენ იმას, თურმე ფაფის ჭამა, თაფლის ჭამა, ათასი დედიმისის მირთმევა, თურმე ყოფილა შიმშილობა. ეს არაკაცი როგორ ბედავს, ხმას როგორ იღებს და როგორ აქვს პრეტენზია ამ ქვეყანაზე, ვერ გამიგია. დედამიწაზე ერთადერთი პატიმარია, რომელიც ვითომ შიმშილობს და მოთხოვნა ის კი არ აქვს, ვთქვათ, ციხის პირობების გაუმჯობესება, მუხლის შეცვლა ან საქმის გადახედვა, შიმშილობს და ითხოვს, პრეზიდენტად თუ არ დამსვამთ, ფიას არ შევჭამ, საჭმელს არ შევჭამ. ეს ნაგავი ეს, სად გაიზარდა, სად დაიბადეთ, რა დედამ გაწოვათ ძუძუ, როგორ იშვიათ ასეთი უტიფრები. ერთხელ ბოდიში მაინც მოიხადეთ, თქვე არაადამიანებო,სად გაჩნდით?“, – განაცხადა ცაგურიამ.

მან ასევე განაცხადა, რომ ყოფილი პრეზიდენტი სასჯელს ბოლომდე მოიხდის და ციხეს ვადაზე ადრე ვერ დატოვებს.

„ყველას მივმართავ, თუ ვინმე არის გზა აცდენილი რამე წყენის გამო, ხალხო, არ შეიძლება, ქილერებს, მკვლელებს, ადამიანების მწამებლებს, გამაუპატიურებლებს ხმას აძლევდე და მე მომიწოდებდე, რატომ ხმას არ აძლევო. როგორ შეიძლება მკვლელს ხმას აძლევდეს ვინმე, მკვლელი უნდა იყოს ციხეში. დიახ, მიშა იჯდება ციხეში ბოლომდე, ბოლო დღემდე, ერთი საათით ადრე ვერ გამოვა. რასაც მიუსჯის მას სასამართლო, ბოლომდე მოიხდის ამ სასჯელს, მე გაძლევთ ამის პირობას. მე გაძლევთ ამის პირობას, მიშა, შენ ციხეში ეგდები ბოლომდე. რა სასამართლოზე აქვთ ამათ პრეტენზია, გამაგებინეთ, რომელ მურუსიძეზე ლაპარაკობენ ესენი? მწყემსი ბახუტოვი რომ გაასამართლეს ცოცხალი ადამიანის მკვლელობისთვის, წამებით რომ აღიარებინეს კაცს და მიუსაჯეს, მერე დააწერინეს, ვითომ ბიძაშვილიც ახლდა თან, ისიც ჩასვეს, რამდენიმე თვეში გამოჩნდა ეს ცოცხალი ადამიანი, ვის მკვლელობაზეც იყო დაჭერილი, კი არ მივიდნენ და ბოდიში მოუხადეს შეგვეშალაო, მუხლი შეუცვალეს და ტყუილი ჩვენების მიცემისთვის ისევ პატიმრობაში დატოვა მიშას სასამართლომ.

აი, ამ სასამართლოს ავტორს აქვს პრეტენზია დღევანდელ სასამართლოსთან და ციხის პირობებთან. რა პირობებში ვიყავით, ხალხნო, რომ გვიჭერდნენ, რომ გვსვამდნენ იმ საპატიმროებში. რა დღე გადავიტანეთ მთელმა ქვეყანამ. მერიდება ხოლმე ჩემს წამებაზე ლაპარაკი ისეთები უქნეს ადამიანებს ამ ნაძირლებმა და დღეს არ მოსწონთ, თურმე ორი ლეიბი არ ყოფნის მიშას და ოთხი უნდა, იქ ტელევიზორი უნდა, ტუფლები უჭერს, პრესა იგვიანებს, ფაფა არ არის კარგად შემთბარი. ეს არაკაცი ეს, მიშა, შენ იჯდები ციხეში, ბოლომდე მოიხდი სასჯელს, ამის გარანტიას გაძლევთ თითოეული ჩვენგანი“, - განაცხადა ცაგურიამ.

2007 წლის 7 ნოემბრის მოვლენებიდან 14 წელი გავიდა. 14 წლის წინ, ამ დღეს, გამთენიისას, სამართალდამცველებმა თავისუფლების მოედანზე მცირერიცხოვანი აქციის დარბევა დაიწყეს. ამის მიუხედავად, მოქალაქეები რუსთაველის გამზირზე შეკრებას აგრძელებდნენ. ვითარების დაძაბვიდან მალევე, სპეცდანიშნულების რაზმი გამოჩნდა. სამართალდამცავებმა წყლის ჭავლით, რეზინის ტყვიებითა და ხელკეტებით, მომიტინგეების დარბევა დაიწყეს. ადგილზე ვითარებას „ნაციონალური მოძრაობის“ მაშინდელი ლიდერები აკონტროლებდნენ. დღის მეორე ნახევარში აქციის მონაწილეებმა რიყეზე გადაინაცვლეს, პარალელურად, შსს-მ ოპოზიციური ლიდერების სატელეფონო საუბრები გამოაქვეყნა. ჩანაწერების გავრცელებიდან მალევე, რიყის აქციის დარბევა დაიწყო. 2007 წლის 7 ნოემბერს, დღის ბოლოს, სპეცრაზმი ტელეკომპანია „იმედში“ შეიჭრა. დალეწეს აპარატურა, გაითიშა არხის სამაუწყებლო სიგნალი. დარბევისა და ტელეკომპანიის ხელში ჩაგდების შემდეგ, არხმა მაუწყებლობა რამდენიმე თვით შეაჩერა, ამის შემდეგ კი, 15 დღით, საგანგებო მდგომარეობა გამოცხადდა. 2008 წელს ტელეკომპანია „იმედი“ დამფუძნებლის, ბადრი პატარკაციშვილის გარდაცვალებიდან რამდენიმე დღეში, მის ოჯახს ჩამოართვეს.