ზურაბ გირჩი ჯაფარიძე: ჩვენმა პარტნიორებმა უფრო გასაგებად უნდა ისაუბრონ სიმართლე იმასთან დაკავშირებით, თუ რა ხდება ქვეყანაში

ჩვენმა პარტნიორებმა საჯაროდ, უფრო გასაგებად უნდა ისაუბრონ სიმართლე იმასთან დაკავშირებით, თუ რა ხდება ქვეყანაში, - ამის შესახებ პარტია „გირჩი მეტი თავისუფლების“ ლიდერმა ზურაბ გირჩი ჯაფარიძემ სახელმწიფო მდივნის მიადგილის თანაშემწესთან და ამერიკის ელჩთან შეხვედრის დასრულების შემდეგ ჟურნალისტებთან განაცხადა.

მისი თქმით, შეხვედრაზე ბევრ საკითხზე ისაუბრეს და უცხოელი პარტნიორები ყველაფრის საქმის კურსში არიან. „ჩემი მხრიდან რასაც დაგპირდით, ის გავაკეთე. ვუთხარი ჩემი აზრით რა არის გამოსავალი, რა ნაბიჯები შეიძლება იყოს მათი მხრიდან გადადგმული, თორემ ჩვენი გასაკეთებელი რომაა მთავარი საქმე, ეგ გასაგებია. ერთ-ერთი გამოსავალია ის, რომ საჯაროდ, უფრო გასაგებად ისაუბრონ სიმართლე იმასთან დაკავშირებით, თუ რა ხდება ქვეყანაში“, - აღნიშნა ზურაბ ჯაფარიძემ.

ამერიკის შეერთებული შტატების სახელმწიფო მდივნის მოადგილის თანაშემწე ერიკა ოლსონი და აშშ-ის ელჩი საქართველოში, კელი დეგნანი ოპოზიციის წარმომადგენლებს შეხვდნენ. მხარეებმა ქვეყანაში მიმდინარე პოლიტიკური მოვლენები და საკანონმდებლო ცვლილებების საკითხი განიხილეს.

ახლა ოლსენი და დეგნანი „ნაციონალური მოძრაობის“ წარმომადგენლებს ხვდებიან.