ედგარს რინკევიჩი: ლატვია ყოველთვის მხარს უჭერდა და განაგრძობს საქართველოს მისწრაფების მხარდაჭერას გახდეს ნატოს და ევროკავშირის წევრი სახელმწიფო

საქართველო და უკრაინა მინისტერიალზე სპეციალურ სესიაზე არიან მოწვეული, რომელიც დაეთმობა შავი ზღვის რეგიონზე მსჯელობას. ეს ნიშნავს იმას, თუ რამდენად ძვირფასი და ღირებულია ჩვენთვის ეს 2 ასპირანტი. მე ძალიან მიხარია, რომ მინისტერიალი, სადაც საქართველო და უკრაინა იქნებიან ტარდება რიგაში. ლატვია ყოველთვის მხარს უჭერდა და განაგრძობს საქართველოს მისწრაფების მხარდაჭერას გახდეს ნატოს და ევროკავშირის წევრი სახელმწიფო, - ამის შესახებ ლატვიის საგარეო საქმეთა მინისტრ ედგარს რინკევიჩმა „ქრონიკასთან“ ექსკლუზიურ ინტერვიუში განაცხადა.

„რიგაში ჩვენი დისკუსიის მთავარი ღერძი იქნება შემდეგი- რა და როგორ შეიძლება ნატომ გააკეთოს უფრო მეტი საქართველოს და უკრაინის ნატოში ინტეგრაციის პროცესის კიდეც უფრო ეფექტიანობისთვის. ვმუშაობთ ნატოს ახალ სტრატეგიულ დოკუმენტზე, რომელმაც უნდა შეცვალოს ლისაბონში 2010 წელს შეთანხმებული სტრატეგია. ჩვენი ძალიან დიდი ინტერესია მოვისმინოთ პარტნიორი საქართველოს და უკრაინის მოსაზრებები, რას ფიქრობენ ნატოს ახალი სტრატეგიის ძირითად ელემენტებზე. ლატვია მხარს უჭერს ნატოს ღია კარის პოლიტიკას და ბევრი იმუშავა 2008 წლის ბუქარესტის სამიტზე დეკლარაციაზე, სადაც წერია რომ საქართველო და უკრაინა გახდებიან ნატოს წევრები. ახლა ვხვდებით ყველა, რომ უნდა წავიდეთ წინ და ვიმსჯელოთ რა გავაკეთოთ მეტი პრაქტიკულ დონეზე, რათა საქართველოს და უკრაინის დაწინაურება მოხდეს ევროატლანტიკური ინტეგრაციის გზაზე. ეს არ ნიშნავს, რომ ნატოს მინისტერიალი გადაწყვეტს მაგალითად ორგანიზაციაში მოწვევის ან გაწევრიანების კონკრეტულ თარიღს, ჩვენ რიგაში განვიხილავთ ერთად რისი გაკეთება გვჭირდება მიზნების მისაღწევად, რაც საქართველოს და უკრაინის ნატოში შესვლაა, რა გვინდა აისახოს სტრატეგიაში და როგორ გავაძლიეროთ ასპირანტები“, - განაცხადა ედგარს რინკევიჩმა.