ვიქტორ ყიფიანი: ევროატლანტიკური კურსის შესახებ ფარატინა ბრალდებებზე ისეთი ფაქტებითა და განცხადებებით ვპასუხობთ როგორიცაა ჩვენი ქვეყნის მინისტერიალზე მიწვევა, ასევე საქართველოს როგორც ასპირანტი ქვეყნის განვლილი გზის შეფასება და სხვა

ევრო ატლანტიკური კურსის შესახებ ფარატინა ბრალდებებზე ისეთი ფაქტებითა და განცხადებებით ვპასუხობთ როგორიცაა ჩვენი ქვეყნის მინისტერიალზე მიწვევა, ასევე საქართველოს როგორც ასპირანტი ქვეყნის განვლილი გზის შეფასება და სხვა, - ამის შესახებ ორგანიზაცია „ჯეოქეისის“ დამფუძნებელმა, ვიქტორ ყიფიანმა „ქრონიკასთან“ განაცხადა.

„ჩვენ ბოლო პერიოდში ძალიან ხშირად გვესმის შიშველი განცხადებები, როგორც ქვეყნის შიგნით, ისე ქვეყნის გარეთ, რომ ჩვენი ქვეყანა დაშორდა ევროატლანტიკურ კურსს ისევე როგორც არის გარკვეული ეჭვები თუ რამდენად თანმიმდევრულია ევროატლანტიკური თემი, ამ შემთხვევაში ნატო, რომ განავრცოს და გააღრმაოს დაახლოება საქართველოსთან. ძალიან სასიხარულო და ნიშანდობლივია, რომ ყოველ ასეთ ფარატინა ბრალდებებზე ჩვენ ფაქტობრივად ფაქტებითა და განცხადებებით ვპასუხობთ. უკვე შემდგარი ფაქტია ჩვენი მინისტერიალზე მიწვევა, ის კონკრეტული შეფასება, ანგარიში რომელიც ჩვენი, როგორც ასპირანტი ქვეყნის განვლილ გზას ეხება, ასევე ჩვენი მადრიდის სამიტზე მიწვევა, და ის მეტად მნიშვნელოვანი სტრატეგიული დოკუმენტი, რომელიც ნატოს ევოლუციონირებას ეხება. ეს არის 2030-ის საშუალოვადიან პერსპექტივაში ნატოს განვითარების პერსპექტივის განმსაზღვრელი დოკუმენტი. ამაში ქართული მხარე იქნება ძალიან აქტიურად მიიღებს მონაწილეობას. მე ვფიქრობ, რომ უარყოფითი განცხადებების საპირისპიროდ ასეთი ფაქტების დასახელება და ასეთი დოკუმენტების მონიშვნა უკვე საკმაოდ დამაჯერებელია ამ საფუძველგამოცლილ ბრალდებაზე“, - განაცხადა ვიქტორ ყიფიანმა.