გიორგი ვოლსკი: საქართველო საგანგებოდ მნიშვნელოვანია ნატოსთვის

ბრიუსელის სამიტი, რომელიც ახლა მიმდინარეობს ინდიკატორია იმის, რომ საზოგადოებამ სწორი ინფორმაცია მიიღოს იმაზე თუ რა ხდება რეალურად, როგორ ხარისხშია ნატო-საქართველოს ურთიერთობა, - ამის შესახებ პარლამენტის პირველმა ვიცე-სპიკერმა გიორგი ვოლსკიმ „ქრონიკა“-ში განაცხადა.

„საქართველო საგანგებოდ მნიშვნელოვანია ნატოსთვის. ჩვენი ურთიერთობა ნატოსთან არის პარტნიორული და მისის ხარისხიც ჯერ საქართველოს არ ჰქონია. მეორე საკითხია წევრობის თემა, ცხადია ეს მხოლოდ ამერიკასა და რამდენიმე ქვეყანაზე არ არის დამოკიდებული. ის ვინც პრორუსული პოლიტიკის ფლანგზეა ამბობს, რომ აი ნახეთ, აკაკუნებენ და კარებს არ უღებენო, ან კარგად არ აკაკუნებენ და ჩვენ რომ ვიყოთ უკეთ დავაკაკუნებდითო. ჩვენი ნატოსთან რეალური ურთიერთობის გაპრიმიტიულების მცდელობა მიდის. ნატოს გააჩნია ინტერესი რეგიონის მიმართ“, - განაცხადა ვოლსკიმ.