ოპოზიცია უკრაინის მხარდამჭერი ერთობლივი საპარლამენტო რეზოლუციის მიღების ინიციატივით გამოდის

საპარლამენტო ოპოზიციის ნაწილი პარლამენტის მიერ უკრაინის მხარდამჭერი ერთობლივი რეზოლუციის მიღების ინიციატივით გამოდის. ინიციატივა „ლელოს“, „სტრატეგია აღმაშენებლისა“ და „ნაციონალური მოძრაობის“ საპარლამენტო ჯგუფს ეკუთვნის.

ამასთან საპარლამენტო ოპოზიციას მიაჩნია, რომ აუცილებელია საქართველო-უკრაინის მეგობართა ჯგუფის გააქტიურება და უახლოეს დღეებში ერთობლივი მხარდაჭერის დემონსტრირების მიზნით კიევში საპარლამენტო უმრავლესობის და ოპოზიციის ერთობლივი ვიზიტის ორგანიზება.

„ჩვენ გვაქვს კონკრეტული შეთავაზებები, მათ შორის ვითხოვთ „ქართულ ოცნებასთან“ კონსულტაციების, იმიტომ რომ აუცილებელია ამ ვითარებაში გვქონდეს ერთიანი პოზიცია უკრაინის მხარდაჭერასთან მიმართებაში და, შესაბამისად, გვაქვს კონკრეტული ინიციატივები, რაც შეიძლება საპარლამენტო დონეზე გავაკეთოთ უკრაინის მხარდასაჭერად“, - განაცხადა „სტრატეგია აღმაშენებლის“ წევრმა თეონა აქუბარდიამ.