ლევან ნიკოლეიშვილი მელიაზე: ხან ამბობს, მიშას ვეუბნებოდი ჩამოდიო, ხან ამბობს არ ჩამოხვიდეო. ვინ, ვინ და მელიამ ყველაზე კარგად იცის, რომ სააკაშვილი ციხიდან ვერ გამოვა, სანამ სასჯელს ვერ მოიხდის

ნიკანორ მელია კი არის შემჩნეული, რომ ერთს ამბობს და მეორეს აკეთებს, უფრო სწორედ კი ვერ აკეთებს, ან უფრო მართალი ვიქნები თუ ვიტყვი - თვითონ თუ იცის, ან რას ამბობს, ან რას აკეთებს, - ასე ეხმიანება ექსპერტი ლევან ნიკოლეიშვილი ნიკა მელის მიერ სააკაშვილის ჩამოსვლასთან დაკავშირებით გაკეთებულ განცხადებებს.

„ამ ყველაფრის მიზეზი ბევრი შეიძლება იყოს, მაგრამ მთავარი და უმთავრესი მაინც ის არის, რომ მელია უკვე მერამდენედ შეეჯახა რეალობას, და ამ რეალობის თავი და ბოლო ის, არის გაკოტრებული პარტიის ლიდერობა მოუწია, თან ისე, რომ ლიდერიც არის თუ არა, უკვე თვითონ არ იცის. უამრავი მაგალითის მოყვანა არცაა საჭირო, ხან ამბობს, მიშას ვეუბნებოდი ჩამოდიო, ხან ამბობს ვეუბნებოდი არ ჩამოხვიდეო. მოკლედ ვინ, ვინ და მელიამ მგონი ყველაზე კარგად იცის, რომ სააკაშვილი ციხიდან ვერ გამოვა, სანამ სასჯელს არ მოიხდის, თან ამერიკის ელჩმა, კელი დეგნანმაც დაამატა გუშინ, ჩვენ სასამართლოს გადაწყვეტილებას პატივს ვცემთო. ჰო და, რახან ასეა, დაანებეთ ამ სასამართლო პროცესებზე ერთი მუჭა მხარდამჭერების მიყვანას თავი, დროსაც ტყუილად ხარჯავთ და ფულსაც. ისე, როდის არის ხოლმე ნიკანორი გულწრფელი, უბრალოდ საინტერესოა, უბრალოდ”, - წერს ექსპერტი Facebook-ზე.

„ქრონიკამ“ გაავრცელა ექსკლუზიური მასალა, რომლის მიხედვითაც, ნიკა მელია, მიხეილ სააკაშვილის სასამართლოს პროცესის დროს, სასამართლოს ეზოში მხარდამჭერებს უმტკიცებს, თუ როგორი წინააღმდეგი იყო სააკაშვილის ჩამოსვლის, რადგან იცოდა, რომ უცხოეთი მხარს არ დაუჭერდა.