ნატალია გალიბარენკო: ვფიქრობ, ჩვენ და საქართველო აუცილებლად ვიქნებით ივნისის ნატოს სამიტზე

მადრიდის სამიტის ფორმატზე საუბარი ნაადრევია, მაგრამ ვფიქრობ, ჩვენ და საქართველოს აუცილებლად ვიქნებით ივნისის ნატოს სამიტზე. წევრ ქვეყნებს სურთ საქართველოსთან, უკრაინასთან, პარტნიორებთან მაღალ დონის შეხვედრა შედგეს. მადრიდში ჩვენ ვიხილავთ ნატოს სტრატეგიულ 2030 კონცეფციის დოკუმენტს, - ამის შესახებ უკრაინის ელჩმა ნატოში, ნატალია გალიბარენკომ ექსკლუზიურად „ქრონიკასთან“ განაცხადა.

მისი თქმით, თუ უკრაინა საშინაო დავალებას ასრულებს, მაშინ ალიანსმაც უნდა შეასრულოს პირობა, რომელიც უკრაინას მისცა.

„თუ ალიანსს სურს ესპანეთის სამიტზე ძალიან ამბიციური დოკუმენტის მიღება, რომელშიც მომავალ 10 წელზე იქნება საუბარი, მაშინ ვფიქრობ, უკრაინის ინტერესია ნატოს ამ დოკუმენტში მკაფიო გზავნილი იხილოს, რომ მოვემზადოთ. ამ 10 წელს გამოვიყენებთ ნატოს სრულუფლებიანი წევრობის მოსაპოვებლად. თუ უკრაინა საშინაო დავალებას ასრულებს, მაშინ ალიანსმაც უნდა შეასრულოს პირობა, რომელიც უკრაინას მისცა. ჩვენ ძალიან კმაყოფილები ვართ ბრიუსელის სამიტის დეკლარაციის ჩანაწერით, რომელმაც ბუქარესტი გაიმეორა. ჩემთვის მნიშვნელოვანი იქნება ბუქარესტის სამიტის გადაწყვეტილების მიმართ ერთგულების დადასტურება, რადგან ეს მომავალ გაფართოებას ეხება. ჩვენი სურვილია არამარტო პოლიტიკური განცხადებები მოვისმინოთ, არამედ ასევე პრაქტიკული გზაც ვიხილოთ, თუ როგორ გამოვიყენებთ ინსტრუმენტებსა და მომდევნო წლებს მომავალი გაწევრიანებისთვის. ჩვენ გამოვიყენებთ დროს საბოლოო მიზნის მისაღწევად. როდის მოხდება ეს ანუ როდის შევა უკრაინა ნატოში? ამ კითხვაზე ვერავინ პასუხს დღეს ვერ გაგცემთ. პოლიტიკური გარემო ცვალებადია. ვერავინ იწინასწარმეტყველებს თუ როდის და როგორ შეიცვლება. შესაძლოა, უახლოეს მომავალში ეს ცვლილებები ვიხილოთ, რაც უფრო სასარგებლო იქნება საქართველოსა და უკრაინისთვის ჯერ მაპის მისაღებად და შემდეგ ნატოში გასაწევრიანებლად. დროზე და თარიღზე სპეკულაციები არ გვსურს. მთავარია, უკრაინას დასახული აქვს მიზნად ნატოში გაწევრიანება, ჩვენ ყველაფერს გავაკეთებთ, ყველა რეფორმას გავატარებთ, შევასრულებთ საშინაო დავალებას და დაველოდებით წევრობას“, - განაცხადა