ხათუნა ბურკაძე: სამწუხაროდ, რუსეთს ძალის დემონსტრირების ენა უფრო მეტად ესმის და დღეს უპრეცედენტო ერთიანობა და სოლიდარობა გვმართებს

სამწუხაროდ, რუსეთს ძალის დემონსტრირების ენა უფრო მეტად ესმის და დღეს უპრეცედენტო ერთიანობა და სოლიდარობა გვმართებს, იმისთვის რომ წესებზე დაფუძნებული საერთაშორისო წესრიგის ერთგულმა ლიდერებმა აჩვენონ პუტინს და რუსეთის ფედერაციას, რომ საერთაშორისო სამართლის ფუნდამენტური ნორმების დარღვევას, რა თქმა უნდა, ძალიან მკაცრი რეაგირება მოჰყვება, რომელიც ზიანს მიაყენებს რუსეთის სახელმწიფო ინტერესებს და პოლიტიკური ხელმძღვანელობის მომავალს, - ამის შესახებ ხათუნა ბურკაძემ „ქრონიკაში“ განაცხადა. „ჯეოქეისის“ მკვლევარი მიიჩნევს, რომ საერთაშორისო თანამეგობრობის ნებისმიერი გადაწყვეტილება ამ შედეგზე უნდა იყოს ორიენტირებული.

„ეს მეტ მტკიცე გადაწყვეტილებას მოითხოვს. მათ შორის, ასევე, მივესალმები ბალტიისპირეთის ქვეყნებისა და პოლონეთის გადაწყვეტილებას იმასთან დაკავშირებით, რომ მათ ჩრდილოატლანტიკური ხელშეკრულების მეოთხე მუხლი, რაც ნიშნავს კონსულტაციების დაწყებას თავდაცვითი შესაძლებლობების გაძლიერების კუთხით და, მიუხედავად იმისა, რომ უკრაინა არ არის ნატოს წევრი ქვეყანა, დღეს ალიანსმა უნდა იფიქროს იმ არაორდინალურ გადაწყვეტილებებზე, რომლითაც მეტ ინსტრუმენტს შესთავაზებს უკრაინას, როგორც პარტნიორ სახელმწიფოს“, - განაცხადა ბურკაძე.

ვლადიმერ პუტინმა დონბასში „სპეციალური სამხედრო ოპერაციის“ ჩატარების გადაწყვეტილება მიიღო.

ვოლოდიმირ ზელენსკიმ უკრაინაში საომარი მდგომარეობა გამოაცხადა.