30 მარტი 2022, 18:34 / სანდო წყარო

პარლამენტმა „ამნისტიის შესახებ“ კანონპროექტი მეორე მოსმენით მიიღო

საქართველოს პარლამენტმა „ამნისტიის შესახებ“ კანონპროექტი პლენარულ სხდომაზე მეორე მოსმენით, მუხლობრივად განიხილა და 82 ხმით მიიღო. ერთმა კანონმდებელმა ხმა კანონპროექტის წინააღმდეგ მისცა.

საკანონმდებლო ინიციატივის ავტორმა, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ განაცხადა, რომ კანონპროექტის კომიტეტში მეორე მოსმენის განხილვის შედეგად, მასში გარკვეული ცვლილებები შევიდა.

მიხეილ სარჯველაძემ კანონპროექტის ძირითად არსზე საუბრისას, აღნიშნა, რომ ამნისტია ორი ბლოკისგან შედგება.

„პირველი უკავშირდება კოვიდპანდემიიდან გამომდინარე დაწესებული შეზღუდვების გამო გარკვეული სასჯელების შემცირებას, შესაბამისად, ამ კუთხით გვაქვს ოდნავ ახლებური მიდგომა იმ თვალსაზრისით, რომ ვისაც მოუწია გარკვეული პერიოდის განმავლობაში სასჯელის მოხდა და ერთთვიანი პერიოდია აღებული ასეთ პირობებში, ყველა მათგანზე იქნება გავრცელებული ამნისტია, გარდა ერთი გამონაკლისისა, რომელიც საქართველოს კონვენციურ მოვალეობას უკავშირდება, კერძოდ, წამების დანაშაულებისთვის მსჯავრდებულ პირებზე ამნისტიის გაუვრცელებლობას.

მეორე საკითხი, რაც აღნიშვნას იმსახურებს, არის ის, რომ შემოვიტანეთ დიფერენცირებული მიდგომა, რომელიც შემოთავაზებული იყო, მათ შორის, ალტერნატიული კანონპროექტით, რომელიც წარმოდგენილი იყო ამ კანონპროექტთან დაკავშირებით. ეს დიფერენცირებული მიდგომა გულისხმობს ორ წლამდე თავისუფლების აღკვეთის სასჯელის მქონე პირთათვის შედარებით მცირე შეღავათის გავრცელებას და შედარებით მეტი შეღავათის გავრცელებას იმ პირებზე, ვისაც სასჯელის სახით ორ წელზე მეტი ვადით თავისუფლების აღკვეთა ჰქონდა გათვალისწინებული. ასევე დამატებით შეღავათია გათვალისწინებული ქალებისთვის, არასრულწლოვნებისთვის და 70 წელს ზემოთ მყოფი ხანდაზმული პირებისთვის, შესაბამისად, მათთან მიმართებაში ოდნავ დიდი იქნება ამნისტიით გათვალისწინებული შეღავათი“, - განაცხადა მომხსენებელმა.

მისივე თქმით, საკითხების მეორე ბლოკი უკავშირდება 2004 წლამდე ჩადენილ დანაშაულებს: „გაფართოვდა წრე იმ დანაშაულებისა, რომლისთვისაც არ იქნება გათვალისწინებული შეღავათი და შესაბამისად, ქმედებები არ დაექვემდებარება ამნისტირებას“, აღნიშნა მიხეილ სარჯველაძემ.

მომხსენებელმა კანონპროექტის მუხლობრივად განხილვისას, კოლეგებს საკომიტეტო განხილვის შემდეგ შეტანილი ცვლილებები გააცნო. მისივე თქმით, დამატებითი კონსულტაციების შედეგად მცირედით მოხდა იმ ვადების გაზრდა, რომლებიც შეღავათის სახით იქნება გათვალისწინებული.

დეტალური მუხლობრივი განხილვის შემდეგ, კანონპროექტთან დაკავშირებით, უფრაქციო პარლამენტის წევრებმა, პოლიტიკური ჯგუფებისა და ფრაქციების წარმომადგენლებმა პოზიციები დააფიქსირეს.

უფრაქციო პარლამენტის წევრმა, შალვა შავგულიძემ განაცხადა, რომ ის მიესალმება ამნისტიის იმ ნაწილს, რაც კოვიდამნისტიას შეეხება, თუმცა მხარს არ უჭერს კანონპროექტის მეორე ნაწილს.

„ძალიან კარგია ამნისტიის აქტის პირველი ნაწილი, რომელიც შეეხება კოვიდამნისტიას იმიტომ, რომ პატიმრებისთვის ამ პერიოდში მართლაც იყო სერიოზული შეზღუდვები და ამის კომპენსირება ხდება. მივესალმები ამნისტიის ამ წილს, მაგრამ ეს კარგი განზრახვა დამძიმებულია ძალიან არასრულფასოვნად დამუშავებული მეორე ნაწილით, რომელიც ცალკე კიდევ შეიცავს გარკვეულ სერიოზულ პოლიტიკურ რისკებს, მაგრამ რისკებსაც რომ თავი დავანებოთ სამართლებრივად არ არის სრულფასოვნად დამუშავებული“, - აღნიშნა შალვა შავგულიძემ.

ფრაქცია „ლელო“ - პარტნიორობა საქართველოსთვის“ წევრის, ანა ნაცვლიშვილის შეფასებით, ეს არის საჭირბოროტო და მნიშვნელოვანი ინიციატივა, რომლისთვისაც მან მადლობა გადაუხადა ინიციატორებს.

„როდესაც ადამიანი არის ციხეში, სახელმწიფოს აქვს სრული კონტროლი მასზე და სახელმწიფო არის პასუხისმგებელი, რომ ის არ დაავადდეს ინფექციური დაავადებით. ამიტომ იმ შეზღუდვების დაწესება სახელმწიფოს ვალდებულება იყო და იმ შეზღუდვების შედეგად დაზიანებული უფლებების კომპენსირებაც დღეს სახელმწიფოს ვალდებულებაა“, - განაცხადა ანა ნაცვლიშვილმა.

საპარლამენტო პოლიტიკური ჯგუფი „გირჩის“ თავმჯდომარეს იაგო ხვიჩიას მიაჩნია, რომ ამნისტია კანაფის მოხმარებისთვის მსჯავრდებულებსაც უნდა შეეხოს და კოლეგებს აღნიშნულის მხარდაჭერისკენ მოუწოდა.

„რა გახდა, რომ ადამიანები, რომლებიც არ არიან მოძალადეები, რომლებსაც არავისთვის არაფერი დაუშავებიათ, გავათავისუფლოთ ისეთი დანაშაულისთვის, რომელიც დღეს დადასტურებულად ვიცით, რომ საფრთხეს არ წარმოადგენს. არ გვაქვს რაიმე განსაკუთრებული სტატისტიკა ძალადობის, მკვლელობის თუ ავტოსაგზაო შემთხვევის მას შემდეგ რაც ნარკოპოლიტიკა ასე თუ ისე შევცვალეთ. პირიქით, შემცირდა მომხმარებლების რაოდენობა, შემცირდა გარდაცვალების რაოდენობა, რომლებიც რაღაც უცნაურ ნარკოტიკს მოიხმარდნენ. ამიტომ გთხოვთ მხარდაჭერას, რომ ამნისტია შეეხოს ხალხს, რომელიც კანაფის გამო ზის ციხეში“, - განაცხადა იაგო ხვიჩიამ.

პოლიტიკური ჯგუფის „ევროპელი სოციალისტების“ სახელით, „ამნისტიის შესახებ“ კანონპროექტი, პარლამენტის წევრმა, დავით ზილფიმიანმა შეაფასა. მისი განცხადებით, კანონპროექტის განხილვისას, ოპოზიციიდან და მმართველი გუნდის წარმომადგენლებისგან პროფესიონალური მსჯელობა გაიმართა, თუმცა მათი გამოსვლები და შეფასებები ორ ჯგუფად გაიყო. მისი თქმით, გამომსვლელების ნაწილმა მზაობა გამოთქვა მხარი დაუჭირონ უფრო ფართო ამნისტიას, ნაწილი კი პირიქით, მის შეკვეცაზე საუბრობდა.

„ამ ტიპის დოკუმენტთან, მიუხედავად იმისა რომ დეტალურ მსჯელობაში არ შევედით, ყოველთვის მზად ვიქნებით და მხარს დავუჭერთ ნებისმიერი სახის ამნისტიას, პრინციპით - „რაც უფრო დიდია უკეთესია, რაც უფრო ფართოა უკეთესია“. ეს იქნება და დარჩება ჩვენს პრინციპად. ჩვენი მხარდაჭერა გაქვთ და გექნებათ თუ კიდევ რამე მსგავსი დოკუმენტი მომზადდება. გამომდინარე აქედან მინდა მადლობა გადავუხადო იმ ჯგუფს, რომლებმაც დრო შესწირეს და იმუშავეს ამ პროექტზე, რომელიც ნებისმიერ შემთხვევაში, პოზიტივის მატარებელი ქმედება და დოკუმენტია“, - განაცხადა დავით ზილფიმიანმა.

ფრაქცია „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წევრის დავით კირკიტაძის განცხადებით, წარმოდგენილ კანონპროექტს ჰქონდა შანსი, რომ გამხდარიყო საყოველთაოდ მხარდაჭერილი. მისი თქმით, ოპოზიციის მხრიდან ერთსულოვნად არის მხარდაჭერილი ამნისტიის პირველი ნაწილი, რომელიც ჰუმანური პრინციპიდან გამომდინარე ეხება კოვიდპანდემიის შეზღუდვის სამართლიანი კომპენსირების მიზანს, თუმცა არ ეთანხმებიან კანონპროექტის მეორე ნაწილს.

„ამ ამნისტიით თავისუფლდებიან ადამიანები, რომლებიც ხელისუფლების შეცვლის შემდეგ თავს აფარებდნენ ჩვენს ოკუპანტ ქვეყანას, ეს ადამიანები იყვნენ კორუმპირებულები და იპარავდნენ იმას, რაც ეკუთვნოდათ ქართველ ხალხს. ამ მუხლის გამო არ ვაპირებთ მხარი დავუჭიროთ კანონპროექტს. ჩვენ არ ვაპირებთ გავიზიაროთ ეს პოლიტიკური პასუხისმგებლობა“, - განაცხადა დავით კირკიტაძემ.

ფრაქცია „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წევრის, რომან გოცირიძის შეფასებით, კანონპროექტი “ქართული ოცნების“ პოლიტიკურ ინტერესებზეა მორგებული.

„ეს არის უზნეო კანონპროექტი, რომელიც, ძირითადად, განპირობებულია პოლიტიკური სიმპათიებით. არაერთხელ იქნა აქ ნახსენები სიტყვა „საკრალური“. რატომ 2004 და არა 2005? ანუ, შევარდნაძის დროინდელი კორუმპირებული ელიტისთვის დამახასიათებელი დანაშაული 2004 წლამდე თურმე უნდა იყოს ნაპატიები და 2005 წელს რომ ვიღაცამ რაღაც მოიპარა, ის რატომ არა? იმიტომ, რომ ფაქტობრივად, ეს ნიშნავს იმას, რომ ამ კანონს შეიძლება, ვუწოდოთ სახელი „ვარდების რევოლუციამდე ჩადენილი დანაშაულებების პატიების აქტი“,- განაცხადა რომან გოცირიძემ.

არჩილ თალაკვაძე: „ჩვენ მხარს ვუჭერთ ამნისტიის კანონპროექტს და მხარს ვუჭერთ ჰუმანურ გადაწყვეტილებებს სასჯელაღსრულების სისტემაში მყოფ პატიმართა მიმართ იმ ფარგლებში, როდესაც მართლწესრიგი და ჩვენი საზოგადოების უსაფრთხოება გახლავთ გონივრულად დაცული“,-განაცხადა ვიცე-სპიკერმა არჩილ თალაკვაძემ კანონპროექტთან დაკავშირებით.

მისივე თქმით, ეს არის კიდევ ერთი ამნისტიის კანონპროექტი, რომელიც „ქართული ოცნების“ პოლიტიკურმა გუნდმა პარლამენტში შეიმუშავა და რომელიც ზუსტად ამ პრინციპს მიესადაგება - ერთი მხრივ, ჰუმანური მიდგომები, ჰუმანური სისხლის სამართლებრივი პოლიტიკა და მეორე მხრივ - საზოგადოების ინტერესების და საზოგადოების უსაფრთხოების დაცვა.

არჩილ თალაკვაძე კანონპროექტთან დაკავშირებით ოპოზიციის მხრიდან გამოთქმულ კრიტიკულ შეფასებებსაც გამოეხმაურა. ვიცე-სპიკერის განცხადებით, ადამიანები, ვინც დღეს კრიტიკულ მოსაზრებებს გამოთქვამენ, იქნებოდნენ პირველები უმწვავეს კრიტიკაში, რომელიმე პატიმარს პენიტენციური სისტემის დაუდევრობის და ჯანდაცვის სისტემის არასათანადო გადაწყვეტილების გამო საფრთხე რომ დამუქრებოდა.

„არ მეგონა, დღეს კიდევ, თუ თქვენ თავს მისცემდით უფლებას და პენიტენციურ სისტემასთან დაკავშირებით გააკრიტიკებდით ხელისუფლებას. იმ სისტემასთან დაკავშირებით, სადაც რეალურად თქვენ, ხელისუფლებაში ყოფნის დროს გქონდათ ყველაზე მძიმე ჩავარდნები და ყველაზე მძიმე დარღვევები“,-განაცხადა არჩილ თალაკვაძემ.

მომხსენებელმა, მიხეილ სარჯველაძემ დასკვნით სიტყვაში განაცხადა: „არ ეყოთ არც პოლიტიკური ალღო, არც პოლიტიკური პასუხისმგებლობა, არც პოლიტიკური კეთილსინდისიერება ბევრ აქ მყოფ ოპოზიციონერს, რაც ძალიან ცუდი ამბავია“.

კომიტეტის თამჯდომარის განცხადებით, ყველამ უნდა იცოდეს, რომ ნებისმიერი ამნისტიის დროს, ნებისმიერი დამნაშავე, რომელიც იქნება ამნისტირებული, მის დანაშაულს არავინ იწონებს - ამნისტიის აქტი არ ნიშნავს მის მიერ ჩადენილი ქმედების მოწონებას.

„ვისარგებლებ შესაძლებლობით და ყველა ადამიანის გასაგონად ვიტყვი, ვთხოვ პირადად, რომ აუცილებლად გაუფრთხილდნენ და დააფასონ სწორად ამ შემთხვევაში ეს მისაღები გადაწყვეტილება იმიტომ, რომ მათი მხრიდანაც მოსალოდნელია რომ იყოს აბსოლუტურად პასუხისმგებლიანი დამოკიდებულება, თუნდაც ამ შეღავათთან მიმართებით. მესმის, რომ რისკები შეიძლება გაიზარდოს და დანაშაულის რეციდივს ჰქონდეს ადგილი, მაგრამ ეს არამც და არამც არ ნიშნავს იმას, ესეც უპასუხისმგებლობა იქნებოდა, რომ ამის შიშით ხელი აგვეღო ამ სწორ განზრახვაზე. ყველას ვთხოვ, განსაკუთრებული პასუხისმგებლობით და განსაკუთრებული გულისხმიერებით მიიღონ და დააფასონ ამ შემთხვევაში ეს გადაწყვეტილება“, - განაცხადა მიხეილ სარჯველაძემ.

ყველა სიახლე

ირაკლი კობახიძე

30 იანვარი 2023, 00:30

პოლიტიკა

ესპანური პრესა ირაკლი კობახიძის ვიზიტზე: მას მიაჩნია, რომ ბასკეთს საქართველოს ევროპული მისწრაფებების რეალიზაციაში საკვანძო როლი ექნება

კობახიძემ ხაზგასმით აღნიშნა, რომ საქართველოსა და ბასკეთს უამრავი ტრადიცია აერთიანებს და მომავალში ამ კავშირების გაძლიერების მოწოდებით გამოვიდა. გარდა ამისა, მას მიაჩნია, რომ ბასკეთს შეიძლება საკვანძო როლი ჰქონდეს საქართველოს ევროკავშირში გაწევრიანების მისწრაფების მხარდაჭერაში.

რამაზ საყვარელიძე

30 იანვარი 2023, 00:08

პოლიტიკა

რამაზ საყვარელიძე: პრაქტიკულად, პარტიაში ორივე მხარემ იმუშავა იმაზე, რომ „ნაციონალური მოძრაობა“ დაიშალოს

„გამოავლინა მათი რეალური პოტენციალი, გაუგებრობები გააჩინა კენჭისყრის პროცესში, ინტელექტუალური შეცდომების მთელი პარადია! პარტიას, რომელთანაც შენ გინდა წარდგე, როგორც ლიდერი, იმ პარტიას ასეთ დღეში რომ აგდებ, ისეთი სიტყვაკაზმული ტექსტები ვნახეთ, რომ წესით ეს ადამიანები ერთმანეთს არ უნდა შეხვდნენ. პრაქტიკულად, ორივე მხარემ იმუშავა იმაზე, რომ პარტია დაიშალოს“, - განაცხადა საყვარელიძემ.

30 იანვარი 2023, 00:03

რეგიონი

გომი-საჩხერე-ჭიათურა-ზესტაფონის გზის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის და დაბალი ტემპერატურის გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ40 მონაკვეთზე, აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

29 იანვარი 2023, 23:58

რეგიონი

გუდაური(ფოსტა)-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აკრძალულია

თოვისა და ძლიერი ყინვის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

პეტრე მამრაძე

29 იანვარი 2023, 23:50

პოლიტიკა

პეტრე მამრაძე: 2008 წლის აგვისტოს შემდეგ, ვანო ეუბნება სააკაშვილს: „მიშა, ხომ იცი, რუსების გარეშე ძალაუფლებაში ვერ დავრჩებით, ვერ გავძლებთ“

„2008 წლის აგვისტოს შემდეგ, ვანო ეუბნება სააკაშვილს, თავისი ფორმით, თავს რომ ჩაღუნავდა: „მიშა, მიშა, ხომ იცი, რუსების გარეშე ძალაუფლებაში ვერ დავრჩბით, ვერ გავძლებთ, მიშა“. ამის შემდეგ ვანო ხშირად დადის, სულ ყალბი პასპორტებით, ერევანში, ბაქოსა და მინსკში, სადაც ხვდებოდა თავის რუს კოლეგებს - უშიშროების და შინაგან საქმეთა მინისტრებს. ეს ცნობილია. რა თქმა უნდა, სააკაშვილის ნებართვით“, - იხსენებს მამრაძე.

29 იანვარი 2023, 23:45

რეგიონი

ნაქერალას უღელტეხილსა და საჩხერე(სარეკი)-უზუნთა-შქმერი-ზუდალის გზაზე ცალკეული სახის ავტოტრანსპორტის მოძრაობა აკრძალულია

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, ინტენსიური თოვის გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული ამბროლაურის საავტომობილო გზის კმ39-კმ62 (ნაქერალას უღელტეხილი) მონაკვეთზე და ასევე საჩხერე(სარეკი)-უზუნთა-შქმერი-ზუდალის საავტომობილო გზაზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

გურამ მაჭარაშვილი

29 იანვარი 2023, 23:34

პოლიტიკა

გურამ მაჭარაშვილი: USAID-ის ერთ-ერთი პროექტი ქართულ მართლმსაჯულებაში რეფორმების მათი სურვილების შესაბამისად გატარებაა

ჩვენ ვიცით, რომ USAID-ი შეერთებული შტატებიდან ფინანსდება, ისიც ვიცით, რომ ეს საკმაოდ დიდი ორგანიზაციაა, რომელსაც სხვადასხვა პროექტი აქვს. მათ შორის, ერთ-ერთი პროექტი ქართულ მართლმსაჯულებაში რეფორმების მათი სურვილების შესაბამისად გატარებაა. მათი სურვილები იმაში მდგომარეობს, რომ ქართულ მართლმსაჯულებაზე კონტროლი დაამყარონ, მათ შორის, იუსტიციის საბჭოს მეშვეობით, - აცხადებს „ხალხის ძალის“ ერთ-ერთი ლიდერი გურამ მაჭარაშვილი. მისივე თქმით, თუ იუსტიციის უმაღლეს საბჭოში გადაწყვეტილებები არასამთავრობო სექტორის თანხმობის გარეშე ვერ მიიღება, ნიშნავს, რომ ადგილობრივი მართლმსაჯულების სისტემა გარე ძალების კონტროლის ქვეშ აღმოჩნდება.

დიმიტრი ხუნდაძე

29 იანვარი 2023, 23:33

პოლიტიკა

დიმიტრი ხუნდაძე Credit Suisse-ზე: ჩათვალეს, რომ ფინანსური პრესის გამო ხელისუფლებაზე გავლენას მოახდენს და ქვეყანა ომში ჩაერთვება, მაგრამ ბატონ ბიძინას არ იცნობენ, ის ასეთ გადაწყვეტილებას არ მიიღებს

„იმის გამო, რომ საქართველოს ხელისუფლება უარს ამბობს ქვეყანაში მეორე ფრონტის გახსნაზე, დადგა ამოცანა - როგორ მოარგონ ხელისუფლებას გასაღები ისე, რომ ეს გადაწყვეტილება მიაღებინონ. გამოსავალი ბატონი ბიძინა ივანიშვილის როლის პოლიტიკურად გააქტიურებაში დაინახეს - მან გავლენა უნდა მოახდინოს ხელისუფლებაზე, რომელიც, ვიდრე პოლიტიკაში იყო, მისი პოლიტიკური გუნდია. იციან, რომ მისი ფიგურა ანგარიშგასაწევია. რადგან ბატონი ბიძინაც არ თანხმდება, რომ ხელისუფლებას გადაადგმევინოს სცენარის ავტორებისთვის სასურველი ნაბიჯები (ანუ ქვეყანა ომში ჩაერთოს და მხარედ დაფიქსირდეს), ბატონ ბიძინაზე შანტაჟი დაიწყეს - ჩათვალეს, რომ ფინანსური პრესი მისთვის ამდაგვარი გადაწყვეტილების მიღების საფუძველი იქნებოდა. აქ მათ შეცდომა დაუშვეს, რადგან ისინი ბატონ ბიძინას არ იცნობენ - ის ასეთ გადაწყვეტილებას არავითარი ციფრების ფასად არ იღებს და არც მიიღო“, - აცხადებს ხუნდაძე.

დავით გურგენიძე

29 იანვარი 2023, 23:00

საზოგადოება

რას იკვლევენ ქართელი მეცნერები „ცერნში“ - „იმედის კვირის“ რეპორტაჟი

მზადდება ჩარჩო ხელშეკრულება, რომლითაც „ცერნის“ მიერ განსახორციელებელ კვლევებში ტექნიკური უნივერსიტეტი, ქუთაისი საერთაშორისო და ივანე ჯავახიშვილის სახელობის თბილისის სახელმწიფო უნივერსიტეტები იქნებიან ჩართული, - ამის შესახებ „იმედის კვირას“ საქართველოს ტექნიკური უნივერსიტეტის რექტორმა, დავით გურგენიძემ განუცხადა.

ოლაფ შოლცი

29 იანვარი 2023, 22:55

მსოფლიო

ოლაფ შოლცი: რუსეთის პრეზიდენტთან მოლაპარაკების გაგრძელება აუცილებელია

რუსეთის პრეზიდენტთან მოლაპარაკების გაგრძელება აუცილებელია, - ამის შესახებ გერმანიის კანცლერმა გამოცემა „ტაგეშ პიგელს“ განუცხადა.

მიხეილ ყაველაშვილი

29 იანვარი 2023, 22:50

პოლიტიკა

მიხეილ ყაველაშვილი: სააკაშვილი უდიდესი ინფორმაციის მატარებელია. ვიდეოს გადაღების დროს ამბობდა გამიტაცესო. რაღაც პრევენციულ განცხადებებს აკეთებდა

„არ არის გამორიცხული, რომ მათ წარმომადგენლებს თავად ჰქონდეთ ურთიერთობა და სააკაშვილსაც. იმდენი რამე იკადრეს, რომ არც ესაა გასაკვირი. ძალიან ბევრი კითხვის ნიშნებია ომთან დაკავშირებითაც, მის ქმედებებზე და საქართველოში ჩამოსვლაზე. მათ აქვთ კომპრომატები და ცდილობენ ისინი ერთმანეთის წინააღმდეგ გამოყენებას. იმდენად ბინძური ძალაა, რომ შეუძლიათ ერთმანეთს ეს აკადრონ. ამას ხედავს ქართული საზოგადოება. ამ ადამიანების ნდობა არ შეიძლება. თანამებრძოლები სწირავენ ერთმანეთს და ხომ წარმოგიდგენიათ, მათგან განცალკევებულ ძალას რას აკადრებენ“, - ამბობს ყაველაშვილი.

ნიკო ჩხეტიანი

29 იანვარი 2023, 22:41

საზოგადოება

ნიკო ჩხეტიანი: ნებისმიერ დიდ ინფრასტრუქტურულ პროექტთან პირდაპირ გამოცხადებულია ომი მხოლოდ ერთი მიზნით - ნებისმიერი აქტივობა, რაც დღეს ხორციელდება, გამოცხადდეს დანაშაულად და ბოროტებად

„არსებობის 27 წლის განმავლობაში ფონდ „ქართუს“ იმდენი ობიექტი აქვს გადაცემული სახელმწიფოსთვის - მაგალითად, იპოდრომის ტერიტორია ვაჩუქეთ ქალაქს, შეკვეთილში ღია საკონცერტო დარბაზი, გავარემონტეთ და ისევ სახელმწიფოს გადავეცით აბსოლუტურად ყველა დრამატული ქალაქი, ნულიდან შევქმენით რაგბის სტადიონების ქსელი და გადავეცით სახელმწიფოს. საზოგადოებრივი ცხოვრების რა სფეროც არ უნდა ვახსენოთ, ყველგან გვაქვს განხორციელებული ქველმოქმედების მაგალითები“, - განმარტავს ჩხეტიანი.

29 იანვარი 2023, 22:30

საზოგადოება

სკანდალური მიმოწერა თეოლოგთა დახურული ჯგუფიდან - „იმედის კვირის“ რეპორტაჟი

არაეთიკური შინაარსის მიმოწერა, სადაც გოჩა ბარნოვი, შეურაცხმყოფელი ეპითეტებით მოიხსენიებს პატრიარქს, ქართულ მართლმადიდებელ ეკლესიასა და მღვდელმთავრებს გოჩა ბარნოვისა და მისი თანამოაზრე თეოლოგების ჯგუფიდანაა და „იმედის კვირას“ სანდო წყარომ მიაწოდა.

დევიდ ჰოფმანი

29 იანვარი 2023, 22:16

პოლიტიკა

დევიდ ჰოფმანი: ნამდვილად ვერ ვისაუბრებ იმ ორგანიზაციების სახელით, რომელთა თანამშრომლებმაც გარკვეული განცხადება გააკეთეს

„​რაც შეეხება თქვენს კითხვას იმ წინადადებასთან დაკავშირებით, რომელიც პარტნიორების ვებგვერდზე იხილეთ, ეს მოსაზრება CRRC-ისა და IRI-ს კვლევებს ეფუძნება. სამწუხაროდ, მე არ ვარ კანონის უზენაესობის სფეროში მომუშავე, იურისტიც კი არ ვარ. შესაბამისად, პირადად ჩემს მოსაზრებას ვერ გაგიზიარებთ, თუ რამდენად პოზიტიურად შეიცვალა სასამართლო სისტემა საქართველოში ხელისუფლების ცვლილების შემდეგ. გეტყვით, რომ ყოველთვის არის რაღაც, რაც შეიძლება გაუმჯობესდეს და ასევე არის წარმატებებიც, რომლებსაც ერთად ვზეიმობთ. რაც შეეხება გასაუმჯობესებელ სივრცეს, ეს არ ეხება მხოლოდ საქართველოს სასამართლოს. საუბარია ამერიკის სასამართლო სისტემაზეც. ჩვენთანაც არის ასეთი საკითხები. აქ ერთი მთავარი, რომ მოსამართლეთა საქმიანობა უნდა იყოს დამოუკიდებელი და გამჭვირვალე“, - ამბობს ჰოფმანი.

ანრი ოხანაშვილი

29 იანვარი 2023, 22:01

პოლიტიკა

ანრი ოხანაშვილი: ნებისმიერი მცდელობა, წარმოჩინდეს, თითქოს საქართველოს მოქალაქეს სასამართლოს მიმართ დღეს ნდობა არ აქვს, ეს ობიექტური მოცემულობის მიზანმიმართული დამახინჯებაა

ნებისმიერი მცდელობა, წარმოჩინდეს, თითქოს საქართველოს მოქალაქეს სასამართლოს მიმართ დღეს ნდობა არ აქვს, ეს ობიექტური მოცემულობის მიზანმიმართული დამახინჯებაა, - ამის შესახებ იურიდიულ საკითხთა კომიტეტის თავმჯდომარემ, ანრი ოხანაშვილმა „იმედის კვირას“ განუცხადა.

ლევან მურუსიძე

29 იანვარი 2023, 21:52

სამართალი

ლევან მურუსიძე: სამოქალაქო სექტორი ბოროტად იყენებს დონორი ორგანიზაციებისგან მიღებულ თანხებს, მათ ნდობას და ეწევიან სასამართლოს დისკრედიტაციას

„შეკითხვა დავუსვი, რომ აღნიშნული ორგანიზაციები, როდესაც სასამართლოს დისკრედიტაციასა და მოსამართლის დემონიზაციას ეწევიან, ხშირად არგუმენტად მოჰყავთ, რომ მათ უკან დგანან დონორები, რომლებიც მათ აფინანსებენ. აქედან გამომდინარე, ჩემი შეხვედრის მთავარი პათოსი იყო ის, რომ მეკითხა, სიმართლეა ეს თუ არა. ამერიკის შეერთებული შტატებიდან მოდის დახმარება, თუმცა რეალურად მათი ფინანსებით იმაზე მეტი ზიანის მიყენება ხდება სასამართლოს სისტემის პრესტიჟისადმი, ვიდრე დახმარება. ამას გულწრფელად ვიძახი. სამოქალაქო სექტორი ბოროტად იყენებს დონორი ორგანიზაციებისგან მიღებულ თანხებს, მათ ნდობას და ეწევიან სასამართლოს დისკრედიტაციას, - განაცხადა მურუსიძემ.

ვიქტორ ყიფიანი

29 იანვარი 2023, 21:39

სამართალი

ვიქტორ ყიფიანი Credit Suisse-ის საქმეზე: თუ ჩვენ ვსაუბრობთ შვეიცარიის საბანკო სისტემის მდგრადობაზე, მაშინ ვსვამ კითხვას, სად არის შვეიცარიის კონფედერაციის ზედამხედველი და რატომ არ იღებს ის სათანადო და გადამჭრელ ღონისძიებებს

ჩვენ ვსვამ კითხვას, სად არის შვეიცარიის კონფედერაციის ზედამხედველი და რატომ არ იღებს ის სათანადო და გადამჭრელ ღონისძიებებს, რომ ეს გაუგონარი უსწორობა გამოსწორდეს, - ამის შესახებ იურიდიული ფირმა „ემ ქეი დის“ უფროსმა პარტნიორმა ვიქტორ ყიფიანმა „იმედის კვირას“ Credit Suisse-ის საქმეზე საუბრისას განუცხადა.

მიხეილ ყაველაშვილი

29 იანვარი 2023, 21:34

პოლიტიკა

მიხეილ ყაველაშვილი ალასანიაზე: უკვე ღიმილისმომგვრელია მათი განცხადებები. ხელის გულზეა ყველაფერი

„უკვე ღიმილისმომგვრელია მათი განცხადებები. ხელის გულზეა ყველაფერი. მას [სააკაშვილს] გათვითცნობიერებული აქვს, რომ სასჯელის მოხდა უწევს და ვერ ეგუება ამ სტატუსს. ეს არის თაღლითურ კორპორაცია საერთაშორისო დონეზე. მახსენდება მელიას, ხატია დეკანოიძის განცხადებები, თუ რამდენად შეუძლებელია სააკაშვილის საქართველოში მკურნალობა. სააკაშვილი თურმე თავად აირჩევს, სად ურჩევნია მკურნალობა. პირდაპირ მიდის ძალადობრივი ქმედება სააკაშვილის დასახსნელად. არც ახსოვთ საკუთარი განცხადებები და შეუძლიათ ასე უხეშად შეცვალონ მოთხოვნა და განცხადებები. ეს არის თაღლითების კრებული და ცდილობენ ნაცარი შეაყარონ საზოგადოებას, იკადრონ ყველაფერი მიზნის მისაღწევად“, - ამბობს ყაველაშვილი.

ირაკლი კობახიძე

29 იანვარი 2023, 21:14

პოლიტიკა

ირაკლი კობახიძე: „კრედიტ სუისი“ გამოიყენება პოლიტიკური შანტაჟისთვის ბიძინა ივანიშვილის წინააღმდეგ

„შანტაჟის მცდელობაზე მინიშნებები ივანიშვილმაც გააკეთა. ეს არის განზრახვა, რომ საქართველო იყოს ჩართული სამხედრო კონფლიქტში, რომელიც ამჟამად მიმდინარეობს უკრაინაში. ეს ადამიანი არავითარ შემთხვევაში შანტაჟს არ დაექვემდებარება და მით უმეტეს მეორე მხარეს დგას ის, რაც შეიძლება იყოს უკიდურესი ზიანის მომტანი საქართველოსთვის. საუბარია ქვეყნის თვითგანადგურებაზე ხელის მოწერაზე. ამას ბიძინა ივანიშვილი არ გააკეთებს. 2012 წელს სიცოცხლის რისკის ფასად შემოვიდა ქართულ პოლიტიკურ პროცესში, რათა ქვეყანაში რადიკალურად შეცვლილიყო უკეთესობისკენ ვითარება და ის არ მოაწერს ხელს საკუთარი ქვეყნის განადგურებას“, - აცხადებს კობახიძე.

ნიკოლოზ სამხარაძე

29 იანვარი 2023, 21:09

პოლიტიკა

ნიკოლოზ სამხარაძე: ნიშანდობლივია, რომ ირაკლი კობახიძისთვის ჯილდოს გადაცემა ხდება 2023 წელს. წლის მეორე ნახევრიდან ესპანეთი იქნება ევროკავშირის თავმჯდომარე ქვეყანა, როდესაც საქართველოსთვის კანდიდატის სტატუსის მინიჭება უნდა გადაწყდე

ნიშანდობლივია, რომ ირაკლი კობახიძისთვის ჯილდოს გადაცემა ხდება 2023 წელს. წლის მეორე ნახევრიდან ესპანეთი იქნება ევროკავშირის თავმჯდომარე ქვეყანა, როდესაც საქართველოსთვის კანდიდატის სტატუსის მინიჭება უნდა გადაწყდეს და ამ შემთხვევაში ბასკური ხმა ესპანეთის პოლიტიკაში ძალიან მნიშვნელოვანი, - ამის შესახებ საპარლამენტო უმრავლესობის წევრმა, ნიკა სამხარაძემ განაცხადა.