ხათუნა სამნიძე: ვინც არ უნდა იყოს ამ დელეგაციაში, ეს იქნება უკრაინაში საქართველოს სახელით ჩასული დელეგაცია

ვინც არ უნდა იყოს ამ დელეგაციაში ეს იქნება საქართველოს სახელით ჩასული დელეგაცია უკრაინაში და ეს არის სასიცოცხლოდ მნიშვნელოვანი ჩვენი ურთიერთობებისთვის. თუ რომელიმე ოპოზიციური პარტია თვლის, რომ დღეს, ამდენ საპარლამენტო დელეგაციაში არ უნდა იყოს ოპოზიციური პარტია, იმიტომ რომ ხელისუფლებაშია „ქართული ოცნება“, ვთვლი, რომ ეს არის ქვეყნისთვის დამაზიანებელი განცხადება, - ამის შესახებ „რესპუბლიკური პარტიის“ ლიდერმა, ხათუნა სამნიძემ განაცხადა.

„ეს პარლამენტი არის საქართველოს პარლამენტი და არა „ქართული ოცნების“ პარლამენტი. როცა ვაკეთებთ განცხადებებს, პირველ რიგში უნდა იდგეს ქვეყნის ინტერესი და არა პარტიული. ველოდებით, რომ საბოლოო, საორგანიზაციო შეხვედრაზე სპიკერთან „ნაციონალური მოძრაობის“ ფრაქციის თავმჯდომარე გააჟღერებს პარტიის პოზიციას“, - აღნიშნა სამნიძემ.