25 ივლისი 2022, 15:42 / სანდო წყარო

სუბარი, ხუნდაძე, ყაველაშვილი კელი დეგნანს: თქვენ თანაუგრძნობთ ბაკურიანის რევოლუციურ შეკრებას და იზიარებთ მთავრობის გადადგომისა და ტექნიკური მთავრობის ფორმირების მოთხოვნას

თქვენ თანაუგრძნობთ ბაკურიანის რევოლუციურ შეკრებას და იზიარებთ მთავრობის გადადგომისა და ტექნიკური მთავრობის ფორმირების მოთხოვნას, - ამის შესახებ აღნიშნულია პარლამენტის წევრების: სოზარ სუბარის, დიმიტრი ხუნდაძე და მიხეილ ყაველაშვილის ღია წერილში, რომლითაც ისინი აშშ-ის ელჩს საქართველოში კელი დეგნანს მიმართავენ.

პარლამენტარებმა ელჩს დღეს კიდევ ერთი ღია წერილით მიმართეს.

„უკვე ორ კვირაზე მეტი გავიდა მას შემდეგ, რაც მოგმართეთ ღია წერილით და რამდენიმე კითხვით, რომელიც ქართული საზოგადოების განსაკუთრებული ინტერესის საგანია. თუმცა, სამწუხაროდ, არცერთ ჩვენს კითხვაზე პასუხი არ მიგვიღია.

კიდევ ერთხელ განვმარტავთ, რომ ჩვენს მიერ კითხვების დასმის მიზანი არა აშშ-ზე თავდასხმა, არამედ სწორედ მისი დადებითი იმიჯისა და რეპუტაციის დაცვა გახლდათ. ჩვენთვის მნიშვნელოვანი იყო, ქართულ საზოგადოებას არ დაეკარგა ნდობა სტრატეგიული პარტნიორის მიმართ და ეჭვის დონეზეც კი არ დაეშვა, რომ მისი მიზანი ხელისუფლებაში „ნაციონალური მოძრაობის“ დაბრუნება და უკრაინაში რუსული სამხედრო აგრესიის შედარებით უკეთ შესაკავებლად, საქართველოს მეორე ფრონტად ქცევაა. ვფიქრობდით, რომ ამგვარი ეჭვის გაღრმავების შემთხვევაში, დასავლური ინსტიტუტების მიმართ საზოგადოების მაღალ ნდობას, რომლის გამყარებაშიც საქართველოს მოქმედ ხელისუფლებას განსაკუთრებული წვლილი მიუძღვის, უმძიმესი ზიანი მიადგებოდა. ჩვენი უმთავრესი მიზანი სწორედ აშშ-ს მიმართ საზოგადოების ნდობის შერყევის თავიდან აცილება და დასავლური ინსტიტუტების რეპუტაციული ზიანის პრევენცია იყო. სწორედ ამიტომ მივიჩნიეთ თავი ვალდებულად, თქვენთვის დაგვესვა რამდენიმე შეკითხვა, რომელზეც, შეურაცხყოფის ნაცვლად, მკაფიო პასუხების მიღებას ველოდით.

კიდევ ერთხელ შეგახსენებთ აღნიშნული შეკითხვების შინაარსს: ჩვენ გვაინტერესებდა, ემიჯნებოდით თუ არა ქართველი რადიკალების, მათი უცხოელი ლობისტებისა და უკრაინის ხელისუფლების უმაღლესი რანგის წარმომადგენლების რიტორიკას, რომელიც საქართველოში მეორე ფრონტის გახსნისკენ იყო მიმართული (სათითაოდ აღარ გავიხსენებთ გიგაურის, ლომჯარიას, უსუფაშვილის, მარგველაშვილის, ჩერგოლეიშვილის, ჭიაბერაშვილის, მშვილდაძის, სანაიას, პოდოლიაკის, არესტოვიჩის, გონჩარენკოს, დანილოვის, არახამიას, კასიანოვის, ილვესის და სხვების პირდაპირ თუ ირიბ მოწოდებებსა და განცხადებებს, რომლებიც საქართველოში ომის იდეის მომწიფებას ისახავდა მიზნად; აღარ გავიხსენებთ არც სანქციების დაწესებასთან და მოხალისეების გაგზავნასთან დაკავშირებულ უმძიმეს პროვოკაციებს; აღარ გავიხსენებთ არც ზელენსკის მიერ ელჩის გაწვევას სანქციების არდაწესებისა და მოხალისეების არგაგზავნის გამო). ქალბატონო ელჩო, ჩვენს მიერ ჩამოთვლილ ფაქტებს თქვენ ტყუილი უწოდეთ, თუმცა, ჩვენს მიერ ნახსენები ყველა განცხადება საჯარო სივრცეში გაკეთდა და ისინი მედიამ ფართოდაც გააშუქა. შეკითხვაზე პასუხის არგაცემით, თქვენ დაგვიტოვეთ ერთადერთი დასკვნის გამოტანის საშუალება, რომ ომის რიტორიკას არათუ არ ემიჯნებით, არამედ მისი წახალისება თქვენი პრინციპული გადაწყვეტილებაა. ჩვენი ღია წერილის გამოქვეყნების შემდეგ ნინო ლომჯარიასთან თქვენი დემონსტრაციული შეხვედრაც ამის უტყუარი მტკიცებულებაა. ჩვენი ეს ლოგიკური დასკვნა თავად ლომჯარიამაც დაადასტურა, როდესაც თქვა, რომ თქვენი შეხვედრა მისთვის მხარდაჭერის ღიად დაფიქსირებას ისახავდა მიზნად. ლომჯარიასთან შეხვედრით ქართულ საზოგადოებას თქვენ ღიად უთხარით, რომ საქართველოს მიერ სანქციების არდაწესებასა და საქართველოში „ბომბების ცეცხლს“ შორის უპირატესობას თქვენც საქართველოში ბომბების ცეცხლს ანიჭებთ. ალბათ, ხვალ კიდევ ერთ თქვენს ფავორიტს, ეკა გიგაურსაც შეხვდებით, რომელმაც სათქმელი კიდევ უფრო ნათლად გამოხატა და განაცხადა, „რუსეთი ომს აგებს უკრაინაში, იქ არ ყოფნის რესურსი, ამიტომ ვერ დაიწყებს ყველა მიმართულებით საომარ მოქმედებებს და ყველაფერი უნდა გავაკეთოთ, რათა ეს შესაძლებლობის ფანჯარა გამოვიყენოთო“. აქვე გავიხსენებთ, რომ ორიოდე დღის წინ თქვენ ნიშანდობლივი განცხადება გააკეთეთ - „როგორც არასდროს, მნიშვნელოვანია, რომ ახლა საქართველო და უკრაინა იყოს ერთიანი რუსული აგრესიის წინააღმდეგო“. ომის რიტორიკის ღია მხარდაჭერის ფონზე, ეს ფრაზა საბოლოოდ ამყარებს ჩვენს რწმენას, რომ რადიკალების მიერ წარმოებული კამპანიის მხარდაჭერა არა თქვენი პოლიტიკური სუბიექტივიზმის, არამედ წინასწარ მოფიქრებული გეგმის გამოხატულებაა;

ჩვენი მორიგი შეკითხვა ბაკურიანის შეკრებას შეეხებოდა. გვაინტერესებდა, ემიჯნებოდით თუ არა ამ შეკრებას, სადაც რადიკალური ოპოზიციისა და მასთან დაკავშირებული ენჯეოებისა და მედიასაშუალებების წარმომადგენლებს ამერიკიდან ჩამოსული პიტერ აკერმანი რევოლუციის მოწყობაში ატრენინგებდა. ასევე გვაინტერესებდა, ემიჯნებოდით თუ არა ბაკურიანის შეკრების მონაწილეთა მიერ მოგვიანებით დაყენებულ მოთხოვნას ლეგიტიმურად არჩეული მთავრობის გადადგომისა და ე.წ. ტექნიკური მთავრობის ფორმირების შესახებ. ამ კითხვაზე პასუხის მოსმენა საზოგადოებისთვის განსაკუთრებით მნიშვნელოვანი იყო იმის გათვალისწინებით, რომ იმ ადამიანების უმრავლესობა, რომლებმაც სცენიდან აღნიშნული მოთხოვნა წამოაყენეს, ამერიკელი გადასახადის გადამხდელის ფულით ფინანსდება. თუმცა, ამ კითხვებზე თქვენი პასუხი არ მოგვისმენია, რასაც იმის დასტურად აღვიქვამთ, რომ, სამწუხაროდ, ბაკურიანის შეკრებასაც ქმედითად თანაუგრძნობდით და მთავრობის გადადგომისა და ე.წ. ტექნიკური მთავრობის შექმნის მოთხოვნასაც მხარს უჭერდით;
როგორც მოგეხსენებათ, ჯერ ნაციონალური მოძრაობის კუთვნილი ტელევიზიების, ხოლო, მოგვიანებით, მოსამართლეების მიერ გავრცელდა ინფორმაცია იმის შესახებ, რომ: ა) მოსამართლე ჩხიკვაძე დაიბარა თქვენი საელჩოს თანამშრომელმა; ბ) საელჩოს თანამშრომელმა მოსამართლე ჩხიკვაძეს თქვენი სახელით მოსთხოვა ანგარიში გვარამიას საქმის შესახებ; გ) შეხვედრის დასრულებისას, საელჩოს თანამშრომელმა მოსამართლე ჩხიკვაძეს აცნობა რამდენიმე დღეში დაგეგმილი ვიზიტიდან მისი მოხსნის შესახებ. ჩვენ დავინტერესდით, ადასტურებდით თუ არა ამ ფაქტს, რომელიც, ერთმნიშვნელოვნად, საქართველოს კონსტიტუციისა და ვენის კონვენციის უხეში დარღვევა და სასამართლოს დამოუკიდებლობის უხეში ხელყოფაა. სასურველი იყო, თქვენგან ამგვარი შესაძლო ფაქტის უარყოფითი შეფასებაც მოგვესმინა, რაც საზოგადოებას გაუმყარებდა რწმენას, რომ ამერიკის საელჩოს არცერთი თანამშრომელი სასამართლოს დამოუკიდებლობის ხელყოფასა და სისტემაში კლანური ელემენტების შეტანას მომავალში მაინც არ ეცდება და არ იკადრებს. თუმცა, თქვენ ეს ფაქტი არც უარყავით და არც შეაფასეთ, რამაც საბოლოოდ გაგვიმყარა რწმენა, რომ ჯერ „ნაციონალური მოძრაობის“, ხოლო შემდეგ მოსამართლეების მიერ გავრცელებული ინფორმაცია სიმართლეა და თქვენ სასამართლოს დამოუკიდებლობაში ესოდენ უხეში ჩარევა ნორმად გინდათ წარმოგვიჩინოთ;

დაბოლოს, ჩვენ ვერ მივიღეთ პასუხი შეკითხვაზე, გქონდათ თუ არა შეხვედრა ბიძინა ივანიშვილთან უკრაინაში ომის დაწყების შემდეგ. ამ შეკითხვაზე უარყოფითი პასუხი ბევრ პასუხგაუცემელ კითხვას მოჰფენდა ნათელს და მრავალ ეჭვს გაფანტავდა, მათ შორის გარკვეულწილად მაინც გააქარწყლებდა ეჭვს შვეიცარიული ბანკის ქმედებებსა და ომში საქართველოს ჩართვის ინტერესს შორის შესაძლო კავშირის შესახებ. თუმცა, თქვენს მიერ შეკითხვის უპასუხოდ დატოვება ამ ეჭვს, პირიქით, საბოლოოდ გვიმყარებს.
რომ შევაჯამოთ, თქვენი განცხადებებიდან და დუმილიდან შემდეგი მყარი დასკვნები შეგვიძლია გამოვიტანოთ:

თქვენ არათუ არ ემიჯნებით ომისკენ მიმართულ რიტორიკას, არამედ მხარს უჭერთ და თავად აღვივებთ მას;
თქვენ თანაუგრძნობთ ბაკურიანის რევოლუციურ შეკრებას და იზიარებთ მთავრობის გადადგომისა და ტექნიკური მთავრობის ფორმირების მოთხოვნას;

თქვენ ადასტურებთ სასამართლოს დამოუკიდებლობაში ჩარევას და მეტიც, იწონებთ მას;
თქვენ შეხვდით ბიძინა ივანიშვილს 24 თებერვლის შემდეგ და რა გზავნილიც გექნებოდათ მისთვის გადასაცემი, რთული გამოსაცნობი არაა.

რადგან გაქვთ იმის პრეტენზია, რომ ქართულ პოლიტიკაში და მართლმსაჯულებაში აქტიურად შეგიძლიათ ჩაერიოთ, ბუნებრივია, ქართული საზოგადოების წინაშე სათანადო ანგარიშვალდებულებასაც უნდა აცნობიერებდეთ. თუმცა, ჩვენს ლეგიტიმურ შეკითხვებზე პასუხის გაცემას თქვენ საქმეში სახელმწიფო დეპარტამენტის პრესსპიკერის ჩართვა არჩიეთ. როდესაც ქართველი ხალხის მიერ არჩეული პარლამენტარების ლეგიტიმურ კითხვებს გაურბიხართ, სიმართლის გაგებას გვიკრძალავთ და ჩვენი გაჩუმება გინდათ, ეს თქვენს დამოკიდებულებას სუვერენული სახელმწიფოს მიმართ ცხადად აჩვენებს. ნამდვილი პარტნიორები, რომლებიც პატივს სცემენ მეგობარ ხალხს, სახელმწიფოს, მის სუვერენიტეტს და ინსტიტუტებს, ასე არ იქცევიან. ამასთან, თავად ის ფაქტი, რომ სახელმწიფო დეპარტამენტის პრესსპიკერის დონეზე თქვენი დაცვა გადაწყდა, ჩვენ ერთ დამატებით ინფორმაციას გვაწვდის - ყველაფერი, რასაც თქვენ აკეთებთ, არა თქვენი პერსონალური გადაწყვეტილებები, არამედ საქართველოს მიმართ ამერიკის დღევანდელი სტრატეგიაა.

იგივე ეხება მეორე ფრონტის საკითხსაც. რა თქმა უნდა, სამხედრო კონფლიქტში საქართველოს ჩართვა უკრაინისთვის რუსეთის წინააღმდეგ სერიოზული შეღავათი იქნებოდა. ჩვენ ვხედავთ, რომ ყოველდღიურად ამარაგებთ უკრაინას იარაღით და შესაბამისად, უკრაინაში რუსეთის სამხედრო უპირატესობის განეიტრალება თქვენთვის პრინციპული ამოცანაა. გარდა ამისა, გვესმის, რომ მეორე ფრონტი დამატებით შეარყევდა რუსეთის იმიჯს, რაც ევროპულ ქვეყნებს უკრაინის ფრონტის დახმარების მოტივაციას შეუნარჩუნებდა. თუმცა, როდესაც ამგვარი მიზანი გამოძრავებს, უნდა გაბედო და ქართველ ხალხს ეს ღიად უნდა უთხრა. რაც მთავარია, ხალხს არჩევანის საშუალება უნდა მისცე და მის ზურგს უკან, კულისებში მისი ხელისუფლების დარწმუნებას თუ იძულებას არ უნდა ეცადო. იმასაც ვიტყვით, რომ გვაქვს საკმაოდ დეტალური ინფორმაცია იმის შესახებ, თუ რა საუბრები იმართებოდა კონკრეტულ კაბინეტებში, თუმცა, ამ საუბრების დეტალების გასაჯაროებისგან კვლავაც თავს შევიკავებთ.

აქვე ვთხოვთ ბიძინა ივანიშვილს, რადგან ამერიკის ელჩმა არ გაგვცა პასუხი შეკითხვაზე შეხვედრასთან დაკავშირებით, თავად უთხრას საზოგადოებას, გაიმართა თუ არა შეხვედრა მასსა და კელი დეგნანს შორის 24 თებერვლის შემდეგ და თუ გაიმართა, ვისი ინიციატივით და რა საკითხი იქნა მასზე განხილული.

ჩვენ ვინარჩუნებთ იმედს, რომ „ქართული ოცნება“ ბოლომდე დაიცავს პოზიციებს და არ ჩაერთვება ისეთ ომში, რომელსაც გლობალური მიზნებისთვის გარკვეული უპირატესობები შეიძლება ჰქონდეს, მაგრამ ჩვენს ქვეყანას სრულ განადგურებას უქადის. თუმცა, იმისათვის, რომ მოვლენების სხვაგვარი სცენარით განვითარების მინიმალური რისკიც არ დავუშვათ, ვფიქრობთ, რომ ჩვენი მაქსიმალური აქტიურობა და საზოგადოებისთვის სიმართლის თქმაა საჭირო, რაზეც მომავალშიც მაქსიმალურად ვიზრუნებთ“, - ნათქვამია განცხადებაში.

ყველა სიახლე

04 დეკემბერი 2022, 22:46

საზოგადოება

საავტომობილო გზების დეპარტამენტი: სანქცირებული კომპანიის მიერ საერთაშორისო ტენდერში გამარჯვება, სრული აბსურდია.

გვსურს გამოვეხმაუროთ ერთ-ერთი ტელეკომპანიის ეთერში გასულ ტყუილებითა და ცილისწამებით გაჯერებულ სიუჟეტს, რომელიც აგებულია ტყუილზე, დამახინჯებულ ფაქტებზე, უსაფუძვლო, უარგუმენტო და ხშირად ულოგიკო მსჯელობებზე. სრულად დაუსაბუთებელ მძიმე ბრალდებებს აქვს მხოლოდ საზოგადოებაში ნეგატიური დამოკიდებულების შექმნის და არა გადამოწმებული და სწორი ინფორმაციის გავრცელების მიზანი, - ამის შესახებ საქართველოს საავტომობილო გზების დეპარტამენტის განცხადებაშია აღნიშნული.

04 დეკემბერი 2022, 22:30

სპორტი

საფრანგეთმა პოლონეთი დაამარცხა და მსოფლიო ჩემპიონატის 1/4 ფინალში გავიდა⚽

ანგარიშზე ოლივიე ჟირუმ 44-ე წუთზე გახსნა და მატჩის პირველი ნახევარი საფრანგეთის გამარჯვებით დასრულდა, მეორე ტაიმში კი კილიან მბაპემ დუბლი შეასრულა. მსაჯის მიერ დამატებულ დროში მსაჯმა საფრანგეთის კარში პენალტი დანიშნა, რომელიც რობერტ ლევანდოვსკიმ მეორე ცდაზე ზუსტად შეასრულა.

გოგა ხაინდრავა

04 დეკემბერი 2022, 22:15

პოლიტიკა

გოგა ხაინდრავა: ნებისმიერი ხელისუფლების საძირკველი საზოგადოების ნდობაა, ამიტომ არის პათოლოგიური სიცრუე, ცილისწამება ყველა მხრიდან

„ერთადერთი ჩვენი ქვეყანა არის საქართველო, ამიტომ ბუნებრივია, მისი ფეხქვეშ ამოდება უნდა ყველას. ამას თავისი რეზიდენტურის მეშვეობით აკეთებენ და რა არის ამისთვის საჭირო? ამისთვის საჭიროა, რომ არსებულ ხელისუფლებას, რომელიც არ ნებდება სხვის ნებას იმ ხელისუფლებას საძირკველი დაუნგრიო. ნებისმიერი ხელისუფლების საძირკველი რა არის? - საზოგადოების ნდობა. ამიტომ არის ეს პათოლოგიური სიცრუე, ცილისწამება ყველა მხრიდან. მშვიდობას რომ ბრძოლას დაუწყებენ, წარმოგიდგენიათ, ამის იქით რაღა უნდა იყოს? მშვიდობას ებრძვიან. ამაში აძლევენ მაგას, გიგაურს, ლაკა ხოშტარიას, კაპანაძე იქნება თუ კიკო ვაშაძე იქნება თუ სხვა, რა მნიშვნელობა აქვს?! ფულს ამაში აძლევენ. სხვა რა დანიშნულება აქვთ, რა სიკეთე მოაქვთ ამ ქვეყნისთვის?! მაგათი გაკეთებული ერთი საქმე თუ გინახავთ?! ამ ქვეყნის მშენებლობაზე დადებული ერთი აგური?!“, - განაცხადა ხაინდრავამ.

გიორგი ცხვიტავა

04 დეკემბერი 2022, 21:51

საზოგადოება

გიორგი ცხვიტავა: სამწუხაროდ, უკვე 33 მებრძოლი დაკარგა საქართველომ. საქართველო იხდის ძალიან მაღალ ფასს თავისუფლებისთვის და მისი შვილები განაგრძობენ ბრძოლას თავისუფლებისთვის უკრაინაში

გია ცაგარეიშვილი

04 დეკემბერი 2022, 21:30

პოლიტიკა

გია ცაგარეიშვილი „ფრანკლინის კლუბზე“: ეწევიან საქმიანობას, რაც ახალგაზრდების ორგანიზებას გულისხმობს, ე.წ. დაკვალიანებას - ერთადერთი მიზნით, როგორმე შეიცვალოს ხელისუფლება ამ ქვეყანაში და რა თქმა უნდა, არა არჩევნების გზით

ეწევიან საქმიანობას, რაც ახალგაზრდების ორგანიზებას გულისხმობს, ე.წ. დაკვალიანებას, ერთადერთი მიზნით, როგორმე შეიცვალოს ხელისუფლება ამ ქვეყანაში და რა თქმა უნდა, არა არჩევნების გზით, რადგან არჩევნები კონსტრუქციული გზაა ხელისუფლების ცვლილების. ეს მათ მიზნებში არასდროს შედიოდა, - ამის შესახებ საპარლამენტო უმრავლესობის წევრმა გია ცაგარეიშვილმა „ფრანკლინის კლუბზე“ საუბრისას განუცხადა.

04 დეკემბერი 2022, 21:29

საზოგადოება

რა არის „ფრანკლინის კლუბი“ - „იმედის კვირის“ სიუჟეტი

„იმედის კვირა“ საქართველოს, იგივე „ალასანიას უნივერსიტეტის“ ბაზაზე დაფუძნებული „ფრანკლინის კლუბით“ დაინტერესდა, რომელიც კლასიკური ლიბერალიზმის და ლიბერტარიანიზმის გამავრცელებელი ასოციაციაა. კლუბი 2021 წელს დაფუძნდა და ყველა სოციალურ პლატფორმაზეა აქტიური.

ბიძინა გიორგობიანი

04 დეკემბერი 2022, 21:11

პოლიტიკა

ბიძინა გიორგობიანი სააკაშვილზე: „ნაციონალური მოძრაობის“ ლიდერმა ვერ შეასრულა ტერმინატორის ფუნქცია და გადამწვარი ტერმინატორის პოზაშია

„ამ პარტიის ლიდერმა ვერ შეასრულა ტერმინატორის ფუნქცია და გადამწვარი ტერმინატორის პოზაშია უკვე ფაქტობრივად. ეს გადამწვარი ტერმინატორი აღარაფერს ითხოვს, გარდა იმისა, რომ წავიდეს სადმე და თავს უშველოს. პარტიამ დაიწყო ჩამოშლა, რაც დასრულდება კიდევაც და ჩემი ვარაუდით რამდენიმე ჯგუფად დაიყოფა“, - მიიჩნევს გიორგობიანი.

დიმიტრი ხუნდაძე

04 დეკემბერი 2022, 20:50

პოლიტიკა

დიმიტრი ხუნდაძე: მიხეილ სააკაშვილი ხელს უწყობს იმას, რომ მისი მდგომარეობა დამძიმდეს და შემდეგ ეს სპეკულაციის საგანი გახდეს

„რა თქმა უნდა, ეს ყველაფერი ემსახურება პოლიტიკურ მიზნებს და სამწუხაროა, როცა მიხეილ სააკაშვილი თვითონ ხდება ამ პიარკამპანიის მონაწილეც და მსხვერპლიც. იმიტომ რომ სწორ დიაგნოზს, სწორ დანიშნულებას შემდეგ სჭირდება შესრულება და დაცვა. მიხეილ სააკაშვილი ხელს უწყობს იას, რომ მისი მდგომარეობა დამძიმდეს და შემდეგ ეს სპეკულაციის საგანი გახდეს. ეს აწყობს მასაც და მის პოლიტიკურ მეგობრებსაც“, - მიიჩნევს ხუნდაძე.

დეკანოზი ანდრია ჯაღმაიძე

04 დეკემბერი 2022, 20:46

საზოგადოება

დეკანოზი ანდრია: რაც ამ წლების განმავლობაში მოგვისმენია ნეგატივი, ყველაფერი 24 საათში მოგვასმენინეს. მთელი რესურსი იყო მობილიზებული, ვნახეთ ფროიდისეული წამოცდენები, რომ ეკლესია არის ყველაზე დიდი ბოროტება ქვეყანაში

ამდენი ნეგატივი იღვრებოდეს ეკლესიაზე და ეს არ ქმნიდეს პრობლემას, შეუძლებელია. სახალხო დამცველმა თქვა, რომ საშიშროებას შეიცავს მამა ანდრიას განცხადება და არც ერთხელ არ უთქვამს მას, რომ საშიშროებას შეიცავს სასულიერო პირების ცილისწამება, - ამის შესახებ დეკანოზმა ანდრია ჯაღმაიძემ „იმედის კვირას“ განუცხადა.

მამუკა მდინარაძე

04 დეკემბერი 2022, 20:41

პოლიტიკა

მამუკა მდინარაძე: პირველი რიგის ამოცანა და გეგმა იყო მიშას ჩამოყვანა და საქართველოს არევა

„მიშა დააკავეს, აღმოჩნდა ციხეში და იხდის სასჯელს. მიმდინარე გამოძიების ფარგლებშიც მიდის სასამართლო პროცესები. ამის შემდეგ რამდენი გეგმა გაგახსენდებათ, იმდენი კრახი იყო მათ ანგარიშზე - მთელი ეს აქციები, სხვადასხვა პიარ კამპანია. იმის შემდეგ სულ იყო მცდელობა ამ ქვეყნის ტურბულენტურ მდგომარეობაში მოხვედრისა“, - განაცხადა მდინარაძემ.

რატი ბრეგაძე

04 დეკემბერი 2022, 20:23

სამართალი

რატი ბრეგაძე: რა მორალზეა საუბარი, როდესაც მოშიმშილე ადამიანს მოუწოდებდნენ შიმშილობა არ შეეწყვიტა. პირიქით, ამბობდნენ, რომ შიმშილობის შეწყვეტა სააკაშვილისთის პოლიტიკური თვითმკვლელობის ტოლფასი იქნებოდა

„მოშიმშილეს ეუბნები - შიმშილობა გააგრძელე და არ გაბედო შეწყვეტა. ეს ხომ ყოველგვარ მორალურ და ეთიკურ პრინციპს ეწინააღმდეგება. რატომ? იმიტომ რომ სჭირდებოდათ მისი ჯანმრთელობის ცუდი მდგომარეობა, იმისთვის, რომ საკუთარი ვიწროპარტიული და მერკანტილური ამოცანები განეხორციელებინათ“, - აღნიშნა იუსტიციის მინისტრმა.

04 დეკემბერი 2022, 19:38

ტექნოლოგიები

Airbus-ი წყალბადის ძრავას მოდიფიცირებულ A380-ზე გამოცდის✈️

ეს პროგრამის Airbus ZEROe ნაწილია. ძრავას მოდიფიცირებული საჰაერო ხომალდს ფრთებსა და კუდს შორის დაამონტაჟებენ. ძრავა საწვავის ელემენტებს წყალბადის ელექტროენერგიად გარდასაქმნელად იყენებს, რომელიც თავის მხრივ პროპელერს აამუშავებს.

04 დეკემბერი 2022, 19:35

საზოგადოება

ეროვნული არქივი აღდგენილი ქართული კინოს რეტროსპექტივას მასპინძლობს

„მაყურებელი დღეს მიხეილ ჭიაურელის „ხაბარდას“ (1930) და ლეო ესაკიას „ამერიკანკას“ (1930) იხილავს. რეტროსპექტივა 2 დეკემბერს რეჟისორ ალექსანდრე წუწუნავას ფილმით „ვინ არის დამნაშავე?“ („უაილდ ვესტის მხედარი“) (1925 წელი) გაიხსნა. 4 კვირის განმავლობაში ნაჩვენები იქნება ქართული მხატვრული ფილმები, რომლებიც საქართველოს ეროვნული არქივისა და საქართველოს ეროვნული კინოცენტრის თანამშრომლობით ბოლო რამდენიმე წლის განმავლობაში მაღალი ხარისხით გაციფრულდა და რესტავრაცია ჩაუტარდა.

გოგა ხაინდრავა

04 დეკემბერი 2022, 19:07

პოლიტიკა

გოგა ხაინდრავა: ავღანეთში გმირულად რომ იღუპებოდნენ ჩვენი ბიჭები, მტერთან ბრძოლაში, სად იყო თქვენი ინსტინქტი, თქვენ, „ნაცო“ ფარისევლებო

„სამარცხვინოებმა“, როდესაც ქვეყნის შვილები გმირულად იღუპებიან მტერთან ბრძოლაში, გლოვის დღის გამოცხადება ინსტინქტი უნდა იყოსო. ავღანეთში რომ იღუპებოდნენ გმირულად ჩვენი ბიჭები, მტერთან ბრძოლაში, სად იყო თქვენი ინსტინქტი?! რატომ არ გლოვობდით ჩვენს ძმებს?! თქვენ, ნაცო ფარისევლებო!“, - წერს ხაინდრავა.

კათოლიკოს-პატრიარქი, ილია მეორე

04 დეკემბერი 2022, 18:55

საზოგადოება

პატრიარქი: იმედი მაქვს, ჩვენ შევძლებთ, დავძლიოთ სიმძიმეები, რაც ჩვენ წინაშე დგას

იმედი მაქვს, რომ ჩვენ შევძლებთ, დავძლიოთ სიმძიმეები, რაც ჩვენ წინაშე დგას, - ამის შესახებ სრულიად საქართველოს კათოლიკოს-პატრიარქმა, ილია მეორემ ღვთისმშობლის ტაძრად მიყვანების დღესასწაულზე ქადაგებისას განაცხადა. პატრიარქმა თბილისის სიონის ღვთისმშობლის მიძინების სახელობის ტაძარში შეკრებილ მრევლს ქადაგებით მიმართა და დღესასწაული მიულოცა. პატრიარქის თქმით, დღეს მშობლების მოვალეობაა, შვილები სარწმუნოებას, ეკლესიურ ცხოვრებას აზიარონ.

04 დეკემბერი 2022, 18:53

მსოფლიო

კუნძულ იავაზე ვულკანის ამოფრქვევა დაიწყო. ვიდეო

4 დეკემბერს, დილით ადრე ვულკანიდან ფერფლი ამოიფრქვა. მთავრობამ საფრთხის მაქსიმალური დონე გამოაცხადა და მოსახლეობის ევაკუაცია დაიწყო. ამოფრქვევის ამსახველი ვიდოები სოციალურ ქსელებში ვრცელდება.

პელე

04 დეკემბერი 2022, 18:16

სპორტი

პელე: იმედიანად ვარ. სიყვარულის თითოეული გზავნილი, რომელსაც მთელი მსოფლიოდან ვიღებ, ენერგიით მავსებს

„მეგობრებო, მინდა ყველანი დაგამშვიდოთ. ძლიერად ვარ, ძალიან იმედიანად და როგორც ყოველთვის, მივყვები მკურნალობას. მინდა მადლობა ვუთხრა მედპერსონალს მზრუნველობისთვის. ღმერთის მწამს და სიყვარულის თითოეული გზავნილი, რომელსაც მთელი მსოფლიოდან ვიღებ ენერგიით მავსებს. ისევე როგორც ბრაზილიის თამაშის ყურება მსოფლიო ჩემპიონატზე. დიდი მადლობა ყველაფრისთვის“, - აღნიშნულია განცხადებაში.

მაია ჩხაიძე

04 დეკემბერი 2022, 18:16

საზოგადოება

მაია ჩხაიძე: სიკვდილიანობა და მძიმე მიმდინარეობა გრიპსაც ახასიათებს. სეზონი მოდის და შემთხვევები მატულობს, ამიტომ მოვუწოდებთ ყველას - ჩავიტაროთ ვაქცინაცია

ზამთრის პერიოდში, დეკემბრის თვეში, ზოგადად, როგორც ყველა ქვეყანაში, ალბათ ჩვენთანაც მოიმატებს თვითონ გრიპის შემთხვევები. თუმცა, ჯერჯერობით პანიკის საფუძველი არ გვაქვს, რადგან გრიპის საწინააღმდეგო ვაქცინაცია ხელმისაწვდომია, - ამის შესახებ ციციშვილის ბავშვთა ახალი კლინიკის სამედიცინო დირექტორმა მაია ჩხაიძემ „ქრონიკას“ განუცხადა. მისივე თქმით, გრიპის ვაქცინა ყველასთვის ხელმისაწვდომია. „თუ ჩავიტარებთ ვაქცინაციას სწორედ გრიპის იმ შტამზე, რომელიც ახლაა გავრცელებული - H3N2, სწორედ ამის საწინააღმდეგო კომპონენტია, გრიპის საწინააღმდეგო ვაქცინაში. ამიტომ ყველას მოვუწოდებ 6 თვის ასაკიდან ყველა ასაკის ადამიანისთვის მიღებულია ვაქცინები. ჩავიტაროთ, 2-4 კვირა საკმარისია იმისთვის, რათა იმუნიტეტი ჩამოგვიყალიბდეს. კორონავირუსზე არანაკლებ მძიმე მიმდინარეობა ახასიათებს გრიპის ვირუსს და სწორედ ამიტომ გვახსენებენ ჰონკონგის ტიპის ვირუსს, რომელიც 1968 წელს იყო გავრცელებული და მაშინ პანდემიის სახე მიიღო. საკმაოდ მძიმედ მიმდინარეობს. სიკვდილიანობა და მძიმე მიმდინარეობა გრიპსაც ახასიათებს, სწორედ ამიტომ მოვუწოდებთ ყველას - იმისათვის, რომ გრიპი მძიმე ფორმით არ დაგვემართოს, სეზონი მოდის და შემთხვევები მატულობს, ჩავიტაროთ ვაქცინაცია“, - განაცხადა ჩხაიძემ.

04 დეკემბერი 2022, 17:39

სამართალი

მიხეილ სააკაშვილთან სახალხო დამცველის მიერ შექმნილი ექიმთა კონსილიუმი იმყოფებოდა

„რამდენიმე წუთიანი კომუნიკაცია მქონდა. უბრალოდ ვუთხარი, რომ მოსულები არიან ჩემი კონსილიუმის ექიმები და გასინჯავენ მას. ასევე მისგან მივიღეთ წერილობითი თანხმობა, მისი ჯანმრთელობის მდგომარეობის გასაჯაროების შესახებ. სასამართლოში წარდგენილია შუამდგომლობა მისი სასჯელის მოხდისგან დროებითი გათავისუფლების თუ გადავადების თაობაზე. სახალხო დამცველი განიხილავს ამ პროცესში ინტერვენციას“, - განაცხადა ლომჯარიამ.

თერაპევტი გიორგი ხურციძე

04 დეკემბერი 2022, 17:32

საზოგადოება

თერაპევტი გიორგი ხურციძე სააკაშვილზე: მკურნალობენ და ნამდვილად აკეთებენ ყველაფერს. მიუხედავად ამისა, ჩვენ შედეგი გვაქვს ის, რომ პაციენტის მდგომარეობა არ უმჯობესდება

მკურნალობენ და ნამდვილად აკეთებენ ყველაფერს. მიუხედავად ამისა, ჩვენ შედეგი გვაქვს ის, რომ პაციენტის მდგომარეობა არ უმჯობესდება, - განუცხადა ჟურნალისტებს მიხეილ სააკაშვილის მკურნალობასთან დაკავშირებით თერაპევტმა, გიორგი ხურციძემ.