27 ივლისი 2022, 09:49 / სანდო წყარო

ბიძინა ივანიშვილი: საზოგადოებას მინდა განვუმარტო, რომ კელი დეგნანთან შეხვედრა ელჩის თხოვნით 21 მარტს ნამდვილად შედგა და ის დაახლოებით სამ საათს გაგრძელდა

ბიძინა ივანიშვილი

ბიძინა ივანიშვილი

უპირველეს ყოვლისა, მინდა ჩემი ღრმა პატივისცემა კიდევ ერთხელ გამოვხატო ქართული საზოგადოების მიმართ, რომელმაც არაერთგზის დაამტკიცა, რომ ევროპული ფასეულობების ერთგულია. დამოუკიდებლობის აღდგენიდან 30 წლის თავზე, ქართველმა ხალხმა დღეს კიდევ ერთხელ აჩვენა, რომ ღირსება, თავისუფლება და დამოუკიდებლობა მისი უმთავრესი ღირებულებებია. ამასთან, ქართულმა საზოგადოებამ ყველას დაუმტკიცა, რომ ხანმოკლე დემოკრატიული გამოცდილების მიუხედავად, აქვს სიბრძნე, რომელიც ურთულეს გამოწვევებთან ღირსეულად გამკლავების შესაძლებლობას აძლევს, - ამის შესახებ განცხადებას ყოფილი პრემიერ-მინისტრი, პარტია „ქართული ოცნების“ დამფუძნებელი ბიძინა ივანიშვილი ავრცელებს.

„უკვე წელიწადნახევარი გავიდა მას შემდეგ, რაც საზოგადოებას პოლიტიკიდან ჩემი გასვლის გადაწყვეტილების შესახებ ვაცნობე და მას შემდეგ, ჩემივე გადაწყვეტილებას სრულად ვიცავდი და ვიცავ. მთელი ამ პერიოდის მანძილზე, ერთადერთი საჯარო განცხადება გამოვაქვეყნე და ისიც მხოლოდ იმისათვის, რომ ჩემი სახელით სპეკულირების საშუალება არავისთვის მიმეცა. არ მინდოდა, პოლიტიკურ პროცესებზე არათუ მე, თუნდაც, ჩემს ფაქტორს რაიმე გავლენა ჰქონოდა და საჯარო სივრციდან ჩემი სრული დისტანცირების მიზეზი სწორედ ეს იყო და არის.

ამავდროულად, როგორც ამ ქვეყნის შვილი და მისი ერთ-ერთი გულშემატკივარი, ბუნებრივია, საქართველოში მიმდინარე მოვლენებს მთელი ყურადღებით ვადევნებ თვალყურს. რეგიონში არსებული ურთულესი პოლიტიკური ვითარების ფონზე, საქართველოს და მის მმართველ გუნდს გასული თვეების განმავლობაში ძალზე მტკივნეული პროცესების გავლა უწევდა და უწევს. საქართველოსთვის და მისი ხელისუფლებისთვის ვითარებას განსაკუთრებით ართულებს ის გარემოება, რომ გარკვეული ძალები საქართველოს ომში ჩათრევას აქტიურად ცდილობდნენ და მათი ეს სურვილი და მიზანი, სამწუხაროდ, დღესაც აქტუალურია.

უდიდესი სირთულეების მიუხედავად, მმართველმა გუნდმა სწორად იმუშავა, სწორი და პრინციპული პოზიცია დაიკავა და მთავარი სირთულე, ომის საფრთხის პირველი ეტაპი უკვე გადალახა. ამ ძალისხმევის წყალობით, საქართველოს ომში ჩათრევის უშუალო საფრთხე დღეს მაქსიმალურად არის განეიტრალებული. თუმცა, აქვე აღვნიშნავ, რომ უკრაინაში ომის დასრულებამდე, გარკვეული რისკები ჯერ კიდევ რჩება და როგორც ხელისუფლებას, ისე საზოგადოებას მაქსიმალური სიფრთხილე მართებს, რათა საქართველომ საბედისწერო ომი საბოლოოდ აიცილოს თავიდან.

ამასთან, დღეს, როდესაც ომის უშუალო საფრთხე უკვე მაქსიმალურად არის განეიტრალებული, მიმაჩნია, რომ მმართველ გუნდს აქვს შესაძლებლობა, თავისი ყურადღება მეტწილად კიდევ ერთ უმნიშვნელოვანეს პრიორიტეტზე გადაიტანოს და იზრუნოს, რომ საქართველოს ურთიერთობები სტრატეგიულ პარტნიორთან, ამერიკის შეერთებულ შტატებთან და ევროკავშირთან არ დაზიანდეს.

რაც შეეხება ჩემს პირად პრობლემას, რომელიც შვეიცარიულ ბანკთან ურთიერთობაში წარმოიშვა და დღესაც აქტუალურია, მიმაჩნია, რომ საქართველოში მიმდინარე პროცესებთან მას პირდაპირი კავშირი აქვს. თუმცა, გამომდინარე იქიდან, რომ საქართველომ რთულ სიტუაციას, პრაქტიკულად, თავი უკვე გაართვა და ომის უშუალო საფრთხე გადაიარა, მირჩევნია, ჩემი და შვეიცარიული ბანკის ურთიერთობა ჩემ პირად პრობლემად დავტოვო და ეს პრობლემა საზოგადოებას ზედმეტად თავს არ მოვახვიო. აქ იმასაც არა აქვს მნიშვნელობა, თუ რაზე ვგეგმავდი შვეიცარიული ბანკის მიერ გაჩერებული თანხების დახარჯვას - კერძო მიზნებისთვის თუ საზოგადოებრივი საჭიროებისთვის. მირჩევნია, ბანკის მიერ შექმნილი პრობლემა საზოგადოებამ ყველა შემთხვევაში ჩემ პირად პრობლემად განიხილოს. შედარებით დეტალურ განმარტებებს ამ საქმეზე ჩემი ადვოკატი აკეთებდა და მომავალშიც გააკეთებს.

ჩემთვის მთავარია, საქართველომ შეძლოს ურთულესი ვითარებიდან საბოლოოდ სათანადოდ გამოსვლა და მშვიდობის შენარჩუნება, ჩემ პირად საკითხზე კი, მე თავად ვიზრუნებ და ამ პრობლემით საზოგადოების ზედმეტად დატვირთვას არ შევეცდები.

დასასრულს, რადგან საჯაროდ დაისვა შეკითხვა უკრაინაში ომის დაწყების შემდეგ ჩემსა და ამერიკის ელჩს შორის შეხვედრის გამართვის შესახებ, საზოგადოებას მინდა განვუმარტო, რომ ამგვარი შეხვედრა ელჩის თხოვნით 21 მარტს ნამდვილად შედგა და ის დაახლოებით სამ საათს გაგრძელდა“, - აცხადებს ბიძინა ივანიშვილი.

ყველა სიახლე

ლაშა დარსალია

05 ოქტომბერი 2022, 18:50

პოლიტიკა

ლაშა დარსალია ჟენევის მოლაპარაკებებზე: პროცესი საკმაოდ რთული იყო

„მინდა ასევე ხაზი გავუსვა, რომ მოლაპარაკეთა პროცესი საკმაოდ რთული იყო. გვქონდა გარკვეული წყვეტა რაუნდებს შორის და გართულებულია უსაფრთხოების გარემო ჩვენს გარშემო, რაც თავისთავად აისახება ოკუპირებულ ტერიტორიებზეც. თანათავმჯდომარეების მხრიდანაც განსაზღვრული იყო, რომ რაუნდი კონცენტრირებული ყოფილიყო მთლიანად 6 პუნქტიანი შეთანხმების შესრულებაზე. ჩვენ ყოველთვის ამ საკითხს ვაყენებთ დღის წესრიგში. განვიხილეთ პუნქტების მიხედვით თუ სად ვართ. ყველა საკითხი დავაყენეთ , რაც დაკავშირებულია ქართულ- რუსულ კონფლიქტთან. ეს ეხება პირველ რიგში დევნილთა დაბრუნებას, უსაფრთხოების საერთაშორისო მექანიზმებს. სამწუხაროდ, ჩვენ არ გვქონია რაიმე სახით პოზიტიური გამოხმაურება რუსული მხრიდან, თუმცა პროცესი გრძელდება“, - განაცხადა დარსალიამ.

მილოშ ზემანი

05 ოქტომბერი 2022, 18:47

მსოფლიო

ჩეხეთის პრეზიდენტი: ევროპულმა სახელმწიფოებმა რუსეთი უნდა გააფრთხილონ, რომ თუ უკრაინაში ბირთვულ იარაღს გამოიყენებს, ამას არა მხოლოდ დიპლომატიური, არამედ სამხედრო რეაქციაც მოჰყვება

ჩეხეთის პრეზიდენტმა, მილოშ ზემანმა განაცხადა, რომ ევროპულმა სახელმწიფოებმა რუსეთი უნდა გააფრთხილონ, რომ თუ უკრაინაში ბირთვულ იარაღს გამოიყენებს, ამას არა მხოლოდ დიპლომატიური, არამედ სამხედრო რეაქციაც მოჰყვება.

გივი მიქანაძე

05 ოქტომბერი 2022, 18:41

პოლიტიკა

პარლამენტმა „საარჩევნო კოდექსსა“ და „მოქალაქეთა პოლიტიკური გაერთიანებების შესახებ“ კანონში ცვლილებები პირველი მოსმენით მიიღო

პლენარულ სხდომაზე ევროკომისიის 12-პუნქტიანი რეკომენდაციების შესრულების გეგმის ფარგლებში, „საარჩევნო კოდექსსა“ და „მოქალაქეთა პოლიტიკური გაერთიანებების შესახებ“ კანონში დაგეგმილი ცვლილებების პროექტი პირველი მოსმენით განიხილეს და მხარი 83 ხმით, ერთხმად დაუჭირეს.

ტოივო კლაარი

05 ოქტომბერი 2022, 18:34

პოლიტიკა

ტოივო კლაარი: გეოპოლიტიკური ვითარება მძიმეა, მაგრამ ამ რთულ კონტექსტში მნიშვნელოვანია ჟენევის დისკუსიის გაგრძელება

„ბევრ ადამიანს ვხვდები, მაგალითად გალში და მათთვის ჟენევის მოლაპარაკება უსაფრთხოების განცდას ქმნის, რომ არ იქნება შეიარაღებული კონფლიქტი. ეს მომენტი თანათავმჯდომარეებისთვის დამატებითი არგუმენტი იყო გაგვეკეთებინა ყველაფერი ამ რაუნდის დასანიშნად. პროგრესია რომ შეხვედრა შედგა და ღიად გვქონდა აზრთა გაცვლის შესაძლებლობა. ეს სასარგებლო იყო“, - აღნიშნა კლაარმა.

ვლადიმირ პუტინი

05 ოქტომბერი 2022, 18:29

მსოფლიო

პუტინმა ხელი მოაწერა ე.წ. საკონსტიტუციო კანონს რუსეთის შემადგენლობაში უკრაინის ნაწილობრივ ოკუპირებული ოთხი რეგიონის „შესვლის“ შესახებ

რუსეთის პრეზიდენტმა, ვლადიმირ პუტინმა ხელი მოაწერა ე.წ. საკონსტიტუციო კანონს რუსეთის შემადგენლობაში უკრაინის ნაწილობრივ ოკუპირებული ოთხი რეგიონის „შესვლის“ შესახებ.

ვალერიან გობრონიძე

05 ოქტომბერი 2022, 18:29

საზოგადოება

ვალერიან გობრონიძე: 2023 წლის იანვრიდან დაახლოებით 43 500 პედაგოგის ხელფასი 125 ლარით გაიზრდება

2023 წლის იანვრიდან დაახლოებით 43 500 პედაგოგის ხელფასი 125 ლარით გაიზრდება,- ამის შესახებ განათლებისა და მეცნიერების მინისტრის მოადგილემ ვალერიან გობრონიძემ „ქრონიკის“ ეთერში განაცხადა. მისივე თქმით, ხელფასები სკოლაში მომუშავე სხვა პერსონალსაც გაეზრდება.

05 ოქტომბერი 2022, 18:27

საზოგადოება

ლაშა ხუციშვილი სომხეთის რესპუბლიკის ახალ, საგანგებო და სრულუფლებიან ელჩს საქართველოში, აშოტ სმბატიანს შეხვდა

ფინანსთა მინისტრი ლაშა ხუციშვილი სომხეთის რესპუბლიკის ახალ, საგანგებო და სრულუფლებიან ელჩს საქართველოში, აშოტ სმბატიანს შეხვდა. შეხვედრას დაესწრო ფინანსთა მინისტრის მოადგილე ეკატერინე გუნცაძე, - ამის შესახებ ინფორმაციას ფინანსთა სამინისტრო ავრცელებს. მათივე ინფორმაციით, გაცნობითი ხასიათის შეხვედრაზე მხარეებმა მიმოიხილეს ორ ქვეყანას შორის, სავაჭრო-ეკონომიკური ურთიერთობების საკითხები, ხაზი გაესვა საგადასახადო და საბაჟო სფეროში თანამშრომლობის პოტენციალს.

მარიამ ქვრივიშვილი

05 ოქტომბერი 2022, 18:23

ეკონომიკა

მარიამ ქვრივიშვილი: ეკონომიკის სამინისტრო განაგრძობს შიდა ფრენების სუბსიდირებას, რათა ხელმისაწვდომი იყოს ამ რეისებით სარგებლობა

ეკონომიკის სამინისტრო განაგრძობს შიდა ფრენების სუბსიდირებას, რათა ხელმისაწვდომი იყოს ამ რეისებით სარგებლობა, - ამის შესახებ „ქრონიკის“ ეთერში ეკონომიკის მინისტრის მოადგილემ, მარიამ ქვრივიშვილმა განაცხადა.

მამუკა მდინარაძე

05 ოქტომბერი 2022, 18:17

პოლიტიკა

მამუკა მდინარაძე: კითხვები ყოველთვის შეიძლება არსებობდეს მეგობრებს და პარტნიორებს შორის, მათზე კი ყოველთვის არის პასუხები, ჩვენ ამ პასუხებში ვართ მართლები

კითხვები ყოველთვის შეიძლება არსებობდეს როგორც მეგობრებს, ასევე პარტნიორებს შორის, მათზე ყოველთვის არის პასუხები, ჩვენ ამ პასუხებში ვართ მართლები, - ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ ჟურნალისტებთან განაცხადა, რითაც უპასუხა კითხვას - თუ ელოდებიან მმართველ გუნდში, რომ აშშ-ს სახელმწიფო დეპარტამენტის მდივნის მოადგილე ანტიდასავლურ რიტორიკასთან დაკავშირებით კითხვებს დასვამს.

05 ოქტომბერი 2022, 18:15

საზოგადოება

დასაქმების ხელშეწყობის სახელმწიფო სააგენტოს ორგანიზებითა და რესტორატორთა ასოციაციის მხარდაჭერით თბილისში დასაქმების ფესტივალი გაიმართა

დასაქმების ხელშეწყობის სახელმწიფო სააგენტოს ორგანიზებითა და რესტორატორთა ასოციაციის მხარდაჭერით თბილისში დასაქმების ფესტივალი გაიმართა

მამუკა მდინარაძე

05 ოქტომბერი 2022, 18:14

პოლიტიკა

მამუკა მდინარაძე კელი დეგნანზე: შემიძლია პატივისცემა დავუდასტურო, მაგრამ არ დავეთანხმო მის განცხადებას კატეგორიულად

„მე მაინც მიმაჩნია მთავრობის გადადგომის მოთხოვნა, აქციების დაორგანიზება და ამგვარ პოლიტიკურ აქტივობებში მონაწილეობა უფლებადამცველის საქმე არ არის. თუ მე მართალი ვარ ამ შემთხვევაში, ასევე მართალი ვარ თუ ამ განცხადებას არ დავეთანხმები. მე შემიძლია პატივისცემა დავუდასტურო [კელი დეგნანს], მაგრამ ამის მიუხედავად, კატეგორიულად არ დავეთანხმო მის განცხადებას. ამის უფლება მაქვს. ნუ გაქვთ ის წარმოდგენა, რომ არსებობენ ადამიანები, თუნდაც, მეგობარი ქვეყნის წარმომადგენლები, რომელთაც დავუშვათ, დიდი წვლილი ჰქონდეს შეტანილი ქვეყნის განვითარებაში და რომლებთანაც შედავება და შეკამათება არ შეიძლება, ეს ფსიქოლოგია არ არის არც საზოგადოების დაკვეთა და არც ეროვნული ინტერესებიდან გამომდინარეობს“,- განაცხადა მდინარაძემ.

ურსულა ფონ დერ ლაიენი

05 ოქტომბერი 2022, 18:14

მსოფლიო

ევროკომისიის პრეზიდენტი: ევროკავშირის ქვეყნებმა რუსეთის წინააღმდეგ სანქციების მერვე პაკეტზე შეთანხმებას მიაღწიეს

ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირის ქვეყნებმა რუსეთის წინააღმდეგ სანქციების მერვე პაკეტზე შეთანხმებას მიაღწიეს.

მარიამ ქვრივიშვილი

05 ოქტომბერი 2022, 18:12

ეკონომიკა

მარიამ ქვრივიშვილი: მოლაპარაკებები მიმდინარეობს არაერთ ავიაკომპანიასთან და ვფიქრობთ, რომ მალე გვექნება პოზიტიური სიახლეები

ვაგრძელებთ მუშაობას, რათა ქვეყანაში შემოვიდეს მეტი საერთაშორისო ძლიერი ავიაკომპანია და გვქონდეს მეტი პირდაპირი ავიამიმოსვლა ჩვენთვის მნიშვნელოვან და სტრატეგიულ სამიზნე ქვეყნებთან. მოლაპარაკებები მიმდინარეობს არაერთ ავიაკომპანიასთან. ჩვენ ვფიქრობთ, რომ მალე გვექნება პოზიტიური სიახლეები. დღეს აჯობებს, არ გავასწროთ მოვლენებს, - ამის შესახებ „ქრონიკის“ ეთერში ეკონომიკის მინისტრის მოადგილემ, მარიამ ქვრივიშვილმა განაცხადა.

ვალერიან გობრონიძე

05 ოქტომბერი 2022, 18:10

საზოგადოება

ვალერიან გობრონიძე: ვიწყებთ 1 მილიარდი ლარის ღირებულების მასშტაბურ პროექტს, რომელიც გულისხმობს საქართველოში 800 სკოლის მშენებლობა-რეაბილიტაციას

პრემიერის მიერ ინიცირებულია 1 მილიარდი ლარის ღირებულების მასშტაბური პროექტი, რომელიც გულისხმობს საქართველოში 800 სკოლის მშენებლობა-რეაბილიტაციის პროცესს, - ამის შეახებ საქართველოს განათლებისა და მეცნიერების მინისტრის მოადგილემ, ვალერიან გობრონიძემ „ქრონიკაში“ ისაუბრა.

ვალერიან გობრონიძე

05 ოქტომბერი 2022, 18:07

საზოგადოება

ვალერიან გობრონიძე: განათლება და მეცნიერება პრიორიტეტულია ჩვენი ქვეყნისთვის - 2012 წლიდან დღემდე, განათლებისა და მეცნიერების სამინისტროს ბიუჯეტი 600 მილიონი ლარიდან 2 მილიარდამდე გაიზარდა

განათლება და მეცნიერება პრიორიტეტულია ჩვენი ქვეყნისთვის. 2012 წლიდან განათლებისა და მეცნიერების სამინისტროს ბიუჯეტი 600 მილიონი ლარიდან 2 მილიარდ ლარამდე გაიზარდა. რაც შეეხება 2023 წელს, თითქმის 300 მილიონით არის გაზრდილი ბიუჯეტი და ეს თანხები პროპორციულად იქნება გადანაწილებული სხვადასხვა აქტივობებზე, განათლების ყველა საფეხურზე, მათ შორის სკოლამდელ საფეხურზე, - ამის შესახებ განათლებისა და მეცნიერების მინისტრის მოადგილემ, ვალერიან გობრონიძემ „ქრონიკასთან“ განაცხადა.

ბექა დავითულიანი

05 ოქტომბერი 2022, 18:04

პოლიტიკა

ბექა დავითულიანი: ჩვენ გვგონია, რომ ეს საკითხები კულუარებში უნდა წყდებოდეს და იქვე უნდა მთავრდებოდეს, „ხალხის ძალის წარმომადგენლებს ასე არ ჰგონიათ - ამერიკა არის საქართველოს მთავარი სტრატეგიული პარტნიორი

ქალბატონ ელჩს რომ ყოველგვარი დაბნეულობა გავუფანტოთ, კიდევ ერთხელ მარტივად ავხსნი. „ქართული ოცნება“ არ მიიჩნევს საჭიროდ გარკვეულ კულუარულ საკითხებზე საჯარო მსჯელობას, მითუმეტეს საჯაროდ გამოტანას და კამათს ისეთ საკითხებზე, რომელიც ეხება ჩვენ სტრატეგიულ ურთიერთობებს, - ამის შესახებ საპარლამენტო უმრავლესობის წევრმა ბექა დავითულიანმა „ქრონიკაში“ განაცხადა.

ბექა დავითულიანი

05 ოქტომბერი 2022, 17:59

პოლიტიკა

ბექა დავითულიანი: პირადად ჩემი აზრით, დეოლიგარქიზაციის შესახებ კანონი საერთოდ არ არის აქტუალური საქართველოსთვის

„ჩემი აზრით, ეს კანონი თავის დროზე რეკომენდაციად უკრაინის პრობლემატიკიდან გამომდინარე იყო ჩაწერილი, მაგრამ რახან ჩვენზეც გავრცელდა ეს რეკომენდაცია, კი ბატონო, თანახმა ვართ და ვიღებთ [კანონს]. ერთადერთი პრეცედენტი დედამიწაზე, სადაც ასეთი კანონი არსებობს, უკრაინაა. ეს კანონი რომ მოსწონდათ ჩვენს ევროპელ პარტნიორებს იმიტომ შემოგვთავაზეს სხვა ქვეყნებსაც, რომ გაგვეზიარებინა. ამიტომ ვიღებთ უკრაინის კანონს. ვენეციის კომისიის დასკვნა ჯერჯერობით არ მიუღია, მაგრამ ბაზად, საფუძვლად მას ვიღებთ, რადგან სხვა არ არსებობს და ამ ბაზაზე დაფუძნებით ვმუშაობთ“, - განაცხადა დავითულიანმა.

05 ოქტომბერი 2022, 17:57

სამართალი

სამსახურებრივი მდგომარეობის გამოყენებით, დიდი ოდენობით თანხების მითვისებისა და კრედიტის უკანონოდ მიღების ბრალდებით, თსუ-ს ბუღალტერი და მასთან კავშირში მყოფი პირი დააკავეს

საქართველოს პროკურატურამ, სამსახურებრივი მდგომარეობის გამოყენებით, დიდი ოდენობით თანხების მითვისებისა და კრედიტის უკანონოდ მიღების ფაქტზე, „ივანე ჯავახიშვილის სახელობის თბილისის სახელმწიფო უნივერსიტეტის“ ბუღალტერი და მასთან დანაშაულებრივ კავშირში მყოფი პირი დააკავა.

მამუკა მდინარაძე

05 ოქტომბერი 2022, 17:53

პოლიტიკა

მამუკა მდინარაძე: მოვუწოდებთ კელი დეგნანს, მკაფიო იყოს მისი განცხადება დეოლიგარქიზაციაზე, რადგან ბევრს დარჩება შთაბეჭდილება, რომ ოპოზიციის მესიჯბოქსი ელჩის პათოსს ემთხვევა

ფრაქცია „ქართული ოცნების“ თავმჯდომარის მამუკა მდინარაძის შეფასებით, მკაფიო უნდა იყოს საქართველოში აშშ-ის ელჩის კელი დეგნანის განცხადებები, მაგალითად, დეოლიგარქიზაციის საკითხთან დაკავშირებით.

ვიქტორ ყიფიანი

05 ოქტომბერი 2022, 17:33

სამართალი

ვიქტორ ყიფიანი: სინგაპურში მოსმენებმა ჩაიარა მეტად წარმატებულად. ეს წარმატება განაპირობა არა მხოლოდ იურიდიული გუნდის მუშაობამ, არამედ მთავარი მოწმის - ბატონი ივანიშვილის ძალიან დამაჯერებელმა გამოსვლამ

„ასევე ამ განცხადებაში მივაქციეთ საზოგადოების ყურადღება რამდენიმე უცნაურ გარემოებას. განცხადებაში საუბარი არის, რომ თვითონ „კრედიტ სუისის“ წარმომადგენლებმა ძალიან მაღალ დონეზე აღიარეს მათი სიტუაციის აბსურდულობა და გარკვეულწილად გამოუვალი ვითარებაც კი, რომელშიც ბანკი მოექცა. არაფორმალურ საუბრებში იყო გარკვეული შეთავაზება, რომ ეს საკითხი სასამართლოს მიღმა მოგვარებულიყო, თუნდაც მოლაპარაკების გზით. მაგრამ, ჩვენდა გასაკვირად, ეს სურვილი განელდა და ახლა რაიმე აქტიური კომუნიკაცია ამ მხრივ არ წარმოებს. ისევე როგორც საუბარი გვქონდა იმაზე, რომ სწორედ სინგაპურის პროცესს წარმატებული მსვლელობა არის იმის შედეგი, რომ გარკვეული თანხები, რომელიც ბლოკირებული იყო ბატონი ივანიშვილის ანგარიშზე, მოძრაობაში მოვიდა. აღვნიშნეთ ისიც, რომ ეს თანხები განეკუთვნება სინგაპურის იურისდიქციაში დაფუძნებულ ტრასტს და, შესაბამისად, გაცილებით უფრო მნიშვნელოვანი თანხები, რომლებიც სინგაპურის მიღმა იმყოფება, ჯერჯერობით ბლოკირებული და ბატონი ივანიშვილს ამ თანხებზე წვდომა არ აქვს. საერთაშორისო მედია დაწვრილებით აშუქებდა და დღესაც აშუქებს ამ საკითხს. საკითხი არის რეზონანსული არა მარტო საბანკო დატვირთვით, არამედ სამართლებრივი დატვირთვით“, - აცხადებს ყიფიანი.